كبـرتـي بـدون أم ؟ تعـالـي قـوليـلـنـا قصـتـج =)

[LuLiTa]

الله يرحم اموات المسلمين اجمعين =)

 

[نووووونا]

لا حول ولا قوه الا بالله

يا بعد عمرى الله يعينا ويصبرنا

 

[مدام سلطة]

الله يرحمهم يارب

 

[G!RLooNa]

موضوع يعور القلب الله يرحم أمهاتكم و يجمعكم وياهم بالاخره بجنات النعيم يارب و يخليلي امي حبيبتي و أبوي و إخواني و اهلي كلهم ياربي ماشوف اليوم اللي عينهم تغمض عن الدنيا والله أمنيتي ان الله ياخذ امانتي قبلهم الله يهداج بجيتيني

 

[وهج الحب]

السلام:
انا عشت بدون ام لان امي قبل ولادتي تطلقت من ابوي وتزوجت واخذني ابوي قبل اكمل السنة ..

هل حسيت بفرق ؟؟

بصراحة لا عادي حياتي مشت عادية ..ما فقدتها زوجة ابوي الكبيرة الله يرحمها ربتني الله يجزيها خير وساعدتها زوجة اب الثانية اللي تزوجها بعد امي ..وبصراحة امي ودنيتي هي زوجة ابي الكبيرة الله يجزيها كل خير عني ويعل مثواها الجنه ..في طفولتي اعرف ان هذه زوجة ابي وهذه زوجة ابي الاخرى لكن كانوا يعاملوني معاملة طيبة لم احس ان الموضوع غلط ..واني احتاج لاحد لغير امي " زوجة ابي " انام معاها واصحى معاها ..

الحمدلله الله عوظني بها وعوظني باب حنون دلعني وسوا لي اللي يقدر عليه ..الله يرحمه

يعني ما عشت حياة سندريلا الا النهاية السعيدة وزواجي بالمليونير بدل من الامير

انا الحمدلله الله دائما معاي ياخذ شئ ويعوظني بشئ افضل ويسخر لي الناس بحياتي

عيل احس بالغربة بصحيح لما ياخذني ابوي عند امي واحس ان مكاني غلط وانتظر ارجع بيتنا بفارغ الصبر ..كانت الله يرحمها جامدة جادة معاي عكسها مع اخواني من زوجها الثاني ما اعرف تحبني والا لا ما عمرها الى ان ماتت من كم سنه المستني او ظمتني او مسحت على راسي او حتى جابت لي شئ هدية لو صغيرة حتى بزواجي ..

رغم اني بعد ان كبرت حاولت اتقرب منها من باب بر الوالدين وامسد رجلها هذا اقصى ما قدرت المسه منها وما اروح لها الا تارسة الشنط بالهداية ..

انا ما الومها ابدا على انها تركتني هذه حياتها ولازم تعيشها وبالعكس لو انها عاشت تربيني او عاشت مع ابي وهي لا تريده يمكن وقتها احاسبها وائنبها ..بس الصحيح هو اللي صار ما بغت ابوي وتطلقت وعطته اياني ..وتزوجت غير وجابت عيال الله يحفظهم ويخليهم ..الشخص لازم يعيش حياته اللي يريدها هو مش اللي يفصلها له الاخرين..

ولا الومها نها ما حبتني ورغم اني لا اعلم ان كانت تحبني لانها ممكن انها تشوف فيني ذكره لا تريدها .." هذا تحليلي انا "

الله يرحمهم جميعا

 

[ana cute]

موضوع حساس وااااااااااااايد بالنسبه لي

وماقدر اقول قصتي لانها ماتنقال بس الحمدالله كبرنا والواحد لازم يرضا بقدره والله كريم

والله الام اساس البيت ومايعرف قيمة هالشي الا اللي جربه

والللللللللللله يخليييييييييييييييي كل الامهااااااات لعياااااااااااااالهم ويطول يعمرهم

 

[Blonde girl]

رد : كبـرتـي بـدون أم ؟ تعـالـي قـوليـلـنـا قصـتـج =)

عأيشة امي والحمد لله الله يخليها لي ويخلي لكم امهاتكم

 

[LuLiTa]

وهج الحب::

يمكن يكون هذا احساسج لانج فتحتي عينج على مره ابو مستعده اتكون ام بديله لج و هذا شي ممكن يكون عبى الفراغ للي تركته اامج الصجيه ,, ف يمكن هذا شعورج لانج و الوالده ما كنتو قراب لما كنتي صغيره ,, و ما عرفتو تتواصلون مع بعض لما كبرتي ,,,

 

[so_what]

الموضوع يخليج تبجين مو بيدج الله يرحم امهاتكم ان شاء الله ويغفر لهم

 

[وهج الحب]

وهج الحب::

يمكن يكون هذا احساسج لانج فتحتي عينج على مره ابو مستعده اتكون ام بديله لج و هذا شي ممكن يكون عبى الفراغ للي تركته اامج الصجيه ,, ف يمكن هذا شعورج لانج و الوالده ما كنتو قراب لما كنتي صغيره ,, و ما عرفتو تتواصلون مع بعض لما كبرتي ,,,

السلام:
شوفي كل زوجات ابوي ما قصروا ولله يجزيهم خير عني يا رب الميته اترحم لها والعايشة اوصلها لانها ام اخواني اللي مالي غيرهم بالدنيا ويعل ربي لا يفرقنا عن بعض اميين يارب ..

