كلمة شكر وامتنان لكل مشتركة وزائرة لمعرض كويتيات النسائية الأول

[العنود22]

صراحه اشكر كل من ساهم في نجاح المعرض الكبير وياليت يتكرر وينتظم اكثر والمصافط تتنظم حتى لو يخلون خدمه السيارات مثل الفنادق نعطيهم مفتاح السيارة وهم يصفطونها

 

[HMS..]

ألـــف ششششكر لكم أنتوو بعد

على هذي البادره الطيــبه


كــآآآن معرض حلوو و متنووع ،

أن ششالله نشششوفه بالسنواات الجايه

و لكــن على مستوى أكبر و أرقى و متنووع أكثر

 

[حبك بلاني!]

مبروك

 

[أم علي الرفاعي]

انا رحت اول يوم الصبح
وماشالله كان الحضور جيد

ومو كل المشاركات كانوا من المنتدى
البعض من بره المنتدى

واستانست انه كل وحدة حاطة نكها
كإسم حق بوثها
وهالشي سمح لنا انا نتعرف على بعض

العضوات اللي اذكرهم
منى ستايل
جراس
شهد العسل << حدها عجبتني بانها مغطية المحل
بستاره ليش انها تبيع لانجري


وللأمانة كان في شغلات حلوة
بس الأغلبية بصراحة كان مو ذاك الزود

يعني الخرابيط وايدة << هذا رايي

((اتكلم عن البضاعة
مو عن الأشخاص))

والمشكلة الرئيسية كانت :
التكيييييييييييييييييييييييييف

وبالنهاية هذي تجربة أولى
ولابد في أخطاء

وانا اشوف عشان يكون المعرض ناجح
لازم يدققون على البضاعة ونوعيتها
ويحاولون ينوعون بالبضاعة نفسها
لأن مستوى المعرض ما كان وااااو

والناس اذواق ,,,
يمكن انا ما عجبني وغيري شافه روعة


كلمة أخيرة:
1000 شكر للكل وموفقين

 

[غلا اهلي]

والله ما قدرنا ندخل من الزحمه ومافي مواقف ورجعنا بين ان الحضور شيء موطبيعي

ويعطيكم العافيه

 

[النملة نواري]

بالتوفيق و ان شا الل المرة الجاية احسن*

 

[wesh jaah]

انا الصراحه رحت اخر يوم وكان زززحمة ماشاء الله
ماقدرت اشوف شي او اخذ شي :eh_s(2):

وياليت المعرض الثاني يكون افضل
وانا ماقلت انه هل معرض مو ناجح
اي ناجح بس فيه اغلاط منها التكييف والوقت كان حييييل ضيج والكل يبي يلحق :eh_s(8):
ومشكوورين ويعطيكم الف عافيه و ناطرين معرض الكويتيات 2 و ان شاءالله اشارك فية
:ggdw: :ggdw: :ggdw:

 

[**lalia**]

موفقييين و هاذا دليل على ان المعرض ناجح و المنتدى والموقع نااجح و موفقيين وناطريين المعرض الثاني الله يوفقكم كبداايه وااايد ناجحه ما شا الله

 

[المدينة الوردية]

يعطييييييييييييكم الف عافية .... وبغض النظر على بعض الامور السلبية اللي صارت واللي ممكن بكل سهولة تجنبها مرة ثانية ........بس بنظري ان اقامة معرض باسم المنتدى هذا بحد ذاته اكبر نجاااااااح ....~
وفرصة حلوة للتواصل والتعارف بين العضوات والتاجرات وكل المشاركات بالمنتدى ككل ...ْ
مع اني ماقدرت اروح المعرض بس حيييل استانست عليه وان شاءالله تتكرر التجربة مرة ثانية وتصيييير عادة سنوية للمنتدى .....ماقصرتواااا كلكم ......واتمنى التوفيييييق للجمييييييييييييييع ....ْ

 

[عطورات المطيري]

