كريم بيودرما بالكولاجين و كريم فير اند وايت ؟؟

[Vous jamais]

السلام عليكم ورحمة الله وبركاته

حبيباتي عندي سؤالين :

الاول اشتريت كريم من بوتس مدحته لي الصيدلية كريم بيودرما بالكولاجين

لكن لما رديت البيت اكتشفت انه انتي ايج ! ( ضد علامات التقدم بالسن )

وانا عمري 25 ’ بحثت لقيت ناس تقول ان البنت من يوصل عمرها 25 المفروض تستخدم

كريم للتجاعيد عشان تقلل ظهورها و فيه من قال لا المفروض ما تستخدمه الا عقب ال 35

السوال الحين هل هالكريم مناسب لعمري ؟

والسؤال الثاني شريت كريم فير اند وايت المبيض وخفت استخدمه

احس اي شيء يبيض ضار ما ادري ليش ؟

وسمعت انهم مانعين هالماركة باوربا ..

ابي ارائكم ؟؟

 

[بنت_ابوها]

انا جربت مال بيوديرما بالكولاجين خربوطي مالاحظت اي تغيير

قصت علي الي تشتغل بوتس البيرق خلتني اشتريه

 

[زبــــــــدة]

ماركة فير اند وايت حدها عجييييبه ..انا مجربه كريم الاثار اللي يقشر وكريم التفتيح ...
وايد حلوو استمري عليه ...

وبيوديرما مادري بس صح المفروض الوحده من يوصل عمرها 25 تهتم بكريمات التجاعيد عشان ماتطلع بسرعه ..

بس هالكريم مادري اذا يصير تستخدمينه او لا ...جان قلتيلها عمرج

 

[ام عبد العزيز م]

البنات ما قصرو

 

[Vous jamais]

مشكوورين بنات عل ردوودكم

جربت فير اند وايت مرتين بس شنو ويهي قب حبوب تحت الجلد

وتقشر علبالي صدفية لأن اختي فيها صدفية

صج تحمدت الله على العافية

اهم شي بشرة صافية لا بياض ولا بطيخ

و سمعت بنات ثقة يقولون ان فيه كرتيزون

 

[ام ريومه.]

فيراند وايت مافي كرتزون حبي في هيدروكينون وهو غير مناسب لجميع البشرات بس حطي للجسم ممكن يفيدج

 

[غرام القمة]

شوفي المكعبات اللي عندي عجيبة تبيض وتصفي كامل الجسم اعشاب طبيعية مية بالمية
دخلي شوفي صور التجارب بالموضوع

 

[أم*سلمان]

آب

آب

لعيونج

سبحان الله وبحمده سبحان الله العظيم

 

[Vous jamais]

مشكوورة غرام المحبة

بس صراحة انقرصت من الكريم

ومستحيل اجرب شي ثاني

لا يلدغ المؤمن من جحره مرتين

 

[مو صج ~]

عاد كان ودي اشتريه بس شكله ممو زين بس سمعت وحده فيها حبوب مراهقه وبشرتها دهنيه تقول وصفها لها الدكتور وصفت بشرتهاا تماما
ماعرفها شخصيا بس كاتبه ردها بقوقل

اعتقد اذا منه مضار لازم نستخدمه بس وقت العلاج وبعد مايخلص لا تردين تشترينه

 

[مو صج ~]

وبعدين اغلب كريمات التبيض فيها كرتزون كريم فيسودين فيه كرتزون وكله يصفونه حق بعد الحف لمده 3 ايام يعني عادي بس مو تستعملينهم يوميا طول عمرج

 

[Missy Miss]

كريمات فير اند وايت فيها هيدروكنين و ما يناسب كل البشرات بالعكس يسمر و لما تتركينه تصير البشره سودا و فيه ناس يناسبهم و يقلب بشراتهم بيضا

أنا ما ناسبني ابد بالعكس صارت بشرتي سمراء بعده و المناطق الحساسه خلاها لي سودا

وبعدين اغلب كريمات التبيض فيها كرتزون كريم فيسودين فيه كرتزون وكله يصفونه حق بعد الحف لمده 3 ايام يعني عادي بس مو تستعملينهم يوميا طول عمرج

لا يا قلبي كريم فسودين مافيه كرتزون أنا استخدمه بنفسي النوع الي فيه كرتزون اسمه ( فوسكورت )

 

[<miss botamba>]

فير اند وايت حلو بس لا تطلعين فيه بالشمس و حطي حمايه

وكريمات التجاعيد انا احب اهتم فيها من عمر صغير انا عمري 26 واستخدمهم