كرهت زوجي :(

[HNoNi]

شلونكم بنات
انا بنت عمري 18 سنة وصارلي متزوجة 6 شهور وزوجي صارله فترة متغير علي مايقعد معاي مثل قبل كله قاعد بالدوانية .
وقام يطلعني نص ساعه عشان يجعمني وماقوله انت ماتقعد معاي ..
واليوم صار شي وايد كدرني تونا رادين من السفر من اول مارجعنا واهوا بالدوانية ماشفته احس اني قمت اكره العيشة معاه وكرهت نفسي مادري شسوي وانا وحيده ماعندي احد اشكيله لا ام ولا اخت اكبر مني تعبت وزهت منه بالرم الفترة الصغيرة اللي عشتها معاه



ساااااااااااااااااااااااااااااااعدوني بليييييز

 

[lovkom]

حبيبتي لاتضايقين عمرج انتي تعرفين الريايل كلهم جذي هم ربعه لهم حق عليه وخليه يروح لاتحكرينه عشان لايمل مثل ما انتي مليتي ..

لاتتضايقين ولاتقوليله انته ماتسويلي وانته ماتطلعني وانت وانت .. حاولي قد ماتقدرين ماتعاتبين وايد ترا صدقيني اتطق جبده

غيري روتينج وياه دزيله مسج سويله عشا او اي شي ثاني يخليه يستانس او قوليله اعزم ربعك بالبيت انا اطبخلهم وجذي ..

وان كلش ما اقتنع بهالأشياء كلميه مره وحده وشوفي شنو يقولج ..


والله يخليكم حق بعض انشالله

 

[انثى عاشقة]

ياحياتي انتي
شوفي الريال يكره المرة الي تلزق فيه
جتني فترة كنت مثلج بحكم اني بعيدة عن اهلي وجذي
مالي غيره هني
بس الرجال مايفكرون ولا يحسون بهالشي
قمت اشغل نفسي عنه نت شغل بيت هوايات
الحين بنتي مالية علي البيت
يعني الوضع بيتغير ان شا الله
انتي طولي بالك وانشغلي عنه شوي
تلقينه مشتاق ويرجع لك ​

 

[sunshine22]

كويتي١٠٠٪

زوجك

اهم شي ربعه والدوانيه

علي حركاتهم والله الحريم بيدورون من يكلمهم ويقابلهم اذا بيست مرون جذي

 

[لمى الهاجري]

نصيحة هالفترة ابتعدي عنه شوي ولا تسالينه لا من وين ياي ولا وين تروح انت اشغلي بنفسج بصالون وبديكير ومتاكير وحمامات مغربية وماسكات وصدقيني هو بيركض وراج

 

[أبله أريج]

عادي كل الرياييل جذي

 

[Lady H]

حبيبتي انا عايشه اللي عايشته
صدي عنه طلعي مع رفيجاتج او بنات عمج
زوري اهلج او اهله
روحي الصالون كل يوم سوي شي مره اظافر مره شعر
روحي سبا لهي عمرج

 

[Winter Q8]

شوفي حياتج و اهتمي بدراستج فرصة تدرسين على راحتج ترا محد ينفعج غيرها
و كوني لج شخصية و راي ..
​

 

[MakeupAholic]

الله يكوون بعونج

 

[مـوني آلحلووة]

صح شوفي حبيبتي لاتحنين وتقولين وينك ماتبين زين اشوفك ومن هالسوالف
الريال اذا يا البيت يبي كلمة حلوة ابتسامة وغير هذا قوليلة على ضحك اخاف اقعد برووحي
اهو بنفسه صدقيني بييج ويقولج امشي نطلع ,. او قوليلة تعشى معاي لاتحسسينه انج متضايقه من طلعاته للدوانية
والدوانية شي طبيعي الكل دوانيات يت على ريلج !
وترى على طاري الطلعات انا ما اطلع مع ريلي وايد بس خصصي يوم او يومين بالاسبوع انكم تطلعون مع بعض طلعه حلووة
عشان لا ايي في بالج فكرة مايطلعني كله حابسني وقاعده بروحي .,
وفكري عدل قبل لا تقووولين اي شي وتتندمين ترى الحياة الزوجيه لازم تكون فيها تنازلات عشان تعيشين
وهذي من تجرربة خااااصه
وموفقه ياااقلبي :*

 

[BaiTotia]

لا تقولين له أنت ماتطلعني وأنت ماتسوي لأن الرياييل مو صاحين مايحبون هاللهجة خخخخخخ

عطيه بأسلوب ثاني مثلا أحب الطلعة معاك ومدحي فيه حسسيه إنه أسد وبطل زمانه

علشان يستانس وتاخذين منه اللي تبينه هههههههه

 

