% كـل وحـده مـركـبـه تـقـويـم تـتـفـضـل ( تجمع خاص لبنات التقويم ) %

[Filakawyia]

بس سئلي دكتورج احسن

 

[* مـذهـلـه *]

انا كنت مركبته وفكيته من زماااااااان ... لي سنتين ألحين

ركبته بالحكومه وقعد علي 6 أشهر بس صج تغيرت أسناني ... على الرغم من ان أسناني زينه بس عندي ناب شوي بارز بس حلو علي يعني لما اضحك يطلع شكله مغري
خخخخخخخخخخخخخ حلوة مغري هذي

المهم بعد التقويم اختفى الناب صار صفه وحده مع الأسنان

واللللللللللله يعينكم على التقووويم ...
انا اول ماشلته ضاق خلقي فقدته ... تعودت فيه شي يضغط على اسناني

مبروك حبيبتي و زين افتكيتي منه .. و حياج الله بين التقويمات ​

 

[* مـذهـلـه *]

أهلا بالمقومات

معاكم أختكم المقومه أريج

صار لى حاطه التقويم سنه و9 شهور بالتمام والكمال
وملييييييييييييييييييييييييييييييييييت منه
وحاشنى ضغط وزهقت
خلاص
ابي اشيله
بس الدكتور يقول لما تكملين سنتين بشيله
انا حطيته بالحكمه اللى بالفحيحيل
اهو الدكتور زين بس ما اقدر احكم على النتيجه النهائيه
الا لما اشوفها
انا كان فينى بروز خفيف بأسنانى
اللحين دخلوا وتغيروا
بس في شي مو عاجبنى
احس لثتى كبرت ولما اضحك صارت واضحه
ما ادري اذا كان هالشي له حل ولا لا
وانا ناويه اسئل الدكتور الزياره الجايه عن هالموضوع ​

هلا فيج حبيبتي و حياج الله معانا ..

احسن شي تسألين الدكتور عن هالشي و تستفسرين .. ​

 

[* مـذهـلـه *]

انا رفيجتي نزلت لثتها عقب التقويم ولما خلصت مدته سوالها عملية قص فيها اللثة

وي جذي انا قمت احاتي يعني ضروري اللثه تنزل !!!!! و لا على حسب كل وحده ..​

 

[* مـذهـلـه *]

السلام عليكم

اشلونج اختي مذهله
مشكوره على الموضووع الحلووو...

قصتي مع التقويم ....

انا كان عندي بروز بالاسنان بس شوي خفيف وناب طالع لي بالغلط بس موحلو وشكله بايخ ...
ركبت التقويم بالحكومه طبعا واسطه بالمركز التخصصي مال الفروانيه
حطيته سنه 97 وشلته 2001 وبعدها حطيت المتحرك ولي الحين عليه لان الدكتور يقول لازم احط المتحرك سنه بالليل والصبح وباجي لسنين كلا باللييل....
طبعا انا المتحرك انساه ومستحيل احطه بالليل ...
التقويم الثابت كان يعور بالتركيب وحزه الموعد لما يشده يعورني حيل طبعا كله سوائل وشوربات وهريس ويريش وهالسوالف ...
طبعا اول التقويم ما طلب ني اشلع شي بعدين ابنص المده طلب اني اشلع 4 وشلتهم ....
وحط لي سيور بس يعوررررر
التفريش .... طبعا انا وين ما اروح الفرشه معاي واقعد ساعه اعابل بالحمام وانتو بكرامه ....
بس ضاق خلقي يوم قال لي الدكتور انه يبي يشيله لاني حيل تعودت عليه ....
واهني المفاجأه ... شكلي تغير 180 درجه وااااااااااااااااااايد صاروو حلوييييييييييين
بس الحمدالله افتكيت وخلصت بس الحين المتحرك كلش ما احطه وخايفه يختربون بس لازم احطه
اي اي ما قلت لكم

التقويم المتحرك احطه يوم وانساه سنه عشان جذي لي الحين انا بالمتحرك ومره كسرته
كنت حاطته بحضني وقمت ماشفت ودست عليه ورحت سويت ثاني ...
ومره كنت اكل وحطيته بكلينيكس وحطيته بالصينيه مالت الاكل وانقط بالزباله وانتو بكرامه
واهني المصيبه الدكتور ما رضى يسوي لي قال خلاص كل مره اتضيعين وتكسرين واحنا انسوي
رحت سويت متحرك بالخاص وحتى لي الحين احطه يوم واخليه شهور
بس ابيكم اتزفوني عشان استمر عليه

وسوري على القرقه الوايد .. وان شااء الله ماكو بدليات لوووووووووووول

هلا حبيبتي انا تمام الحمدالله بشوفتكم ..

