"كريم حماية من الشمسxمرطبx برايمر" ايهو احط اول @@

[om MaRyooM]

السلام







في شي محيرني :bbbiu:


من يديد قمت احتار فيه :bbbiu:


لوول


بقولكم




طبعا بعد تنظيف الويه والتنشيف وهالسوالف ,,, اكيد بحط المرطب وبرايمر وجذي



انزين اذا عندي

* الواقي من الشمس

* مرطب البشرة اليومي

* برايمر


منو الي احطه قبل الثاني ؟؟؟؟

يعني الترتيب مهم ولا كله بالخلاطة ؟؟؟؟ :eh_s(10):



انا اللي اسويه
مرطب
واقي
برايمر


صح الترتيب ؟؟؟

 

[krkooora]

هههههه
ام مريوم انا مريحه راسي و استخدم حماية لوريال حق الصبح اهيا ترطيب اهيا حمايه اهيا برايمر مكتوب عليها
و اذا كان طلعة بالليل عادي احط مرطب خفيف و بعدين برايمر و ابلش شغلي

 

[*E.B.D.A.3*]

شووفي اهيه الفكرة ، باللي تبينه يفيد بشرتج اول ،،
لان اول طبقه اهيه الي راح تستفيد منها البشره واهيه الي راح تمتصها اول ،،
فخلج على الواقي اول ، ونطري ثواني ليمه تمتصه البشرة ، او ليمه ينشف ،
بعدين حطي المرطب ، وهم نطري خل تستوعبه البشرة ..
وبعدين عاد حطي الي تبينه

 

[om MaRyooM]

شكراا




كركووورا

وي صج ؟؟؟
والله بروح اشوفه
حق الدوام وايد اسهل جذي

 

[Sparkle]

هههههه
ام مريوم انا مريحه راسي و استخدم حماية لوريال حق الصبح اهيا ترطيب اهيا حمايه اهيا برايمر مكتوب عليها
و اذا كان طلعة بالليل عادي احط مرطب خفيف و بعدين برايمر و ابلش شغلي

:eh_s(7):
نفسي أنا أستخدم لوريال+فكس بلاس من ماك للصبح
وبليل نفس الشىء بس مرات أستبدل لوريال اب بيس ثاني

 

[Pink.Barbie]

انا عن نفسي كنت احط اول شي

السن بلوك وبعدين المستريزر و بعدين البرايمر

بس بالسراحه للمكياج الصباح اليومي ما احط برايمر دايما احيانا حسب المود

وجات عليا فتره استخدمت لوريال الي حكو عنو البنات

و بالسراحه هو مريح بس لاحظت انو بشرتي احسن على سن بلوك بيوديرما فرجعت استخدمو

 

[عالم المسك]

صح ترتيبج حبيبتي
اول شي ترطيبها
ثاني شي حمايتها
ثالث شي تثبيت الميك اب
لكن حرصي فردهم علي الوي بشكل متساوي بحيث تستفيد منه البشره
و ان كل من هالثلاث ياخذ وقته لين تمتصه البشره وتستفيد منه
و اي استفسار انا حاضره

 

[UNICORNA]

تقريبا ترتيبك صحيح

طيب كركورا وسباركل فيدونا بصوره حمايه لوريال بليييز

هالشركه احترمها واقدرها حيل صراحه

وكم تعطونها من ١٠

 

[brettey]

لازم المرطب وبعدين الواقي وعقب البرايمر
اول شي الترطيب للبشره
وعندج حمايخ لوريال تفكج من هالعباله اهو منه ترطيب وحمايه