% كـل وحـده مـركـبـه تـقـويـم تـتـفـضـل ( تجمع خاص لبنات التقويم ) %

[الكويتـ80ـية]

أنا مادحيلي التقويم اللي يحطوونه داخل يعني ما يبين .. شرايكم أسويه ؟؟

وين أفضل دكتووور؟؟

 

[noty]

انا حاطة من سنة 97 لي 2003
و الحين 2007 اختربوا كللللهم
اسناني خلاص صاروا لي جدام مرة ثانية
انا الحين بمريكا و ناوية احط
و الله يستر

حبيبتي ليييييييش ؟؟؟؟

شنو السبب .. ماسالتي الدكتور ليش

 

[noty]

أنا مادحيلي التقويم اللي يحطوونه داخل يعني ما يبين .. شرايكم أسويه ؟؟

وين أفضل دكتووور؟؟

الميزة الوحيدة اللي فيه انه ما يبين بس

أذيته اكثر ,, تنظيفه وايد صعب .. اهو العادي و عذاب عشان يتنطف

و للسان راح احوشه وااايد في بعض الناس تتجرح

و كلهم نفس التاثير الفرق بس بالشكل

 

[أمواج البحر]

مرحبا بنوتات

انا كنت مركبة تقويم قبل تقريبا 10 سنين

بس الحين احس انهم ردوا لي جدام:eh_s(10):

فبغيت اسألكم وين احسن مكان اسوي التقويم

و مشكووورين

 

[مستشاره قانونيه]

السلام علييكم
بالنسبه حقي انا
صااااااارلي سنين اروح واخذ مواعيد ويعطوووني موعد بعد قررن عشان اروح اراجع عند الدكتور واااااي صج الحكومه دوووخه ونطره وانا اكرررره ماعندي اني انطر دوري
طبعا رحت خاص الحكمه بشرق عند دكتور اشووك
سوالي اشعه وعطاني موعد يوم الثلاثه الياي انشالله اركب التقوويم واااااااي ونااااااااااااااااااااااااسه بأقل من اسبوع صج هين فلسك ولاتهين نفسك
بالنطره والمراكض بالعدان وغيررره عواار راااااااس..

الدكتوووور قالي لازم اشلع لج 4 ضروس اللي عالجنب بس انا قلت له ماااااااابي وابي حل ثااااني قالي خلاص راح اركبلج التقويم بس فووووق وبعدين اذا احتاج اني اشلع ضروسج راح اشيلهم وتحت ماتحتاجين وبعدين يبين..
وقالي المده راح تكووون بس سنننه ..

انشالله يوم الثلاثه مراجعتي وراح اقوولكم شيصير معااااااي..

وماشالله لاحظت ان الاغلبيه مركب تقووويم بالحكمه

 

[مستشاره قانونيه]

بناااااااااااااااات الصج التقوووووويم يضعففففففففففف؟ ؟؟؟؟؟

 

[Ga6waah83]

مساء الخير

بنات انا كنت مركبه تقويم سنه 1997 وشلته سنه 2001
بس الحين اللي فوق ردو اختربو لاني ما اللتزمت بالتقويم المتحرك وردو اختربو
والحين ركبته مره ثانيه في عياده الحكمه وباجر مراجعتي الثانيه عن دكتور اشوك
دكتور هندي بس وايد زين

والتقويم يضعف انا اساسا ضعيفه بس التقويم ضعفني زياده والحين انا زدت وزني وخايفه اخسر الوزن اللي زدته ابسبه التقويم
الله يستر بس

 

[noty]

بناااااااااااااااات الصج التقوووووويم يضعففففففففففف؟ ؟؟؟؟؟

والله لا انا عادي ما ضعفني

بس يمكن لانه ما تقدرين تاكليين اول لايام لانه اعور بس بعدين اخف العوار و تتعودين عليه

 

[مستشاره قانونيه]

البنات انا اليوم ركبت التقوويم

وصج احس بعواااار الحين

وماقدر اكل شي

 

[هابة ريح]

وييييييييييه نص بنات الكويت مركبين تقويم !!!!
شسالفة ؟؟؟؟؟
اشوه اني وحدة منهم ههههههههههههه

انا ركبته من شهر 12/2006
في مركز البيان اللي في برج ليلى بالسالمية
الستاف روووووعه من جميع النواحي والدكاتره كلهم لبنانيين
والدكتور اللي ركب لي اسمه د.بول

مشكلتي بالفك السفلي مو متطابق مع الفك العلوي وفيه بروز بسيط جدا بالاسنان وسبب هالبروز ان لساني يضغط على الاسنان الامامية
فركبولي التقويم بس تحت ولمدة 6 شهور ، بس احس انه راح يطول اكثر لأنه الاسنان تعدلت وتسكرت الفتحات الا فتحه وحده مو راضية تتسكر للحين
وما وصلت مرحلة السيور ليما الحين

موعدي الاسبوع الياي وراح يركب لي على اسناني اللي تحت بس من داخل مثل التقويم بس راح يحط فيه دبابيس بدال السيم عشان لساني ما يضغط على اسناني ويردون يختربون
يعني حركة عشان لساني ياخذ وضعه الطبيعي ،، الله يستر قاعده احاتي هالسالفة

 

[فتون علف]

اي والله الظاهر كل بنات الديرة مركبين تقويم خخخخخخخخخ

 

[noty]

هابة ريح

انا ركبته من شهر 12/2006
في مركز البيان اللي في برج ليلى بالسالمية


حبيبتي
اهو نفسه اللي يم الكنيسة عندهم فرع ثاني ؟؟؟

اي لبنانيين اشطر ناااس .. انا سويييته عند لبناني

 

[شمع تحترق]

انا مو مركبه تقويم




بس داشه اضحك عليكم و انتوا متيمعين على التقويم

انزين اللي تشيله فيكم تنطرد من الموضوع و لا شنوا يكون وضعها حبيباتي

بنات التقويم

 

[LaSt WoMeN]

وييييه ... انا سويت تقويم مرتين و شكلي بسويه مرة ثالثة .. .

