كتاب (.(.(-كفاحي-).).) لهتلر شرايكم فيه

[life1]

والي مو فاهمين صفحه معينه او شغله معينه عشان نشرحله و نقره الشغله معاه مره ثانيه وهالشي يخلينا نرسخ المعلومات بمخنا و يضل اخر عمرنا (الله يطول باعماركم ) وتعم علينا الفائده ولا شرايكم

لان الصراحه الكتاب قوي ونفس الوقت فيه وايد حكم و اشياء مفيده احنا ما نبي بعد شهرين ثلاث اذا قلنا حق احد احنا قارين كتاب هتلر واذا سالنا عن شي ما نعرفه صج نطلع اي شي (مع احترامي لكم )

الي ابي اوصله احنا لازم نقره قرايه سنعه نستفيد منها و تفيد ولا ما نقره و نضيع وقتنا

ولا شرايكم يا حلوات

 

[life1]

تتتتتتتتتتتتتتتتككككككككككككك

 

[shaQshoQa]

قريته من قبل
بس مو عدل ..

و دام اني عطلت راح ارجع اقراه مره ثانيه

 

[دلع السلاطين]

عندى الكتاب وقريت منه شوووي كتاب سياسى بحححححححححححححححت وينفع لسياسيين

بس حابه اقوولكم معلومه مو هذا الكتاب الحقيقى او مو هاذى قصه حياه هتلر بالفعل

الكتاب لاصلى انمنع نشره والمانيا كذلك منعته ويقولون انه هالكتاب الى الحين موجود مشيول منه وايد شغلات

 

[$$ صعبة الوصوف $$]

الكتاب عادي
ويقال انه مو اهو الي كتبه
بحكم انه مات منتحر بالسم اهو وعشيقته هيلين
انا قاريته قبل عشرين سنة تقريبا
وشفته قبل فترة بمكتبة جرير :/

حبيبتي بعقب على كلامج انه هتلـر ما مات بالسم اهو مات بأطلاق رصاصه دآخل فمـه اما عشيقته (أيفآن بروآن) اهي اللي ماتت بالســم .

وانا قريت كتاب عن حياته هلتـر مو كتـآب كفـآحي . وعرفت جوآنب بشخصيته غير عن الشخصيه اللي دايم نسمع فيها هتلـر .

وبصرآحه كانت تعجبني شخصيته القويه ، وشخصيته متناقضه احياناً فيهـآ قووه واحياناً مايشك خيط بأبره .



سيتم قرآءه الكتـآب قريباً

 

[$ فراولة $]

شجعتوني على قراءة الكتاب ميرسي عالرابط

 

[عهود الحب]

شوفي اختي صعبة الوصوف
اهو فعلا مات باطلاق الرصاص وعشيقته ماتت بالسم
لاتلوميني مثل ما قلت انا قريته قبل عشرين سنة
طبعا
سواء كانت شخصيته فيها جوانب زينة ولا شينة
شي طبيعي مافي انسان مية بالمية سيء ولا في انسان مية بالمية طيب
كل انسان فيه جانب الشر والخير
بس شنو الي يغلب اكثر ويتطبع اكثر فيه


استغرب كلامكم عنه انكم فهمتم شخصيته او تعاطفتم معاه
حبيباتي الانسان هذا
قتل ملايين من البشر
وكان تفكيره تدمير اي عرق غير العرق الازرق الي ينتمي له بنظره
وانه الالمان دمهم مختلف عن بقية البشر
ووضع العرب في المرتبة قبل الاخيرة واليهود بالمرتبة الاخيرة
وبعدين كلامكم عن شخصيته وانه كسرت خاطركم
كأنه تتكلمون عن شخصية ظالم بس قلبه طيب يحليله

خل اضرب لكم مثال قريب وحي وملموس بالنسبة لنا

خل احد يجي ويكتب لنا اقروا عن قصة صدام حسين الحقيقية
واعليه ترى مظلوم حيل اعلاميا
ترى اهو ملاك وكان طيب ونيته يحرر القدس بس واهو رايح للقدس يحررها قرر يدوس دول الخليج ويضمها للعراق المجيد



ترى نفس النظرية

كل ديكتاتور جذي

يكتبون عنه اتباعه الكتب لترويج فكره ولتصويره انه ملاك بس بجسد بشر

نفس الشي هتلر

اذا ودكم تعرفون عن هتلر اكثر
اقروا لضحاياه

خلوا اليهود وقصصهم وصواريخهم ومحارقهم

انا رحت لالمانيا الغربية وشفت محارق اليهود ورحت لاماكن تراثية
طبعا انا ما اصدق انه كان بس يحرق اليهود
اهو الواقع انه كان يحرق كل الناس الي مومن الدم الازرق

واليهود استغلوها اعلاميا ليستفيدوا منها ويتعاطف معاهم العالم بحكم كرههم لهتلر
انا شفت اتباع هتلر بالمانيا
واهمه للحين موجودين


الكتاب مو كفاحه او كفاحي وبس
الكتاب لازم نقرا الجانب الاخر لهتلر
شنو سوى هتلر
مانصدق كلامه عن نفسه او كلام اتباعه عنه
اانا لازلت مقتنعة انه مو اهو الكاتب الحقيقي للكتاب
انا لازلت مقتنعة انه الكتاب كتب لترويج فكره وللتعاطف معه


اتمنى تتحملوني شوي
ومشكورين

 

[احلام روحي]

قريته الصيف الي فات

رووووووووووووعة

يعني حيل حلو الكتاب وشخصيه هتلر قوية وقيادية ومفكره

عيبه بس سياسة التوسع الاستعماري وهالشي خربه مع جيرانه
وعنده عنصريه للجنس الجرمني بشكل هوسي

 

[omlolo]

انا قريت شويه منه بس صراحه ماشدني كلش ماقدرت اكمله