كرهني بحياتي!!!!!!!!!!!!!!! للمتزوجات فقط

[Pupiipop]

بنات مشكوورين الله يعافيكم على النصايح
والله العظيم و قسم بالله ادري اني غلطانه اني من البدايه عودته على الهواش و الصوت العالي ..

تدرووون .. ودي كلكم تقرون الكلام اللي بقوله الحين
رحت شقتي اليوم عشان اييب كتبي و اغراض حق ولدي لقيته مغير مفتاح الباب.. و هذي مو اول مره ..
بنات كنت مع ابوي و تنرفزت و بجيت .. و في مرة من المرات كنت ببيت اهلي و بينا مشاكل ابوي قاله اياني وياك تغير مفتاح الباب لانه كل ماروح بيت اهلي يغير مفتاح الشقة!!!!! يعني ذلفي ولا شنو؟
و الحييييين بعد مغيره
قلت حق ابوي سييييده على المخفر انا برفع قضية و حطلي محامي
قالي بس تعوذي من ابليس وهدي اللي تقولينه مو سهل و الطلاق مو سهل نفس ماانتي متخيله
قتله مالي شغغغغل يبى ودني المخفر و رح اقول حق المحقق مغير المفتاح و يروح المخيمات و يشرب و بفضحه بالمخفر
عصب علي و قالي عن سوالف اليهال اللي تفكرين فيها
و كلم ابوه بالتلفون لانه ابوه و امه مسافرين
و قاله كيت و كيت جان ابوه يقول انا اعلمه و ادق عليه الحين
المهم اخر شي زوجي دق على ابوي قاله انا رديت حطيت المفتاح القديم و قاعد بالبيت
قاله خل المفتاح و لاتغيره
انزين ليش جذذذذذذذذذي شالحركات !!!!!!!!!
بنات كله تقولون انا ياهل و ابوي يقولي عن سوالف اليهال
انزين شلون اغير من نفسي ! يعني انا صرت كله متوتره و ارجف و اخاف من الناس كلها .. حتى لمن اطلع بالمجمعات اطالع كل الناس احس في احد بيطقني احس في احد بيذبحني
لمن كنت بالشقة و زوجي يروح الدوام
ابطل غرفة غرفة اشوف في احد ولا لا
اخاااااااااف صرت خااااايفه من كل شي! حتى من نفسي
حتى بالشيسموونه احس انه احد شايفننننننننني
احس انا مو مع زوجي بروحنا
شغلت قران ليل و نهار و صرت اصلي
هم ماكو فايده .. هالحاله تيني بره البيت بعد
بنات ماعندي غيركم شسووووي!!!
انا احب اختي العوده وايد و اهي كله معاي بكل ششششششششي!!
بس مادري يعني شنسوي
ابي اصير هاديه مابي اصرخ و اتوتر
كل ما اتناقش مع احد بطني يعورني و صدري يعورني و احس صدااااااااااع
و توتر و خووووووووووف
والله العظيم انا ماكنت جذي قبل ما اتزوج

​

 

[نـعـومـه]

ترا اهوه غلط وانتي بعد غلط لانج لو ماتسبين اهوه يسب يقدر يستحي ويتعدل ومايقدر يمسك عليج ممسك

الحين انتو متساوين انتي تسبين واهوه بعد !

رايي ريحي بيت اهلج شوي وعقبها ردي وتفاهمو وتواعدو ان سب طق ماااااااكووو

 

[نـعـومـه]

حبيبتي


اللي يصيرلج يمكن طبيعي لانج تزوجتي وانتي صغنونه

الحل شغلو القرآن وكله ارقي نفسج

ورايي اي مشكله خلاص خلوها بينكم لادخلون الاهل جذي تكبر السالفه اكثر حلو مشاكلكم بروحكم لان ماكو فايده من تدخل الاهل

وتواعدو انه ماتسبون بعض ولا تهاوشون وتغيرون حياتكم للاحسن وتذكرو الحب اللي بينكم

 

[om-3azo-83z]

الغلط منج انتي قبله !
انتي اللي عودتيه ماكو احترات لعب غشمره اي بس تصرخين على ريال! لا و تسبينه يمه والله لو اسويها يشنقني و يعلق راسي عند باب اهلي
انتي للحين فاهمه الزواج غللللللللللللللط ماكو شي اسمه كنت عند اهلي غاليه الزواج تضحييييه و ماكو شي اسمه كرامه بيني و بين ريله هذا مو معناته انج تصيرين كلش مكو كرامه بس ما تكابريين عيشتج عند اهلج تنسينها الحين انتي بديتي حياه يديده
قبل لا تقكرين بطلاق فكري بولدج ولا تفكرين بنفسج بس !

