كلمته صدمتني وحدي متضايقه

[aṕriliå]

رد : كلمته صدمتني وحدي متضايقه

مااشوفها غلطتج

وعاااد انتي بعد طوووفي

 

[جمالي ايطالي]

الحل انج تجيبين خدامه وترتااااااااااااحين


استغرب من البنات الي مايجيبون خدامه


اجيب خدامه واشرف عليها داااايم

 

[G!RLooNa]

وي بعد عمري حرومه ميخالف مثل ما يقولون اهوا طفح الكيل عنده وبلغ السيل الزبى يعني كلمه انقالت بلحظه غضب ميخالف ماكو حياه بيرفكت وانتو ماشالله عليكم متفاهمين تحبون بعض وريلج بعد مو مقصر لا تخلين الكلمه بقلبج... الظاهر حورو كانت زايده الجيله وقتها خخخخ :rerrerek:

 

[حرم راشد الماجد]

تصدقين جيرلونا توقعت تقولين ( بصراحه معاه حق بنتج لا تطاق ) هههههههههههههههه


تسلمين حبيبتي عالرد

ومشكورين عالردود الباقي

 

[sweet december]

رد : كلمته صدمتني وحدي متضايقه

حرومه انا عندي اقتناع انه الشي الي ما تقدرين تكملين فيه لا تبلشينه يعني باختصار لاتعودينه عالحب والدلال

وانج مجابتله كل الوقت وكل حبج له وفجاه كل الحب والحنان يروح لواحد ثاني لا تقوليلي لا

لان انا اكثر وحده حاسه فيج انا عندي ولدين صغار وبيتي كبير تدرين وعندي حديقه ولا بعد ديااي ريلي لووووووول

وما عندي خدامه انا اسوي كل شي
كنت اسرق الوقت نفس ما يقولون كل شي بوقته

واحاتي الشي حتى قبل ما يصير بمعنى اقوله نام معاي الحين لانه ساعه وبيقوم ولدك لوووووووووووووول

تخيلي الوضع الماساوي والثاني الي اكبر منه يحن وانتي اصلا وين وقتج حق روحج ياربي ودج تقعدين بروحج ما تبين احد

انتي اصلا ما تقدرين تخلين بنتج عند احد اولا لانج ترضعينها ثانيا لانج ما تحلين الخدم نفس وضعي

انا الحين لما لقيت ما عندي وقت اجابل ريلي ولا اسويله مفاجات وعلى قولتج الوضع بارد وحتى النومه نظام خلص شغلك
قررت اني اساحله انه اييبلي خدامه وانا احن صارلي 6 شهور قبل اسبوع طلبلي ياها لما حس اني تعبانه وايامنا صايره بارده

انا ما راح اخليها تمسك اليهال مجرد تراقبهم يعني انتي موكلتها ومشربتها ومغيرلتلها اهي بتحن صح

اوكي مع العابها عند الخدامه بس تراقبها فاهمتني طبعا

انتي بتسبحين هم نفس الشي

تطلعين انتي وريلج هم نفس الشي تودينها عند واحد من اهلج

ما انصحج بالسفر بتحاتين انتي مثل طبعي ما تامنين بنتج عند احد

اخذو فندق اهني عندج المنشر روعه وانا عجبني وخصوصا يمكم الكوت يعني هدوء وفيه سينما ووايد مطاعم

انا احب الاماكن الهاديه ما احب اللويه

صدقيييني ريلج ما يقصد انها تحن بمعنى الحنه او انج مقصره يقصد انه وده ترجعين تهتمين فيه مثل قبل

والله يخليكم لبعض

 

[غنوة ستايل]

عااادي ياقلبي كلنا انقال لنا نفس الكلمه وطنشنا

 

[so_what]

لا تحطين فبالج الريال دايما ماعنده طاقه يستحمل الحنه نفس المره حتى لو من عياله ، و حاولي بنتج من الصبح تقعد وما تنام الا بليل مبجر وهم كسري الروتين بجم طلعه معاه وبنتج تكون عند اهلج ، والله يعينج ان شاء الله

