كــيفــية التــعامـــل مـــع طــويــلة اللســـان

[درابيله]

نبي أراء المشــاركات في كيــفية التعامل مع الموظفه أو زميله الدراسه اللي تتكلم وايدددددددددد ولسانها طويل وكثيرة التعليقات وتتدخل بالأولي والتالي وتودي حجي وتييبه وتحب تتدخل بشؤنج الزوجيه وين رحتوا اليوم وشنو شرا لج شلون أنواجها وشلون نتصرف وياها نبي حلول للمشكله هذي متوفره جداً بكثره هالنوعيه هالأيـــأم ..........................:aha:

 

[كـ غلا ــلي]

اول شي خل اقولج اذا كانت ام لسان على قولتج ومهاوشجيه فالبعد عن هالاشكال غنيمة .. وش الله حادني

اتعامل مع هالنوعيه خو الدوام ما خلا في غيرها وايد مو الا اتعامل وياها لانه مو حلوه الواحد ينزل لين هالمستوى

الشي الثاني التعامل مع الحشريين واللي يتدخلون بسوالف فلانه وعلانه يوم يتكلمون عن فلانه لا تشاركينهم

خليهم يقرضون بروحهم عشان يعرفون انج مو من النوع اللي يتدخل فبهالطريقه محد يتدخل فيج

غير جذي انتي لا تعطين مجال لاحد يتدخل بحياتج الخاصة حطي حدود لزميلاتج وانتي شخصيا لا تتكلمين

عن زوجج وعيالج لا بالشينه ولا بالزينه وبالتالي محد يتدخل فيج

هذا اللي عندي وانشاءالله اكون فدتج وناطرين البنات شقولون

 

[درابيله]

أنا مثل ما قلتي ما أحتك فيهم بس اللي أشوفه جدامي من تصرفات تخلي الواحد يتضايق منهم حتى لو ما تكلمنا معاهم وجودهم مضررر جداً :aha:

 

[pretty sarona]

وقفيها عند حدها بسوالف الاسئلة الزايدة ماله داعي تسأل و بتطوفين لها يوم و يومين بس لي وين ؟؟

 

[وجدان الكويت]

ولا احب اتعرف على هالأشكال اللي لسانها طويل وماتحترم احد طبيعي ماراح تحترم الناس!!!

بس في بنات صج لسانها طويل بس بالحق انا اعرف وحدة معاي بالدوام احبها وتحبني وطيبة واااااااااااايد بس خل تدوسين لها على طرف تخرررع

ولسانها يلوط اذانها بس مع اللي يأذيها

 

[DKNY]

منتشريييييييييييييييين وبكثرة تخوف
انا عن نفسي ارد الصاع صاعين لان مبدأي كما تدين تدان
اعامل اي شخص بنفس مايعاملني يعني مو تطول لسانها وتتدخل باللي مايعنيها واسكت والله تهبى وتخسى مع احترامي لكم
لان هالاشكال ماينعطون مجال ابدا ويزيدوووووووون كل ماسكتنا عنهم

 

[۩۩ الجـــــود ۩۩]

كل هالمواصفات فيها نصيحتى

اقطعى علاقه بالمره وش الله حادك عليها اريح لج من عوار الراس والمشاكل

 

[نسكافيه بالحليب]

نصيحتي لج احقريها اذا تكلمت لا تنتبهين لكلامها ولا تعطينها اهمية لاني انا نفسج تعبت وايد من وحده معاي بالدوام ولحد الآن بس شنسوي ضروري نتكيف مع الناس لأن صعب نغير اطباعهم

 

[softlady]

والله انا عندي وايد منهم بالدوام

كل الي اسويه ما اعطيهم وي كلش ولا اسولف معاهم

مو اتحاشاهم لا

احسسها ان مالي خلقها

بالتالي ماتكلمني

ولا تتجرأ

بس سلام وبس

 

[fashion girl]

أحسن شي ..
الطويلة اللسان اتوخرين عنها على طوول ..
اما إلي تدخل واايد هذي لازم توقفينها عند حدها .. لان اذا سكتيلها واايد تتمادى بالكلالالام ..

 

[[ . . Jee Jee . . ]]

خلي بينج وبينا سلام ورد سلام .. واذا كلمتج ردي على قد السؤال ..