حلت دنياج يا قلبي ..

و انا اللي بزفج الحين :eh_s(14): ركبيه لا تنسين لو انه مو ضروري جان ما عطوج اياه اتوقع انه نهائي عشان يثبت الضروس ..

لا شدعوه اي قرقه الموضوع لكم دوانيتنا هذي دوانية التقويميات :eh_s(9): حياج الله باي و قت و بكل حزه ..​

 

[Ga6waah83]

ههههههههههههههههههههههه تسلمين يا قلبي مذهله
ههههههههه خلاص على هالزفه هذي بروح افرش اسناني واحطه امري لله ههههههههههههه
ويعطيج العافيه يا قلبي

عاد والله يعور ويشق شق بس بتحمل

 

[kanana]

هااااااي

انا مسويته من شهرين في الخاص و كلفني 1400

انا عندي بروز خفيف في الفك العلوي و السفلي مادري شسالفته بعد يبي له تضبيط مع انه اسناني صفة صايرين
و الدكتور اول ما كشف على اسناني حط دوبه ويا الفك السفلي و انا كنت رايحة للفك العلوي اصلا خخخخخخخخخ

بنات شنو سالفة اللثة اللي تنزل انا بعد شفت بنية لثتها نازلة
و شفت وحدة صغرت اسنانها بعد !!!!!!!!!!!!!!!!!!

 

[ArEEj]

أمبيه ضاق خلقي
أخاف أبي أكحلها عميتها

بدخل أسنانى طلعت لثتى

لا ان شاء الله لها حل يا ويله منه الدكتور اذا ماكو لها حل
بقوله جان قلت لى من الاول انه ممكن تطلع اللثه

واللحين صار لي شهر ما ألتزم بالسيورما احطهم عدل
شصير ؟؟ عادى ؟؟
لانى بصراحه ما ابي اسنانى يدخلون اكثر من جذي
هالمستوى عاجبنى انا ابي شكلى نورمل مو موطبيعى

الله يستر بس ​

 

[عالي مستواها]

بنات مو بالضرورة تنزل اللثة .. يعتمد على الأسنان نفسها

يعني لو الأسنان بارزة وركبتوا التقويم فترة طويلة راح ترجع الأسنان وتنزل اللثة يصير حجم الأسنان صغير .. انا شايفه بنات جذي

بس الحمد لله بالنسبة لي ما صار هالشي ...
وترا له علاج بس مدري شنو

 

[Ga6waah83]

حبيبتي اريج ترى لازم تحطين لسيور صج يعورون بس لازم تحطينهم
واذا على اللثه حتى انا بينت اكثر من قبل بس ترى كل شي له حل .... وبيني وبينج احس عادي مو مضايقني شكلها ....
صدقيني الدكتور لما يشوف اسنانج صارو حلوين اهو بروحه راح يشيله لا تستعيلين ....

موفقه ان شاء الله

 

[Filakawyia]

صح مو ضروري تنزل اللثة . . .

بس ممكن يكونون الضروس اصلا صغار و لما يترتبون يبينون انهم صغار اكثر من اول و تبين اللثه نازلة اشوي

بس مو الكل تنزل لثتهم

 

[ArEEj]

انا حجم أسنانى ما تغير مو صغير عادى
بس لثتى شويه تغيرت
واخاف مع السيور تزيد

عموما بسأله الموعد الجاى وبشوف ​

 

[بنت الاجاويد]

يسعدني ان انظم الى ديوانية التقويميات ههههههههههههه





محجوز ولي عوده"

 

[ღღغــ الدنــيــا ـــلاღღ]

هاااااااي بنااااات معاكم التقويمية الحديدية


غلا الدنيا انا عاد مشكلتي مشكلة عوووده


والخاااص احسن من الحكووومة شحلاااات المعامله اول شي انا كنت بالحكمة اللي بالفروانية وحولوني على الحكمة اللي بشرق لانه عندهم اختصاصي جراحه فكين انا لو اقولكم تقويمي شلون صاير تبجووون


