كرووووز

[Om-Nasser]

بنات ابي اعرف احسن كروز وارخص واحد وابي واحد زين حق الياهال ومن وين يطلع ​

وشنو فيه

واشلون كروز ديزني يسوى ​

ابي كل المعلومات الي تعرف ياريت ​

:eh_s(7)::eh_s(7)::eh_s(7)::eh_s(7):​

 

[<miss botamba>]

مو وايد بنات رايحين كروز هني بالمنتدى

الافضل انتي دخلي على المواقع مالت الكروزات وقارني الاسعار

بس ما انصحج تختارين الارخص

دوري على الجوده

والرويال كاريبيان افضل شركه واسعارها مناسبه للكروزات

وحطي في بالج الكروز اسبوع سعره اغلى من سفره عاديه

بس كتجربه لا يقارن بالسفره العاديه

لان حياتج كلها بتكون بالسفينه واذا نزلتي كلها مشاوير نص يوم



اذا عيالج حيل صغار شوفي ملوت دزني افضل لانها اونس لها وكله شخصيات وعروض

بس اذا فوق ٨ سنين عادي بيستانسون بالكروز العادي


الاماكن حسب شنو تبين

اذا سفرتج قصيره انصحج باوربا

بس اذا مثلاا مسافره مده جذي ٢١ يوم او شهز لا روحي ملوت امريكا و الباهاماس


وافضل شي اسبوع ٩ ايام ماتطولين لان بتملون




وعموما بالكروز مع الغرفه لج ريوق وغدا و عشا بس المشروبات الغازيه بفلوس و ٢٤ ساعه جاي و قهوه وعصاير فري

كل شي فيه جنه فندق بالاضافه للسينما و سوق ومطاعم مثل جوني روكتس

احواض سباحه سبا نادي كل شي


هالكلام بالنسبه للرويال كاريبيان باجي الشركات ما اعرف


واحسن شي تاخذون غرفه مع بلكونه او سويت



وهم بالكروزات العاديه يسوون فعاليات لليهال مو بس مال دزني

بس دزني اكثر لان هذا شغلهم عرفتي قصدي

 

[<miss botamba>]

هذي السفينه مالت ديزني الي تروح اوربا

http://disneycruise.disney.go.com/ships-activities/ships/magic/

شغلي الفيديو

وتحت شرح كل شي فيها




وهذول ملوت رويال كاريبيان الي يروحون اوربا


http://www.royalcaribbean.com/findacruise/ships/class/ship/home.do?br=R&shipClassCode=FR&shipCode=ID

http://www.royalcaribbean.com/findacruise/ships/class/ship/home.do?br=R&shipClassCode=VY&shipCode=AD

http://www.royalcaribbean.com/findacruise/ships/class/ship/home.do?br=R&shipClassCode=VI&shipCode=VI


طبعا كل خط سير له سفينه خاصه فيه

 

[Om_Ksha]

^
^
ماااااااااااااااقصرتي عالافاااااااااااااده بغيت اسئل جم اقل عمر يرضون فيه لااطفال ؟؟
لانه سمعت حدهم 3 سنين !!

وبناتي صغار بالاشهر هههههههه اهم شي بناتي .. يالله انشالله اولد هاليومين وتيي الثانيه بصحه وسلامه

 

[<miss botamba>]

^
^
ماااااااااااااااقصرتي عالافاااااااااااااده بغيت اسئل جم اقل عمر يرضون فيه لااطفال ؟؟
لانه سمعت حدهم 3 سنين !!

وبناتي صغار بالاشهر هههههههه اهم شي بناتي .. يالله انشالله اولد هاليومين وتيي الثانيه بصحه وسلامه

3 سنين اذا بيدخل النادي بالباخره لان ممنوع اصغر و لازم قاط الحفاظه ويعرف يروح الحمام

بس عموما اصغر عمر 6 اشهر عادي يركبون ولهم نادي مال بيبيات بروح و لهم حمام سباحه بروح

لان الي يلبس حفاظه له اماكن مخصصه مو كل الاماكن العامه يقدر يستخدمها او يدخلها


والحفاظات مو متوفره بالسوق مال الباخره لازم حزت الحجز تطلبون منهم مسبق او اتيبون معاكم كميه او تشترون اذا نزلتوا من الباخره

 

[Om_Ksha]

^
^
مشكووووووووره ياقلبي ماقصرتي والله ودي بس اخاف الخدم ينحاشون لي وقفت الكروز بمحطه ://///////////

انشالله ادبرها

 

[Om-Nasser]

مس بوتمبا بعد عمري مشكوره وماقصرتي ان شاء الله اشوف المواقع

اجرب وحده تكون بشرم ؟؟؟ ووين تروح ؟؟؟

 

[أمانيQ8]

والله انا مرتين رحت كروز وتوا من شهرين كنا ماخذين الرويال كاريبيان عجيب الاوربي
وجربت من شرق اسيا سوبر ستار فيرجو وايد حلو بعد
والله من ناحية ارخص ما اقدر افيدج ...

هذا الكروز الاخير اللي اخذناه من شهرين انا وزوجي واعيالي لمدة اسبوع3الاف دينار بدون سعر الرحلات طبعا وبعض الاشياء اللي غير مجانيه وعليها رسوم
وحلووو حق اليهال وعائلي