كرهت حياتي!!!!!!!!!!!!!!! للمتزوجات فقط

[Pupiipop]

بنات تكفه ساعدووووووني
انا عمري 20 سنة و متزوجة و اخر الشهر عيد زواجنا الثاني و عندي بيبي و ماخذه ريلي عن حب و قاعدين بشقة بروحنا مو مع اهله
بس مشكلتي مع ريلي الاحترام!! كلش ماكو احترام! اهوا ما يحترمني و انا ما احترمه من يوم تزوجنا نتهاوش جدام اهلنا عادي مايهمنا. بعدين حسيت ان عيب اللي قاعدين نسوي و بديت احترمه و اقدره حتى لو متهاوشين و ما ابين حق احد.. بنات انا تزوجت عمري 18 مو فاهمه يعني شنو زواج يعني شنو مسؤولية و اهلي وافقوا عليه تحت ضغطي و اصراري .. لانه بالاساس ابوي ماكان موافق احد يخطبني و انا توني صغيرة .. و وافق و ماكسر فيني..

مع الايااااااام..........
كثر الهواش خلاااني كرهتتتتتتتتتتته!!

لاعت جبدي منه و قمت اطنشه و ما اسوي اللي بالي بالكم!!

مثال 1 : حمالي كان كله مشاكل و هوااااااش و انا بالشهر الثالث بغى يطقني بس كنت ببيت اهله و امه سمعت و تدخلت و قالتله انشالله تنكسر ايدك لو طقيتها مرة ثانية احترم نفسك و عيب و ........الخ

مثال 2: انا الحين ببيت ابوي و هذي صج المشكله اللي كرهته اكثر و اكثثثثثثر ...اولت امس كنا قاعدين نتناقش على شي عادي.. مادري شصار جان يصرخ و انا عليت صوتي بنااااات جان يمسكني من ايديني الثنتين عاااااااصرني بنات ورم زنووودي و يقولي انتي زباله لاتعلين صوتج و صكري حلجج و انجعمي و يطقني على حلجي اكثر من مرة و انا قاعده اقوله انت قليل ادب و حيوااان شكو تطقني!!

وعروقه اطططلعت و ويهه صار احمممممممر استغفر الله احسه شيطااااااااااان!!
قتله لوو فيك خير و لو انت ريال دق على ابوي قوله انا طقيت بنتك. دق على ابوي و قاله و دق على ابوه و قالهم ييون عندنا لانه خلاص انا ما ابيها و مادري شنو.. بعد ما ياو عندنا قتلهم خلاص احنا ماكو بينا توافق و اهوا مايبيني و انا ما ابيه.. جان ابوه يقول انتو توكم على البر و انا ماشوف انه فيه سبب مقنع!! قتله الطلاق مو لازم اكون وحده خاينه ولا مثلا يمر على زواجي 30 سنه و عيالي شكثر بعدين اتطلق!!!!!! قتله ماكو توافق ماكو احترام اكو ناس تطلق بعد يومين زواج و لا بعد 6 اشهر زواج.. يعني مو شرطط!!! انا اختياري من البدايه خاطئ و اختياره من البدايه هم خاطئ!

قتله ماابيه خلاص كررررررررررهته!!! و ماقدر اكمل حياتي مع واحد كارهته
جانريلي يقولهم هذي حالها حال القنفه!!!!!!!!!!!! ماتسوي شي حتى فروضها الزوجية ماتسويها و تقولي مااقدر و ابي انام و مادري شنو ( للعلم عندي تكيس على المبايض و صارلي شهر تيني الدورة كل اسبوع تخيلوا بنات اخلصها يومين بالضبط و ترد تييني يتلي هالشهر 4 مرات و اهوا يدري و قتله ودني عند دكتورتي لانه الدوا مو مسويلي شي!!!) و قتلهم انا عندي كيت و كيت و اهوا مايوديني الطبيب و يقول ماعندي فلوس!!