 

[قاهره عذالي]

بنات مشكوورين الله يعافيكم على النصايح
والله العظيم و قسم بالله ادري اني غلطانه اني من البدايه عودته على الهواش و الصوت العالي ..

تدرووون .. ودي كلكم تقرون الكلام اللي بقوله الحين
رحت شقتي اليوم عشان اييب كتبي و اغراض حق ولدي لقيته مغير مفتاح الباب.. و هذي مو اول مره ..
بنات كنت مع ابوي و تنرفزت و بجيت .. و في مرة من المرات كنت ببيت اهلي و بينا مشاكل ابوي قاله اياني وياك تغير مفتاح الباب لانه كل ماروح بيت اهلي يغير مفتاح الشقة!!!!! يعني ذلفي ولا شنو؟
و الحييييين بعد مغيره
قلت حق ابوي سييييده على المخفر انا برفع قضية و حطلي محامي
قالي بس تعوذي من ابليس وهدي اللي تقولينه مو سهل و الطلاق مو سهل نفس ماانتي متخيله
قتله مالي شغغغغل يبى ودني المخفر و رح اقول حق المحقق مغير المفتاح و يروح المخيمات و يشرب و بفضحه بالمخفر
عصب علي و قالي عن سوالف اليهال اللي تفكرين فيها
و كلم ابوه بالتلفون لانه ابوه و امه مسافرين
و قاله كيت و كيت جان ابوه يقول انا اعلمه و ادق عليه الحين
المهم اخر شي زوجي دق على ابوي قاله انا رديت حطيت المفتاح القديم و قاعد بالبيت
قاله خل المفتاح و لاتغيره
انزين ليش جذذذذذذذذذي شالحركات !!!!!!!!!
بنات كله تقولون انا ياهل و ابوي يقولي عن سوالف اليهال
انزين شلون اغير من نفسي ! يعني انا صرت كله متوتره و ارجف و اخاف من الناس كلها .. حتى لمن اطلع بالمجمعات اطالع كل الناس احس في احد بيطقني احس في احد بيذبحني
لمن كنت بالشقة و زوجي يروح الدوام
ابطل غرفة غرفة اشوف في احد ولا لا
اخاااااااااف صرت خااااايفه من كل شي! حتى من نفسي
حتى بالشيسموونه احس انه احد شايفننننننننني
احس انا مو مع زوجي بروحنا
شغلت قران ليل و نهار و صرت اصلي
هم ماكو فايده .. هالحاله تيني بره البيت بعد
بنات ماعندي غيركم شسووووي!!!
انا احب اختي العوده وايد و اهي كله معاي بكل ششششششششي!!
بس مادري يعني شنسوي
ابي اصير هاديه مابي اصرخ و اتوتر
كل ما اتناقش مع احد بطني يعورني و صدري يعورني و احس صدااااااااااع
و توتر و خووووووووووف
والله العظيم انا ماكنت جذي قبل ما اتزوج

​

يمكن اكتئاب ما بعد الولاده

وبعدين التكيس يعني خلل هرموني

والهرمونات تأـثر ع النفسيه

اول شي

اكلي كل يوم تلبينه اشتريها من العويد ...

اشتري عسل التكيس من المرشد للعسل ..

اشربي شاي البردقوش كل يوم الصبح وقبل النوم تلقينه بالجمعيات او عند عسل العويد على شكل اكياس شاي تحطين الكيس مال البردقوش بماي حار بكوب وتنطرين من 5 الى 10 دقايق وتحلينه بعسل او سكر وتشربين ترا البردقوش عشبه تساعد على تنظيم الهرمونات

خاصه كوب بالليل يساعدج تسترخين

ظلي اشربيه انا مثلج تكيس وعدل هرموناتي الحمدلله

روحي الطبيب يعطيج حبوب توقف الدم عشان تقدرين تمارسين حياتج الزوجيه طبيعي ...

ثاني شي حبيبتي

لام الله اللي يلومج صح زوجج فيه حقاره وينرفز بس عسى الله يهديه ومثل ما قال ابوج الطلاق مو سهل دام عندج ولد ...

