كرهتهااا من كل قلبي :( امي

[لين***]

لا حول ولا قوه الا بالله بس بعرف اشلون كتبتي بنك بنت خالتج
اسمحيلي اعتبرها قله ادب منج انج تفضحين امج وابوج عن الاهل
هذي امج ومهما كانت تظل امج باجر لين تعرفين قدر الام راح تتحسفين علي كل كلمه قلتيها اصلا راح تتغير نظره وجهج من ناحيه الام
مشاكل امج وابوج تغاضي عنها
احترمي امج وابوج
ومو كل ماصار مشكله رحتي فضحتي نفسج
تراج صغييييييييره لا تعدين نفسج كبيره

 

[i_Lolwa]

حبيبتي

مثل ماقالو البنات .. اذا عندج خالة كبيرة ومتفهمة وقريبة من امج .. قوليلها على اللي يصير !
وامج هم بيني لها انج عرفتي انها قاعد تكلم , اذا سمعتيها تتكلم بالتلفون دخلي عليها الدار ! خل تدري انج تدرين !
عشان تحس بغلطتها

وصارحي امج وابوج بان المشاكل اللي بينهم قاعدة تأثر عليكم انتي واخوانج ..

واخوانج الصغار بعديهم عن هالمشاكل اذا حسيتي انه امج وابوج بيتناجرون سيدا اخذي اخوانج مكان بعييد عنهم
عشان لايتأثرون .. لأنج اختهم الكبيرة وبنية واعية مو مثلهم ..

وادعيلها ادعيلها بالهداية .. ترا مهما كان هذي امج والرسول عليه افضل الصلاة والسلام وصانا على الام !

​

 

[زبــــــــدة]

الحين انتي داشه بنك بنت خالتج وتحشين فيهم وباهلج ...فضحتيهم حبيبتي ...

الله يهديج ويهديهم ..


ماتدرين شنو المشاكل بينهم ... لا تشغلين روحج بهالسوالف ...

 

[دكتواره]

حبيبتي مشاكل البيت ماتطلع للمنتدى او اي مكااااان ؟؟؟....علشان محححد يعرفج ترا يمكن نص جمعاتكم مشتركين

احذفي موووضوع نصصصيحه

وبععععدين هاااذي اممممج ؟؟؟؟جنتج وناااااررررج ؟؟؟؟؟؟تعرفين يعني شنووووو

وفي رب فووووق يحاسبج على كلامج الي قلتيه حطي تعديل وامسسسحي سب الي سبيته بصراحه طحححتي من عععيني

شنو تقولين لامج هالكلام مهما سوت ومافيييييه بيت بدون مشششاكل

وافضضضل حل انج تروحين لامججج تكلمينها بالهداوه قولي لها يمممه انا صغيره توني وانتوا بصرخكم تخفوني واخاف تعقدوني

واجهي امممممج علميييييها

كلميييييييهاااا طالعيها بنظرة براءه صدقيني قلب الام يييححححن

والله الهادي ادعي لها

 

[blue ocean]

ياعمري انتي ترى انتي عبالج فاهمه كل شي بس توج صغيره الحياه تعلم وايد اشياء ماتعرفينها مو بس النت

وديري بالج على نفسج وماعليج من خرابيط النت : المهم

امج تحبج لاتقولين عنها جذي ولاتظلمينها حبيبتي ترى انتي ماتدرين هذا مجرد ظن

ادري انتي متضايقه منها ومالومج حبيبتي بس ترى هذي تبقى امج مهما سوت

لاتقولين كرهتها لو تذبحج حتى لا تقولين كرهتها ..

