عورتي قلبي احسج وايد رومانسيه وانصدمتي من واقع بو صروال وفنيله
ترى اللي تعانين منه شي طبيعي جدا جدا واذا قلتيله ليش هديتني بهالسرعه ورحت حق ربعك بيقولج جملته الشهيره (( طول السفره معاج ومجابلج ماشبعتي مني ؟؟ )) عشتو جميل جمال مالوش مثال
حياتي اولشي صلي عالنبي وخلج ريلاكس مو على اقل موقف قلتي كرهت العيشه معاه ترى كل الحريم او اغلبهم يعانون من هالمشكله بس انتي بشاطرتج تحولينها من نقمة لي نعمه ..
يعني بالوقت اللي يكون مو موجود استغليه حق روحج واهتماماتج والاشياء الي ماتقدرين تسوينها بوجوده لانه اكيد لما يكون موجود ماراح تقدرين تهدينه وتمارسين هواياتج وتطنشين فيه ..
خصصيلج وقت تتيمعين فيه ويا ارفيجاتج
وقت تتعلمين فيه شغله يديده
وقت تمارسين هواياتج
وقت حق الرياضه
وقت تاخذين ريلاكس شوي وتقرين كتاب
انا قبل كنت مثلج من ينزل الديوانيه اتظايق واتحلطم الحين صرت اقول بقلبي روووووووووووووووووووح خل اجابل روحي شوي ماعندي شغل غيرك
هاذي مشكلتنا احنا الحريم نخلي الريال كل حياتنا وكل محور الاهتمام عندنا وهالشي غلط غلط غلط
مثل ما اهتم فيه اهتم بروحي اهتم باهلي اهتم بصديقاتي اهتم بهواياتي و شغلي ..
وهذا ترى الشي الطبيعي اللي الريايل يطبقونه ومنهم ريلج
عنده بيت وزوجه وربع ووظيفه و هوايات و يبي يروح مني ومناك ويسوي الشغله الفلانيه
مايصير يوقف كل هذا وبس يقعد ويجابلج بوز ابوز ..
عيشي بشكل طبيعي حياتي مثل ما اهو عايشه بشكل طبيعي ومعطي كلشي حقه انتي سوي نفس الشي بالظبط
واذا على سالفة الطلعه لما تطلعون لاتخلينه يردج عقب نص ساعه قوليله ماشبعت او ماخلصت مثلا اذا كنتي بالسوق قوليله ماخلصت باقي بعد جم محل بدشهم وقعدي على راحتج بكل محل وعقب المحل قوليله يوعانه وروحي اتعشي معاه
وفي شغله ثانيه حبيبتي انتي حاولي تجذبين الريال وتحببينه بالقعده معاج
مثلا سولفي عن الاشياء اللي يحبها السيارات الرياضه البزنس السفر انتي شوفي ريلج شنو اكثر شي يشده وسولفي عنه واخذي وعطي معاه وخلج دايما مبتسمه وفرفوشيه ووخري عن النكد والعتاب ترى الرياييل دم ظروسهم الحنه والرنه والنقاش الزايد والمحاسبه ليش سويت وليش حطيت ووين رحت .. اتصدقين ريلي كلش ما اسأله وين بتروح ومع منو وليش ؟؟
ما احاسبه ولا احسسه انه بسجن خلاص اهو ريال متى مايبي يطلع الله وياه لا تخنقينه وهم ونسيه وكسبيه صوبج بالظحك والغشمره والجو الحلو