وما تنلامين بحركته

هو يشوفج تنفعلين وتنقهرين ويستانس هو هدفه يقهرج لما ما يحصل هدفه خلاص يبطل حركاته انتي لو مهما يسوي احقريه ولا جنج تسمعين واهتمي بولدج ونفسج وطقيه بالطوفه واحقريه لا تهتمين هو يشوفج مهتمه ومحروقه ويبي يزيدج بس لما يشوفج حاقرته ولاهيه عنه ولا قام ولا قعد وملتهيه وخلاص لا تحاجينه قللي الكلام معاه والقعده ولاتحنين ولا تهاوشين ولا تكلمينه احقريه جم يوم جم شهر ان شاء الله وشوفي تاليتها

انتي لو تبينين له البرود وانه مهما يسوين ما يهمج ولا تنفعلين ولا شي

تلقينه مع الوقت بطل هالحركات

بس هو لقاج يسوي حركات ويقط كلام وانتي تنفعلين وهو هدفه يحرق قلبج

بيني له انه لا قام ولا قعد عندج وخلاص لا تحاجينه جم يوم اعتبريه جنه مو موجوده بالبيت وهو راح يستحي على دمه لما تحقرينه

اعتبريه ذبانه جنها تفتر عليج مهما صرخ او قال جنج ما تسمعين ولا تدرين ومسيره يمل ويعقل

وسالفة الشرب لام الله الللي يلومج

ع الاقل اهله واقفين معاج ويدرون بسوالفه

الله يعين قلبج حبيبتي

انتي فيج خرعه وهم الضغط النفسي ( مسؤوليات البيت - هموم الدراسه - رعاية الطفل وهم الزوج بعد) اللي عليج له دور وهم الهرمونات

اقطعي حبيبتي المنبهات واهتمي بصحتج واكلج واكلي مكملات غذائيه مثل انشور - الترا بروتين - سوستاجين هذول يساعدون على الاسترخاء ويعالجون الاكتئاب ويمكن عين بعد كل يوم اسمعي بشريط رقية شرعيه

واقري سورة البقره كل يوم وادعي حنا ما ننفعج حنا بس ننصح محد بينفعج غير نفسج ديري بالج على نفسج وزوجج لا يهمج ليما الله يهديه

 

[Pupiipop]

مشكوووورين يا قلبي كلكم الله يسمع منكم و يصلح حالنا انشالله
قاهرة عذالي
حبيبتي انتي على النصايح و الله رح اجرب يمكن يتعدل
و رح اشتري الاشياء اللي قلتي عنها
والله مو من الولادة و لاشي ولدي هالشهر يتم السنة
و الله يشفيني و يعافيني يارب
الله يستر علينا كلنا انشالله و يحل مشكلة كل زوجة يارب

اللهم إجعله قرة عين لي وإجعلني قرة عين له ، اللهم أرضه عني وأرضني عنه ، اللهم وإزرع محبته في قلبي وإزرع محبتي في قلبه ، اللهم وإجعلني في عينيه أجمل من الحور العين ، اللهم وإجعل ريحي عليه عطرا وريقي عليه عسلا وضمتي اليه أحب اليه من الدنيا ومافيها الا منك ياذا العزة والجبروت ومن كتابك ونبيك ودينك ، اللهم إجعلني عونا له على طاعتك وإجعله عونا لي ، اللهم إجعله حنونا عطوفا حليما رحيما كريما بماله وعواطفه ،اللهم وإرزقني معه التوفيق والسعادة والذرية​

 

[أم حورية]

بصراحه وبدون زعل انتي غلطااانه غلطانه غلطانه والغلط راكبج من راسج لريولج

زوجج على ما تعودينه وانتي عودتيه على عدم الاحترام تعلين صوتج وتسبينه وتهاوشين جدام اهلكم

انتي عطيتيه انطباع غلط عنج من بدايه زواجكم عبالج لما تغيرين الفكره الي براسه بسهوله ؟؟؟

وراج شغل ومشوار طويل عشان تحسنين صورتج جدامه وتعودينه على احترامج

الريال مهما كان غلطان عصبيه المره وصراخها عليه تقلب الموضوع عليها وعلى راسها

امبيييييه تخيلي انتي تهينين رجال والله عييييييييييييييييب محد يتحمل رجال ينهان والرسول تعوذ من قهر الرجال شلون تقولين له انت مو ريال ؟؟؟؟!!


