كبـرتـي بـدون أم ؟ تعـالـي قـوليـلـنـا قصـتـج =)

[الملقووووفة]

الله يرحم امهاتكم ويطول بعمر امى انشاء الله
بجيتونى وجبتوها ع الجرح تو امى العودة متوفية وانا متعلقة فيها حسيت لما راحت ان انا وحيدة بالدنيا اسفة مو قادرة اكمل
الله يرحمها ويسكنها فسيح جناتة

 

[LuLiTa]

للرفـــع

 

[amoona89]

موضوع يعوور القلب
الله يرحم امهااتكم ويجعل مثواهم الجنه ويخلي لى امي
اللهم آميين

 

[*ريما*]

رد : كبـرتـي بـدون أم ؟ تعـالـي قـوليـلـنـا قصـتـج =)

موضوع روعة
والله يرحم امهات الجميع

 

[ام فجر3]

الموضوع حساس انا عشت بدون ام مع ان امي عايشه عشت مع ابوي وكان احن انسان في الوجود ومع مرت ابوي اللي حاولت تكون امي وكنت اسميها يما بس دايم احس اني غريبه في جمعتها مع اهلها وفي مناسبانها ماكنتاقدر اضمها ولااجادلها بس مااقدر اقول اكثر الموضوع فتح جروح كنت احاول اداوها الحين انا ام وللحين محتاجتها قريبه وبقلبها بعيده

 

[Petite]

كنت متردده أدش الموضوع لأني دريت راح أبجي
وفعلاً مت من البجي

دايماً اذا أمي سافرت أتعب أحس روحي بتطلع
أحس ناقصني كل شي وأي شي ما أقدر أعيش حياتي بصوره طبيعيه

ولمن تزوجت حسيت ان زواجي شغلني عنها
لأن حياتي كلها أمي اهيا صديقتي وأختي وحبيبتي

من كثر ما أموت فيها
دايماً أوسوس ان لو صار فيها شي اسمله عليها ؟ شنو راح يصير فيني ؟
أحس يمكن يطير عقلي ....

الله يخليها لي وتشوف عيالي وما أفقدها وعسى يومي قبل يومها
والله يرحم أمهاتكم وأمهات المسلمين .. صراحه عورتو قلبي
لأن موضوع الأم حساس جداً بالنسبه لي

 

[باربية الكوووويت]

ررفع

 

[LuLiTa]

يسلمووو عالردود

 

[&عسل&]

رد : كبـرتـي بـدون أم ؟ تعـالـي قـوليـلـنـا قصـتـج =)

عورتوا قلبي وبجيت
الله يخلي كل ام لعيالها

 

[قلبي ابيض]

موضوع روووووعة

الله يطول بعمر امي وامهاتكم

ويرحم الاموات برحمته الواسعة

 

[كراميلا مرة]

الموضوع يبجي
يارب يرحم امهاتكم ويجمعكم معهاهم في جنات النعيم

ويحفظ الوالده ويخليها لنا وجعل يومي قبل يومها

 

[دنيتى انا]

رد : كبـرتـي بـدون أم ؟ تعـالـي قـوليـلـنـا قصـتـج =)

الله يسامحج ماله داعي تفتحين جرحج الواحد وده ينسى وصحيح مستحيل ينسى بس وده يتناسة

الله يخليلنا اهمهاتنا ياااارب ....انا لو يصير فيها شي بصييييط اموووووت الله يطول بعمر امي وامهاتكم

 

[ضاقت علي دنياي]

الله يرحم امهآتكم وامهآت المسلمين ..

ويخلي لنآ امهآتنآ ،،

الموضوع يبجي ..

 

[ahhaat]

أنا عشت بدون أم مع أنه أمي عايشة بسبب انفصال أمي عن أبوي الله يرحمه وقتها كان عمري سنتين وأمي اهي اللي تخلت عني وعن اخواني بإرادتها وأرسلتنا بالطيارة مع خالي حق بيت أبوي ومرته طبعا مرت ابوي كانت الأولى وبعض بناتها أكبر من أمي مشت الحياة وكنت احتاج أمي بكل دقيقة ولحظة بحياتي بس ماأحصلها ومن يوم تخلت عننا ماعاد شفناها لحد ماتوفى زوجها الثاني وصارت تطالب انها تشوفنا وقتها كان عمري ١٤ سنة وفرحت حيل بشوفتها وانه أخيرا راح يصير عندي أم مثل كل البنات بالمدرسة لكن من أول لقاء تحطمت كل أحلامي لأني شفت قدامي قالب ثلج أمي باردة المشاعر ومعاملتها معي حيل رسمية ومع الايام عرفت شلون قدرت تتخلى عننا ولما صار عمري ٢٢ توفى أبوي الله يرحمه ويغفر له وتزوجت أنا وتغربت وصارت علاقتي مع أمي مجرد تلفون بالشهر مرتين بس للحين احس اني محتاجه للام ومحتاجه للخوات لكن هذا نصيبي والله يعوضني ببناتي يارب

 

[حبي بيرين]

مااقول غير الله يعوض كل وحده فقدت امها

 

[مزن الكويت]

الله يرررحمهم يااااارب
وويعوضكم خيررر

 

[Patcholli]

الموضوع يعور القلب :<

 

[خوخة 90]

الموضوع وايد يعور القلب
انه امي توفت يوم كان عمري 12 سنه و انه اكبر وحدة و اصغر مني 6
يعني تعلمت المسوولية و تحملتها من هالعمر بعد وفاتها الله يرحمها
ابوي عقب ما توفت امي بـ 3 شهور تزوج
توفت امي بالولادة و يابت لنا صبي و سميناه يوسف
امي صار لها 8 سنوات متوفية
قبل لا تروح المستشفى تولد وصتني ع اخواني 3 مرات و ما انسه شكلها و لا نضرتها يوم قالت لي
وااايد محتاجينها وااايد الحياة صعبة بدونها
و حسبي الله و نعم الوكيل ع الي كان السبب
كانت دايما تقولي شكلج بتكبرين و ما بجوفج بتصير عيني بيضه
الله يرحمها و يغمد روحها الجنه و يغفر لها :eh_s(16)::eh_s(16):

 

[زين ودلال]

الموضوع يعور القلب حيييل حييل حييييييييييل

فيني غصة مو طبيعيه كله اتخيل حياة عيالي بدوني شلون واقعد ابجيييييييييييييييي

واتخيل حياتي بدون امي من غير شر اسم الله عليها شلون راح تكون!!!!!!!!!!!!

عسى ربي يرحم امهاتكم وجميع موتى المسلمين ويصبر قلبكم ان شاء الله

 

[دهورتني يازين]

موضوع يعور القلب حييل