كريم الاساس ...

[dnyay_mll]

السلام عليكم
مساكـم / صبـاحكم .. ورد

بنات ياليت تساعدوني انا بشرتي زينه مو حلوه تهبل ولا مرهقه وتعبانه عاديه
عندي مشكله بكريم الاساس لما احطه يفصص على ويهي على طول يسير مثل المشقق ويع شكله غلط
انا بشرتي حساسه ومختلطه
جربت وايد انواع نفس الشي اذا طول الفاونديشن بدون مايتشقق ساعتين بالكثير ولازم اعدله بعدين
والصبح او الظهر اذا طلعت يتشقق على طول ليش ماني عارفه
الفاونديشن الوحيد اللي يطول ومايفصص على ويهي بسرعه سمر كيك يطول معاي 5 لي 6 ساعات
مع اني اشرب ماي وايد واحط كريمات مرطبه قبل الفاونديشن واحط كومباكت بعد الفاونديشن
تكفون بنات شكله يفشل عطوني نصايحكم بليييز ناطرتكم

 

[ادور الكشخه]

هلا حبيبتي
انصحج بكريم ماكس فاكتر

 

[Sparkle]

أنا حاااسه بشرتح مايله للجفاف أكثر من المختلطه وويا الجو البارد يحتاج ترطيب زياده

لازم تسوين تقشير للبشره مرا أو مرتين بالأسبوع علشان تتخلصين من الخلايا الميته (اهيا الي أغلب الوقت تبين مشقق)



جربي فاونديشن من بوبي براون اسمه Moisture Rich

 

[لبى عيونه]

جربي ديور احس بشرتج نفس بشرتي ومانفع معاي الاهو

 

[dnyay_mll]

مشكورين حبايبي
انا بشرتي مختلطه ومرات دهنيه اكثر بس جافه لا
وجربت اكثر من كريم اساس بنات ماكو فايده نفس الشي يفصص على ويهي
المشكله مو من كريم الاساس ماني عارفه من شنو
بسوي تقشير وبشوف

 

[معلمة شيسمونه]

حبيبتي انتي نفسي نفسي بالضبط وجرررررررررررربت كل كريمات الاساس بالدنيا

ماكو فايده عند الخشم يصير منتف جنج ماشه الزوليه بكلينكس

وشوي يشقق

العيب مو بالكريمات بسسسسسسسس
ما بطولها عليج انا لي سنتين بالضبط انتهت هالمشكله عندي نهائيا

غسلي ويهج بصابونة فير اند وايت بفيتامين سي

اول يومين ثلاثه غسليه 4 مرات باليوم

عقب غسليه عادي مره باليوم او مرتين خلاص ويهج يصصير زحلااااااااااااااااااااقية


تشيليج كل الخلايا الميتة وتهبل تهبل تهبل حتى خدودج تحسينها مصقوله

انا نفسج بشرتي مختلطة وخل اقولج اللي ناسبني

كريمي للمناسبات كريولاين سوبر كلر
والبودره احط فوقه بودره بيج علشان ما يصير ابيض حيل ويهبببببببببببببل ما يفجج على الويه ابدااااااا
طبعا للتثبيت زياده استخدمي الفكسر بخاخ التثبيت مالهم يهبل والله

اما كريمي العادي حق الدوام والطلعات الخفيفة والزوارات
مينارد من بيوتي مع بودرته بياضه يهبببببل بياض طبيعي والله الكل بالدوام عبالهم لوني محد مكتشف انه كريم اساس حييييييييييييييييييييييييييييييييل خفيف وناسبني ما ينتف ولا يخترب

هذول الكريمات هم اللي ناسبوني حيل وما تحسفت عليهم ابداااااا
وقلت لج هالكلام لاني كنت اعاني نفسج بالضبط
واهم شي لا تنسين رطبي خدودج وحنجج قبل المكياج شي خفييييييف ولا تقربين صوب الخشم والجبهه لانهم مركز الدهون

وفي جم شغله تقدرين تسوينهم مثل السائل مانع اللمعان والدهون اللي تمشين ويهج قبل لا تحطين الميك اب علشان يقلل افراز الدهون اللي تفجج المكياج


بس هذه تجربتي وحاليا ما عندي اي مشكله بكريم الاساس

 

[ع ـهود]

اب لعييونج

 

[ساره 101]

انتي نفس بشرتي اتمنى تجربين طريقتي وتدعين لي
حلالي كله خلص على هالاساس وللحين ما لقيت اللي يناسب بشرتي
كنسلته من حيااتي هالفتره واحط بودره ماكس فاكتر رقم 1 احطها عدل بضمير وعقب احط فوقهاا بالريشه من ماك n5
وطبعا مع البلاشر يطلع حلوو وخفيف
وطبعا تحت اعيوني الكونسلر وبختين من فكس ماااااك
وسلامتج

 

[dnyay_mll]

معلمه شيسمونه وساره
مشكوررين حبيباتي ماقصرتوو ان شاءالله بجرب واتمنى اني افتك من هالمشكله
وباجر بروح اخذ صابونة فير اند وايت اعتقد شفتها بصيدليه بالفنطاس

 

[ماركة انثى‘]

نصصيحه اشتتري كريم اسساس مااكس فااكتور جد روووعه

 

[&موناليزا&]

عزيزتي رفع لعيووووووونج