وان شالله الله يهدي سركم اني بس لاتضيقين خلقج ولاتقولين شي عن امج

وخلي امج وابوج كيفهم باللي يسوونه ماعليج منهم اهم ادرى بهاوشهم بعدين يطخون

انتي ديري بالج على نفسج ودراستج حبيبتي ولتضيقين خلقج اوكي​

 

[ساره s]

الله يعينك على ما بلاكى

حبيبتى ما فى بيت بدون مشاكل

والله صعبان عليا ابوكى

 

[** غلا روحي **]

بصراحة ما عارفة شو اقولك غير

الله يكون بعونك و يفرج لك كربتك

 

[كتكوته نورة]

حذف الموضوع احسن شي ....

وأكيد بنت خالتج صار عندها خبر لان نكها

 

[مُخملْ]

سمعيني حبيبتي :
كل بيت لازم تصير فيه مشاكل وصِدامات .
مُستحيل تعيشين حياة سعيدة مثالية للأبد ، لاتقولين كرهت الزواج بسببهم
أو كرهتي أمّج ، هذي أشياء عادي تحصل في أي بيت . لازم تفهمين أن الاختلاف
طبيعي بين البشر مادام أن بيئاتهم وعاداتهم وتفكيرهم مختلف .
يعني المشاكل اللي تصير بكل بيت معناها أن كل واحد يكره الثاني ؟ طبعاً لا
هذي المشاكل طبيعية لأن كل شخص من بيئة مختلفه كيف تبين أفكارهم تتوافق
ومايختلفون أبداً حتى لو بعد 22 سنة!!

هذي الأمور خاصة ماتطلع برع لأي أحد كان ، أنتي تقدرين تتصرفين وتحلين
الموضوع بدون لاحد يدري .

عندج أخت أكبر منّج ؟ إذا هي كلميها بس لاتقولين لها عن أمج قوليلها أنكم بتحاولون
ترجعون البيت مثل ماكان ومن هالكلام . إذا ماعندج أخت لاتكلمين أبوج ولاتجاَزفين أبداً .
حاولي تخلين أخوانج وياج بأي مكان لما تسمعين صوتهم علا عشان اليهال لايسمعون شي ..
بين فترة وفترة قدمي لأبوج وأمج هداياا ، أكتبي لهم مشاعرج وحبج لهم .
حطي لهم كتيبات صغيره اللي فيها التذكير بالله والصلاة والأهل وغيره من هالاشياء
ترا الواحد ممكن يغفل ومب عيب أنج تنبهينهم . وصدقيني مردها أمَج بتعرف الغلط
وبتصلحه بس أنتي أدعي لها بالهداية .

ويمكن كل هذا أنتي توقعتيه وهي تتكلم بس فهمتيها غلط ،
وان كان صح فهي غلطة وزله باذن الله راح تتراجع عنها .


رب ييسر أمرج ويعينج ويهدي أمج عاجِلا غير آجل ويصلح أموركم

 

[أحـلام * ورديـة]

الله يهديهم ان شا الله

 

[Bint obouii]

حبوبه هذي امج تعرفين شنو يعني امج ؟ ماتدخلين الجنه الا برضى والدينج
مهما تسوي فيج ماتكرهينها حرام عليج وديربالج تقولين لها هالشي
الجنه تحت اقدام الامهات !!
( البيوت أسرار ) كل بيت في مشاكل ماندري عنها !!
ومهما اصير مشاكل بين امج وأبوج اي شي لا تتدخلين وحتى لو ابوج كلمج بخصوص هالموضوع قولي ما ابي اسمع او بس سكتي وينهي
وشكلج انتي البجر لازم تصيرين قدوه حق إخوانج الصغار اذا صارت مشاكل وديهم بعيد ولهيهم
ولا تقولين حق ابوج عن امج لانج راح تزيدين المشاكل .. ادعي بصلاتج ربج الله يهديهم وينور قلبهم
وحطي بالج القادم اجمل بأذن الله ..

