كلكم تعالوا ^^ تجاربكم مع الشاي الاخضر ^^ حياكم

[ماني من الناس]

السلام بنات

شخباركم ابي الكل يكتب تجاربه هنيه مع الشاي الاخضر

شكثر يشربه كل يوم ؟

ومتى يشربه بعد الوجبات ! بالليل بالنهار ؟

وهل لاحظتي تغيير من حيث الكرش والمعده والضعف هذا اذا ماكنتي مسويه ريجيم عشان نشوف تأثيره بروحه ؟

وبعد كم مده لاحظتي التغيرات ؟؟

انا عن نفسي افكر اشربه بس عشان ابي بطني يكون مسطح مابي اضعف وماحب اسوي تمارين لان ماستمر عليها وانسا اشفط بطني فمالي الا الشاي الاخضر اشوف يمدحونه وايد فقلت نشوف تجاربكم


حياكم حبوبات

 

[توتو الظفيري]

اب
اب
اب​

 

[الجادل ALJADEL]

الشاي الاخضر....نتايجه تهبل....انا اشربه بيوم ثلاث مرات بس نتايجه وايد وايد تهبل....

 

[Patcholli]

مادري ماجربته والله

بس احسن شي حق زوال الكرشه والله قطعي الخبز والعيش وشوفي اشلون بطنج يلزق بظهرج

 

[ماني من الناس]

الجادل

اسمع وايد يمدحونه الشاي الاخضر

باتشولي

انا ما آكل عيش وايد والخبز بالفاست فود بس بس اكل باستا خخ

 

[انين الفجر]

لي اسبوعين اشرب تقريبا باليوم ثلاث اكواب

واحد عالريق وواحد بعد اكل وواحد بالليل

بس مو شاي اخضر لحاله انا اضيف عليه شريحه ليمون وملعقه زنجبيل
وملعقه كمون ونعناع واحط احيانا قرفه
وعلى فكره والله الطعم مقبول ههههه يمكن لاني تعودت

والله في الاسبوعين دي الكرش مررررره خف وبستمر حتى يروح

مشكلتي الافخاد فيها زوايد وتعبتن مهما عملت ريجيم او رياضه
تخف بس ماتروووح تعبتني وكرهتني حياتي والله

اللي عندها ياريت تساعدني بليز

 

[brettey]

الصراحه الجاي الاخضر للضعف حده ههههههههههههه
خرررطي
انا سنين وانا اشربه مافادني بالضعف الا يمكن كيلوين ثلاث واردهم ايام ماكان وزني بالثمانينات
انا اول الزواج كنت 49 عقب ولدي الثاني صرت باواخر الخمسينات سنه عن سنه وازيد اهملت نفسي ليما وصلت 85 بس كنت اشرب جاي اخضر من مرتين لي 3 مرات باليوم ولا ضعفت
وعقب ولدي الثالث نزلت فوق ال 20 كيلو بس للاسف على هم وقهر نزلتهم بظرف شهر ونص بدايه السنه الي طافت ليما وصلت 59 لان كنت ما اكل ما اشتهي الاكل حتى بنفاسي ماتنفست عدل حتى من الضعف الكل عبالهم مسويه باي باس او تحزيم معده الحين للاسف وصلت 70 ليش تعدلت نفسيتي نوعا ما بس برجع اضعف على الاقل ابي اوصل 63 كافي
عموما اهو يفيدج مع تخفيف يعني قللي كميه اكلج وتبين الكرش يروح قطعي العيش والخبز

 

[modern]

الشاي الاخضر مفيد و يساعد بعملية الهضم بعد الاكل

 

[STAR FAR]

فوائد الشاي الاخضر كثيرة للحماية من التسوس مضاد للأكسدة ولصحة القلب والعظام شربيه بعد الأكل بساعة يهضم ويحرق الشحوم

 

[هنديه توتو]

شوفي أنا راح أقولج الشاي الأخضر حلو لازم تاخذينه من دون سكر أنا خذيته الأسبوع اللي طاف وما سويت ريجيم بس مع ليمون وشوي كمون وزنجبيل وانصدمت اني نازله كيلوين بأسبوع واحد بس الدكتوره مالتي ماستانست وخلت الفرحه اللي جتني تروح قالت لي انتي نزلتي بس ماي والهن مانزلتي اهنيه انا انصدمت وطلبت مني التزم بالرجيم واشرب ماس واجد على الأ قل (8) جلاسات وان شاء الله راح اقولكم نزلت دهن ................