واهي اذا تحس بتصير معاج رسمية .. واذا ماحست هاذي حاله مستعصيه ماعندي لها حل لول

 

[brettey]

عندي نمونه بالدوام
عموما انا الي اشوفها جذي اتحاشاها لان انا طبعي ما احب اتدخل واحارش بس الي تتمادى معاي وتطول لسانها عليي وتقط كلمه علي اقط عليها عشر لان انا مشكلتي بسرعه اعصب وما اسكت عن حقي ما احب احد يدوسلي طرف وعلى قوله وجدان الكويت لساني يلوط اذاني بس مع الي يتطاول معاي بس الحمدلله انا ما احب احارش وطيبه وعلى نياتي والحمدلله الكل يشهد لي بس عيبي اعصب بسرعه
بس الملاقيف مأساه عندنا نماين منهم بالدوام تعبت معاهم

 

[ريري1]

طويله اللسان يبيله تجعيم بالمنطق وأنك تنفسين عليها أحسن ماتعطينا وجه
بهل الاسلوب ماتفدر عليك.
وعادي خليها تحش بالعكس أنتي تاخذين حسناتها.

 

[البسمه الخجوله]

انا اقولج اذا وحده بنفس هالصفات ومضيقه خلقي وجايبتلي عوار راس اعطيها بلوك وديليت من حياتي لووووول لاني ماحب اعور راسي وخاصه اللي طبعها كلامها دفش( اللي تقط الكلام بدووووووووون تفكير وتجرحج وحاطه نفسها دمها خفيف ) يا الله هذيلا مااشتهيهم وقاعده كثر ما اقدر ابعد عنهم لاني (حساسه) فـ ابعد عنهم بلا مشاكل بلا عوار راس
لاني مره تنرفزت على وحده جذي ومع هذا ماتأدبت طبعها جذي شنسوي بعد :eh_s(10):
فـ احسن شي انج تبتعدين عنها لان هالاشكال هذا طبعهم ومتربين عليه ماتقدرين تغيرينه

 

[الغــــلا رنــــاد]

البعـــــــد عـــن هـــالــــأشكـــــال أريــــــــــــح​

 

[رفرف]

علاقة رسمية ..

السلام ورد السلام ..

واللي تسأل عن الخصوصيات بققي عيونج وقوليلها .. آسفة !! هذا شي شخصي !!

ماراح ترد تسأل ..

 

[OmRashed]

هالاشكال اتحاشى اتكلم معاها
او
حتى اعطيها فرصه تاخذ وتعطي معاي بالحجي

 

[orangeya]

المثل يقول : الباب اللي اييك منه الريح سده واستريح

رايي نفس راي خواتي

خلي العلاقة رسميه مع هالنوعيه وماتتعدى السلام او كلمة ورد غطاها مو اكثر هذا اذا اضطريتي انج تتكلمين..

عاد انا مصيبتي اني احب اعامل الناس بالطريقة اللي احبهم يعاملوني فيها !!! فما ايي في بالي ان هذي تنوقل حجي وهذي ما يهمها غير القرض بخلق الله!!!

الا مع الوقت استوعب او احد ينبهني...

المهم مابي اطول عليج..

مثل ما قلت لج خلي العلاقه رسميه حيييييييييل معاهم وان قدرتي تتحاشينهم احسن
ان صار والمكان اللي انتي فيه قاعدين يحشون وقفيهم ونصحيهم ان ما فاد هدي لهم المكان وروحي

مرة على مرة ماراح يتكلمون جدامج... وخلي خصوصياتج حقج لا تعطين مجال حق بلاغة الشف واللقافه بعضهم يسألون اسئلة مادري شلون قايله ياوخيتي!!! عاد انتي هني لا تتدودهين بالعكس هذي فرصتج انج توقفينهم عند حدهم وتفهمينهم ان هذي خصوصيات مو حق احد خصوصا انه غريب يسأل..

وسلامتج وتعيشين

 

[الريان]

احسن شي للاشكال هذي الحقراااان والتعامل الرسمي جدا...والتعامل معاها بالمسطره والقلم اذا التعامل مباشر والشغل مشترك........ولا للغشمره معاها ..وطبعا لا تصيد لج زله او خطأ حتى لو بسيط عشان ما تعطينها فرصه للتشمت....
هذي طريقه تعاملي مع كذا بنت عندنا بالدوام على هالشاكله والحمد لله ما يتطاولون ولا يجرؤون لانهم ببساطه ما لهم فرصه....