بنات تكفه ساعدووووووني
مثال 2: انا الحين ببيت ابوي و هذي صج المشكله اللي كرهته اكثر و اكثثثثثثر ...اولت امس كنا قاعدين نتناقش على شي عادي.. مادري شصار جان يصرخ و انا عليت صوتي بنااااات جان يمسكني من ايديني الثنتين عاااااااصرني بنات ورم زنووودي و يقولي انتي زباله لاتعلين صوتج و صكري حلجج و انجعمي و يطقني على حلجي اكثر من مرة و انا قاعده اقوله انت قليل ادب و حيوااان شكو تطقني!!
وعروقه اطططلعت و ويهه صار احمممممممر استغفر الله احسه شيطااااااااااان!!
قتله لوو فيك خير و لو انت ريال دق على ابوي قوله انا طقيت بنتك. دق على ابوي و قاله و دق على ابوه و قالهم ييون عندنا لانه خلاص انا ما ابيها و مادري شنو.. بعد ما ياو عندنا قتلهم خلاص احنا ماكو بينا توافق و اهوا مايبيني و انا ما ابيه.. جان ابوه يقول انتو توكم على البر و انا ماشوف انه فيه سبب مقنع!! قتله الطلاق مو لازم اكون وحده خاينه ولا مثلا يمر على زواجي 30 سنه و عيالي شكثر بعدين اتطلق!!!!!! قتله ماكو توافق ماكو احترام اكو ناس تطلق بعد يومين زواج و لا بعد 6 اشهر زواج.. يعني مو شرطط!!! انا اختياري من البدايه خاطئ و اختياره من البدايه هم خاطئ!
قتله ماابيه خلاص كررررررررررهته!!! و ماقدر اكمل حياتي مع واحد كارهته
جانريلي يقولهم هذي حالها حال القنفه!!!!!!!!!!!! ماتسوي شي حتى فروضها الزوجية ماتسويها و تقولي مااقدر و ابي انام و مادري شنو ( للعلم عندي تكيس على المبايض و صارلي شهر تيني الدورة كل اسبوع تخيلوا بنات اخلصها يومين بالضبط و ترد تييني يتلي هالشهر 4 مرات و اهوا يدري و قتله ودني عند دكتورتي لانه الدوا مو مسويلي شي!!!) و قتلهم انا عندي كيت و كيت و اهوا مايوديني الطبيب و يقول ماعندي فلوس!!
ثاني شغله قال جدام ابوي .. ماكوووو مره بالدنيا تعلي صوتها علي و اللي تعلي صوتها (تكرمون) بالنعال تنطق!!!!!!! جان ابوي يقولي قومي قومي بدلي و ييبي اغراضج و اغراض ولدج !! قاله هذي قلة ادب حتى الكبار مو محترمنا!! و لام محترم ابوك اللي قاعد!!!!!!!!!!! و مشيت مع ابوي
هذا و انا رايحه بايعه ذهب عشان اييله هدايا عيد ميلاده و عيد زوجنا و شاريتله الزينه و شاريه شموووع و خاشه فلوس عشان ايبله كيكه و اعزمه بفندق !!!!!!!!!!!! و اهوا جذي حقير بنات كرهته و مارح اسامحه وايييييد شايله بقلبي و هذي مو اول مره انام ببيت ابوي وايد اروح حق اهلي و جم يوم يرد يراضيني و ياخذني.. و انا قبل لي ييت عند ابوي اقعد افكر فيه و اقولهم دقوا عليه و ابطل صور عرسي و مادري شنو.. بس اخر مرة كلللللللش لا ماكنت ابي ارد بس هم يه يراضيني و رديت (مع العلم من داخلي كلش ماكنت ابي ارد بس قلت خل اعطيه فرصه وقتله كل واحد يغير اسلوبه و نحترم بعضنا و قالي اوكي و حب على راسي و انا بعد نفس الشي)
بس هالمررررررررررة صج ما ابيه لانه انسان حقير و مغرووووووووووور!! على شنو ماااااااااددري!
بنات انا من زمان محترمه نفسي و ما اتهاوش معاه جدام احد ولا اعلي صوتي.. بس اهوا مغروووووووووور و قليل الادب .. و انا ببيت اهلي مو متربية على جذي !! و ابوي و امي ماكانو يطقوني!