ثاني شغله قال جدام ابوي .. ماكوووو مره بالدنيا تعلي صوتها علي و اللي تعلي صوتها (تكرمون) بالنعال تنطق!!!!!!! جان ابوي يقولي قومي قومي بدلي و ييبي اغراضج و اغراض ولدج !! قاله هذي قلة ادب حتى الكبار مو محترمنا!! و لام محترم ابوك اللي قاعد!!!!!!!!!!! و مشيت مع ابوي

هذا و انا رايحه بايعه ذهب عشان اييله هدايا عيد ميلاده و عيد زوجنا و شاريتله الزينه و شاريه شموووع و خاشه فلوس عشان ايبله كيكه و اعزمه بفندق !!!!!!!!!!!! و اهوا جذي حقير بنات كرهته و مارح اسامحه وايييييد شايله بقلبي و هذي مو اول مره انام ببيت ابوي وايد اروح حق اهلي و جم يوم يرد يراضيني و ياخذني.. و انا قبل لي ييت عند ابوي اقعد افكر فيه و اقولهم دقوا عليه و ابطل صور عرسي و مادري شنو.. بس اخر مرة كلللللللش لا ماكنت ابي ارد بس هم يه يراضيني و رديت (مع العلم من داخلي كلش ماكنت ابي ارد بس قلت خل اعطيه فرصه وقتله كل واحد يغير اسلوبه و نحترم بعضنا و قالي اوكي و حب على راسي و انا بعد نفس الشي)
بس هالمررررررررررة صج ما ابيه لانه انسان حقير و مغرووووووووووور!! على شنو ماااااااااددري!

بنات انا من زمان محترمه نفسي و ما اتهاوش معاه جدام احد ولا اعلي صوتي.. بس اهوا مغروووووووووور و قليل الادب .. و انا ببيت اهلي مو متربية على جذي !! و ابوي و امي ماكانو يطقوني!

و فوق هذا متحمله حالتنا المادية الخايسه.. متحمله شقتي مو صغيرة و ما ييبلي خدامه ! بس مرات امي تييبلي خدامه و اهيا تحاسبها بعد! و اذا بغيت شي امي تشتريلي اختي تشتريلي !! اهلي يعطوني فلووس!! اهوا يالاااا يالللااا يعطيني 5 دنانير و بس جم مره عطاني حق عطور و عطاني اشتري ملابس حق الحجاب و تحجبت عشان ربي و تالي عشاااانه!! عشان حيييل يغار علي..كل شي انا اسويه!! طباخ ياهل غسيل امسح اخم عندي جامعه و محاضرات و مهتمه بدراستي !! شنووو المطلووووووب!!

واتحمل اسلوب ابوه و حمواتي و عايلته كلها دايم يقطون علي حجي.. سواء بظهري ولا جدامي! و اهوا مايرد عليهم !!!!!!!!!!!!!!!!! و كله ينتقدوني ! و انا الحمد لله حلوه و كشخه و قلبي طيب و على نياتي و الكمال لله! احمد ربي انا مو مغرورة و لا شايفه روحي على الاوادم نفسه! اقل الناس اعاملهم بقلبي و ماتكبر على احد!

والله ماكنت ادري انه حياتي رح تكون جذي مهااااااانه .. وايد اشياء ماقتلكم عنها
بس انا خلاص كرهته ما ابي افني حياتي عليه!!!
بنات صرت عصبية حييييل و كله جسمي يعورني و ارررررررررجف حالتي زق من يوم تزوجته و كله نفسيتي خايسه و ابجي بروووحي !! مو ذاكرتله شي حلو!

ابوي و امي يقولون كيفج اللي يريحج نسويلج ياه تبين تعطينا فرصه اوكي ماتبين كيفج انتي اللي عايشه مو احنا..ابوه و امه يقولون مشاكلكم ما تسوى و مادري شنو !! كل مره هالحجي! كل مره يقولون هذي اشياء تافهه و سخيفه و مالها داعي!

ساعدوني الله يخليكم و سوري اذا في بدليات قاعده ابجي و منقهره و مو شايفه عدل​

 

[Brora ~]

اب اب اب

انا شفت موضوعج بقسم المشاكل الاجتماعية ودشيته وطلعو ناقلينه الحياة الزوجية

حبيبتي حيل كسرتي خاطري الله يعينج ويساعدج ..

انا بخلي المجال حق المتزوجات اهمه يردون

 

[Gifts&Occaions]

الله يعينج

 

[منيرة خالد]

الله يهديكم ويصلح ما بينكم


الواضح بداية زواجكم كانت غلط ، انصحج ما تستعجلين وشيلي فكرة الطلاق ، الحياة يبيلها صبر واذا انتي تقولين تغيرتي لازم تغيرج يأثر فيه مو بس انتي تتعدلين >>> كلمة انته مو ريال اذا ما سويت والا حطيت شيليها من قاموسج


يبقى الريال ريال سواء كان زين والا شين


والحياة تعاون لا تعايرينه انج اخذتي من اهلج والا بعتي ذهبج علشانه


بطريقة حياتكم اشياء كثيره غلط >> لو تروحون لادارة اصلاح البين اعتقد بوزارة الاوقاف سألي عنها راح يساعدونكم على التوافق بينكم


موووفقه

 

[Miss-LuLu]

الله يعينج الصراحه

لازم تقعدون ويا بعض بعييد عن الكل

انا انصحج تخلين ولدج عند امج

وتطلعين وياه بمكان هادي بعيد عن الناس وومايكون زحمة

وتفاهمو.. قوليله انت مضايقني بجذي وجذي.. وانا ادري غلطانة بجذي

ابي منك وعد ووحرام بينا ياهل خل نبني مستقبلنا بايدنا لا نهدمه

عطيه اخر فرصة بس لازم تحطين شروطج وصج الطلاق حلال بس ابغض الحلال !

