كلها كتابه بتاخذين اجر من وراها(اصوات والوان واشكال)

[عهود الحب]

باذن الله اكتب درس الالوان الرئيسية باجر
+
درس الاشكال الهندسية اذا تبون

بس

باجر لأنه اللحين تعبانة على قعدتي الفجر

 

[شمووووع الليل]

مسااااعدة درس يتعرف على الالوان الرئيسية وموجهتنا دقيقة تحب افكار وحركااااااات ضرررررروري

 

[لبا قلبه]

باذن الله اكتب درس الالوان الرئيسية باجر
+
درس الاشكال الهندسية اذا تبون

بس

باجر لأنه اللحين تعبانة على قعدتي الفجر

يعطييج الف عاافيه

حبيبتي عهوود من اول مافتحنا التجمع وانتي مو مقصرره

الله يجزااج خيير
ونوم العووافي :eh_s(17):

 

[لبا قلبه]

بنـــــــــــــــات ابلاااااااااااااات كويتيااات


وحده حبووبه معانا سألتني بالخاص عن خطوات ربط العدد بمدلووله اهيا العدد 10 يعني مو مستوى اول

احنا ماعندناا هالحلقه لغوهاا منا احنا بس نسوي لاصفي تعزيز عدد ماكو ربط بالمدلوول بس يتعررف

فيارررريت اللي تقدر تفيدها تكتب الخطووات او ترد عليها بموضووعهااا

انا مابي اخربطهاا هم انا يديده

بس اللي عندهاا خبرره وتقدر تسااعدهاا جزاهاا الله خير

انا قريت رسالتها وسيده كتبت هني فلاتفشلوني لووووووووووووووول

اسمها فديت ترابج ياكويت <<< جنه !! مالي خلق اجيك المنتدى معلق

 

[لبا قلبه]

مسااااعدة درس يتعرف على الالوان الرئيسية وموجهتنا دقيقة تحب افكار وحركااااااات ضرررررروري

انا معــــاج وان شالله عهود والبناات مايقصرووووووووووووووون

فعلا فينا ملل موطبيعي والخبرات توها ماخلصت الله يعين


شوفي الاشكال الهندسية ابسط شي نقط اربع في برنامج الرسام ويوصلها الطفل ببعضها يطلع الشكل مربع


او فلين واربع دبابيس الطوال او تحطينهم بشكل دائري واخذي خيط صوف لفية على دبوس دبوس

اممممممممممممممممممممممم وايد حلوووو بس اللي عيالهم هاديين :| لان اذا بسووي منبهي الرسام لازم اوديهم ركن الحااسوب عاد شوووفي الهوااااااااااااااااش @@

بس منهج شي <<تفكر فيه

يزااج الله خيير ومنوووره يامنوووره

 

[لبا قلبه]

انا من رايي تغيرين كلمة صوت وتخليين ينعرف على كلمة هاتف .
واجتماعي يتجنب ازعاج الأخرين
وحسي حركي يجمع كامة هاتف
منبة تسوين بقص ولزق او صوت هانف .وتطلبين من اطفال احضار الهاتف وتكملين.وتسالينهم كيف نسمع ؟ عن طريق الاذن .من خلق لنا الاذن الله سبحانه وتعالى .وأية قرانية من مسجل.
اين نشاهد الهاتف في المنزل وايضا في.............الخ. من وفر لنا الهاتف دولتنا الحبيبة الكويت .من وزارة اتصالات وموصلات.

اطفال من يستعمل الهاتف امي ابي افراد الاسرة وايضا الطفل .هل تستخدم بصورة مكررة ةنزعج الأخرين ؟
طبعا لا.ويكون بصورة سريعة.
رن هاتف من يحضرلي الهتف؟وتحت الهات كلم هاتف ؟
نتعرف عليها
قراءتها جماعي وفردي وكتابته على سبورة .
وبعدين ابلش بمسابقات.

انا تعيين جديد مثلج ما ادري اذا كان درسي خطا او لا.
ياليت يفيدوني الي عندهم خبرة
شكرا

حلووو ماشالله عليج
وهالدرس سواء كلمه ولا عدد مايثريه الا لمسابقااااااات وتنويعهاا

يزاج الله خيير حبيبتي

 

[لبا قلبه]

حبيبتي اللي تبي عن درس انتقال الصوت

المنبه تقدرين تسوينه من القصدير وتلفينه على شكل واير التلفووون المبروووم وشنو يشبه واذا ما اعرفوا كملي بالقصدير وسوي سمااعه

وشبكيها بالواير راح يتعرفون على التلفون وتكلمي عنه ان من طرق اللي نقدر نتواصل مع البعيد فيها وفيه طرق ثاانيه اذا ما اعرفوا قولي موجود بالنشاط كل يوم واذا ماعرفوا