حسافة والله اسناني كانت حلووة صج فيهم عواية بس حلوين و مرات لما اضحك يقولون لي اسنانج حلوة حتى مرة واحد لحقني يقول لي اسنانج حلوة خخخخ و ما كنت مصدقة الحين عرفت قيمتهم بس اشعقبه ..

ايـــــــــــــــــه< من قلب

قصتي طويلة عريضة .. اذا رحت طبيب الاسنان و وافاني بالنتائج يصير احطه و الا ما يصير يمكن اقولها لكم ..

المشكلة كنت حاطته ترف و انا مو محتاج الحين محتاجته و مو قادرة

نصيحتي لا تحطون عند هنود اهم اللي خربوا اسناني المرة الأولى بالحكومةو الثانية بالحكمة .. كله هنود لعبوا بحسبة اسناني حسبي الله و نعم الوكيل

 

[فتون علف]

نوتي
اي البيان عندهم فرع بالسالمية
بس والله الكويتيين بعد زينين مو بس اللبنانيين
وهم الهنود يمدحونهم
بس اللبناني لا شفتيه يشرح القلب مو نفس الهندي هههههههههه

فلانه
ليش مرتين تقويم؟ وهم بتسوين مرة ثالثة لهالدرجة ضروسج معتفسه؟

 

[marioom]

انا توني توني توني راده من الدكتور
توني الحين الحين مركبته
<<<< يوم تاريخي لول :eh_s(9):
وحدددددي مستانسه
ليلحين مافرشت اسناني بس مريت الصيدلية اللي يم جريت ستيك وقلبي عورني اول ماشفت المطعم بس قاومت ونزلت شريت الفرشة الخاصه لهم ورديت لول :eh_s(22):

حطيته بخاااص
والمشكله عندي ضرسين شكلهم غلط ماعرف اوصف بس شكلي صاير زاامبي لول :eh_s(20):

وراح احطه اقل من سنه جم شهر بس والشد كل 15 يوم
المهم
وبما اني توني اليووووم الاحد الموافق في تاريخ 22/4/2007 :eh_s(13):

بروح الاحد الياي يشد ونبدا بعد كل 15 يوم
يارب ينشال قبل لاروح الخيران :eh_s(22): لول

وعن الاكل قالي ما اكل على اسناني الاماميه واي شي يابس ابي اكله لازم افرمة على قولته ترا خوش دكتور :eh_s(15):

وناسه :eh_s(9): ​

 

[marioom]

وترا صارلي ساعه ادور الموضوع عشان اكتب عن اليوم
لول :eh_s(22): :eh_s(17): ​

 

[noty]

هيهيهي اي عدل كلامج فتون علف

الكويتيين فيهم اوكي .. بس اثق بلبنانيين و السورييين شطاااااااااااار

وهذا خريج فرنسا و لبنان اتحسين اعرفون اسونهم صح صح

flana

اي دير والله انا قلتله انا ابي احط بس تحت لانه اللي فوق ما فيهم شي قالي شغل البنجرجيه ما يمشي عندي

اهم شطار ماقول لا ... بس قنعني دكتوري لما شرح اذا ركب تحت بس و ما ركب فوق

صج فاهمييين


marioom

بالمبارك حبيبتي زييين اتسويين

وين ركبتيه دير ؟؟؟

 

[Petite_Chica]

banat 7abaibi wain a7san mokan arakeb feh taqwem??? el kel yemda7li shy o gelt ashof el 7ekma 3end Dr.Ashok bs chena fe cham wa7da emrakba 3enda egoolon kharrab asnanhum!! khawaftooni 3ad asnani mafehum shy bs 3endi thersain ta7at 6al3en mn mokanhum ya3ni shy wayed basee6 o oho as3ara chena wayed zaina!! 250 def3a owla o kil shahar 50 KD!! please feedoni wedi arakeb o 7adi me7tara wain aro7 o 3end mino

 

[LaSt WoMeN]

نوتي اي والله شغل بنجرجية .. آخر مرة هالهندي الشقول مال
الحكمة سوالي بس تحت قلت له اسوي فوق قال لي ماله داعي
اللي فوق راح يتعدلون بروحهم

الحين .. رحت حق الميدان اخر مرة قال لي ان الفك اللي تحت
صار غير عن اللي فوق حتى اسناني ساعات تطق طقة تسكربت !!
و قال صعب الحين نحط مرة ثانية تقويم و قال لي اروح له مرة
ثانية بيشوفوني دكتور تقويم لأن اللي كلمني دكتور الفك !


نوتي وين سويتيه حبووبة ؟

فتون علف عرفتي سالفتي ؟؟ هذي باختصار شديد

و نصيحتي لكم بنات اذا شلتوا ضرس و قال لكم الدكتور حطوا
جسر و الا زراعة على طووول سووها لا تخلون مكان الضرس
خالي علشان الضروس لا تلعب لعب يمين و يسار