كتب أولى ابتدائي :(

[أم _ أيون]

حبيباتي ادري الطلب متأخر شوي بس ابيكم تنقذوني بنتي بتروح اولى ابتدائي وبغيت ادرسها شوي فالي تعرف مكان يبيعون فيه كتب اولى ابتدائي وخاصة العربي والرياضيات و الانجليزي بليييييييييييييييييز خالتعلمني وين؟ أو الي عندها ملوت عيالها وماتبيهم والله اشتريهم منها .
وادري انكم ما تقصرون حبيباتي

 

[طير الحب]

ما اعتقد ينباعون عاد انا عندى بنتى كانت باولى وقطيت الكتب مع ان الثانيه راحه اول هالسنه شفتى الغباء ههههههههه

شوفى احد من معارفكم يعطيج ياهم

وترى مع الملف الانجازى محد قام يدرس مثل الاول

 

[أم _ أيون]

حبيبتي طير الحب مشكورة على الرد ماعندنا احد بعايلتنا بيروح اولى كله يا اكبر بوايد او اصغر شفتي الحظ ؟

 

[أم _ أيون]

وينكمممممممممممممممم

 

[أم _ أيون]

واي ببجي

 

[جكورة]

كان ودي أفيدج بس والله كتب ولدي بعطيهم رفيجتــــي

 

[غير كل الناس]

انا اقولج

روحي الدسمه جمعيه المعلمين هناك يبيعون كتب لجميع المراحل

 

[أم _ أيون]

مشكورة حبيبتي ريحتيني

 

[ياسميين]

في بعد بمكتبة الطالب اللي بالفيحا
خبري فيهم من فتره ان شاالله بتحصلينهم​

 

[مشغوله و محتاسه]

انا اقول تابعيها اول بأول وقت الدراسه .. اخاف اتدرسينها بطريقه غير عن اللي تشوفها بالمدرسه .. و هم حرام تضغطين عليها من الحين .. و حزة الصجيه تمل و تتضايق ..

خليها مستانسه بعطلتها ..

و هاتي لها الدفاتر اللي فيهم احرف و صور .. و نسخ عالخفيف ..
يعني تعريف بسيط .. و الشغل الدسم حزة الدراسه ..
و كثري من الحوار عن المدرسه و الوناسه اللي فيها و علميها جم كلمه بالانجليزي عن الاساسيات ...
و علميها تكتب اسمها بالعربي ..

و بس سلامتج ..

 

[أم _ أيون]

حبيبتي محتاسة مشكورة وماقصرتي اي مو انا كنت قايلة جذي بس خرعوني قالولي كل اليهال الحين يتأسسسون واهيا تكون ماتعرف شي ومن هالحجي

 

[Layz]

أنا أقول بعد نفس ما قالت مشغولة و محتاسة خليها تستانس بالعطلة عشان لا تمل و تابعيها أول بأول وقت المدرسة

 

[مشغوله و محتاسه]

حبيبتي ما عليج من الحجي ... كل عيال اولى يدشون مو عارفين شي .. و التأسيس على المدرسه مو على الاهل ... الاهل عليهم يتابعون و يقوون نقاط الضعف خلال السنه الدراسيه ...

Layz شكرا على الدعم لوول


الله يوفق عيالنا و يخليهم ..

 

[*سكون*]

الله يعينا على التدريس

 

[السنعة2]

انا اقولج صح كلامج على الاقل تعرف مسكة القلم وتعرف الدروس الاولى بالعربي والريا ضيات والانجليزي خاصة داش علينا رمضان اول الدوام
تقدرين تحصلين الكتب بمخازن التربية بصبحان بس المسألة شويه دوخة بس تسوى العنوة وعسى الله يوفق بنيتج