تكون عندج صورة ميكروفون ومقصصه وركبي جزء جزء ليمن يتعرفوون عليها وهمن تكلمي عن المكرفون وانه ينفع بالاماكن اللي

مساحاتها كبير حتى ينقل الصوووت والهدف الاجتماعي عززيه عن طريقه قصه لولد يحب ان يسمع الراديو دائما ولكنه يحرص دائما على عدم رفع صوت الراديوا عاليا طبعا تقولين مذياع باللغه العربيه وليش ما يرفع المذياع

راح يكملون عليج عشان ما ياذي اذونه بالصوت العالي

والمسابقه سوي دومينو للرايدوا والنقال والهاتف العادي والمذياع يعيني وسائل انتقال الصوت


وبس انشاءالله افدتج

مبدعه وخدووومه في ميزااان حسنااتج يااااااااارب

 

[كيفي ادلع]

بنات عندي حلقة يتعرف على المهن صباغ والرسام

بغيت المنبة وشلون سير الدرس

بنات ضرورو مانبي الموجهة متوقعتها

 

[كيفي ادلع]

بنات عندي حلقة يتعرف على المهن صباغ والرسام

بغيت المنبة وشلون سير الدرس

بنات ضرورو مانبي الموجهة متوقعتها
بغيت فيديو يشرح المهنة اللي عندها رابط بليز بنات مافي شي باليوتوب

 

[عهود الحب]

بسم الله الرحمن الرحيم


درس 1 :

يتعرف على الالوان الرئيسية




طبعا لو حاطة اهدافج كاملة بيكون الرد احسن والدرس شامل للأهداف كاملة مكملة



انا اهدافي :
يتعرف على الألوان الرئيسية
يحرص على نظافة ملابسه عند العمل بالألوان
يقلد حركة الرسام

ممكن تحطين أي هدف ثاني مع مراعاة تبديل بالنشاط عند تبديل الأهداف




المثير راح احط لوحة بالبوربوينت رسمة معينة وأغير بألوان الاشياء مثال الشمس أخليها زرقة البحر بنفسجي الورد أسود
وأسأل الأطفال لماذا الرسام حزين
طبعا الرسام صافط على جنب
اذا ما توصلوا للسبب ادخل بالأسئلة ماهذا انها شمس مالونها
هل هذا لون الشمس التي نراها كل يوم ؟
اليييييييين يتوصلون للحل


لأنه الأطفال تعرفوا عالخطأ الي بالصورة
نلاقي عالسبورة كرت دعوة لزيارة ركن الفنون
نروح نلاقي طفل لابس [ صدرية الفنون أو بالطو ابيض ]
امامة ثلاثة الوان
نسلم عليه ونسأله عن هذه الألوان بيقول لنا هذه الالوان الرئيسية
الاصفر الاحمر الازرق
ويكون قاعد يلون لوحة
طبعا المعلمة تناقشه انه شنو يسوي بعد الانتهاء من التلوين انه يغسل يديه ويرتب مكانه
وليش لابس الصدرية حتى يحافظ على نظافة ملابسه
ونشكره يعطينا هدية



افتح الهدية مع اطفالي بها ثلاثة الوان [اصفر احمر ازرق ]
هيا يا فلان ماهذا اللون
انه الاصفر
احضر لي من ركن المكعبات مكعبات باللون الاصفر وحاطة له سلة فيها مكعبات ملونه
ماهذا انه اللون الازرق
من يحضر لي من ركن الرمل والماء دلو لونه ازرق
ماهذا اللون الاحمر
من يحضر لي من ركن المطبخ تفاح احمر


طبعا مع التشجيع والصفقة لكل طفل يطلع يحضرله محسوس من الاركان

والآن هيا نقلد عمل الرسام عندما يرسم لوحته الفنية
هيا نفتح العلبة
هيا نختار اللون الأحمر
هيا نرسم باللون الاحمر [ نقلد حركة الفرشاة كأنه صباغ
ماذا نختار الالوان اللون الاصفر
هيا نلون الشمس باللون الاصفر
فوق دائرة كاملة
هيا نختار اللون الازرق
هيا نلون البحر
تحت نلون هيا نلون البحر الكبير

شكرا اطفالي هيا نجلس جميعا
والآن لدي سلة بها مجموعة ألوان اريد ان تستخرج منها اللون الأحمر فقط
وهنا سلة بها مكعبات ملونه اريد ان تستخرجون لي اللون الازرق فقط
وهنا سلة بها مجموعة كور استخرجوا لي اللون الاصفر فقط
وتكونون حاطين ثلاث اطواق
يضعون بها المطلوب منها



بعد الانتهاء شكرا على مشاركتكم اطفالي
هيا من يخبرني مالون السماء أزرق
ومالون الورد احمر
ومالون الشمس اصفر
اذا ماذا تعلمنا اليوم ؟
ثلاثة الوان
اصفر احمر ازرق
هذه الالوان الثلاث الرئيسية
وسلامتكم

 

[عهود الحب]

ابي اهداف درس الاشكال واكتب لكم الدرس



بالنسبة للصباغ او الرسام
انا ماعندي مثير معين
بس طبعا تناقشون اكيد ادواته وعمله شنو يزين المباني بالالوان او يصبغ المباني بالالوان
تحرصون على نظافة االمكان والملابس
تذكرونهم بالحواس الي استخدمناها بالتلوين
العينان واليدان
تذكرونهم بالجانب الديني
وتذكرونهم بالجانب الوطني
بالحفاظ عالمرافق العامة


اذا في اهداف كاملة
اكتب لج الدرس

 

[( ام عزوزي )]

والآن لدي سلة بها مجموعة ألوان اريد ان تستخرج منها اللون الأحمر فقط
وهنا سلة بها مكعبات ملونه اريد ان تستخرجون لي اللون الازرق فقط
وهنا سلة بها مجموعة كور استخرجوا لي اللون الاصفر فقط
وتكونون حاطين ثلاث اطواق
يضعون بها المطلوب منها
حياتي مشكوووووووووووورة عالدرس في ميزان حسناتج ان شاء الله

بغيت اسألج اهني شلون بالضبط مسابقات 3 فرق ولا شلون ؟؟؟


وانا حاطيلي الهدف الحس حركي يركب مصورات عن الالوان الرئيسيه ؟؟ شلون يعني (( انا تعيين يديد فمو وايد مع الابلات لي الحين اهم يحطون لي اهداف على كيفهم ؟؟!!!

 

[عهود الحب]

مادام الهدف الحركي يركب مصورات ماينفع لج المسابقة هذي
بس للعلم تقدرين تغيرين الهدف الحركي بالتقويم
وتبلغين المعلمات الي معاج
وتغيرينه عالسبورة اليومية

التركيب انه تحطين صور فيها الوان رئيسية واخرى لأ
ويركب بس المصورات الي موافقة للالوان المطلوبة
حسب ما فهمت يعني !



عادي 3 فرق واربع فرق بعد !
هذا اذا انتي عندج سيطرة عالاطفال تقدرين
اما اذا ماتقدرين
انا اقولج
حطي فريقين بس
وحطي عندهم سلة فيها الوان متنوعة [ حسب ماتبين شنو اهمه مصورات او محسوسات ]
ويستخرج لج بس الالوان الرئيسية فقط

والعفو

 

[( ام عزوزي )]

مشكوووووووووووورة بعد قلبي خلاص ان شاء الله بغير الهدف وبسوي فريقين
انا بحط نفس هدفج يقلد حركه الرسام

والآن هيا نقلد عمل الرسام عندما يرسم لوحته الفنية
هيا نفتح العلبة
هيا نختار اللون الأحمر
هيا نرسم باللون الاحمر [ نقلد حركة الفرشاة كأنه صباغ
ماذا نختار الالوان اللون الاصفر
هيا نلون الشمس باللون الاصفر
فوق دائرة كاملة
هيا نختار اللون الازرق
هيا نلون البحر
تحت نلون هيا نلون البحر الكبير
(( هذا كله يكون شفوي ومع الحركه بدوت استخدام أي ادوات صح ؟؟

 

[الزبدة السايحة]

بالنسبة حق ربط العدد خطواته حيل سهله
أول شي تبدين بمنبه يتوصلون من خلاله للعناصر الي بتصنفينها مثلا سويتي منبه توصلوا منه للساعة تقوليلهم ابي طفل يجمعلي الساعات الي موجودة بالاركان بعد ما يجمعهم تييبين الطوق علشان يحط عنصر عنصر داخل ويعدهم... بعد مايعدهم تكونين حاطة الاعداد جدام الاطفال وتخلين طفل اييبلج العدد المطلوب.. وبعدها تطبقين هدفج الاجتماعي الوجداني وتبدين بالمسابقات على طول.....
أهم شي بيربط ان كل مسابقة تسوينها بعدها تخلينهم يطلعون العدد علشان يصير رب بالمدلول(عدد وعناصر بكل مسابقة):edbf4317b9:

 

[عهود الحب]

اي الحركات شفوية مع التعبير الحركي
عشان التخيل

 

[شمووووع الليل]

يتعرف على الالوان الرئيسية بس مومن خلال مهنة الرسام بشكل عااام

 

[غروك وغيروك]

يعطيكم العافيه وعسآآكم ع القوه

 

[غروك وغيروك]

يتعرف على الالوان الرئيسية بس مومن خلال مهنة الرسام بشكل عااام

اي عادي يا حياتي نفس طريقة سير درس الأخت عهود بس غيري فيه بطريقتج وحسب أهدافج

موفقه

 

[شمووووع الليل]

احناااااا عندنا السام والصبااغ برررروحة الدرس لان درس الالوان الريسيئة