صحيح كنت وامي طوال حياتنا ما عرفنا طريقة نكسر فيها الحاجز اللي بيننا انا ابوي كان يوديني عنده طوال اجازة الربيع الى ان صرت مراهقة وانا رفضت اروح الا اخر الاسبوع اسلم وارجع ..لاني احب بيتنا احب محيطي ..لان كان بينا حاجز من الصمت الاحظها احيانا تطالعني واذا طالعتها نزلت عينها ..كنت خجولة وكانت خجولة ..

لكن يوم كبرت وقررت ان اكسر هالحاجز وحولت ان ابين لها اني عايشة سعيدة وان ما فيه داعي لتأنيب الضمير لو هي حاسة بتانيب الضمير ..خاصة انها تعز ابووي وتعز زوجته اللي ربتني بس صمتها عندي انا وانا حاسة انه تانيب ضمير وقلت مرة لاختي منها عشان توصل لها اني انا متأكدة انها يوم خلتني انها عارفة اني بيد امينة والا ما خلتني ..وان من حقها ان تتزوج وتبني بيت جديد وانا عمري ما قصرت عرس اخواني اجيها اي اجازة عندها ويوم عرست لازم نمر عليها ..بس عيب امي الله يرحمها الخجل وتانيب الضمير ضيعت ما بينا ان يمكن ينوصل ..

 

[الريم 11]

رد : كبـرتـي بـدون أم ؟ تعـالـي قـوليـلـنـا قصـتـج =)

الله يرحم امهاتكم ويدخلهم الفردوس الاعلى ويجمعنا بهن يارب
بنات ترى امهاتكم ربي يرحمهم محتاجات لدعواتكن لهم بالرحمة والمغفرة ومحتاجات لصدقة جاري

 

[*عيون مغليها*]

الموضوع يعور القلب ماقدرت اكمل كل الردود

الله يرحم امهاتكم وامهات المسلمين

ويطول باعمار امهاتنا

 

[كسرة عود]

رد : كبـرتـي بـدون أم ؟ تعـالـي قـوليـلـنـا قصـتـج =)



الله يخليها لنا حسها بالدنيا

بس الأشد من موت الأم فقدها بسبب الطلاق وزواجها وانشغالها عن عيالها اللي مالهم ذنب

 

[فقـدتـك حيــل !]

رد : كبـرتـي بـدون أم ؟ تعـالـي قـوليـلـنـا قصـتـج =)

الله يرحمهم يارب ..
والله موضوع يعور القلب ..

والله يخليلنا امنا وابونا ويطول بأعمارهم يـــااارب ..

 

[شووكولاته]

الله يرحم امهاتكم ويجمعكم بالجنه ويخليكم لعيالكم

الموضوع يبجي

 

[صانعة قراراتي]

انا عايشه بدون اب توفى من يوم اني بالاشهر وامي متوفيه من سنه بس للحين الحرقه بقلبي وكل ماتذكرها تغورق عيوني بالدموع الله يرحمك يالغاليه وبصراحه فاقدتها كثير وانا متزوجه وحملت وولدت بكري وانا وحيده احس مافيه احد يحس فيني مثل امي لازوج لا اخ لا اخت الام ماتتعوض

 

[aṕriliå]

رد : كبـرتـي بـدون أم ؟ تعـالـي قـوليـلـنـا قصـتـج =)

الله يعوضكم بالخير يااااااااااااااااااااااااااااااارب

خنقتني العبرة

انا امي رافقت مع اخوي كان مريض 5شهور
وانا اكبر خواتي فتحملت مسئوليتهم

وصج صج حسييييييييييييت باني فاقدتها ومر علي العيد ولا جنه عيد

 

[!witcha!]

رد : كبـرتـي بـدون أم ؟ تعـالـي قـوليـلـنـا قصـتـج =)

الله يرحم جميع المسلمين والمسلمات يارب
انا امي مو كويتيه ابوي طلقها وسافرت ديرتها وانا عمري سنتين وعشت مع ابوي ومرته اهيا قبل امي ابوي متزوجها
مرت ابوي اهيا امي الي ما ولدتني وربي مرات افكر اذا افترقت عنها اقول ياربي ليش ما عشت مع امي الصجيه؟ ليش عشت معاها... والله اموت فيها واخاف عليها من كل شي لانها صج صج امي وحبيبتي وربي يحفظها لي ياااااارب
وامي الصج ماتدري عني ولا تبي حتا تسال عني ومتزوجه من زمان وعندها عيال ........
دنيا

 

[LuLiTa]

رد: رد : كبـرتـي بـدون أم ؟ تعـالـي قـوليـلـنـا قصـتـج =)

مشكورين عالمرور ,,,,

 

[هدولى]

فقدت امى وانا متزوجه لما ولدت تذكرتها وطلعت من الولاده وانا ابجى بحرقه قلب غصبا عنى تذكرتها شلون كل عيالى تكون معاى الا هذا وحتى خوانى وخواتى يو شافونى تاثرووو . الله يرحمها ويغمد روحها الجنه .