كبرتي بالعمر ..ترضين تتزوجين كل شي عليج..؟؟

[برنسيسة زمااني]

لا والله ماارضى

ان شالله مايحدني الزمن على شي ماابيه

الصراحه

هذا مو زواج
يعني الوحده اذا تزوجت تبي تحس ان الل ماخذها شاريها مو اهي شاريته

والله اذا رضت على اي شي

باجر بيهينها وبيدوسها

ماله شغل العمر


صدقوني

اهم شي شخصيه البنت و قوته

تلزمه انه يعطيها مهر ويصرف عليها وبعزها ويرزها

الله المستعان

 

[*إماراتية*]

نفسي ما تهون علي ولا أرضى لها الهوان بأن أتنازل بالغصب ,
ممكن من نفسي أتنازل عن بعض الأمور لأنها ما تعنيلي شي كبير مثل الحفله
أساساً ما أحب أكون نقطة تركيز الناس , وكوني عروس فلابد الناس بتتفحصني وهالشي ما أحبه ,,
ممكن مصروفي الشخصي يكون علي وما أطلب منه لو كنت مقتدره مالياً أما لو ما كنت قادره مالياً
ملزوم هو يصرف علي , وحتى لو كنت مليارديره وما أبغي أصرف بعد هو ملزوم يصرف علي ,,

يعني التنازل أو عدم التنازل عن بعض الأمور يرجع لتقديري الشخصي للأمور وللي يرضيني فقط.

 

[درة أهل الطولات]

رد : كبرتي بالعمر ..ترضين تتزوجين كل شي عليج..؟؟

اوافق بشررررررررررط

مهر يعطيني والسكن اهو يتكفل فيه

 

[mi corazon]

رد: رد : كبرتي بالعمر ..ترضين تتزوجين كل شي عليج..؟؟

بنات اللي تقولون احتياجات .. اهي فعلا لو كانت المسألة احتياج .. راح تذل نفسها .. بس بعدين راح تتحسف

يعني تخيلي تعيش معاه على ابو تشبع عاطفتها .. وبعدين يعزر فيها ويطلقها .. اهني راح تكون بحاله يرثى لها .. وراح تكون بحاجه للعاطفه اكثر من قبل

ذكرتيني بسالفة اللي عطه بنته حق ولد اخوه بدون مهر .. ولمن تهاوشوا قال لها روحي انتي طالق بروحج ماخذج ابلاس ماعليج حسافه

تخيلوا يصير فيني جذي؟؟ يالهوي اذبحه وانتحر استغفر الله

صحيح .. اكو بنات شوفة عيني عمرهم الحين 55 وعايشين في بيت ابوهم بروحهم وعيال اخوانهم يزورونهم .. بس يايبه خدامه وسايق وتطلع وتزور رفيجاتها وتتمشى وتعتني بعمرها .. يعني عايشه حياة عزوبيه مترفه .. حياة صبوحه .. لا ومتكفله في بنت اخوها جنها بنتها عايشه عندها وتقول لها يمه واهي اللي زوجتها لمن كبرت

لا تفكرون بتروحون دار العجزه وهالسوالف .. ترى ياما عيال ودو امهاتهم دار العجزه .. اهني عوار القلب

مشكلة مجتمعنا كلام الناس وبس

 

[باربيه قطوه]

لا امبي ههههههه احس جنه وحده صامت وفطرت على ولا شي مو حتى بصله هههههههه
اذا جذي مو لازم تتزوج

 

[ناتشوو]

اظن على حسب عيشتها عند اهلها
اذا معيشينها باهانة وكارفينها وحالتها زفت اكيد بتنحاش للزواج هذا
بس اذا معززة ومكرمة عند اهلها
سفرات وطلعات وتمشي وفلوس
لا والله القعدة عنهم ابرك

 

[أوكسجين]

طبعا لا

يعني شنووو هو عقاب

عشان تاخر نصيبها وكبرت

تاخذ رجال ومتزوج
ولا وبعد بدون مهر

واللي ياخذها بدون مهر برخيص

ماراح يقدرها ولا وبعد يخليها تصرف على نفسها البيت

اسمه ضيف يجيها متى ما بغى ويرد لبيته ومرته وعياله

معاها

 

[جلاديلياس]

لأ ما اتنازل عن حقوقي

 

[reema q8]

لا طبعا والف لا .........