 

[KOKO_284I]

رد : كلمته صدمتني وحدي متضايقه

لا يحوشج احباط حبيتي عادي انا مريت نفس المرة الياهل يكبر بسرعة وتنسون . وانا هم ما عندي خدامة وصراحة اريح لان ما اخذ راحتي مع زوجي بس اييب خدامت امي مرة بالاسبوع اتساعدني .
ومو لازم اتكلفين بالهدية او بالمفاجاة عشان تغييرين روتين حياتج . اتقولين بنتج اصغيرة
اعطيج مثال :
سوي عشا او غدا بسيط رتبي على ذوقج اوحتى طلبي من برة اذا ما عندج وقت . لبسي لبس من ايام قبل واهو يحبة عليج . في ميدالية بالمرينا حلوة بمحل الهدايا تعطينا له مكتوب عليها بالانجليزي ان فاز بلقب وزنة ذهب لان ...................و......................
انا عطيتها حق زوجي كيف عليها قتله انعا مني ومن البيبي لان قاعد يتحمانا ويتعب معانا جنج صابة عليه ماي بارد .
سوينة يوم عيد الاب وشريتلة لعبة سيارة بورش ريموت كنترول قتلة هذي من ولدنا عشان تلعب معاه فيها بس يكبر لاتشوفين سعاته قام يلعب فيها جنة ياهل

خلج من التكلف والبساطة احيانا اتونس اكثر من اي شي ثاني .
واذا على كلمته كلنا لما انعصب نقط حجي واهو مو متضايق منج من الكتكوتة الصغيرة .

 

[حرم راشد الماجد]

كوكو حبي حلوه فكرة الميداليه عطيني تفاصيل اكثر بليز


مارياج او سويت ديسمبر
حبي انا اللي مابي خدامه الحين مو هو بالعكس متعود عالخدم ببيت اهله يعني ما تفرق معاه بس انا يبت وحده وما ارتحت كلش احس انها قاعده على قلبي مو على ارض الله ووديتها

فمابي اعيد التجربه وهم بنتي خل تسكت عند ابوها عشان تسكت عند خدامه


الله يعيني ويعينكم

 

[Princess Lady]

رد : رد: كلمته صدمتني وحدي متضايقه

بنات انا مو مشكلتي ان ما عندي وقت

بالعكس انا منظمه وقتي وكل شي له وقته عندي

وانامووووووووووومقصره معاه بولا شي وبأعتراف منه

ولكن شنو المشكله ان بنتي ما تبي اح نهااااااااااااااااااااائي اصلا حتى لما نروح بيت امي او احد وما تشوفيني ثانيه تسوي مهرجان

وهم ريلي يحب بنته ويشيلها ويحاول يسكتها ومن تفج حلجها شالها تمشا فيها يعني ماكو تقصير لا مني ولا منه


بس ابي فكره حلوه اجدد فيها حياتي


وللعلم ريلي ما يحب اخلي بنتي عند احد واصلا لما تنام يقول لي قعديها اشتقت لها


بس المشكله وين ان انا احس ان صج صارت حياتنا ناشفه ومو بسبب احد انا يمكن ما عندي افكار يديده وابي شي مميز مثل ماهو يسوي لي


ومشكورين عالنصايح الحلوه

حبوبه قلت لج والله قلت لج أنتي ما عندج خبرررره باليهال يمكن ( شوفي لاحظنا على الأمهات اللي وااااااايد مجابلين عيالهم والله اليهال يصيرون دلوعين / ان راحت الام الحمام ماتوا من الصياح / هالامهات ما يقدرون حتى يروحون الجمعيه بروحهم)

شوفي أنا من الاربعين أعود الياهل على الكرسي اللي أنومه فيه >> اللي أقدر أهز الكرسي
ما أعوده على الحضن
ولا أعوده أنه كله شايلته
من الأربعين الياهل يتعود على هالاشياء أصلاً