الله يسهل امورج يارب

 

[رحيق uae]

انا من رايي ان المرة ما تنضرب واذا صار هالشي وتكرر تكون الحياة صعبة ومب مجبورة تتحملين

الله سبحانه وتعالى قال " امساك بمعروف او تسريح باحسان "

انتي قرري واستخيري ربج مرة ومرتين وعشر بالي اخترتيه .. وان شاء الله ربج بيهديج للي فيه خير لج

 

[انا لحبيبي .]

الله يعينك حبيبتي ، طيب ليش ماتحكي معه وتفهميه هالشي بما انكم ماخدين بعض عن حب ، بتقدري تحكي معه وتحكيلو مشاكل البيت ما تطلع لبره ومانتهاوش قدام اي حد ، ومن اساسه ما نتهاوش ونغلط على بعض ونوصلها للضرب ، ترا حرام عندكم طفل ،

هي مشكله الزواج اذا فقد الاحترام ، شوفي انتي يلي بناسبك لانه انتي رح تكملي حياتك معه مو حد تاني

واحنا مهما ردينا ونصحناكي مو عايشين الوضع يلي انتي عايشه فيه ،

الله يهدي البال ويصلح الحال يارب العالمين حبيبي

 

[Sarah123]

نفسس مشكلتي بالضبططط
انا كنت اكلمه من المتوسط قبل لا نتزوج وبس تخرجت من الثنوية تزوجنا وماعندنا عيال ومايقعد بالبيت وكل شي سويتله حتى شسمونه مايبي يسويه معاي وانا اكشخله بس مايبي بس الحمدالله ريلي مايطق ويصارخ ومرات يمسكني من ملابسي
قبل لا نتزوج كان ميت فيني كان يحن كل يوم متى نتزوج ومتى نتزوج
بس الله يسامحه وانا مو قادرة اكرهه ميته فيه
طول اليوم ماسك تلفونه مايهده دقايق وبي بي ام مشلخه
لووول طولت مو
الله يسخرلج ريلج يارب:*​

 

[كشوخية]

الله يعينج. ويهدي بالج انتي ماكرهتيه انتي كرهتي تصرفاته لانج لو كنتي كارهته ماحاولتي تعرفين شنو ممكن تسوين عشان تنصلح الامور بينكم دايما يكون بكل علاقه الاحترام اهم من الحب لازم ماتدخلون احد بينكم وتحلين السالفه بينج وبينه وتكلمينه انكم لازم تحترمون بعض مو عشانكم عشان ولدكم لان اهو الي راح يضيع بينكم كثر ماتقدرين تفاهمي معاه انا متاكده انج تحبينه بس كرهتي معاملته ودج يتغير معاه مسكي نفسج اذا قط كلام حقريه مايصير انتوا الاثنين تعاندون وتشدون وصدقيني اي انسان يغلط عليج وتغلطين عليه بيشوف نفسه ويزيد بس مو يغلط عليج وتحقرينه راح ينقهر وينحرج ويحس نفسه تافه. الله يهدي لج وحاولي ترخين اعصابج ماكو شيء بالدنيا يسوى الواحد يدهور صحته عشانه لاتخلين اعصابح تااثر على صحتج والله يعينج حبيبتي

 

[0oR0R0 honeyo0]

الله يهدي سركم
لا تتسرعي واستخيري الله ماخاب من استخار الله يوفقج حبيبتي

 

[عبالي حبيبي]

راح تصير حياتج حلوه اناواثقه بس انسي سالفة الطلاق

1_لاتغلطين ولاتقولين اي الفاظ سيئه واهو معصب اسكتي تماما وتناقشي وياه لمايهدى:eh_s(15):

2_الرجل اهم شي بحياته الزوجيه الجنس وانتي الان دورتج مومنتظمه صدقيني لاتعالجتي وطبتي باذن الله وصارت حياتكم الخاصه زينه راح يروح 80%من نفسيات ريلج:eh_s(15):

