كبه عربانه؟؟؟ شلوون؟

[sanaya-q8]

مرحبا بنات

شريت كبه مجمده من الجمعيه ودي اسوي كبه العربانه ذقتها عند وحده عراقيه بس

ابي تعليمات لو تكرمتوا

ابسوي الشوربه اللي هي بصل صغار وثوم احمسهم وبحط عيهم ظرف ماجي

بس الكبه ؟؟؟ شلون


وهي مجمده اقطها بالشوربه ؟؟ اقصر علي النار ولا اخليه عالي

فيدوني:bbbiu:

 

[sanaya-q8]

يصير احطها وهي مجمده ولا اقليها بعدين احطها؟؟

 

[ابدا يالغالي مانساك]

حبووووووبه مافهمت قصدج
قصدج تبين كبه بالشؤربه

 

[nadoooy]

شنو كبة عربانة ياليت يشرحون لج البنات واتعلم بعد مادري ليش اتخيل شكل الكبة جنها عربانة الجمعية ههههههههههههههه

 

[جارة القمر]

تفضلي طلبك::

http://www.q8yat.com/t343976.html


http://www.q8yat.com/t498867.html

كبه اليريش انواع في منها المقليه او اللي تنطبخ بالمرق... والحشوه مختلفه بعد ما تكون لحم وبصل او بصل وكشمش... انا عندي كذا وصفه حق كبه المرق وحده من يدتي الله يطول بعمرها و الثانيه من كتاب المطاحن والثالثه ماخذتها من المشرفه العزييييييزة جدا من جاره القمر من منتدى كويتيات وكلهم حلوين... بذكر الوصفه الثانيه بنهايه الموضوع



المقادير:



2 جيله يريش مطحون



1 جيله برغل ( او 4\3 )



1 بصله متوسطه



ملح



بهار



كزبره



بزار



حبق ومرقدوش وكمون

الحشو : اما بصل وبهار وكزبره على النار او بصل وكشمش وبهار او لحم مفروم وبصل وكزبره او بصل ونخي وكشمش

معجون طماط

ثوم

بصله صغيره مفرومه ناعم

طماطتين مهروسين بالخلاط

كزبره مفرومه

صبار


الطريقه :

ينقع الجريش والبرغل بماي فاتر بعدين يعصرون للتخلص من الماي الزايد وينفرمون دور بالفرامه الفتحات الوسط
وبعدين ينفرمون دور ثاني مع البصل وينعجنون مع البهار والملح والحبق والمرقدوش والكزبره والبهار

وبعدين يكور ويحشى ويشكل على هيئه دوائر مع مراعاه ان ما تكون سميكه وايد... انا احب اشكلهم دوائر صغار شكلهم بالتقديم يكون حلو

طبعا بعد هالخطوه يفضل ان تفرزن قبل الاستخدام... انا اسوي كيمه واثلجها بصينيه واذا جمدت احط كل 15 حبه بكيس بروح

تقلى الكبه نص سوا

يحمر البصل والثوم ويضيف له عصير الطماط والمعجون والصبار والملح والكزبره واذا ابتدا يغاي تسقط الكبه وتترك على نار هادئه لين اكتمال السوا

*******

مقادير و طريقه كبه المرق من كتاب المطاحن:
المقادير :
2 ك جريش
2\1 ك برغل
1 ك لحم مفروم
2\1 ك بصل مفروم
1 م ك ثوم
ملح وبهار مشكل

الطريقه :
يغسل الجريش والبرغل وينقع لمده 2\1 ساعه ثم يصفى ويفرم بالمفرمه ثم تضاف باقي المقادير ويفرم مره اخرى ثم يعجن جيدا ويحشى بالحشوه ويشكل على هيئه اقراص
************

كبه جارة القمر :

المقادير::

كيلو لحم هبر بدون شحم
نصف كوب عيش منقوع
كيلو جريش منقوع لمدة 3 ساعات
تخلط المقادير السابقة بمفرامة اللحم جيدا من مره وحده إلي 3 مرات
ثم يتبل بالملح واللومي الأسود البودرة والثوم والبهارات والقليل من النشا
يتم تحضير حمسة اللحم المفروم اللي تبينه طبعا أنا أحط بالحمسه دارسين بودره وهيل والبهارات وبقدونس وكشمش وصنوبر وملح
ثم يحشي ويتم عمله أقراص دائريه ويوضع بالفريزر قليلا




الطريقة الثالثه لي



منقوووووووووووووووووووول

 

[dnyay_mll]

ماقصرتي جاروونه

انا اسوي اللي بكتاب المطاحن

شهيتيني عليها

 

[أحلى همبه كويتية]

انا وايد اسويها
ومجربة طريقة المطاحن حلوة وسهلة ومضبوطة

عليكم بالعافية

 

[أحلى همبه كويتية]

مرحبا بنات

شريت كبه مجمده من الجمعيه ودي اسوي كبه العربانه ذقتها عند وحده عراقيه بس

ابي تعليمات لو تكرمتوا

ابسوي الشوربه اللي هي بصل صغار وثوم احمسهم وبحط عيهم ظرف ماجي

بس الكبه ؟؟؟ شلون


وهي مجمده اقطها بالشوربه ؟؟ اقصر علي النار ولا اخليه عالي

فيدوني:bbbiu:

حبيبتي اهي مو شوربة
مرق تسوينه عادي بطريقتك ويحطون معاه شعرية حسب الرغبة


لج خيار اما تقلينا وتقطينها بالمرق
او بدون قلي