عدلي من نفسج واشتغلي على سستم يديد خلي الريال يتغير من ناحيتج الطلاق مو حل

كلامها عدل 100٪

انا ما اقول ان اهو مو غلطان بس انتي بعد غلطانة ريلج واجب عليج تحترمينه حتى لو اهو ما يحترمج

واذا كنتي متعدلة على قولتج ترى يبيله وقت عشان تتغير نظرته لج مو شهر وشهرين

ومثل ماقالت وحدة من العضوات ريحي بيت اهلج فترة بس لا تطولين وعقب ردي وكلميه بكل شي وخليها جلسة مصارحة وقولو اللي بخاطركم كله عشان تصفى النفوس

نصيييييييحة عن تجربة الريال اذا معصب لا تناقشيينه الا اذذا هدا تالي ناقشيه باللي تبين وحزة الهوشة سكتي وغيري مكانج وعلى طول شغلي قرآن غشان تهدين قبل لا تطلع منج كلمة مني مناك

وحتى صوتج لا تطولينه ادري ان مجرد نقاش حاد ومو قصدج بس حاولي لا تعلينه الريال ماا يحب جذي كلش وقوليله اذا تمينا جذي ولدنا راح يكبر ع هالشي وراح واول ناس راح يسبهم انتو لانكم قدوته

ولااااتفكرين بالطلاق كلللش لان الاسباب صج حيل تافهة ومع القوت راح تضحكين على نفسج

ولو شيصير لا تفكرين تمنعينه من حقه الشرعي لانه الريال صعب يتحكم بنفسه ويمكن بلحظة ضعف يلجأ للحرام او حتى يتزوج بس عشان هالسبب ويمكن اهو مو بنيته شي بس قتلج لحظة ضعف وبنات ابليس وايد لا تحدينه بنفسج على شي تندمين عليه

ووايد نفسج ما عندهم خدم توج بس ياهل واحد قسمي شغلج راح ترتاحين

واذا عالمصرف اذا تعدل الوضع بينكم قعدو خططو حق مصرف الشهر لا تصرفون بالهبل ، نسقوها بينكم

وحاولي ما تدخلين احد بمشاكلكم كللش الا اذا مضطرة وتبين حل قولي حق شخص واحد يمكت يساعدج مثلا ابوه بس لاااا تنشرين غسيلج وتخلين الكل يتفرج بش الاحسن انج تحلين امورج بروحج لان اللي حولينج مو على طول يتحملون مشاكلكم ومثل ما انتي ما تحبين ريلج يتكلم عنج عند اهله اهو بعد جذي الريال دم ضروسه مرته تشكي اهلها 24 ساعة بس اذا تبين تفضفضين قولي بس حق امج لان اهي ستر وغطى عليج غير جذي لأ

اذا حاولتي تحلين مشاكلج بروحج مع الوقت راح تحسين انج تعرفين تتصرفين لانج قاعدة تتعلمين

على فكرة كل اللي كتبته عن تجربة شخصية والحمدلله من طبقتهم حياتي ماشية للاحسن وتذكري اهم شي بين الزوجين اهو الاحترام قبل الحب لان الاحترام يولد الحب حتى لو ماكان في حب والعكس صحيح اذا ماكو احتررام يروح الحب

 

[أم حورية]

نسيت اقولج جم شغلة

اللي فهمته من كلامج ان ريلج لي الحين مو متحمل مسؤولية بيت وزوجة حاولي تغيرين فيه شوي شوي

واذا على مراجعاتج حق التكيس روحي راجعي بالحكومة اذا ظروفج ما تسمح لا تسكتين على عمرج

وبغيت اقولج شي ثاني حيييل مهم واغلب البنات غافلين عنه ،، الدورة اذا ييتج ورا بعض تكون احيانا استحاضة مو دورة سألي فيها شيخ دين وشوفي شنو الحكم لان اعتقد ان حرام وقت الدورة مو الاستحاضة >>>اخذي الكلام الثقة من شيخ

*

 

[رقـة الاحسـآس]

والله انا اجوف انه ريلج الياهل مب انتي
و انتي فديتج غير الولاده التكيسات ماثره عليج
نحن هرمونات دوره وما نطيق كلمه
وين لخبطه لمده شهور
اهم شي تحاولين تعالجين نفسج هالفتره عشان نفسج طبعا
لان شي متعب نفسيا
انتي ما تبين الطلاق صدقيني
وواضح انج بعدج تحبينه
انتي بس مصدومه بالحياه اللي بعد الزواج و مصدومه بتصرفاته معاج
ومثل ما قالو البنات ترا الحب مب كل شي يعني ما ينفع بروحه عشان تمشي الحياه لازم احترام و موده و عشره طيبه
وطبعا لا يخلو الامر من شويه ملح
ماشي حياه ورديه!

