كـــل شـــيء عــن لــــــــــــــــندن

[شمعة أبوها]

سلام عليكم ورحمه الله وبركاته
:q8:
شلونكم بنات؟ ، عساكم بخير ان شاء الله

انا حبيت افديكم مثل ما انا استفدت
حاليا انا في لندن وبالتحديد في إدجوير روود
بسبب علاج عقم ..... ما الله كتب انه يكون في نصيب بس الحمدالله على كل حال :denya: لا اعتراض فيها
عشان جذي كانت معظم الرحله سياحه يعني شهر عسل متأخر خخخخخخخخخخخخ:dddds:
بس صج يا بنات والله مافي مثل الكويت وغبرتها خخخخخخخخخخ:krkrkr: صج (( فرق في الجو
المهم
بغيت اشاركم في الاماكن والتسوق :​

المكان ​

عماره البنك الاسلامي
مكان سكنا حيل نظيف ومكانه ممتاز في قلب إدجوير روود وقريب من اكسفورد ( شارع الماركات الرخيصه ومكان مو طبيعي وخيالي بالمره )
والاجار حاليا : 550 باوند بس شنو نظيف ومرتب وكل شيء فيه بس بعض الاكل
الاجار راح يختلف في شهر 6 بس مو وايد
وهو
portsea hall
portsea place
london ​

للمواد والاكل الكويتي
* بقاله الوادي الاخضر
بقاله فيها ماكولات عربيه 100%
دجاج - لحم - سمك حلال
معكرونه كويتيه
شعريه وقسم للرفاعي
فطايره - سبانخ -لحم-جبن -زعتر
الخبز بانواع يجنن وكروسان تحشينه الي تبين
وحليب كرنيشن وبودره وغيرها من الاشياء
فيها كل شيء ​

* البركه
محل في نفس الشي وكل عربي وحلال 100%​

$$ المطاعم $$ ​

احلى مطعم عندي بس الخدمه مدري عنهم ودج تطلبين- تيك اوي ​

* كباب ارمز​

عراقي رررررروعه وحمصهم طبيعي وخبز بالتنور بس ها المكان بعيد شوي من عمارتنا تاخذ تقريبا ربع ساعه
بس الشاي العراقي امبييييييي من جد امبي يهبل .​

* مطعم صنين ​

تحت عمارتنا
ماكولات لبنانيه
فيه مقبلات لبنانيه بارده مثل تبوله وحمص ومتبل وبباغنوج وورق عنب وبقلاوه ومهلبيه وكنافه بالجبن واسماك ولحم وشورما وشوربات وفلافل وحلوم وغيرها.​

* شيشاوا shishawi​

حلو عيشه الابيض مع الكباب يهبل
والكوشاري ماله رووووعه ​

* ابو زاد ​

الشاورما عنده تهبل ​

* باسكن روبنز ​

تحت عمارتنا بالضبط
ررررروعه ورخيص ​

التسوق ​

* فارس ​

يعني نفس كومار او
راجو عندنا ( مال المكياج او اي شيء ​

يجيب جنطه فيها اكسسوارات وساعات تقليد ماركه رررروعه وشمغ انكليزي وغتر سويسريه وصوف انجليزي
وتقريبا كل شيء عنه ب 10 باوند والي يبه يرسل خاص وانا اعطيه رقمه ​

* ارجوس ​

محل كبير تاخذين منه كاتلوج تقريبا نفس الغانم كله ماركات وهو يبيع اكسسوارات للمنزل( مطابيح -ابجورات -مخمات- ديباجات )
، مجوهرات وساعات
،للمطبخ وللغسالات
كمبيوترات -تلفونات - استشوارات -
واشياء للطفل ( دراجات -العاب وغيرها )
العاب ( بلي ستيشن - ول - اكس بوكس- نايتندو وغيرها )
هدايا وهوايات ( للتصنيع المجوهرات - مثبت الشوافسكي - مكينات خياطه ....الخ كل شي
طريقته انج تكتبين في ورقه رقم مثلا ( استشوار فيليبز) الموجود في الكاتلوج وتعطينه العامل وتنطرين 10 دقايق تقريبا وتاخذين الاستشوار وانتي مستانسه خخخخخ​

* محلات لبيع قطع الخام ​

$ انكو ancac وموقعه الرسمي www.ancac.com
البسه نسائيه فاااااااااااااااااااااااااااااااااخره جدا وقطع روعه من ايطاليا وباريس ​

* سوق السبت
في خضره وفواكه كل يوم بس يوم السبت تصير مثل سوق الجمعه بس في كذا كشك رووووعه على قولتهم لوقطه في قطع روعه تباع هناك تهبل ​

* بريم مارك في شارع اكسفورد
روووعه في كل شي ورخيص واكسسوارات روعه
بجايم نوم - بلايز -فوط - تنانير - جاكيتات - حزم - بناطيل وجنزات - جناط -كعوب - جواتي رياضيه -شحاطات زوغه ​