الله يعطيكم العافيه
مع اني ماشاركه بس ماشاالله
خواتي امدحوه ومنها لاعلي ان شالله

 

[الزين 85]

موفقين عيال ديرتنا

والحمدالله الكويتيات طموحات ومثابرات بالعلم والعمل

والحمدالله والله لايغير علينااااااااااا يارب


منها للأعلى يابنات ديرتي

بيضتواااا الوووويه

 

[أم السنافر]

الله يوفقكم والي الامام دائما ياحلا منتدى

 

[saraq8]

جان زين المره اليايه تكون المده اطول .. عالاقل اسبوع

 

[Huda alotaibi]

ماحصلي الوقت الكافي أني ازور المعرض

 

[PO PO22]

الله يوفقكم ياارب


المعرض نااجح 100 ٪

 

[ريومه ..!!]

ماقصرتوووا بس المده كانت قصيره مامدانا نروح
وياليت تخلونه لحاله عشان ماتصير زحمه حيييل ^^

 

[مشتطة وبس]

يعطيكم العافية بس تقبلو منو صراحتي ............. انا طول عمري اشارك بمعارض بس هالمرة ماشاركت لاني كنت مسافرة بس كنت من الزائرات للمعرض رايي :
*بصررررررررررراحة عطل التكييف كان مدمر!!!!!!!
*ضيق الوقت ادى الى الزحمة الشديدة اللي لا الزبون ولا التاجر يقدر ياخذ راحته
*بعض التاجرات بضايعهم حلوة لكن البعض لا بصراحة يعني المنتجات ماترقى لمستوى المعرض يعني اتمنى من البعض الاهتمام اكثر
وعذروني لصراحتي انا بالنهاية اختكم

 

[massi1960]

يعطيكم العافيه ويا ريت ثاني مره يصير المعرض بروحه وكل عام والجميع بخير ومبارك عليكم الشهر [/size]

 

[Miss sensitive]

الله يعطيك العافيه اخوي ما قصرت
فعلاا جهودكم واضحه بالمعرض
كافي تواجدكم معانا طول الوقت تشوفون طلباتنا وتشجعونا
بيض الله ويهكم

ورغم الانتقادات
رغم الحرر اللي صار (واحنا ندري انكم بذلتكم كل جهدكم عشان تتفادون هالمشكه)
رغم النااس اللي انقهرت وقامت تشوه سمعت معرضا

الا ان معرضا كان ناااجح 100% بدليل الحشد الهااائل من الناس ويااحلاتهم ويااحلات بنات منتداي اللي يوني ودوروني بالاسم
ماقصروا الله يعطيهم العافيه

بالنسبه للترتب هالشي ذكرته بأكثر من موضوع

تقسيم البوثات كان اكثر من رائع
والمسااحه حلوه وكافيه
والممرات وسيعه
اللي حصل ان اكثر العضوات اللي شروا بوثات قسمت البوث مع 2 او ثلاث من شريكاتها ( وهذا مو عيب ) يمكن لان الاجار كان غالي على 3 ايام وانا بعد كنت منهم بس الاخت اللي معاي اعتذرت وخليت البوث كله لي

المهم

ان المعرض حلووو
تجربه حلوه ويديه مع اني مشتركه بأكثر من معرض قبله

معرضنا غيييير ومنتدانا غييير

اتمني تتكرر كل شهر ولمده 5 ايام بفتره وحده بس طويله مثلا 2 لين 10
الصبح والعصر تعب

وشكراااااا لكم
شكرااا لكل الاداريين
وكل الزوار
وكل كل بنات المنتدى اللي شجعوني وزاروني بالاسم

ولجاراتي
ام عفاف وغراس ومون وجاردينيااا

شكراااا لكم

 

[&جامعيه&]

الله يعطيك العافيه استاذ خليفه القناعى وكل القائمين على المعرض وبنت الكويت ومنها للاعلى وكخطوه اولى ناجح المعرض وان شالله يكون احسن المرات اليايه