كتبي شعـورج اليـومي كل ما قرب العـرس يـوم وطلعي حرتج فينا .. شنو احسـاسج !!

[7noOna]

تعبـآآآآآآآآآآآآآآنــه حدي ،،


اوووف اشوه شريتلـي ستاند للعطور ،، بس المشكله لاهو ستاند ولا صينيه صاير بالنص بينهم مو مرتفع وايد من سنتربوينت البيرق



- اليوم اول مره اروح البيرق بحكم انه بعيد على منطقتنا

امبيييه صج المجمع واايد حلو مشيته كله و ريولي خدرت من المشي لوووول




~


لموووس ماشريت اغراض الجمعيه :: بس شريت من قائمه الجمعيه من بوتس :: ميلك للبشره ، مرطب ، سكرآب ، سبري جسم

و شريت جم شغله شوفيهم بموضوع التجهيز



هاليومين بريـح ،، وعقب بكمل اغراض الجمعيه لأني صج هلكااااانه

 

[لميس نفسي]

حن حن


الله يقويج على هالتعب

اي البيرق بعد بعيده عني بس طبيته قبل فتره حسيته حده رومانسي لووولو

لانه حيل هادي


تعالي ماحطيتي صورة الستاند يلا حطيه بنشوفه

 

[عروس مطيريه]

صج وناسه و احلى من الوناسه
متى يوم عرسي

 

[ستايليش]

متضــــايقـــــــــــــه

 

[لميس نفسي]

عروس مطيريه

دوم ياربي هالوناسه



ستوشتي افا بس افا ماعاشت الضيقه ياجبدوو



هونينها وتهون


شوفييني انا باقيلي ساعات إن شاء الله وأدخل شهري لوووول



بصراحه خفت بالبدايه بس خوف بخليط الأمل والفرح . . .

 

[7noOna]

لموووس هههههه مآ نزلتـه من السيــآره ثقيـل حيل :\ << الكـســل ذآبحــنـي


اي ترا البيرق صج وااايد حلو ،، و في محلات مو موجوده بفروع ثآنيه عجبووني

 

[7noOna]

عروووس مطيريه دووم الونآسـه و التجهيز صج متعب بس حلوه الهياته ههههه



سوسو :: لماذا متضايقه !!

 

[ستايليش]

محد راضي يروح معاي :eh_s(2):عذرهم تو الناس :eh_s(2): زين الصالون اهم شي ابي احجزه :eh_s(2):

 

[لميس نفسي]

ستوش والله نفسي وانا حمدت ربي ألف مره اني مجهزززه من زمان وإلا جان رحتتتت فييييها , , ,



بس باجيلي التناتيف من الحمرا مول وباجيلي المسكه


وعادي لا تحاتين الصالون ترى انا لي الحين ماحجزته . .


إن استصعب الأمر ركبي سيارتج واخذي احد من خواتج او اخوانج وروحي اشتري


وهونيها ياعمري وتهون ,. ,

 

[7noOna]

ستآيلــش :: رووحـي بروحج ، مع اخوج ، مع رفيجتج اذا اهلج يرضون

زين قوليلهم و ناقشيهم ان ودج قبل العرس تريحين جسمج وبشرتج لأن الفراره والله تخلي الويه شآحب و لي جهزتي بسرعه بسرعه تتعبين ويصير ضغط عليج فووق الضغط النفسي

^^ انتي بس كلمتين و ليني راسهم ،، اذا قالو تو الناس قولي انا بروح كيفي ^^


و بعدين تعااالي :: اي فرصه لما تطلعين من البيت اشتري وقطي بالكبت

مثلا رحتي مجمع تتمشين او سينما او مطعم ترا السووق يمج والمحلات مبطله ماراح يقولونلج تو الناس هههه دشي واخذي اللي بخاطرج


عاادي والله ،، انا لما اروح المكتبه اشتريلي دفتر وقلم للمعهد << اهم شي دفتر وقلم لوووول

كنت ازرق مني مناك اقرب سوق و آخذلي اي شي جميـــل

و ساعات اتعمد اخلي مشاويري يم مجمعات و جذي ،، مثلا ابي صالون اروح بالسالميه عشان امر حوش السالميه وستي سنتر


^^ الموضوع و الروحات كلهـآ عــيـــآآآآره هههههه الاعتراف فضيلـه تعلمي مني ^^


ترا انا ادمــااان سووق والله ما ارتاح إلا لما اخم كل شي

 

[عروس مطيريه]

لميس نفسي ------------- --------- مشكوره يا قلبي صج انا والله احبج من كلامج
و ممكن اصيري وحده من منج

7noOna مشكوره انا كل يوم اقول حق امي ابي اشتري تقول لا توالناس ع شهر 10

 

[عروس مطيريه]

اي بنات سؤال عندي

متى بدء تجهز

بنات انا طالبه ثانويه و رفجيتي يقول موالحين بعدين و ماما تقول بعدين

انا شسوي

 

[لميس نفسي]

صح حنون معاج حق

تدرين والله مرات اخلي نفسي ضايعه وجهازي مغلق واروح اشتري وبعدها ارد وويهي بليطه يعني ضايعه وطبعا لازم تعليقات ومسبات بس عادي تكت ايزي واضحك عليهم ....



