كرهني بحياتي!!!!!!!!!!!!!!! للمتزوجات فقط

[الغنج والدلع]

انتي صغيره واهو بعد شكله ياهل الحمدلله والشكر مشاكلكم تافهه ماتوصل لتدخل الاهل والرياييل مايحبون الوحده تطول لسانها خصوصا واهوا معصب لي شفتيه معصب سكتي اهو معصب وانتي معصبه اكيد بمد ايده الحل انكم تراجعون نفسكم الطلاق موحل بينكم طفل حرااام

 

[elcadbury]

اختي فكري بالولد الي بينكم قبل لا تفكرين بنفسج انتي تزوجتي عمرج ١٨سنه شي طبيعي كل يوم هواش انتو مو متفاهمين لانكم ليلحين ماقررتو تقعدون مع بعض وتتفاهمون وكل واحد يقول الي يعجبه بالثاني والي مايعجبه .. واذا على السب انتي عطيتيه مجال من الاول وعلمتيه انه لمن تتهاوشون عادي تسبينه ويسبج ماحطيتيله خطوط حمرا!!! وغلط لمن المرا تزعل من ريلها تهده وتروح ابيت اهلها هذي شقتج مايصير تعودينه على هالشي زعلي ولا تكلمينه طنشيييه مو تسبينه وتروحين بيت اهلج ترى مايسوى كل هذا الله يهديج ويهدي ريلج وحاولي انتي وياه تفتحون صفحه يديده حرام بعد هالحب تطلقون ع سبب تافه مثل هذا!!!

 

[دلوعتهـ]

الله يهديكم ويصلح بالكم

 

[دنيا الغلا]

دنيا الغلا : ياليت تقولين خير او تسكتين ، اهيه غلطانه فوق هذا كله اهيه تتطلق​

وماكو حل غير الطلاق ؟
حبيبتي اذا عندج مشاكل مع ريلج لا تسقطين حلولج على مشاكل الناس..​

:​

نعمم ..؟
يااختي شتبي فيه قليل ادب ومايصرف عليها ويطقها وكرها حياتها .
يعني بعرف تنطر على شنو لما يذبحها مثلاا
احمدك يا رب
ولا تخافون على ولدها راح تربي احسسن تربيه بعيد عن ابوه المريض
يستقوي على حرمه

 

[دنيا الغلا]

كلماته وايد استفزازيه وحركاته ماتدل على انه ريال عاقل وفاهم

انتي على قولتج من تزوجتي وتتهاوشون جدام الاوادم. نعم خييييير ليش هالشيء يصير وشنو الشيء القوي. اللي يخليكم ماتمسكون نفسكم عن الهواش

وكلش مافي احترام بيناتكم

انتي تزوجتي على شان تعيشين حياه سعيده مع اللي حبيتيه ولا على شان يخليج تتحسفين على الحب اللي حبيتيه


انااتكلم عن نفسي لو أنا مكانج ثانيه وحده ما اقعد عنده

بيتعدل وسوالف الخرابيط هذي مو عندي متى بيتعدل عقب ما امرض عقب مايروح شبابي ليش أعيش حياه تعيسه وانا بامكاني أعيش أحلى حياه.

بالعكس بعيش حياه حلوه لمن ابتعد عنه غصبا عليه بيمشيلي نفقه لي ولولدي واذا ابي خدامه بويب وسايق بعد وعناد فيه على هالمعامله أجار شقه واخليه يتحسف على كل اللي سواه معاي

هذا رأيي الشخصي

100%:eh_s(15):

 

[Pupiipop]

بنات هونوها و تهوووووون انا مو ناقصه عفيه ابي دعواتكم مو اللي تقولي انتي اسلوبج خايس حتى بالمنتدى و اللي تقولي سكتي لاتردين
انا مو فاهمه و مو عارفه اتعامل و عشان جذي حطيت الموضوع ابي اشوف ارائكم بالسالفه
الله يخليكم ساعدوووني لا تزيدونها علي!!
و مشكورين كلكم ماقصرتوا​

 

[شيخه_البيض]

حبيبتي مع احترامي لكل البنات اللي ردوا عليج
اقري ردي وفكري عدل واستخيري والله يكتب اللي فيه خيرلج

 

[عذبة السجآيآ]

بصراحه انتي غلطانه

لان الرجال يبيله ريج حلوو ’’ وماعليج من اللي يقولون الرياجيل مافيهم خير وتركيه ومن هالحجي لانقص على عمرنا

مفروظ انتي من البدايه معودته على الاحترام

شلون تبين الرجال يحترمج اذا انتي من البدايه مومحترمه

وصدقيني اذا الرجال شاف مرته جذي بينسى كل شي حتى الحب

الاحترام والموده والتقدير اهم من الحب

وعسى الله يهدي سركم

 

[شيخه_البيض]

حبيبتي مع احترامي لكل البنات اللي ردوا عليج
اقري ردي وفكري عدل واستخيري والله يكتب اللي فيه خيرلج

 

[شيخه_البيض]

السنافيه كلامج عدل التفاهم والاحترام اهم من الحب بواااايد

 

[زوجة الوزير]

صلي ع النبي واذا جا يرجعك ارجعي له واشرطي عليه مايمد ايده عليك مره ثانيه

صدقيني ولدك راح يضيع اذا لاسمح الله تطلقتي.. ارجعي لبيتك واذا عصب انتي طنشي وراضيه

واذا عصبتي وهو عصب اسكتي وتحملي وانتي تعرفين الرجال واسلوبهم دايم هياط ع الحريم بس تحملي عشان ولدك وبيتك