اول شي كانوا بيسولي جراحه لان الفك العلوي داش داخل حيل بس الدكتور اشوك حطلي تقويم غرررريب كل الناس يقولولي شلون متحملته حاطه حق الفك اللي فوق ويكون باللهاه نفسها يعني بنص الحلج حديدة مربعه واشدها 20 يوم عشان تتوسع اسناني هذا مركبته من شهر 9 والحمدلله الحين مااحتاج جراحه عقب ماحطيت هالتقويم وتوني الاسبوع اللي طاف حطيت التقويم العادي بس حق اللي تحت واللي فوق لما يشيلون الحديدة المربعه بعد 4 او 5 شهورد يحطولي تقويم عادي وانا نزلت وااااايد مادري شنو اكل احس يوعااااااانه


وهذي معانات غلا الحديدية

 

[طماشه]

انا خلصت من الثابت والحين المتحرك

وخوش موضووع مذهله مفيد واايد حق الي يبون يحطون تقويم

 

[kanana]

بنات اللي خلصوا فترة التقويم الثابت قولوا لنا شلون ترتبت اسنانكم و مدرى رضاكم عن النتيجة

 

[ArEEj]

طماشه قولينا بليز عن المتحرك

بالتفصيل ​

 

[مشمشه_كويتيه]

بصراحه الموضوع يه بوقته انا علي وش تقويم هم بركبه بالحكمه اللي ببلازاعند سوريش استشاري الشهر الياي بركبه لمده سنه والله يكون بالعون مشكورة مذهله علي افتتاحج للديوانيه بكون من روادها اذا تقبلين فيني:eh_s(10):

 

[Filakawyia]

انا شلت الثابت . . . و انشالله اخر الشهر بحط المتحرك

شكل اسناني عاجبي 90 %

بس خل اقول لكم معاناتي اللي صارت

توني مستانسه و بشيل التقويم الثابت . . . و انا اصلا كان عندي ضرس تلبيس من قبل و الدكتور كان بلوة

فالدكتورة و اهيا تشيل التقويم جان يطلع التلبيس وياها

جان تحولني على اساس يلبسونه مرة ثانيه

عاد تعالي كشتي بمحاضراتج كلهم عشان مواعيدهم و زحمتهم

عقب ساعات من النطرة دشيت على دكتورة التلبيس

جان تقول لا انتي اسنانج صغار لازم تسوين عملية لثه و يمكن بعدين نشوف اذا نقدر انعدله ولا لا

ولازم نشلعلج ضرس العقل . . . طبعا بغيت اطقها يوم قالت جذي . . الحين اسناني توهم متسنعين و يايه اتقوليلي بشلع بعد عشان يردون يختربون

اهيا تتحجى و انا اقول بقلبي "اي اي كملي . . اي اي هذا ويهي اذا شفتيني مرة ثانيه "

بصراحه احس ماله دااااااااااااااااااعي كل هذا

و الحين متوهقه مابي اسوي العملية بس مادري شلون اتصرف

قلت يمكن اشيله و اسوي زراعه ؟؟؟ شرايكم

 

[Filakawyia]

انا شلت الثابت . . . و انشالله اخر الشهر بحط المتحرك

شكل اسناني عاجبي 90 %

بس خل اقول لكم معاناتي اللي صارت

توني مستانسه و بشيل التقويم الثابت . . . و انا اصلا كان عندي ضرس تلبيس من قبل و الدكتور كان بلوة

فالدكتورة و اهيا تشيل التقويم جان يطلع التلبيس وياها

جان تحولني على اساس يلبسونه مرة ثانيه

عاد تعالي كشتي بمحاضراتج كلهم عشان مواعيدهم و زحمتهم

عقب ساعات من النطرة دشيت على دكتورة التلبيس

جان تقول لا انتي اسنانج صغار لازم تسوين عملية لثه و يمكن بعدين نشوف اذا نقدر انعدله ولا لا

ولازم نشلعلج ضرس العقل . . . طبعا بغيت اطقها يوم قالت جذي . . الحين اسناني توهم متسنعين و يايه اتقوليلي بشلع بعد عشان يردون يختربون

اهيا تتحجى و انا اقول بقلبي "اي اي كملي . . اي اي هذا ويهي اذا شفتيني مرة ثانيه "

بصراحه احس ماله دااااااااااااااااااعي كل هذا

و الحين متوهقه مابي اسوي العملية بس مادري شلون اتصرف

قلت يمكن اشيله و اسوي زراعه ؟؟؟ شرايكم