 

[طلة برنسيسه]

حبيبتي توني أمس سائلة الدكتورة عالموضوع وبعد عن الشاي الأبيض وقالتلي :

الشاي الأخضر والأبيض وايـــــد مفيدين بــس ماكو شي سحري ! يعني الدراسات إلي سووها دكاترة وباحثين العالم كانت على مجموعة من الناس تشرب الشاي الأخضر يومياً لمدة سنة كاملة وبعدين لاحظوا أن هل الفئة ضعفوا من كيلو لكيلووين من دون رجيم أو رياضة :ch12:

يعني أنا يبيلي 5 سنين اشرب شاي أخضر وأضعف 10 كيلو :krkrkr:

وقالتلي انه الشاي الأبيض أفضل لأنه (أنقــى وجودته أعلى) من الأخضر :rerrerek: بس هذا مو معناته انه الأخضر مومفيد !!:eh_s(4):

وبالنسبة لي أنا فأنا يومياً أشرب كوب شاي أخضر الصبح بعد الريوق بساعتين وأشرب شاي ابيض بليل قبل لا أنام بساعة تقريباً ..

ومن خلاصة تجربتي وإلي نفع معاي وكتبت عنه بموضوع من قبل اهوا شاي دلما الي بالبانونج تلقينه باي جمعية :eh_s(15): أحسه يساعد وايد في عملية الهضم .. أما الشاي الأخضر السادة فيسد جوعي بس ما له اي تأثير ثاني يذكر :eh_s(8):

 

[قطوووة]

< جان ادش واتربع


شوفي انا قبل مااصدق هالسوالف صراحة


شريت جاي وكنت اشربه لاني احب الجاي مو عشان تخسيس او شي
كنت اشرب كوب بعد العشا

بصراحة احس كروشتي خفت حيل بعد يمكن 10 ايام
طبعا انا مسوية رجيم


والحين عندي خلطة يوميا اشربها



جاي ابيض + جاي اخضر بالزنجبيل + نعناع


اشتريهم من محل واحد


والطعم وااااااو

 

[جوك احلى جو]

الشاي الاخضر مفيد ويساعد عالهضم بس انج تعتمدين عليه بروحه لا ما اعتقد يضعف لان لي فتره اشربه مافرق علي

 

[ماني من الناس]

ثانكس بنات

انا ابي اشربه مو عشان اضعف بس عشان بطني يرجع مثل قبل لازق بظهري ومايصير عندي انتفاخ او كرش وتسهل عمليه الهضم

 

[قطوووة]

شربية بعد الغدا او العشا بساعه

 

[~أنوار~]

انا اشربه ع الريج وقبل النوم

فوائده حلوووه وحيل حسيت بخفه الحمدالله

بس انا احب انوع بالجاي اخضر وابيض وزنجبيل ....الخ صرت مدمنة اعشاب

بس اكيد مع رجيم ... ورياضه 3 مرات بالاسبوع ​

 

[Miss sensitive]

انا اشربه 3 مرات باليوم وياني هبوط بالضغط فضيع
والحين قمت احاول اشربه مره لين مرتين باليوم ما اقدر استغنا
لكم مالاحضت ان ضعفت عليه

لكن اختي ضعفت عليه مع الرجيم والمشي وخر الكرشه

 

[التـــوت البـري]

بنات شلون تسوون الشاي الاخضر
يعني له طريقه معينه

 

[دلال كووول]

تقول الدكتوره وجد العثمان شاي الأخضر مع الليمون قبل كل وجبه تضعف وتسد الشهيه​