3_موبس تحترمين ريلج جدام اهله واهلج لازم حتى وانتوا بروحكم يكون فيه احترام:eh_s(7):

4_الظروف الماديه موعيب لاكانت عسره بس هم من حقج يحددلج مصروف دخلي امه وابوه بالسالفه يحاجونه اذامارد عليج :bbbiu:

المـــــــــــــــــــراد انسي الطلاق كلش واتفقي انتي وياه بعد ماتسوينله جو حلو ان لغة الطق والهواش والمجانين ماتبونها

واحذفوها من قاموسكم كلش وعسى الله يسخره لج ويسخرج له

 

[CH!C G!RL]

شوفي ي قلبي ,, انتي خلك عند آهلك

المشكله مو بعمرك ولآ لآنك صغيره بس المشكله مآبينكم تفآهم آبد
لو فكرتي ترجعين .. آجلسسي معآه قدآم آبووك وقولي كل الي بخآطرك وترآ ي قلبي الرجل مهمآ كان طيب وحبوب او عنيد ومو كويس الكلآم الطيب والاحترآآآآآآم يجيبهم ,, يعني حآولي تغيرين من اسلوبك صحيح صغيره انتي بس لآ تهآوشتوآ ابلعي لسآنك تماما الرجال مايحبون الي ترد عليهم لآ طخ وهدآ روحي له وتفآهمي بآسلوب حلو وي قلبي انت فهمت غلط قصدي هيك وهيك


الطلآق نصيحه مآهو حل ي قلبي > ابغض الحلآلآل
,, انتي تحبينه وهو يحبك وبينكم طفل ليش يضيع عشآن اشيآء صحيح مالهآ داعي

لو فكرتي فيهآ ترآ كل مشآكلكم سببهآ طوله لسسآن وقله آحترآم وهذي ببتغير لو سآعدتوآ بعض في حل هالامور !!

>> آحيآن لمن اتهآوش مع زوجي ومره مد يده رحت لآهلي وسبيته وقلت كلام وحلفت ماروح له لآني كنت منقهره وحآسه بقهر
بس لمن هديت وفكرت فيهآ ليش اتطلق ومعاي بنت و زوجي كويس واقدر آحل اموري بنفسي

انتي اجلسسسي عند آهلك لفتره تقارب اسبوعين .. ان ماشتقتي له ولآ طرآ ببالك او ماحن له قلبك سوي الي تبين
لكن ابعدي عن الطلآق نهآئيآآ .

وان جآ يرجعك قولي وش تبين يتغير وابيه يحترمني ويقدرني وانا اوعده احترمه والخخخ

اسسفه طولت عليك بسس عمر الطلآلآق مآكآن حل .. شوفي مشآكل البنآت الي هنآ بتشوفين مشكلتك ولآ شي

الصبر والكلمه الحلوه والاحترآم واهمهآ الدعآ والصلآه > خليك من الله قريبه

والمعذره قلبي ..​

 

[قاهره عذالي]

انتي الحين تعرفين النقطه اللي فيها الخلاف

والحل يكون بالاحترام المتبادل

بصراحه حبيبتي انتي عوبه وحيل تستفزينه الرجال ان عصب حتى لو غلطان سكتي عنه او ردي بهداوه لطفي الجو مو يعصب وانتي تعصبين ويصير الشيطان بينكم

اصبري عشان الجاهل وعشان الحب ودام يرجعج ويعتذر في امل

انتم توكم صغار

انا قبل خالي ومرته اخذوا صغار وكله طق ومطاقق وهم جابوا ولد وكانوا بيتطلقون هي عوبه وترد وهو يطق وكبرت السوالف

اخر شي اتفقوا ومع الوقت صار يمشي بشورها بالدقمه جنه تحركه بريموت كنترول

اعقلي حبيبتي مالج الا زوجج وبيتج وابو ولدج

حبيبتي انتي نفسيتج تعبانه من الضغط اللي عليج ( شغل بيت + دراسه + محاضرات والحين قربت الامتحانات وهم عندج رعاية الطفل )

تعوذي من الشيطان مهما كان هذا زوجج والزواج مو بس حب الزواج احترام وموده ورحمه

يمكن زوجج معاشه ضعيف انتي ادرى اذا يقدر يجيب خدامه او لااا


خلي الطلاق اخر الحلول حبيبتي عشان هالولد وتعوذي من الشيطان كل شي مع الوقت يروح ولا تحقدين عليه ترا عادي الهواش وانتي بايدج تصنعين السعاده ببيتج