أنتي عندج وقت ووقتج منظمته

بس الغلط أنه بنتج لازقه فيج

ما عودتيها على الناس / ما عودتيها أنه اللي تراقبها وتلاحظها وحده غير أمها




تبين الصرااااااااااحه الريال يبي ( كيم كارديشان في البيت )

تتوقعين كيم عندها وقت للغسيل / للطبخ / الكوي

نو ويييي عندها

عندها الدنيا ورديه كشخه وماركات وشغلها وتسوق




مب توج مسقطه !! تخيلي لو أنج ما طرحتي عقب كم شهر بييج ياهل ثاني قولي لي من بتجابلين فيهم

!!!

 

[ديانا سبنسر]

رد: رد : كلمته صدمتني وحدي متضايقه

أنا عندي حل بس طبعا ومليون بالميه بتعارضيني

بس لو فكرتي فيهاااااااا ترى اذا ما سويتي هالحل العواقب بتكون سلبيه

الحل ( خداااااااااااااااااااااااااااااااااااااامه )

أنتي ما عندج خداااااااامه أنتي تطبخين / تغسلين / تكوين / تجابلين بنتج !!!

لو غفت نص ساااعه ركضتي الحمام عشان تتسبحين ،، صح !!!

شوفي الخدامه وسيلة مسااااعده فقط

بتقولين بتحكرني ومب مآذه راحتي انطري 5 سنين وشوفي هل تقدرين تلبسين قمصان نوم وشورتات جدام عيالج !!

بتقولين ايه / ريلج بيقول لا

حبيبتي الخدامه بتقعد مع بنتج في غرفة بنتج مثلا معاها العابها / فيديو شي

وانتي على الاقل جابلي ريلج

بنتج متعلقه فييييييييييج لأن أنتي اللي عودتيها

فكري بس ههل طووووووول عمرج وطول حياتج الزوجيه بتعيشين بدوووووووون خدامه

قولي لي من يحب الخدم ومن مستانس على شغل الخدم

حبيبتي رياييل هالزمن غير عن قبل



!!!!

:eh_s(15)::eh_s(15)::eh_s(15)::eh_s(15)::eh_s(15):

 

[زوجي توأم روحي]

شوفي حبيبتى

حطى ببالج شغلة مهمة
الريال ما يتحمل كلش كلش كلش
وما عنده ربع صبر المره

ومن خبرتى أقولج ان اللى يذبح الريال الصراخ واللوية
فشئ طبيعى أن يقولج هالكلام
أنا قالى هالكلمة مليون مره عادى ....... وتمضى الحياة لوووووووول

لان بنتى العوده اسم الله عليها كانت حنانة بشكل مو طبيعى
حتى امى كانت اتقولى بتدخلين الجنة والسبة هالبنت
والله ما أبالغلج اذا قلت انها لما تنام أسجد شكر لله

لا تكبرين السالفة
وأنا عن نفسى هديت زوجي وردة الذهب ( تبيعها تاجرة بالمنتدى )
ووايد استانس عليها
لانى كتبت بالكرت أنت ما تستاهل وردة عادية
انت تستاهل وردة من ذهب
لانك زوج مثالى
وأب مثالى

وحاولى اتقعدين بنتج من الصبح علشان اتنام مبجر
وعلى فكرة
يمكن الحين الخدامة مو مهمة
لكن ان شاء الله اذا الله ارزقج الثانى والثالث
بترفعين الراية البيضا
وتطلبين

والله أنا عن نفسى أكره الخدم كره العمى
بس شسوى
دوام وأرجع تعبانة وأدرس بنتى وبجابل الريل
يعنى غسيل الهدوم والأوتى والتنظيف بصراحة ماله وقت
الا اللهم انى انقلب سوبر ومن

خخخخخخخخخخخخخخخخ

 

[حبـ admant ـك]

