كان ريلج خاطبها

[Um Tuki]

نفس حالتي ريلي قبل ماياخذني كان يحب بنت جيرانهم من يوم كانو صغار
و الكل يعرف الفريج و الاهل كلهم يدرون
حتى لما تقدم لي امي ساألت عنهم قالوا لها يحب وحدة بالفريج قبل و عشقهم اكثر من روميو و جولييت بس تزوجت عنه

خوات زوجي ثنتين وحدة كانت اتييبها بيت زوجها و تقعدها عناد فيني تبي تقهرني
و الثانية تقولي سوالف ريلي مع هذييج
حتى الاماكن اللي يتواعدون فيها


و لين اليوم مو قادرةاسامحه او اسامح نفسي

 

[بنت أبوي 1]

لا حول ولا قوة إلا بالله عليه العظيم

البنت اللي قالتها قالها يحبه يمكن لا يحبها ولا شيئ مجرد إعجاب عابر وخلاص
ولو ما يحبها خالتك ما تزوجها بيختار غيرها
ويش ينس ما ينس لو يحب ما يتزوج ابد يحب ويتزوج ويش ذا
لا يحبها ولا شيئ
وخالتك الاصل لوما يحبها ما ختارها

 

[اميره1980]

اللي تقول جذي ما عندها ذوق ابدا و قليلة ادب و اكيد متعمدة علشان تحرها

 

[جذابه بنت ذيابه]

الحقران يقطع المصران ..


و بخصوص خالتج اذا بقلبها شي خل تقول لزوجها .. و نصيحه لا تلتفت لكلام الناس بتتعب

 

[سمر20]

انا متزوجه واحد مطلق 7 شهور عشتها اول زواجي نكد وبكاء مستمر بسبب اهله امه واخواته وعماته وبنات عمه اول مايشوفوني قسم بالله العظيم كان مافي سواليف بالدنيا غير طليقة زوجي شلون كان يحبها يدلعها ووووووو ولدرجه بنت عمه الحقيره تقولي يدلعها اكثر منك بوااااااااااااااااااااااااااايد وانا اسوي نفسي ثلج بس اروح البيت صياح ونواح ليمن وصلت للحل الانسب قاطعتهم خير شر وغيرت رقم تلفوني عنهم وزوجي غير رقمه من ورا مشاكلهم مقهورين يحاولو يدمروا حياته الجديده وش عليهم يقطون الكلمه ويروحون بيوتهم ينامون وانتي اللي تتعذبي منهم لله

 

[Reelax]

سمر الله يعينج عليهم وصج ياربي مدري شيستفيدوووون
حسبي الله ونعم الوكيل

 

[بكيزة هانم]

هالسالفة تصير دايم ..وتحر من قلب

 

[صمت المرافئ]

من راقب الناس مات هما ...
يقولون اللي يقولونه ...
بابتسامة أواجههم ...
و.... حقران يقطع المصران ...
وبالطقاق فيهم وفي كلامهم ما هموني
أعيش حياتي ... خصوصا إذا مرتاحه مع ريلي
أي وحدة يكون رد فعلها بجي ومشاكل مع ريلها
راح تهدم حياتها وسعادتها بايدها

​

 

[خوخة سمسم]

ايه والله لناس ماتخلي حد فحاله..

زوجة عمي خبرت زوجة عمي الثاني عن وحدة كان يحبها قبل لا يتزوجها

وعلى مايبدو زوجة عمي الثاني عقلها صغير

صارت مشاكل وصلتهم للطلاق

والسبب هذيج اللي علمتها سالفة الحب الاولي

 

[انثى عاشقة]

الحل انها ترد عليهم رد يخليهم ينطمون
او تطنشهم
انا لو مكانها ابرد جبدي برد يسكتهم
عشان ما اقعد مقهورة
ويعيدون علي السالفة كل شوي ​

 

[al-musk]

كل انسان بالدنيا فينا ممكن يمر بتجارب مختلفه وتجربة من هالنوع .. والزمن كفيل بحل هالشي وينسي...
خالتج مفروض ردها يكون دبلوماسي ان هي حبيبته الوحيدة الحين وتوحيلهم ان ميت عليها وفعلا هو بيعيش معاها هي وبيتعود عليها وربج بيخلي بينهم مودة

 

[Miss Eteket]

نآس فآضيه تدوور آلسسوآلف ولآ ترآعي شعوور غيرهآ .