و فوق هذا متحمله حالتنا المادية الخايسه.. متحمله شقتي مو صغيرة و ما ييبلي خدامه ! بس مرات امي تييبلي خدامه و اهيا تحاسبها بعد! و اذا بغيت شي امي تشتريلي اختي تشتريلي !! اهلي يعطوني فلووس!! اهوا يالاااا يالللااا يعطيني 5 دنانير و بس جم مره عطاني حق عطور و عطاني اشتري ملابس حق الحجاب و تحجبت عشان ربي و تالي عشاااانه!! عشان حيييل يغار علي..كل شي انا اسويه!! طباخ ياهل غسيل امسح اخم عندي جامعه و محاضرات و مهتمه بدراستي !! شنووو المطلووووووب!!
شوفي اللي حطيت تحته خط ترا اغلاط سويتها
1- اول شي رفعتي صوتج وضيعتي حقج لقاها حجه عليج انه يطقج ..
2- حبيبتي مايصير تسبين الرجال هذا ابو ولدج مهما كان لا تسبينه بكل الاحوال لانج متربيه ومحترمه ومن بيت متربي بنت الحمايل ماتسب زوجها تحترمه وتعمل باصلها ولاتخلين الانفعال يضيعج اعقلي وعادي ترا ابن ادم خطاء تعلمي ..
3- نصيحه مني لج سيرة الطلاق لا تجيبينها خير شر مهما كان خلافاتكم لا تجيبين سيرة الطلاق لان كلش ماله داعي في حريم رجالهم خاينين وبخله وظالمين وراعين سفرات ويطردونهم من البيت بدون سبب ومتحملين ويبون الستر مو نفسكم معاند ومطاقق
انتم مشكلتكم الحوار
عندكم مشكله بالحوار لازم شوي حبيبتي تطورين نفسج من خلال التحاور تعلمين الهدوء تنتقين الفاظج تكونين هاديه تجربين تسمعين له الرجال مايجي بالتحدي يجين باللين بالكلمه الطيبه زوجج صدقيني مو صعب من اسهل الرجال والدليل عقب هالهوشه ردج
صدقيني زوجج طيب
في رجال حريمهم لا سبتهم وتحملهم ويتفل بوجهها ويلعن خيرها وتسكت ماتكلم ولا ترد عليه ولا تعرف المرادد
لو انها ترد عليه يلقاها حجه عشان يتحجج عند الناس والله طلقتها عوبه وترادد ولسانها طويل وقالت قليل ادب
ترا مجتمعنا ذكوري المراه مايوقفون معاها حتى لو مظلومه
فحبيبتي اعقلي لاتخلين الرجال يلقى عليج حجه وقابلي عصبية زوجج وحمقته بالهدوء والسكات وعقب ساعه من يهدى دوري مفردات حلوه اسلوب حلو طريقه تكلمين فيها عن اللي تبينه بدون حنه
حبيبتي الهدوء الهدوء ما تسوى عليج باجر يطلقج ويقول للناس عوبه
انت ام طفل شنو تستفيدين من الطلاق ؟؟؟
لاتظنين لو تطلقين تحصلين واحد احسن من زوجج
ترا الرجاجيل بلاوي قولي الحمدلله
مطلقه وعندج طفل حتى لو صغيره بتقل فرص الزواج وولدج لو تزوجتي انتي بمكان وابوه بمكان وهو بمكان ماراح يرتاح ولا راح يعرف معنى الاستقرار وراح يكبر وهو حاس بالنقص لان ماعاش نفس الاطفال الطبيعين تحت ذرى امه وابوه
والله اعرف وحده تطلقت عندها ولد وتزوجت رجال ثاني وجابت بنت وهذا هو مكسف فيها وماتبي تطلق منه عشان بنتها تقول انا حاسه بالذنب عشان ولدي قاعد عند مراة ابوه وبعيد عني
حبيبتي انتي زوجج لا سكير ولا راعي بنات
لاتخلين الشيطان يهدم بيتج والمراه مو كل يوم لها رجال ولا تخسرين زوجج
.....تري البيووت اسرار .... والكل يقولج انه عايش بالجنه ونعيمها ....... لا تزعلين انتي بعد همن طفرتيه ..... ويمكن عصب ومد ايده ....مو نهايه العالم ...بس لا تسمحين له يمد ايده مره ثانيه ....مو تحدي بس باسلوبج وطريقتج .