رد : كلمته صدمتني وحدي متضايقه

لا تزعلين من كلمه ريلج
لان احنا الامهات نمل من الحنه والصياح
عودي بنتج انها مو كل مره تصيح تشيلينها
بتصيح وبتصيح بتسكت
اهي كلما شافت ان الصياح نقطه ضعفج بتزيد
خليها اهي تتعود على طريقتج مو انتي تتعودين على طريقتها
واذا عن الخدامه انتي نفسي انا ماحبهم
لكن مغصوبه عشان اتفرع لزوجي ونفسي
مع اني انا اللي اوكل بنتي واسبحها وارقدها
اهي بس تشوفها ماخليها تسوي شي غير تنظيف الغرفه والحمام وانتي بكرامه
واذا بقعد مع زوجي اخلي بنتي تشوف التلفزيون والخدامه تقعد يمها بس
لا تخلين كل شي عليج حتى لو عندج وقت
واذا خاطرج تفاجئينه بشي
مو لازم وقت يكون عندج مناسبه
فكري في هالويك اند سويله شي
جو رومانسي اي شي يخطر ببالج
والله يوفقكم

 

[آلعناآأ]

يابعد روحي انتي حساسه

يمكن هو متضايق وزادت بنيتكم الطين بله

لا تتضايقين لان ماصار شي اصلا

 

[eastfem]

اكيد ماقالها من كرهه لها اول وتالى ياهل وبنيه يعني يمكن من حرته غاثته لبنيه شوي يعني مايبيله تتضايقين عادي طوفي

 

[دايم على البال]

اللي يصلح وييسر اموركم

 

[أم فتوته]

رد : كلمته صدمتني وحدي متضايقه

اهو بعد لازم يتحمل ومآيقول نفس هل كلمه عن بنته
بس لحظة غضب يمكن مو مقصده متنرفز شي

والله يصلح أموركم انشالله

أم فتوته

 

[dectora 7elwa]

يا حلوكم
ذكرتيني باول سنين زواجي والله كانت حماتي تطق علي الشقه تبي تحاول تسكت بنتي من كثر ما تسمع صياحها اخر شي تقعد معاي بصالتي وتلمها وانا موجوده ايدي على راس بنتي عشان ما تصيح وانا حامل باختها والريل النفسيه بلارض وكل بوز اقوى من الثاني اذاما يبي مني شي عشان باجر وراه دوام
الحل
خطه طويله المدى وخطه قصيره المدى
1حجزي ليله بفندق بعد جم يوم مسوي كل مستلزماتها
2عودي بنتج عالارض او على امج من الحين عشان تالفهم شويه
3طلبيلج خدااامه لانج مردج بتييبين ثاني وثالث والحمل بيزيد والريال بيتملل\
الله لايغير عليكم ويخليكم لبعض

 

[ميااوي]

حبيبتي لا تتضايقين انا مثل حالتج بالضبط وولدي مستحيل ينام يعني اذا نام نص ساعه ويقعد اليوم كله حتى الليل كله سهران وانا بيت حمولتي وعندي بس غرفه وزوجي متضايق من هالشي بس ساعات اعطي ولدي عمته او عند عمتي لانها تموت فيه وانا اكشخ لو الظهر بس اهم شي اونسه شسوي على ما ربي يفرجها وان شاء الله تنفرج عليج وحاولي تسوين شي ما سويتيه غيري بلوكج مثلا صبغي شعرج وقصيه وسوي نقش باخر ضهرج وبرجلج غيري بمكياجج يعني حطي لون ما حطيتيه وغيري بطريقة لبسج مثلا كنتي تلبسين قمصان قصار لا غيري البسي طويل سويله اكشنات مثل تلعبون اونو واللي يفوز يطلب طلب ترا حلوه

وسوري هذريت واجد

 

[باربية الكوووويت]

الله يخليكم لبعض ولا يغير عليكم انا الاحظ من ينولدون اليهال تنقلب الحياة الزوجيه مومثل قبل تكون الله يعينج شتسوين بعد