كتاب او روايه اثرت فيج .. تعالي شاركينا ..

[Ǻl.Ĝ₥ąl L3Ъẗў]

الحمدلله اني من عشاق القرآءة لدرجة كبيرة .. و احب ابحث عن الكتب الجديدة ..
امس قرأت رواية اسبريسو للكاتب الاماراتي عبدالله النعيمي .. استمتعت جدا في قراءتها و أنهيتها دفعة واحدة

و كتاب آخر استمتع بقرائته دائما ..

وشكرا عزيزتي على موضوعج .. و لي عودة أخر ان شاء الله ..​

ماعليج امر وين حصلتيهم؟؟
اسبريسو صارلي فتره ادورها مو لاقيتها ..
وهم بيكاسو وستار بكس ادروها ..

على فكره رواية اسبريسو حصلت المركز الاول بالامارات بالبيع ..
الكل يمدحها ..

 

[Beyoncee]

انا كانت كل قراءاتى بكتب التاريخ والشخصيات الاسلاميه
حاليا بستفيد منكم حابه الروايات والقصص الواقعيه
موضوع رائع
يعطيج العافيه

 

[lailosh]

وايد كتب أثرت فيني بس اذكر منها ثلاثية طفل اسمه نكره الي طول ما انا اقرأ قاعده وبس ابجي

أنصحكم فيه مفيد و مآثر

 

[أغداً القاك]

أكثر من أثر فيني هو نتاج رائد القصة القصير والأديب المصري الكبير محمود تيمور
يكتب بلغة رائعة افتقدناها بين الروايات المترجمة والروايات الحديثة المبسطة
وأسلوب تصويري تفوق فيه على مبدعي السينما الأمريكية .. من وجهة نظري
هو تميز بالقصص القصير لكن روايته (سلوى في مهب الريح) رااااااائعة جداً
ويقال انهم مسوينها فيلم بس ما شفته ..

كذلك (يوميات إنسان) وهي عبارة عن مراسلات بين الكاتب وأولاده
الذين يعيشون مع امهم في روسيا بعد أن انفصل عنها
وهي للكاتب والأديب العراقي عبد المعطي الخفاف

 

[توفي المنتوفي]

سلسلة رواية توايلايت أعشششقهـم
و روايات دان برآون ..
أذكر شعوري و أنا أقرأهم بشووق و حماس
و كل شي في حياتي يتأجل عشان أقرأ هالروايات بس ..
نادر ما أحصل كتب تشدني مثل كذا ..

 

[درفل]

يعطيك العافية

 

[عادت ذكرياتي]

روايات مريد البرغوثي مؤثرة عن حياته

 

[shayto0oNa]

انا الروايه اللي صج اثرت فيني


من لهييييب الشوووق


صج فيها جراءه بس صج هذا الواقع اللي بالكويت هالايام وهي قصه حقيقيه والكاتب شخصيه من شخصيات القصه الاسلوووب ممتع باللغه الكويتيه العاميه موطبيعي


بجيت وضحكت وناقزت لهالروايه وااي غاليه علي وللحين محتفظه فيها لووول

ومن كثر ما تعلقت فيها كل خواتي وبنات عمي وحريم خواني شروها لوووول

 

[إيمان القلب]

انا عن نفسي فادني كتاب الرحيق المختوم وايد حلو واتعلمت اشياء زيادة فيه
حتى اسعد امراة في العالم شجعني على ان لا اغتر بالدنيا واقوي ايماني بالله

اما روايات ففففف
رواية أمل الحسدة البداية جاك وينر
دخلت فيها الى بيت مملوء بالحسدة المنبوذين والي يستخدمون نظاراتهم عشان تحميهم من حسدهم
واتعرفت معاهم على الناس الطيبين منهم والاشرار وكيف يربون ابنائهم وكيف تعايشوا بعد ما طردوهم الناس العاديين
واتاثرت بالبطل الي انطرد من بيته عشان انه حسود وكيف عاش مع الحسدة واتاقلم معاهم
تشويق اثارة الغاز دراما يعني تسلية ممتازة
وبس

 

[سور المدينه]

اكثر الكتب اللي تأثرت بهم كثيرا
ادب السجون
منها السجينه لمليكه اوفقير
وتزممارتت نسيت اسم الكاتب
ويوميات معتقل من غوانتنامو ناسيه الاسماء


وبعد من السير الذاتيه اللي اثرت فيني وايد حياتي مع الجوع والحب والحرب لعزيز ضياء

ومن كتب تطوير الذات امم كتاب بوصلة الشخصيه

 

[Q6RYA]

ثلاثية غرناطة لرضوى عاشور 3/>