خلاص بطلي تعاتبينه وخلج هاديه وساكته وطنشيه ودلعيه وشوفي شيصير

والامور ما تنحل انه تسوين مسرحيات انتي وياه وتجمعون خلق الله اعقلي عشان باجر لاتحسفين ىوتبجين دم على ابو ولدج ولا طيشج وطيشه انتي المراه المفروض اعقل تكونين وتحتوين زوجج وبيتج
مشي حياتج

ولا تزنين على خراب عشج

ترا سوالفكم ولا شي بس عناد وسوالف جهال صراحه

 

[دلوعة صلوح]

حياتى والله عورتى قلبى الله يشافيج يارب ويخليج لولدج ويهديلج ريلج الدعلة >>> قهرنى صراحة

 

[elcadbury]

الله يهديه ويسخركم لبعض ان شاء الله

 

[ام كوثر2007]

حبيبتي انتي شكلج بعد مو هينه ..


يعني اذا اهو يقل ادبه انتي تردين عليه دبلااات


صراحه اول مره اشوووف جذى ؟؟ من متي المرا تقول حق ريلها يا حيوان ؟؟؟؟؟ واذا انته ريال ؟؟

والله لو انه ديوووث وسمع منج هالكلام يقطعج بأسنانه .. مو بس يطقج


يعني هم بطوله صوتج عليه وتهينينه بكلامج وهم تبينه يحترمج ؟


هذا وانتو ماخذين بعض عن حب ؟ وهالشكل عايشيين ؟


حبيبتي لازم الاحترام يبدر منج انتي بالاول اذا تبينه يحترمج .. انتو عندكم ولد .. لا تخلون هالياهل يربي علي ام وابو يتكافخوون جدامه


والصراحه اذا يا راضااج ردي .. انتي الحين مو كارهته مثل ما وصفتي انتي كرهتي تصرفاته لانج محملته الذنب

لكن لو تشاركتي بالذنب معاه بتعرفين انج انتي بعد غلطانه ومو بس انتي اللى كرهتي اسلوبه حتي اهو كره اسلوبج وانصدم فيه ..



قعدي بينج وبين نفسج توج صغيره يا قلبي .. والحياه الزوجيه لابد يصير فيها امور جذى خصوصا انكم توكم في بدايه الطريج


عقلي وخليج مرااا تكانه تعرف اشلون تمسك بيتها وريلها وتحل امورها من غير ما تفرج امه محمد عليها

وذا علي سالفه المصرف وين اعانتج من الجامعه ؟؟؟؟؟ ليش ما تصرفين علي نفسج منها يمكن ظروف ريلج مو ذاك الزود خصوصا انكم ايجار ومصاريف ياهل يعني قدري وضعه .. وكل ما قدرتي وضعه كل ما علا شانج عنده .
وعسى الله يهديج ويهديه ...

 

[نونه المنكوشه]

الله يصلح حالج انتوا الاثنين غلطانين انتي ابدي بالتغير يبيلج صبر + ثقافه زوجيه حاولي اتثقفين نفسج من هالناحيه وبإذن الله بينصلح وضعج بس صبري واجلي سالفة الطلاق واحتوي ريلج يمكن تصرفاته ناتجه عن ردة فعلج انتي بايدج كل شي

 

[جوري 2007]

خلج بيت اهلج فترة لين تهدى النفوس وبعدين فكري عدل بوضعكم

انتي تحبينه فشلون بتستغنين عنه !! تصرفاته مو صح وتزهق وتكره الواحد فيه بس شوي شوي راح تساعدون بعض على حل مشاكلكم

 

[سكارلت]

بصراحة أنتي عووووبة ماتنقدرين لا شفتي الرجال معصب
المفروض تسكتين لين يهدا مو تراددينه وتتردين عليه وهو يصارخ جنكم جهال

بعدين هو مايستحي يتكلم بخصوصياتكم جدام أبوج
وانتي عادي عندج لو منج جان مت من الفشله


الله يعينه عليج ويعينج عليه

 

[حالة حنان]

والله مادري بس أمس أمي تقول حق اختي
انتي على اليمين وهو على اليسارتشدون::j013:

خلاص ينقطع الحبل:eh_s(11):

بس هو يشد ونتي ترخين ماينقطع الحبل كل مايكبر الريال يطخ يعقل وانتي اللي تكسبين
مو باجر لو تزوج وياخذله وحده صبور وتكسبه وبعدين قابلي عيالج ليش هي وليش انتي
دام عندج عيال اصبري مابعد الصبر الا الفرج كلام الوالده الله يخليها :denya: