كلمــــــــــــــــــــات عتيجــــــــــــــــــــــــه

[^وجد قلبي^]

يهبل ^_^

 

[كلبوزه لزلز]

صج خوووووش موضووووع تسلم ايد صاحبة الموضوووع .. وايد عجبني

 

[^حلاوه^]

يسلموووو

 

[حبيبة دودي]

موضوع يهبل مشكوووووووره
شنو يعني ياقبلة الله؟؟
دايما اسمعها بس ماعرف شنو يعني

مثلا تقول ياقبلة الله عليج...
ياليت تجاوبوني

 

[أوبرا الكويتية]

مشكووووره حبوبه

ماشاءالله عليج علي هالمعلومات

 

[الحياة]

ههههههههههه
الله حلوة كلماتنا

مشكورة حبوبة

 

[كريستال ليدي]

يا حلات أهل الكويت و يا حلو حجيهم

 

[كويتيه وبس!!]

يا سلااااااااااام عالحجي المغبر ويسلمووووو على الموضوع

 

[Eng.shosha]

يا حلو حجينا والله يوونس ...



يعطيج العافيه .

 

[سنا الفضه]

<<<<اغلبه حجيااتي

علشااان تعرفوون مقااااعد العيااايز اييب بفااايده

وجان تبون زوووووووووووود حااضريين

<<<ترقص حواجبها هههههه

 

[أم الهيل]

مشكوره

 

[*ميامي*]

يا حلو حجينا الاولي ويا زينه

وين اللي يحجي الحين جذي

تبين الصج انا كثر ما اقدر احاول اني ما ابتعد عن كلام ديرتنا الاولي

كل رفيجاتي يقولون لي جنج عيوز لما تتكلمين

يا بختي هذا اللي انا ابيه

تدرون شسموني ؟؟

زري عتيج ؟ هههههه

يلا الشاطره فيكم تشرح هالكلمه وانا بعدين برد عليها اذا صح والا لا ؟



مشكوره يالغلا على هالموضوع اللي يبرد القلب وبذكرنا ويذكر كل من يحاول يتناسى حجينا

تقبلي تحيات اختج

الصدوقه الوفيه​

 

[softlady]

امبيه الزري العتيج مو هذا الي يلبسونه مثل البخنق


لا تقولين صح


انتحرررررررررررررررررررر



يعني انا عيووووووووووووز لوووووووووووول






بعد قلبـ قلبكمـ

مع تحياتيـ SOFTLADY



.

 

[بقايا جروح]

يا حلو الحجي الكويتي القديم امووووووووت عليه :ggdw: ، موضوع متميز فعلا :ggdw:، مشكووووووورة اختي على تذكيرنا بتراثنا الكويتي القديم ، وابي اختي ماعليج امر تزودينا بكلمات اخرى قديمة :33_1185028183:

 

[زيـنـه]

اشوى للحين نستخدم بعض هالمفردات

 

[هجاين]

ياحلو موضوعج صج كلمات كويتيه لها معنى

 

[أم معاذ و حورية]

كلمات كويتية قديمة -لايطوفج تراثج

--------------------------------------------------------------------------------

إبـطـيـني = الشخص الذي يحب الأكل بكثرة وفي أي وقت

أثول = تطلق على الشخص الذي لا يجيد تدبير عمله

إمتبتب = الشخص السمين

إمدحدح = الشخص السمين القصير

إمربرب = الطفل الصغير حسن التغذية

الأوتي = أداة لكي الملابس

بـوتـمـبه = الشخص السمين

بيض الصعّو = الشيء النادر ، الذي تسمع عنه ولا تراه

جمبازي = الشخص غير الجدي والمتلاعب

الجندل (الشندل) = خشب يستخدم لسقف الغرفة

سري مـّري = الدخول والخروج من غير إستئذان أو نظام

خـذ وخـل = تقال للشخص الذي ليست لديه مصداقية أو لمن يتحدث بأمور غير صحيحه

خنت حيلي = تطلق على من يكسر الخاطر ، وتستخدمها النساء فقط

راشدي = الضرب بالكف على الخـد أو الوجه

ربادي = الكسول الذي لايعمل

سمردحه = تطلق على المكان الكبير والواسع

سِـنيار = مرافقة بعض بالمراكب ، وعادة تستخدم بالسفر أو الطريق الطويل بحري كان أو بري

شقردي = سريع في القيام بالعمل

الصبخة = الأرض التي تبخر عنها ماء البحر وبقي عليها الملح

طاقته البوهه = مندهش ومنبهر

طِـحـيـحَـه = متوفر وبكثره ( مثلا السمك بالسوق اليوم طحيحه )

طنطل = تطلق على الشخص الطويل

غطاوي = فوازير

غـمَـنـدَه = السـر ويقال (بينهم غمنده)

كشخه = اللبس الجميل أو الفاخر أو الجديد

قفشه = ملعقه

كودنه = تطلق على الشخص الغبي

لا توطوط = لا تأتي مطلقا

لاهـوب = الهواء الجاف والحار ، يقال اليوم الهوا لاهـوب يصلخ الويه

لـُـوتي = الشخص غير الجدي والمتلاعب

مشفوح = ينقض على الشيء كأنه مو شايف خير

ملقوف = من يتدخل فيما لا يعنيه

مـيـوَه = الفاكهه

نجره = خلاف بين شخصين

نجـري = الشخص الذي يجادل في كل شيء

الهدوم = الملابس

يرطن = التحدث بلغة أجنبية

أمثال قديمه

لزقت عنزروت =العنزروت اهو نوع من انواع النبات الي يطلع منها ماده مثل الصمغ تلصق وعلشان جذي

اطلق هذا المثل على الشخص الثجيل والي ما يفج ولصقه.

امدغفس -امتبتب = اوصاف تنقال للشخص السمين وما تنقال للياهل تحت سن الخامسه

طاق وطرباق = مثل وما يعنرفلهم اصل وكلمتين مالهم معنى ودايما ما ينقال عن شي الناس مهتم وفيه

ما يعرفوله سبب مثل اي فوضى تصير فيقولون طاق وطرباق.

امربرب - امتربن - امفردس = ثلاث كلمات متشابهه وتوصف لليهال الي سمان من الصحه ما شاء الله

والكلمتين امربرب - امتربن مالهم اصل في اللغه العربيه اما امفردس يايه من المفردس الي معناتها واسع الصدر

والدلاله على كبرالحجم.

شاتر - مذوي = هالكلمتين مرتبطين بوصف جوده الفاكهه والخضره وشاتر يعني انه الفاكهه طازجه وتلمع وتلق وبالمقابل
كلمة مذوي عن الفاكهه والخضره اذا كانت ذابله.

هوب =كلمة كويتيه اصلها انجليزي وتعني التوقف باي حاله فجآه ( تذكر حادث عبد الحسين عبد الرضا في درس خصوصي ) لووووووووووووووووووول.

البشتخته = وهي عباره عن صناديق خشبيه متعددة الاغراض ومختلفة الاشكال والاحجام بداخلها خانات يختلف تقسيمها
من بشتخته الى اخرى وتستخدم في حفظ المدخرات والامانات والسجلاتالمهمه.

خاس =وهي الخيسه واصلها من فطيسه ومع تحلل الفطيس تطلع منها وخياس ومنها اشتقينا كلمه خيسه
وخاس وخياس.

المصمه = اكيد تذكرونها من يوم كله نحن على امهاتنا لما نرجع من المدرسه يمه يمه يوعانه وترد عليج امج كالعاده
يمه ومصمه خخخخخخخخخخخخخخخخ ومعناتها عند اهل الكويت وهي الخرجه الصغيره الي يسكرون فيها فتحة
المكحل والقصد منها تسكير حلج الياهل المزعج جربوها مع عيالكم لووووووووووووووووووول.

الويه الودر = وهي صفه مازال الكثير منا يستخدمها بس فاهمين معناها غلط ونقصد منها الشخص كريه وما يسر النظر
بينما كلمة ودر بالشده على الدال باللغه العربيه تعني الابعاد مثل ما نقول ودر ويهك يعني ابعد ويهك.

عرات = العره كلمه نستخدمها في الشخص الي كل يوم بحال ومعناها باللغه بعد تجريدها تصير العرور وهو الشخص
الي مو قادر يستقر على وضع.

حمارة القايله = المقصود منها مو الحمار نفسه ولكن حمارة الشمس وقت الظهر والقايلة وقت القيلوله والله
حسبالي قبل حماره تاكلني خخخخخخخخخخخخخ.

يرنزبيل = زنجبيل

نارييل = جوز الهند

وارص - يوارص = اهل الكويت في التشبيه ما سلم منهم احد وتنقال على الشخص الي مو قادر يقعد
وعلى الديايه لما تبي تبيض ورصت الديايه

دردبيس ما يعرف يمعه من خميس = الدردبيس ومعناها باللغه العجوز الفانيه وينقال هالمثل على كبير
السن كثير النسيان وبدا يخرف.

غلفج = تطلق عن مجموعه من مجموعة من الناس الهمج ( العقد)

فشغي = ماله اصل ولها في الكويت استخدامين الاول للدلاله على الشخص تعبان وحايشه مصايب مثل اكل فشغي او لتسكيت شخص

بستوك الآجار = وعاء من الخزف يصنع ويجلب من الهند ويستخدم في صنع المخللات .

فركيته = ماشه او مشبك شعر

قموع = صبغ الأظافر

الكنجيه او السندره = مخزن اللي يصير فوق الحمام للبيلر ويصير كبير ويحطون فيه أغراض


*اشرايكم بنات اذا لقيت فيه تفاعل بييبلكم بعد كلمات والا ترى ما في والله استحق التثبيت

رفعولنا بنات او رأفوا علينا يالي فوق

حركات خخخخخخخخخخخخخخ.

 

[ام سليمان 2008]

رد: كلمات كويتية قديمة -لايطوفج تراثج

مشكورة اختي على الموضوع الرائع وصج في كلمات نقولها بس مانعرف معناها بس الحين عرفتهم

 

[reem1234]

رد: كلمات كويتية قديمة -لايطوفج تراثج

ياحلووووه والله كلامنا الكويتي الغللللللج القديييييييييييم .. نقوووووص نقوووووووووص:dddds:
والله صج صج صج موضوعج ايينن وايد عجبني
مشكوره حبيبتي و يعطيح اللف عافيه والله و تسلم ايدج على هالموضوع الحلو

 

[عصامية]

رد: كلمات كويتية قديمة -لايطوفج تراثج

و الله صج في كلمات ما كنت اعرف معانيها
و يعطيج العافية