سوري ع الاطاله

 

[divaness Q8]

كلمي خالتج أو خالج

 

[لين***]

شكووووووووووو اتكلم خالتها او خالها
شنو بتخربين البيت
انتي اتعرفين خالتها مره راكده والا
وليشش
ادخل خوالها بالموضوووووع
انا اقول ادعيلهم بالهدايه
وترا فكره انج تكتبين رساله لامج ولابوج
انج وايد تحبينهم وودج انج تعيشين بينهم بدون مشاكل
صدقيني راح تتغير وجهة نظرهم
اتمني محد يدخل بالموضوع خاصه المشاكل

 

[~Swan~]

بصراحه انا اول ما قريت الكلام احس لساني انربط ماادري شقول...

انتو تقولون للبنت سكتي ........ على فكرة غلط انها تسكت عن الغلط !!!!!!!!!!!!!!

وبعدين احنا تصير في بيوتنا مشاكل في بيوت غيرنا مشاكل اكبر من مشاكلنا والعيشة فيها لا تطاق

يعني بهالموقف انا ضد انها تسكت عن الام لازم احد كبير يتدخل بالموضوع

اللي بتقول عيب عليج تعرف سوالف المرا والريال ترا هالجيل يعرفون سوالف اكثر منا !! والله يعافي هالنت
خلوا هالشي على صوب وطالعوا المشكله
يعني البنت مسكينه ما شكت لكم الحال ولا طلعت اسرار بيتهم الا واهي حالها الله الوحيد اللي يعلم فيه

انتو تقولون البنت صغيره وعيب عليها تتكلم جذي .. ليش والام ؟ الام كبيرة وعندها بيت وعيال ومسؤوليه وتخون الابو وهذا مو عيب؟

حطوا نفسكم بهالموقف

وجهة نظركم وطرحتوها وانا وجهة نظري هذي

انا مريت بتجربه مقاربه بصراحة يعني .. اقولكم شي انا عمري 24 سنة وما تحملت ونفس الشي عندي خوات صغار تعقدوا من مشاكل امي وابوي ....

اهي مو مسألة عمر يا جماعة .. صدقوني في بيوت مشاكلها ما ينصبر عليها استغفرالله


مااقول الا الله يعينج ويعين اخوانج بس


وانصح ان احد كبير يتدخل ... خالتج او عمتج بس بما امج ما تحب عماتج لا تدخلينها

واذا تهاوشوا امج وابوج اخذي اخوانج وقعدوا بالدار وحطوا تلفزيون وطوولوا على الصوت عشان ما تسمعونهم

وخل يحلون مشاكلهم بروحهم .........

لاحقين على الشقا والحزن والدموع ومشاكل البيوت حبيبتي \

وميخالف لا تكرهين امج قولي عسى الله يهديها وتكبر عقلها عن الاشياء التافهه

كلمي ابووج قوليله شرايك نروح العمره كلنا اذا قال ليش قولي مشتهيين نروح عند بيت الله


تغيرون جو ومنها تتغير نفوسهم والله يهديهم

ادعولهم بس

 

[المكسيكيه]

الله بالعون

 

[newchlin]

مو بس امج تحب تكبرالسالفه

اصلا الاحظهم اغلب حريم الكويت يحبون يكبرون السالفه ويسوون مشكله من ولا شي

انا احب اتعامل ويا الرياييل اكثر وسبة هالنفسيات العجيبه

الحل انج توخرين عنهم وبس

لاني انا نفسي مو لاقيه حل ويا الناس الي جذي

 

[bnt_shyo5]

الله يعينج يا حياتي :eh_s(17)::eh_s(17):


الحل دام ان ب عطله الحين قولي حق ابوج يقطج بيت خالتج او عمتج او اللي تمونين عليهم غيروا جو هالبيت

او انج تعزلين نفسج عنهم وتخلينهم اهم ومشاكلهم وكيفهم وريحي بالج

وما تدرين يمكن في نفس على امج او ابوج شغلي القرآن وبطلي درايش البيت شغلي سورة البقره ب المسجل اللي يقلب من روحه يمكن الله يبعد عنكم الشياطين ويهدي نفوسكم


