كله يقولي يا زفت يازفت يااااازفت!!!!!

[الكويت&الكويت]

شلونكم حبايب قلبي ان شاء الله طيبين
عرايس وبنوتات
قبل جم يوم قاعده مع بنت عمي اهيه متزوجه وزوجها يصير هم ولد عمنا بس من بعيد
المهم البنت محترمه وهاااااديه والله ولها الحين شهرين متزوجه ماتشكي معاه من شي
تقول مو مقصر كل مكان يطلعني وهدايا وكل اللي ابيه يجيبه لي بس ساعات يفصل
يعني لاحمق يناديني بشغلات حقيره يازفت تعالي ومن هالطقه
انا استغربت الولد نعرفه لسانه مو بذيئ بس تقول ساعات يكون متاخر علي ربعه او دوامه او مو لاقي شي من ملابسه فيقول الكلمه.
انتي قط مريتي بهالموقف يعني ساعات لا عصب ريلج يقولج يازفت او حيوانه او شي من هالقبيل حتي لو مو قاصد قولو بصراحه عفيه
لاني وعدتها احط موضوعها لان بصراحه قلتلها اغلب ازواج اليوم جذي عصبيين ولسانهم فالت وما يثمنون الكلام اللي يقطونه لا عصبو

 

[ام فواازي]

عادي كل الرياجيل جذي زوجي لما يعصب مايعرف شيقول بس لما يشوفني ساكته واطالعه بس يعرف انه غلطان و يسكت اهم شي تصرفاته معاها و اخلاقه وبس اما وقت الغضب الانسان ينسى نفسه واذا ماتعلمت اطوف له بتتعب بحياتها

 

[جذابه بنت ذيابه]

عادي حبوبه


اغلب الرياجيل لا كانو معصبين يقطون كلام ما يدرون عنه ..


مثل زوجي بس مو دايمن عاد

 

[فوفو22]

اللي يردد الفاظ سيئه سواء زوج او زوجه

يحتاج تدريب حتى ينسى هالالفاظ

التدريب الاول

1- يسمع من الطرف الثاني انه هالكلمات لا تناسبه
2- وقت نطق هالالفاظ .........يقف كل السيرفس للطرف الثاني ....حتى يعتذر ....او يحس انه في شي غلط

مع تكرار رقم 2

رح يحاول يعدل هالسلوك

بس الموضوع محتاج صبر وطوله بال ...وسرعه تنفيذ

فوفو

 

[بارشيكا]

^^^^^^^^^^^^^^^^^^^^^^^^^^^^^^^^^^
يالله علييك كلام درر ماراح اتردد في يوم من الاياام بطلب نصيحه منك انتي وابداع وبدويه وايد لسانكم ماشااء الله يهبل ...
اختي معاليش اوقات في وقت العصبيه الواحد مايدري وش يقول بس ححسيه انه غلللطه وانتقديه في وقت وهو رايق عشان يعرف انك ماتحبذين هالمعامله منه ,,,وبأمكانك تسويها بسانتي محترمته وكذا يعني ...الله يسخرلكم ازواجكم

 

[" ام حمود "]

اي انا بعض مرات يقط حجي علي ، بعدين يتحسف او يعتذر
ع كلمته يعني يقول هالكلمة واهوه مو قصده

 

[برنسيسه عسل]

عادي لانه منفعل

بس ولا كأنها تسمع شئ بالعكس تبتسم وتقول ابشر ومن عيوني

بيستحي من نفسه

 

[شموخ احساسي]

انا بالنسبة لي الحمد الله ما يغلط بهالكلمات صحيح يعصب ويصارخ ويلوم ومن هالسوالف لكن يغلط استحاااااااااااله الحمدالله الله لا يغير علينا يارب

 

[popa]

يقولي يا زفت اكوفنه
ههههههه
لا مو كل الرياييل جذي والي تسكت راح ياخذ على الوظع
والي من اول مره توقفه عند حده بس يتوب
اقل شي اتقول انا موزفت والي يقولها يعني اهو الزفت وتربيته زفت
وابشري بالطراق ههههههه

 

[bnoota-kw]

عااااااااااااااااااااااادي يامه قال يابقره واهوا معصب اول كنت اضحك الحين اعصب ويعتذر ويسكت

 

[أم زنوبة]

اذ ناوي على عمرة يقول هالحجي هذا الي ناقص اكرف بالبيت واغسل واطبخ واشيل عيالك وهالدور تسبني لساني مو اقر من لسانك ماما حتى انا اعرف اسب بس لازم يعرف حدوده مثل ما قالت فوفو يوقف كل السيرفس

بس هم لاحظتج تقولين انه مو لاقي ملابس وقت طلعته يعني يمكن اهي مهملة بشغل ريلها خل تاجل نفسها على حساب ريلها وعيالها

بس مو تهمل نفسها تكون اولوياتها بيتها

 

[أم الفناتك]

ماله داعي هالالفاض اتكون بين الزوجين حتى وقت العصبيه واهو يقبل اني اناديه بنفس الالفاظ

 

[أم زنوبة]

والي تقول منفعل او ولا كأني سمعت ليش اهما يطوفون لنا زلاتنا الصغيرة ؟؟؟؟

والله اذا ما طلعو دمنا علة شي تافهة

وبعدين حده ما يناسب يسب وبليل ياحبيبتي ومن هالقبيل تناق هالرياييل


ههههههههه حدي اشتطيييت بالموضوع

 

[shak!shoka]

شنو عادي ؟!!

من صجكم


انا ريلي يعصب و يفور دمه و تقلب عيونه حمممممر بس مستحيييييل يغلط
مو لهالدرجه عاد !

والله لو صارت لا سمح الله اكرهه حياته و الساعه الي صار فيها ههه

 

[الزيـــــ^^ـــــن]

لااااوالله مووو عااادي
هم انا زووجي يعصب بسس بعمره ماغلط علي الحمدالله
اذا تكرر الموقف ضروووري تواجهه

 

[منووله مشعل]

عاااااااااااااااااااااااااااااااااادي

 

[أمول 1989]

استغربت من الي يقولون عادي !!!

عيل وين الاحترام بين الزوجين

وهذا أساس العلاقه انا اشووفه

أذكر في بداية زواجي وصلت حق ريلي هالنقطه وقتله اهم شي الإحترام بين الزوجين

وعقب الإحترام ايي الحب

بس اشوفه يغلط علي بالألفاظ او التصرفات عشانه معصب واسكت ماكو شغل

عشان يتعود على هالاسلوب بعدين لسانه ياخذ وحتى جدام عيالي ولا الناس ممكن تنقط علي كلمه

بيكون ينسى نفسه خلاص

هذا بدال ما الزوج اهوو يحط قدر وقيمه حق مرته

يقوم اهوا ويسبها ويغلط عليها

أصلاً هالألفاظ حتى الام لما تعصب ع عيالها المفروض ماتقولهم

يتعلمون ويصير لسانهم وصخ

وتقولون عادي !!!

 

[ديانا سبنسر]

اطنقر عليييه ولي قال شفيج افهمه انه موحلوة يقولي مثل هالالفاظ وانا مرته امه عيياله وراح يتسنع ان شاءالله

 

[حنان الحربيه]

دام هي في بداية حياته
خليها تحسسه بغلطه
صعبه بعدين يقولها قدام عيالها
بيخذون الكلام من ابوهم
ويحسونه عادي يقلونه لامهم

 

[ثريا الكون]

الحمدالله ريلي ما يغلط هادي جدا الله لا يغير علينا​