حنوون
تعالي جني سمعت تحطين لبنه او شغله يلا حبي اعترفي شنو تحطين وشنو النتيجه وجم المده وليش ومتى (( لحووول

 

[عروس مطيريه]

بنات ساعدوني

 

[7noOna]

مطيريــه


عرسج بشهر 10 ،، شلووون امج تقول تجهزين بشهر 10 !!!


امبيييه لاتسمعين كلامها


ترا والله والله لي رحتي بتجهزين و حاطه شغلات فبآلج معينه ،، لي رحتي السوق ماتحصلين وتتعبين من الفراره على كل شي تبينه ماتلقينه

شوفينا انا و لمووس شحلاتنا مخلصين و مريحين بآقي بس تناتيف بسيطه جم مشوار سريع


و بعدين في شغلات ما لها موضه لازم تشترينهم الحين و حذفيهم بالكبت عشان بعدين تركزين عالبدل والدراريع والعبي والجناط و الساعات


الحين حبي لآزم تشترين تناتيف للشقه وبجايم وارواب و فوط و اكسسوارات و شباصات و صندوق اكسسوارات

هالشغلات بأي مره تروحين فيها السوق دشي محلات ولي عجبج شي قولي يما عاجبني أبيه و بخشه لتجهيزي واخاف يروح علي ،، وطبعا امج بتاخذه لج اذا شافتج تبينه و ماودج يطوفج

و كل مره جذي

مثلا كليرز لي سوى تنزيلات ،، رووحي اشتري لو من مصروفج او اعانتج اذا طالبه مايحتاج ميزانيه رووحي اخذي شباصات و تراجي وسلاسل ناعمه و حذفيهم بالكبت


و اي وقت تروحين سووق و شي عجبج اشتريه و قطيه بالكبت حتى مو شرط تطلعين مخصوص للتجهيز عاادي اكيد بين فتره وفتره تروحين اسواق مجمعات اخذي ولا تأخرين عمرج والله بترتاحين اذا جهزتي من الحين ع الخفيف



و الله يوفقـج

 

[لميس نفسي]

عرسرس ((( دلع لعروسنا اليديد عروسه مطيريه ....


يابعد جبدي انتي فدييتج والله ..


اول شي واهم شي شدي حيلج بالدراسه نبي نسبه وايد حلوه عشان المحروس أحمدووه يستانس ويجيبلج هديه ( أأأأأأد السماا )


وطبعا انا لمن ملجت يؤيؤيؤ يادرجاتي مااشاء الله عااااااااليه

حتى امي تقول لو العرس بيرفع مستواج جان من زمان زوجتج لووول .. . .

وعن التجهيز الحلو والمزيون واللي وحشني وايد وايد رديت فيه موضوعج ,..

 

[عروس مطيريه]

بنات صج عضوه كذب عليك تزوجتي امس الله تمم عليه عرسي ان شاااء الله

 

[7noOna]

لمووووس احلى ماسك للترطيب


امممم حاليا استخدمه كل يوم لما اقووم لأن بشرتي نشفت :\


اخذي قفشة لبنه من الثلاجه لااازم تكووون وايد بارد يعني سيدا من الثلاجه لا تحتر ،، و مسحي اللبنه على ويهج كلللله

و خليها ليما تنشف


انا اخليها نص ساعه على ما اشرب قهوتي و اصحصح



النتيجه :: بشرتج بتصير مرطبه عدل جنج حاطه مرطب ، و تحسين من البروده ويهج انتعش و صحصح



قبل كنت احطه عقب الحف عشان لا يطلع حبوب


و الحين كل يوم ليما تتسنع بشرتي

 

[لميس نفسي]

عرسرس
اي امس عرسها وحشتنا البطه كذوبه وميس كويت بعد




حنون بجرب البنه وبدعيلج بكل خير ياروحي



حنون ماشاء الله علينا نستاهل ندخل غينس تصدقين احنا مثال يحتذى فيه (((( ترى اليوم انا صايره مغروره شسوي مادحيني ناس لوول

تدرين ليش عرسنا بنفس الشهر ونفس الاسبوع إن شاء الله

وخالصين تجهيز من شهرين لوول

وغير هذا ماخذين شهاداتنا وقاعدين بالبيت

بس عندنا غلطه وايد جبيره ويبيلها تعديل


السهر ؟؟ ؟ انا ودي اعدل نومي بس مااحب اقول اليوم الجمعه خل امدها لي باجر مدري شستفيد بس والله السهر حلو .. ..


وبعد في شغله توها تطري على بالي


جنطه حق الفون (( حق سوالف النصبه لانزلنا حق اللي تحت (( اهل المحروس لووول .. .



باجر بحجز مسكتي بليييز ساعدوني باللون والله محتراه :/ . ..

 

[عروس مطيريه]

لميس عندي سوال ممكن