*سبرايس سبرايس في شارع اكسفورد
قطع روعه وبدل حلوه تهبل وتنانير ​

* لاسنزا ( شارع اكسفورد )
ررررررروعه وررررخيص يهبل ​

*نيكست next ( شارع اكسفورد )
فيه عطورات ب10 باوند حلوه وفيه ساعات وجناط حلوه ​

* نيو لوك ( شارع اكسفورد )
حلو وفيه قطع رخيصه وتهبل ​

شارع اكسفورد
شارع كله ماركات ( نيكست -بريم مارك - نيو لوك - دبنهامز - الخ
شارع بيكاديلي
فيراري - ديور - فلانتينو وغيرها ​

واتمنى اني افدت كل وحده كانت مثلي خايفه وتتمنى لو اي شيء يفيدها وتستفيد منه ​

** ما ابي الا الدعاء منكم ان الله يسخر زوجي الي ويرزقنا بالذريه الصالحه**​

 

[الأمورة]

مشكووووره أختى والله يرزقج بالذريه الصالحه يا رب ويهون عليكم غربتكم

 

[آحــلـى عيــون]

تسلميييييييييييييين ياعمري على هالمعلومات المفيده ..
والله يسخر لج زوجج يارب ويرزقج بالذريه الصالحه ..
وتردون ان شاء بالسلامه ..

 

[om l3yal]

حبيبتي والله الله يعطيج الف الف عافية بس جان حطيتي معلوماتج بتجمع لندن علشان الكل يستفيد
والله يرزقج اللي في خير وصالح لج حياتي بس عليج بالاستغفار حبيبتي وايد زين وكرري رب هب لي من لدنك ذرية وانت خير الوارثين
*

 

[~ عز ~]

الله يسخر لج زوجج و يرزقج الذريه الصالحه اختي

 

[سارونة1972]

يعطيج العافيه حبووبه وربي يرزقج بالذريه الصالحه يارب

 

[شمعة أبوها]

حبيباتي والله
هذيله صج بنات ديرتي الغاليه
يا حلوكم :q8::q8::q8: ( جاها حماس غريييييب خخخخخخ
مشكورين وعسى يحقق لكم كل دعاويكم وامنياتكم يا رب العالمين :klhfl:
فديتكم ( حضنه كبيره لكم خخ:tomato2:​

 

[ام الحلوتين]

حبيبتي من اليوم ارسلك خاص موراضي حبيبتي الله يحققلج اللي تتمنينه ياليت ترسلين لي رقم فارس:eh_s(6)::eh_s(6):

 

[شمعة أبوها]

ابشري من عيوني 00 هههههههه

 

[msmshasnsn]

مشكوره حبيبتي والله يرزقج بالذريه الصالحه عاجلا غير اجل

 

[شقاوة أنثى]

يسلمو حبي ما قصرتي
وهل يخفى القمر عن لندن
انا من اشد معجبينها وروادها

 

[شموس الوطن]

هلاا حبيبتي مشكووووره على هالمعلووومات الحلووه بصراحه ذكرتيني بأيام لندن كل صيف نروح لها ما عداهالصيف لاني باخذ صيفي اووف
ذكرتيني بفاارس خذيت منه وايد ساعات وهدايا حلوه بضاعته وحفظ اشكالنا اصلا
وسوق السبت هذا سوق امي المفضل تشتري منه سوالف خضره وفواكه
وبريم مارك حلوو ورخيص حق ملابس البيت
اما شارع بيكدلي فيه نفس قصر الرعب تدشينه بـ 13 باوند وررربي حده يخرررع تخيلي طلعت من
من غير جوتي عزكم الله ولا جنطه طايحه جدام العالم هههههههههههه هاليوم ما انساه

 

[zeezee]

حبيبتي دزيلي رقم فارس بليز ومشكوووورة

 

[مشتطـه]

تشوق لندن

عسى الله يرزقج الذريه الصالحه يااارب

 

[الحــــياة]

يآآحلو لندن

ويآآحلو هارودز

وآآي صج بالليل بالذات غير..

 

[شموس الوطن]

عاااد هارودز شي ثاااني عجيب حددددده صج انه غالي حيل بس مو طبيعي

 

[المتفائله دائماً]

الله يرزقج بالذريه الصالحه ويسعدج انتي وزوجج

 

[اللوتس]

يعطيج العافيه حياااااتو

 

[شـ ـ ـوق]

الله يسخر لج زوجج و يرزقج الذريه الصالحه اختي

 

[شذر الحلوة]

الله يرزقك ان شاءالله بالذرية الصالحة ويفرحج يارب

حياتي ابي رقم فارس عالخاص وماقصرتي

على هالاماكن