كان معاك حق يازوجي لما قلتلى ............

[زوجي توأم روحي]

منورين حبوبات

 

[bint_looda]

مو على بالي شي معين بس اكيد صارت ههههههههههه

 

[قــل مـا تـشـاء]

دايما يقول لي طنشي ولا تفكري بامور تافهه
يالييييييييت أقدر اطنش كل شي إذا طنشت فترة أرد على عادتي قبل بالتفكير ,,
الله يعيييييين

 

[فانتا ستروبري]

تصدقين ما اذكر ان مرة قالي شي وقلت معاك حق

كله العكس انا اللي اقوله شي او نصيحة ما يسمع الكلام

يعاند وبعدين كلامي يصير صح اقول له شفت قلت لك بس ما تسمع تعاند ​

 

[دلع الكون]

يمكن انا اللي قتله ولا سمع كلامي

 

[(*ام عهــــد *)]

معاه حق في أكثر المواقف ورايه دايما يطلع صح لو مر وقت طويل على السالفه أتحسف اني ماسمعت رايه

 

[مسك الجود]

معاه حق زوجي لما قالي لو شو اتسوين أمي ما راح تحبج وانا ما سمعت كلاما شاده حيلي بالزواره لها واجيب لها الحلي والفطاير وأخير سمعت كلامك يازوجي العزيز بس لاسف متأخر

 

[أميره الدوسري]

مره قالي
اهم شي يبيه الريال
قبل الفراش
الابتسامه لين دخل البيت
حتا لو فيكم شنو ما يكون
اول ما ادش قابلبني بابتسامه
وبعد ربع ساعه طلعي فيني بالوي الدنيا كلها متعد اتقبل
والله يابنات من طبقتها تغير باشياء وايد
وسمعت هالنصيحه باكثر من دوره ومن اكثر من استشاري بالعلاقات الزوجيه

يعطيج العآفيه ع هالمعلومه :eh_s(17):

"زوجي توأم روحي"
موضوعج يونسس يفيدنآ :eh_s(22):

 

[butterfly-m]

اي والله اقولها وانا قلبي متروووووس

من اول ماتزوجت زوجي قالي صارحيني بكل شي طبعا قتله عن حياتي وطريقتي وانا طبعي كله طلعات واحب اليمعات والزوارات والصديقات شي مهم بعد
عاد مره صادف رفيجتي واهوا طالع بعدها لما رد البيت قالي انا مو مرتاحلها ومابي اقولج قطعي علاقتج فيها بس انتي مع الوقت راح تعرفين... طبعا انا انغثيت وقتله مالك شغل برفيجاتي قالي على راحتج بس بتشوفين !!!!

تخيلوا مع مرور هالسنين انصدمت صدمة حياتي اهيا رفيجتي من عمر بس طلعت وحده الله يستر عليها سوتلي ماشاكل ماتنعد وبغت تخرب بيتي وعلاقاتي مع الناس وووو وايد بلاوي شقول وشخلي
يابنات الريل يقول شي احنا نتضايق منه بسبب انه مانبيه يتدخل بحياتنا الخاصه لكن للاسف بعدين نكتشف انه له راي ونظره غيييير..

نصيحه لكم اذا قالج شي الريل سمعي ولا تحكمين على طول وراح تشوفين بعينج اللي اهوا قاصده

شكرا يا زوجي الغالي من يوم ورايح نصايحك راح تظل في بالي :eh_s(17):​

 

[kuwaitya_zoGaa]

انا زوجي منعني من جم وحده من صديقاتي في البداية عارضت بس مع الوقت وليما قعدت افكر تذكرت انهم من قبل غلطو على لما بغيت لهم الطيب والزين .

 

[بنت عطا]

انا بطبعي صريحه ومااخش شي بقلبي واعلم باي شي اجربه واي وحده اتعرف عليها خلاص تصير رفيجتي
وكان ينصحني اني مااعلم باي شي ومااعتبر اي وحده صديقه خاصه اللي بالنت وكنت اعاند وماارد عليه لين طحت بوحده تعرفت عليها بالمنتدى وسوالف وخريت لها كل شي وطلعت ولد صج صج ندمت وخفت وطبعا زوجي درا ومسخرني وقال احسن عشان مره ثانيه تسمعين الكلام

وللحين يسميني خبله لانه اي شي اجربه اعلم فيه الكل واهو يقول خليج مميزه لاتعلمين بس للاسف مااعرف

 

[صلاتي حياتي]

صح والله توني افكر بها الشي والله توني احس بقيمة كلامه يوم يقول لاتصورين بتلفونج وكاهي وحده من الاهل تمشكلت من ورى هالشي
لاتنمصين حرام وجبرني اني ما احف وزعلت وبجيت واللحين اقوول جزاه الله خير
وااايد اشياء واقول في قلبي شو هالتسلط واكتشف انه كله بصالحي بس حبيت اقول الله يوفقه ويجزيه الخير كلامه دايما بالنهايه يكون صح بس اكتشف هالشي متاخر كنت ولا زلت الله يهديني بس حريم شغلت عناد فينا

 

[coralia]

اب اب اب

 

[njoom1]

والله كل كلامه صح وصرت اذا ابي نصيحه بأي شي محتاره فيه اسأله

 

[بيآض الثلج ~]

وآيد أشياء حذرني من نآس أول الزواج بس مآ اقتنعت
وألحين طلع كلامه كله صح وصآر أي شي يقوله اسمع كلامه واطبقه لأنه أدري فيه مصلحتي

 

[ورده الكرستال]

كان معاك حق يازوجي لما قلتلي لاتمشين على نياتج وايد ومب كل الناس تحسنين النيه فيهم


والله انه صاج فديته

 

[القلعة الذهبية]

مرات كثيرة حسيت انه يفهم الناس احسن مني

 

[اميره1980]

نصحني ريلي عن شغلة خاصة بالدوام و سمعت كلامه و الحمدلله طلعت نصيحته صحيحة

 

[هونها يارب]

باشياء وايد كان معاه حق وللاسف بس ماسمعتا من البدايه

 

[امـ خــزامـى]

الصراحه انا اللي كثير انصح واحذر وويطلع صح والحمدالله يقتنع ويثق برااأئي
الكن مرا نصحني مااصور بجوالي وكان رافض بس كنت اوقات اصور اشياء بسيطه
ومااقوله
ودايم اذا شاف صوره مسحها ويهاوشني يقول افرضي تنسينه بمكان او يطيح منك وينسرق
وعاد الدنيا تخوف اللحين ابتزاز وتهديد وفبركه وتشويه سمعه

وصدق والله على كثر حرصي على جهازي الا اني نسيته بالتاكسي والحمدالله انه هندي
كل همه يفرمت الجهاز ويجيب سعر حلو فيه

وربكم ستتتتتتتتتتتتتتتتتتر ومن يومها مااصور بتاتا البته