 

[Reelax]

بسسس بنات صج الرجال ما ينسى اووول حب له

 

[هنا22]

انا زوجي خطب وحده قبلي ورفضوه بعد زواجي انعزمت على حفله البنت اعتقد عقد المهم كان وحده قالت قدامي هذي لو ماخذه اسم زوجي كان ماسولها بهالشكل عرس وضلت تقارن بين عرسي وعرس البنيه رديت على ماذكر الي يقارن يقارن بعرسه مو بعرسي المهم تعرفت على البنيه الي كان خاطبه زوجي طلعت طيوبه ماهمني الكلام طولت عليج ههههههههههههه

 

[نـعـومـه]

امبيه حدها حقيره اللي قالت جذي تسببت على وحده ودليل سنتين خالتج متعذبه ولا تقولها بكل وقاحه ان خذاج عشان ينساها!!!

خالتج لو مفشلتها احسن حسافه ماعرفت ترد عليها

 

[نـعـومـه]

بسسس بنات صج الرجال ما ينسى اووول حب له

ينسووووووووون بصراحه الحياه تلاهي يتزوج يعيش مع مرا ثانيه اييب عيال يناسب ناس يدد ينسي خلاص

يمكن قلييييييل اللي ماينسى

 

[روج وردي]

انا عمتي قالت لمرت ولدها ان بنت اخوي كنا نبيها لولدي

انا حدي حدي انحرجت ماكنت ابيها تعرف عشان ماتغار مني او تكرهني

بس احنا ماصار بينا شي رسمي عمتي بس كانت تبيني وهو يعتبرني اخته وانا نفس الشي مابي من الاقارب


المصيبه ان عمتي الله يهديها للحين وبعد تقريبا سنه ونص
تقارن بيني وبين مرت ولدها
لان مب عمتي اللي اختارتها
وانا تضايقني هالمقارنه لان ماحب اتقارن بأحد
بس الله يهدي مرت ولدها بعد وايد فاجه وماتهتم وبارده ابدا وعمتي حاره

 

[غلآ نوآف]

يحرووووون هالاشكال
استغفرالله ش الفايدة ابي بس افهم !!!!!

انا الحمدلله ريلي ماكان خاطب غيري
بس خالتي كانت لماهو صغير شوي
خطبت له بنت عمه بالكلام لكن ماصار نصيب
لان جوها خطابين ثانين بشكل رسمي ووافقت عليهم

والحمدلله عادي
اهو صدق للحين ماقابلتها شخصيا
لكن بالنسبة لي عادي مالها ذنب
يعني ماكو نصيب ش بيده الواحد يسوي؟!

وبما انها سالفة قديمة
مايهمني
رغم ان ريلي معلمني ان كان وااااايد يعزها ويحبها
وهي بعد تهتم له
ويقول لماتزوجت تاثرت شوي لكن مع الايام
شفت ان تاقلمت مع الوضع وماصار يعني لي شي
ف اكتشفت اني كنت اعزها معزة مو حب

وهي ماشاءالله متزوجة من سنين ومعها ذريتها ومستقرة بحياتها الزوجية
ونحن الحمدلله عيالنا بالطريق ومع بعض ونحب بعض

مالي حق احاسبه ع ماضي
وهو بالمثل

والمقارنة دوم تجيب الخراب
لكن فعلا اسلوب الناس هو الي ينرفز ويهزون ثقة غيرهم غصب

بس الوحدة لازم تصير قوية
وتطنش لان بعضهم يحبون يشعلون الغيرة
والبعض من عفوية وطيب نية مايقصدون يجرحون

 

[*مطبخ الذواقة*]

هذه اذا الحريم قالوا جذي ..

زين شتقووولونن عن الزوج اللي يمشي ويقول حق اخوانه لا تتزوجون على ذوقكم خلووو امكم تخطب لكم ؟؟


ليش لانه خذه وحده على ذوقه وماعجبته وكانت امه حاطه عينها على وحده لما شافها هو بعد ما تزوج حبيببته انصدم شاف انها احلى من مرته واسنع واذرب ...





لكن يبقى الزواج قسمه ونصيب ,,,, والمفروض الحريم يبطلون هالهمز واللمز ...ما يجوز حرام...

​

 

[أحلى البشر]

اهي لما قالت هدفها تحر خالتج

جان خالتج صارت ذكيه وحرتهاا وقالت لها زوجي اصلا مايشوف بالدنيا غيري وكلشي قديم قطه بأقرب زباله اهوا بنفسه قايلي هالكلام جان شفتي شلوون السوسه ماتت قهر ومع ابتسااامه بتحترق