[Um Tuki]

الريال مايبي. الحرمة اللي تحن عليه و دايم تتحلطم انت ماتقعد معاي انت ماتهتم فيني انت تغيرت
حمدي ربج يطلعج نص ساهة عشان يراضيج غيرج يرقدون بقهرهم و الاخ مو مفتكر زين انه يدور رضاج
لانج صغيرة هذي تصرفاتج فكبري عقلج و لا تشردين الريال خليه على راحته دام انه زين معاج و مسفرج توه

لاتخربين بيتج بيدج

 

[om-3azo-83z]

حبيبتي لا تحاتيييين اغلبيه الرياييل جذي بس انتي بشطارتج اتلينه حببيه بقعده البيت لا تحنين على راسه خليه اهوا اللي يسولف سمعيه شاركيه بكل سوالفه خليه لما يرد يشوف كل شي نظيف و مرتب و زوجته جدامه كاشخه و ناطرته بتقولين كل هذا شكو بمشكلتج؟ انا اقولج الريال ما يبي الا كلمه حلوه و زوجه نظيفه مرتبه و مكان نظيف يلاقى راحته فيه ليش مايكون هالمكان بيته؟
والله والله انا كنت متزوجه و معروف ريلي حتى نوم ينام بالدوانيه طبقت اللي قلتلج عليه صارو ربعه يدقون تعال بس سلم
و لا تحكرينه خليه يروح و اذا راح طفريه دزيله مسج مشتاقتلك و جذي بس مو كل يوم و اذا تعدل الوضع حاولي تحطين مو قوانين بس شي يضبط الوضع مثلا كل سبت يوم فري انا اطلع مع رفيجاتي او اهلي و انت بعد و كل خميس مثلا نطلع انا معاك بس
و بخصوص طلعه النص ساعه حاولي تغيرين جو الطلعه بالسوالف عشان يحب الطلعه معاج ساحليه قوليله عازمتك اليوم على سينما و مطعم مثلا خلي الطلعه كله وناسه و ضحك و من تشوفينه بيتناجر قوليله ناجل النجره لي بعدين الحين احنا طالعين نغير جو و نستانس ماكو مجال لضيقه الخلق
الله يهديه انشالله

 

[al-musk]

البنات ماقصرو معاج وكلهم رايهم مفيد .. انتي المفروض الحين تنتبهين لدراستج اذا ناوية تكملين .. ووقتج راح ينملي كله

 

[نونه المنكوشه]

يبون مره وعيال ومايبون يتحملون مسؤليه مادري شلون واذا الوحده راحت برا العنوا خيرها استغفرالله والله نصيحه للكل تبين اتعيشين صح موتي احساسج وعيشي حياتج لاتشيلين همه لانه محد بيتعب غيرج المفروض اي وحده بتزوج يعطونها مع المهر تحذير حكومي الرجل مسبب لسكر والسرطان والجلطات واي مرض نادر ف يالزوجه العزيزه توخي الحذر وعليكي بالبرود التام هههههههه استغفرالله الله يسخره لج

 

[جذابه بنت ذيابه]

يسعد مساج حبيبتي




انتي تقدرين تغيرينه بنفسج و بطريقتج واسلوبج لا تقولين ما اقدر تقدرين


كثر الدق يفك اللحام ..


يوميا اكشخي وغيري ستايلج و غيري اسلوبج واطباعج .. و اذا جا من الدوانيه لا تكشرين بوجهه وتدورين السوالف
ابتسمي و اسكتي .. و سوي له قهوه وجاي و حببيه بالمكان اللي انتو فيه و يوميا بدعي بالاكل



الهي عنه لا تخلينه اكبر همج .. واذا يعني دوانيه كل الرياجيل جذي .. اعرف وحده معرفه شخصيه
زوجها من الساعه ٨ بالليل الى الساعه ٦ الصبح وهو بالدوانيه وكل ما دقت عليه تسمع صوت ربعه
ويضحكون للصبح تنقهًر .. بس تغيرت و اهو تغيررر بعد

 

[يالبيه 17]

هاذي مو مشكله كبيره توصل للكره !

عادي توكم رادين من السفر وراح الدوانيه مافيها شي

ياقلبي لاتحنين عليه حيل وبيسوي لج كل شي خاطرج فيه بدون حنه


االلله يسخره لج

 

[BeNt PaRiS]

ما عليه


اصبررري و مرده بيتعدل و يجابلچ

 

[Katkoota85]

اللهم صلي على محمد وآل محمد وعجل فرجهم ..
الله يهديكم حق بعض ويسخركم ويهنيكم يارب

 

[(*ام عهــــد *)]

الله يسخره لج يارب