ووكلي امرج لله امج مرا كبيره يمكن قص عليها الشيطان بس شغلي القرآن بالصاله يمكن تسمعه وترجع لعقلها

وبخصوص الطلعه يمكن تبي تنحاش من المشاكل يمكن اهي فيها شي بداخلها مخليها تكره ابوج وتكره البيت وتبي بس تطلع يمكن عين يا قلبي شغلي القرآن وخليه كل يوم شغليه وانشالله الله يحسن اموركم


ولا تاخذين كل شي بحزازيه انا لما كنت بسنج كنت جذي اتحسس من كل شي وابجي وبعدين الحين كبرت واضحك على نفسي


انا اقولج تعوذي من ابليس وخلي امج بحياتها تعيش وتعلم ودزي لها بالواتس اب يعني ان بي سي حق الكل عن الدين وعن الخيانه وعن الموت ذكريها بالاخره ومبين على ابوج يكسر الخاطر لا تكسرين ظهره وتهدين حيله وتقولين له


والله يجبر بخاطرج ويهدي امج ادعي لها بكل صلاه وخلي اذا صار حزه الاذان حطي على قناة الكويت وخليها تسمع وتذكر ان في رب يحاسبنا

واذا حاسه انج مو قادره تصبرين كلمي احد قريب منها مثل خالاتج يدتج بعد اهي الله يهداها ام عيال فاضيه حق سوالف المراهقه

:eh_s(8):​

 

[Queen.kuwait]

كل االبيوت فيها مشاكل

انا اقولج بصراحه يمكن المشاكل الي عندكم اكثر من غيركم

بس حبيبتي لا تنسين هاذي امج جنتج ونارج مايصير تتهمينها بشرفها واخلاقها وانتي مو متاكده

يمكن تكلم رفيجتها ولا يمكن هاذا احد من اخوانها

تعوذي من ابليس وديري بالج لا يزل لسانج حتى لاخوانج وخواتج

هاذي خطيره وفيها خراب بيوت

وادعي الله يهديهم

والحين بيدش علينا الشهر الفضيل اكثري من الدعاء والاستغفار

ادعي ربج الله يحل المشكله ويردون سمن على عسل يااااارب

 

[غمزه وإبتسامه]

حبيبتي انتي مراهقه ودايماا المراهق تتصور له اشيااا مو صج ويصير يبي اي احد يكرهه انتي اكيد ظالمه امج ااااكيد وفاهمه شي مختلف ثاني انتي حاولي تكلمين امج وتقولين لها عن مشاعرج وضيقتج من المشاكل الي صايره بينها وبين ابوووج وفتره وتعدي انشالله

 

[فرزاشيهـ]

اول شي قبل لا تقولين هالكلام الكبير ماعندج دليل يثبت كلامج بداخلج صح ؟ مكالمات طلعات مو معناته هالحجي الكبير ياحبيبتي !!!

بعدين مهما يكون هذي امج انتي شنو عشان تقولين عنها جذي او تقولين كرهتها !! حملت فيج و ربتج بالنهايه تطلعين انتي يتقولين اكرهج !! مشكله جيلكم ولله !!!

و ثالثا ابوج ويا امج حسب كلامج اكثر من 22 سنه .، حبيبتي اذا 10 سنوات كفيله تبين لج معدن الي جدامج شلون اذا معاشرها 22 سنه اكيد فاهم كل تصرفاتها !! و ترا تفكير الرجل حيل يختلف عن المره لو يشك و لو واحد بالميه بمرته كل شي يتغير .،

و ضحكتني سالفه المتزوجين مالتج ! هههههههههههههههههههه لا صج عرفنا انج كبيره !

سوري اذا كلامي يجرح بس شي يحر الصراحه و نصيحتني خلج بعيد عن هالمشاكل هم كبار و يعرفون يحلون مشاكلهم و لو صج كلامج عن امج ربي بيكشفها جدام ابوج يوما من الايام .،.،