.......ولا يمكن اتنازل عن حق من حقوقي والي الله شرع لي .... لازم الريال يتعب عشان يحس بقيمة المرة الي متزوجها .......

 

[shmoo5 2ntha]

رد : رد: كبرتي بالعمر ..ترضين تتزوجين كل شي عليج..؟؟

لا شكووو

يمكن ما أسوي عرس إذا إضطر الأمر بس من غير مهر لا مستحيل وبسوي حفله صغيره بعد كبرت وإلا صغرت هذي ليلة عمري

وإن شاء الله محد يطوفها القطار وتفرح يااااااااااااااااااااااارب


يسلموووووووووووووووووووووووووووووووووووووووووووووووووو حبوبه

 

[amoma]

رد : كبرتي بالعمر ..ترضين تتزوجين كل شي عليج..؟؟

ياحلو ردودكم فديتكم
انا اعرف وحده اهي بتدفع المهر
بس تبي تتزوج
وعن نفسي اكييد نو وي
ومهري يزييد كل ما زاد عمري
وثانكس عالموضوووع

 

[أم عبود 77]

رد : كبرتي بالعمر ..ترضين تتزوجين كل شي عليج..؟؟

مشكوؤورين حبايبي ع المروؤور
منوؤورين و الله

 

[صاحبة الجلاله]

لا والله انا مو ناقصني شي علي شان ارضي بدوون مهر
حتي لو طافني قطار الزواج انا والله مستانسه بيت اهلي ومدلعيني معاش وسياره وعلي كيفي
شنوو انا باخذ ملك جمال العالم علي شان ارضي اسم الله علي والله فديتني

 

[قآهرتهم]

رد : كبرتي بالعمر ..ترضين تتزوجين كل شي عليج..؟؟

ايـــــه
بس بشرط انه يكون محترم واخلاق
وطيب وعياله اخليهم عيالي
يعطيك العافيه

 

[كويتيهx5]

لا بكل بساطه
من غير حفله ممكن لاني انا ما اشوف الحفله ضروريه لانه الناس الزعلانه اكثر من الراضيه اما غير جذي لا طبعا
والزواج ما يطووف احد لا تحاتون

 

[aṕriliå]

رد : كبرتي بالعمر ..ترضين تتزوجين كل شي عليج..؟؟

لا طبعا

حبيبتي الدنيا ماتوقف على زوج..
اذا المهر ابسط حقوقها ماعاطاها اكيد ماراح تأخذ باجي حقوقها ..

 

[Dr.Nouf]

.



انا مايهمني القطار اذا فاتني . .... المهم وين يوديني ؟!




.

 

[اتعبنى جمالي]

رد : رد: كبرتي بالعمر ..ترضين تتزوجين كل شي عليج..؟؟

.



انا مايهمني القطار اذا فاتني . .... المهم وين يوديني ؟!




.

بصراحه عجبني ردج:eh_s(15):

 

[محبوبه25]

رد : كبرتي بالعمر ..ترضين تتزوجين كل شي عليج..؟؟

كبرتي بالعمر ..ترضين تتزوجين كل شي عليج..؟؟

هاذا السؤال موجه إلى كل من فاتها قطار الزواج
هل ترضين بزوج فقط ..؟؟
بدون مهر ولا بيت ولا حفله زواج حتى و رجل متزوج وعنده عيال ..؟؟

يله الهمه بنات ودي أشوف ردودكم ..​

لا طبعا
بدون مهر و لا حفله

يعني الوحده اذا اكبرت مالها كرامه مثلا

 

[فيفي محمد]

نعم نعم نعم نعم لاااااااااااوالله ليش انشاالله انجنيت اصوم اصوم وافطر على فقر
باجر بعد بيقولي ماعندي اصرف عليج ولاعلى اعيالج
اقعد فبيت ابوي ابرك