الله يسخره لك

 

[غبيشة]

الله يهدي النفوس وييسر امورج بس حبيت اقولج الريال مايحب الحرمة اتصرخ عليه او تستفزه وطبيعي اذا قلتي له اتصل باهلك وهلي وقول انه طقج بيسويها ومابيخاف

 

[femmi]

واضح انك مدلعه عند اهلك كثير والدليل ان امك وابوك ماطلعوك غلطانه
المفروض يبينون لك الصح من الغلط
اذا تبين تعرفين انتي غلطانه او لا تخيلي لو امك وابوك يسون هالي سويتوه انتي ورجلك قدامك وشوفي لوضع كيف صاير
انتي وهو اثنيناتكم غلطانين
انتي لازم تحترمينه عشان يحترمك
الله يهديكم ويسخركم لبعض

 

[ولدي غلاي]

تعوذي من الشيطان وهذا المشاكل تقدرين تحلينها باسلوب حلو
واشوف لو ماتدخلين اهلك بالموضوع احسن لان كانك تتحدينه لما قلتي دق على ابوي
على الاقل فكري في ولدك​

 

[كسرنى الهم]

الله يسهل امورج طيب
تفاهمى انتى معاه واتفقو على شي معين تمشون عليه
عندكم طفل حرام يعيش بدوم ام واب مجتمعين حطى نفسج مكان ولدج
تكبرين وتشوفين امج بصوب وابوج بصوب شراح يصير فيج
غير انج انحرمتى من حنان الطرفين ؟؟؟؟
والله حرام فكرى فكرى عدل عشان ولدج صدقينى ترى لكبرتى راح تندمين
الحل تفاهمى مع ريلج واوصلى حق حل معين وانشالله الله يردكم حق بعض
وغيرو من اطباعكم ترى انتى تقدرين تغيرين من طبعج وطبع ريلج صدقينى تقدرين
بس انت ماجربتى يمكن ؟
عموما ماقول غير الله يجمعكم ولا يبعدكم عشان هلياهل الى بينكم
الله يهدى الجميع

 

[Pupiipop]

انتي صغيره واهو بعد شكله ياهل الحمدلله والشكر مشاكلكم تافهه ماتوصل لتدخل الاهل والرياييل مايحبون الوحده تطول لسانها خصوصا واهوا معصب لي شفتيه معصب سكتي اهو معصب وانتي معصبه اكيد بمد ايده الحل انكم تراجعون نفسكم الطلاق موحل بينكم طفل حرااام

اهم شي!!!
اهوا عمره 27 سنة يعني مو ياهل!! المفروض مايتعامل معاي جذي انا مو حيوان!! انا انسان احس تره عندي قلب و مشاعر!!!
و انا ماطولت لساني الا لمن طقني بدون سببب!!!!!!! كنا قاعدين نتناقش عادي!
انا منصدمه لاني ماسويتله شي يستاهل الطق!
و اذا شفتيه معصب سكتي!!!!!!!!!! ليش اسكككككتتتت ليش الرياييل ياخذون كل شي ليش انطممم و اسكت !!!!!! خلي عندكم كراااااااااامه!!!!!!!!!!! تكفه انتي لاسمح الله لو زوجج يمد ايده!!!تسكتين؟؟ اقص ايدي ​

 

[Angel-Lady]

المشكله اثنيناتكم مكابرين

و المفروض اذا واحد شد الثاني يرخي

و المفروض وقت ما دخلون احد يحكم بينكم يكون انسان فاهم و محايد مو اي واحد اتيبونه يحكم بينكم

ادري محد يسويها بس ليش ما اتروحون مكاتب الاستشارات و جم سالفه سمعتها انهم وضحو لهم شنو يسوون و اشلون يضبطون حياتهم الزوجيه لان حرام بينكم ولد

و بالنسبه لصلاة الاستخاره اقري الدعاء بدون الصلاة اذكر مره اني قريت يصير و ان شالله ربج يسهل لج الموضوع و تاكدي من السالفه سيرج بجوجل

الله يسر لج الخير يا رب *

 

[New York]

انتي شخصيه استفزازيه












تعبت وانا انسخ وفيه كثير ملاحظات عليج

يا ماما كل فعل له رده فعل
وردود افعال زوجج من فعلج انتي

في كثير زوجات لما تشوف زوجها وصل مرحله معينه

تحط لسانها وبحلجها وتسكت

تعلمي ضبط الانفعال والاعصاب

فوفو

:eh_s(15):

 

[3booorah]

الله يسخر مابينكم ياااااااارب بس من جد فكرو بولدكم لاتصيرون انانييييين بحايتكم وقراراتكم ووفرو لولدكم الحياة الاسريه الهادئة معليه تنازلو عن بعض المشاكل مو على كل حب قبة صدقيني والله اول ثلاث سنوات بالزواج صعبة جدا لانكم مو فاهمين طبع بعض ولا نقاط الضعف عند بعضكم اكيد فيه خلل بسيط جدا بحياتكم حاولو تحلووونه لازم يكون فيه تنازل عشان حياتكم تمشي سليمه وهاديه
بالاخير اقولك حبيبتي كثري من الاستغفار ولاتتركين صلاة الليل ادعي رب العالمين يكتب لك الخير ويصلح مابينكم.....

 

[بنت الجنوب 80]

طيب شنو رايج بوحده زوجها قالها كلي ززز.. بدون سبب وعصب

وسكتت ماقالت ولاكلمه بس قامت من عنده

عقب عينه دمعت ورضاها واعتذر


وين انوثتك كلها راحت مع العصبيه وعلا الصوت