يمكن كل تصرفات ريلج لان محروم من حقه الشرعي
طبعا انتي مب ذنبج لان مثل ما قلتي اغلب الشهر فيج الدوره
ولكن تقدرين اول شي
دام اهلج ما يقصرون و يعطونج تشترين بدال ما تحطين هالفلوس فالسوق
حطيها لعلاجج لانه اهم من كل شي صحتج
و بعدين الحين الوحده لو تيها الدوره تقدر تونس ريلها و تريحه بس من اماكن ثانيه
يعني لو شو لا تمنعين ريلج و خاصه انج اغلب الشهر ما يقدر يقرب صوبج

انتي وقت ما بديتي تنتبهين انه اسلوبج معاه كان غلط يوم تضاربون جدام اهله و جذيه
ها شي يا منج من داخلج انتي يعني عن قناعه ذاتيه
فما بتقدرين تفرضين هالتغير عليه بهالسهوله
الا اذا اقتنع من نفسه مثل ما صار معاج
او اذا انتي قدرتي تغيرين هالشي بس طبعا بياخذ وقت و بيطب منج صببر

ولا تحكمين عليه عشان عمره انه لازم يكون فاهم
لا
ترا الانسان حياته اللي تعلمه مب عمره
في ناس صغار و تلقينهم فاهمين و يعرفون كيف يتصرفون

مثل ما عنده عيوب اكيد انتي عندج عيوب
انتي ترومين تشتغلين ع نفسج و تغيرين من نفسج
والاغلب انه بالمقابل بتحصلين اشيا ايجابيه من صوبه و لو ما تكون بالشي الكبير و لو ممكن تاخذ وقت
اهم شي تكونين مرتاحه مع نفسج انج قاعده تعدلين من نفسج عشان ربج و عشان زوجج سواء تحبينه او لا و اكيد بعدج فداخلج تحبينه


مشاكلج لا اطلعينها لاهلج
يمكن هالسالفه انه ضربج فعلا تستاهل حد يدخل لان مب شي هين
لكن اقصد بشكل عام مشاكلكم من بينكم انتو الاثنين
ووقت ما يكون معصب حاولي تكونين هاديه و الافضل تسكتين
او تردين بكل هدوء
وبعدين وقت ما تهدون تتناقشون باللي صار

جوفي انتي كيف اسلوبج فالحوار معاه
يمكن في شي يستفزه
سمعي للكلام اللي يقوله عدل و يوم بتقولين رايج لا تقولينه باسلوب امر او استحقار او اي اسلوب مستفز

و صح بعد لو هو نسى كلام الحب
انتي لا تحرمين نفسج من هالشي
قوليله كلام حلو و حتى لو علق برايه
قولي و عامليه باسلوبج مب باسلوبه


هذا اللي يا فبالي الحين
والله يهديكم و يسخركم لبعض

 

[Pupiipop]

أم حورية و رقة الاحساس مشكووورين ماقصرتوا
انشالله الله يقدملنا اللي فيه الخير
انا ناوية اتغير كليا عقب نصايحكم و تعليقاتكم على الموضوع
و نشوف اهني يبين كل شي
والله يستر انشالله​

 

[حبيبة قلبي]

حبيبتي انتي عودتي زوجك عى هالانفعال .... يمكن هذي ردة فعل منه على هواشكم قبل لانج تقولين الموضوع مايسوى وهو يبين لج انه ريال وماتعلين صوتج عليه واذا بتقولين عنه حيوان وحقير ماراح تحبينه عدلي صورته داخل قلبج واحترميه بقلبج اول بعدين راح يبادلج الاحترام ... بس قبل لاترجعين له لازم تعظينه درس لاينسى يعني اششششوي طولي بالوعل علشان يعرف روحنج لبيت اهلج موسهله ولا ردتج من بيتهم سهله ....

اما الطلاق انسسسسييييييييييه لان ماكو ريال احسن من الثاني وباسلوبج نفسه راح تصير لج منففففس المشاكل مع الوزوج الثاني
خلي ولدج يتربى مع امه وابوه وهدي حياتج مو عيب لاتعبتي وصلحتيها تتعبين الحين وترتاحين بعدين باذن الله

 

[سكوون انثى]

الله يعينج

 

[أم حورية]

العفو حبيبتي ،، ع فكرة انا توني اقرا باجي ردودج

ولما احنا نقولج سكتي مو معناته سكتي عم حقج وانطمي لااااء وقت الهوشة سكتي وخلج خااموش او ناقشيه بس حاولي تتمسكين بهدووءج ومافيها شي تبجين البجي زين عشان تطلعين اللي فيج لان ماراح تقدرين تكبتين مووزين

وعقب ما يسكت وتحسين ان هدا نوعا ما هني كلميه وقوليله اللي بخاطرج وقتها تكونين انتي بعد هديتي وراح تكونين مرتبة كلامج

والله وايد حريم جذي مو عشانهم بس عشان تمشي الامور ولو كل اثنين تهاوشو قامو يراددون بعض تحت مسمى الكرامة جان الدنيا انقلبت والطلاق الله لا يراويج ،، وصدقيني اجرج وااايد كبير لما تصبرين على ريلج وتغيرينه بس هاااا لا تضيعين الاجر بتصرفاتج

وع فكرة انا لما تزوجت كنت تقريبا قدج وريلي حيييل عصبي بس قاعدة احاول امسك اعصابي عشان لا تتطور الامور ولا جان احنل بخبر كان

وفي شي ثاني حييييل مهم قالو البنات

الريال اذا ما خذا حقه الشرعي يصير عصبي اكثر ومتوتر اكثر >>>> هذا طبعه عكس المرا اللي تقدر تتحمل شهوور والدليل ان حراام تردين ريلج ليلة وحدة اذا ماكان عندج عذر وتلعنج الملائكة لييين يرضى اما المرا حرام يهجرها اكثر من 4 شهور >>>>> شفتي الفرق ؟
وحتا لو عليج الدورة عطييه حقه باي طريقة هذا ما يمنع
وعشان اهديج شوي انا ريلي عقب 4 سنين صبر ومحاولات يالله بدا يتغير طبعه مو بشهر وشهرين بس مااايأست كلللش

اذا بغيتي تردين كلميه وحطي شرووطج مثل المصرف باللي يقدر عليه واحترام وان ما يمد ايده وان يهد الشرب وهو يحط شرووطه مثل الاحترام او او او وخلي احد عاقل وفاهم معاكم عشان يشهد عالطرفين

والله يوفقكم ويهدي النفوس يارب*

 

[Pupiipop]

أم حورية
انشالله حبيبتي كلامج مسموع
و الله مادري شقولكم تره غيرتوا فيني وايد
مع انه كنت مفتشله احط الموضوع
بس قلت ابي اشوف خبراتكم لاني مو فاهمه شي بالزواج
و مو صبووورة كلش
بس هم رح احاول و مارح ايأس
الله يوفقكم كلكم و تاخذون بدال الاجر عشرة
و انا متأكده انه حياتي رح تتغير كليا و السبب انتوا
صج مشكووووووووورين لكل البنات اللي نصحوني و أثروا فيني
و انشالله اتعالج و كل شي بخير
و رح اطمنكم​

 

[laymona]

الله يسخره لج يارب

 

[دلوعة أبوهآ]

الله يعينك ويفرج همك ..
استخيري وربي يكتب لك الخير

 

[الفرفوشهـ]

البنات كفوا ووفوا

عسى الله يسخره لج ان شاءالله ويوفقج

 

[منو انت]

الله يصلح الحال

 

[جوانا2010]

الله يهديكم الاثنين غلطانين حرام فكرو بالولد اللي بينكم
الله يسخرلكم لبعض

 

[njoom1]

حبيبتي الرياااال مايحب المره تنعاده راح يعاند ويزيد ويحسسج جنج ولاشي بالنسبه له لاحظي يحسسج
اذا صارت بينكم مسكله لاتردين عليه بحزتها والله سكتي ميخالف حاولي وبعدين لم تهدا النفوس ناقشي بهدوؤ مو بصراخ وعصبيه وجنج انتي الريال مو اهو
او طرشيله مسج

الله يهديكم ويهدي الجميع