كل اللي تزوجو عن حب هذا حالهم؟؟؟؟

[DốǾốDї]

الله يهديه لج ان شالله
لو ساكنه عندهم انا اقول طلعي ابركهاا ساعه ولا انهم يراقبوني وين اروح وين ايي وشنو اسوي

واذا على الريل ثقلي هالجم يوم علييه ولا تكلمينه الا اذا كلمج ردي عليه باختصاار بس جابلي ولدج

واذا حس انج تغيرتي وما تكلمينه ومنفسه اكيد بيسال شفيج ولا شفيج متغيره قوليله مافيني شي واذا اصر يعرف قوليله منك انت متغير ولا مو ملاحظ روحك يعني

 

[كوكتيلة قلبه]

عادي هذي سوالف اهل الريل طنشيهم وكسبي زوجج
بس حبيت اقولج لاتعممين ان كل اللي خذو عن حب هذا حالهم لاني متزوجه عن حب
والحمدلله مرتاحه وناس وايد ماخذين عن حب ومرتاحين بس انتي عرفي شلون تكسبين ريلج
وتقرين المعوذات وسوره البقره يمكن فيكم عين هالناس صارت ماتحب تجوف احد مرتااح
واذا على ولدج كل يوم طلعيلج شغله وقوليله مسكه عني شوي بخلص شغلي او قوليله جوف ولدك يضحك لك
سوي اي عذر ومرده بيحن عليه مهما كان هذا ولده واكيد يحبه

 

[** باربي **]

انتي كوبي حالتي

على قولة امي التشيش يأثر بالريال اكثر من السحر
تصوري..
ونفسيتهم تتعب اذا دروا انا طالعين ولا شاريلي شي
وكله عبالهم ماخذه منهم ولدهم ولاعبه عليه ويخاف مني
لين صار عنده ردة فعل عكسية صار بيتعدى الادب وياي عساس اانا ريال ومو مقصه
الا مرة قالها اشكرة تخيلي انا اعرف ريلي ما يعرف يقول هالحجي الا حجي حريم
يقول انتي شنو تبين تسوقيني ‍‍‍‍‍‍؟ انا مستغرب ليش اسمع كلامج بكل شي !!

شتقولين غير لا تعليق
المشكله ريلي يبين من كلامة كلامهم يفضحهم
انتي تدرين شتسوين
امشي عالمثل امش سيدا يحتار عدوك فيك
اهم سيفون الله وكيلج
واهوا ثقلي عليه بيركض وراج المتعارف عليه
لا تحنين عليه شفيك متغير وشفيك متغير تحسسينة ميته علية وتفسرين كل حركة بجسمة
ولا تبنين لهم انه اهوا جذي بيتشمتون فيج ترى
وتجنبي المشاكل عشان لا تعطينهم مرادهم ولا تعطينهم الفرصه يشيشونة عليج اكثر
ودايمن رددي العفو قبل النوم والاستغفار عجيييب
وشغلي البقرة وهاذي اذا مو عين او نفس
وعلى قوله ام شووق هالناس شيقولون اي عرفت تختار واحنا بس يقصون علينا نفس الحجي قالوه عني !! عسى عينهم البط
ما يدرون انه على نياتكم ترزقون وقسمة ونصيب
واهم خل يستانسون الحين خو الحين بعينهم ولدهم ريال اذا هامل بيته
لا تخافين حبيبتي مردته لج
انا اتبع اسلوب الحقران بكل شي حتى بالفراش لين أيي ينزل نفسه
حسبي الله عليهم ما يرتاحون الا لين يهدمون بيوت خليهم عندهم بنات وتشوفين ..

 

[أميرة طفولتي]

رد : كل اللي تزوجو عن حب هذا حالهم؟؟؟؟

يا حبيبتي انتي اكيد الجواب على سؤالج اهو زواج الحب ماله شغل كللللش بالسالفه

السالفه ومافيها عين ما صلت على النبي

والله جنج تتحجين عني بس انا اهون منج شوي

كل من درا ان ماخذين بعض عن حب

قالو اي اكيد مدلعها واكيد مسوي لها اوكيد مخليها دهينه لا تنكتين و اكيد يموت فيها ومن هالحجي

واحنا الي ماكلينها ومو مترقعين

مايدرون شنو يصير بينا والناس لهم الظاهر

حبيبتي مالعيج الا انج ترقين نفسج طووووووووول الوقت

وخاصه لما تدشين على حمولتج

هذي خليتها عاده عندي وتعودت عليها حتى لو داشه عليهم مريضه وبموت

ماتدرين ان الناس يحسدون الفقير على موتت اليمعه


واقري البقرة حبيبتي

عودي نفسج تقرينها كل يوم

وانشالله ماعليكم الا العافيه

وؤيلج اذا مايحبج جان ماخذاج

بس حسبي الله ونعم الوكيل بعيون الناس يا مال البط انشالله

انا معاها عدل كلامها والله
الواحد كافي خيره شره وهم مايسلم من الناس
اللهم ياكافي مبققين عيونهم على كل شي يعرفون كل شارده ووارده بحياتج
خصوصا اذا دروا ان ماخذين بعض عن حب
الام تلقينها تتصرف جذي لان مو اهيا الي نقتج حق ولدها لا اهوا ياها وقالها انا ابي هالبنت
بس هذا مايبرر تصرفاتها وتصرفات حمواتج معاج اللهم ياكافي
دايما شغلي سورة البقره بشقتج واقريها واقري المعوذات
وعقب اسبوع قعدي مع ريلج زكلميه قوليله بوفلان السالفه كيت وكيت وانا احبك وادري انك تحبني
ليش هالمشاكل صارت بينا وحنا الي قبل كنا وكنا .... شو الي صار ؟ شايف مني شي ؟ مقصره بحقك بشي ؟
انا مومرتاحه من وضعنا جذي وعاد عليج الباجي ....
واااااااي جنج انا لي دشيت عليهم جنه داش عليهم مكوك فضائي :dddds:

والله يهديه لج

 

[بنات حواء2]

قضي حوائجج بالكتمان

 

[شقرديـه عالطل]

الله يهديه انشاءالله
وانشاءالله ازمه وتعدي
انتي ماعليج الا الدعاء وتقربي منه

 

[شبعآنه دلـع]

رد : كل اللي تزوجو عن حب هذا حالهم؟؟؟؟

الله يهديكم لبعض بس انا احس ان اللي فيك عين وحسد حاولي تقرين البقره

 

[*Crafty-girl*]

العين حق حبيبتي لأنه شافوكم متهنين وانتي ماتدرين يمكن كل وحده فيهم داخل بيتها مشاكل وريلها مومعبرها

عشان جذي شغلي سورة البقره بشقتج على طوول دام ريلج متغير حتا على ولده معناته عين صابتكم لأنه مومتغير بس عليج لو بس متغير عليج جان احتمال لاحسين مخه خواته وامه بس اهو كاره العيشه معاج ومعه ولده ..
وانتي تعرفين ريلج وماخذين بعض عن حب معناته تعرفين عدل مدل شنو اللي يأثر عليه ويخليه يحن لج ويحن حق ايامكم الحلوه
كسري الروتين بحياتكم حاولي تسوين تغيير موبشكلج سوي تغيير بسلوبج بكلامج بحياتكم مع بعض خليه يرجع يشتاقلج
واذا بدا يتحسن معاج اهني قوليله يا بو فلان مانبي احد يتدخل بحياتنا و و و إلخ قولي كل شي تبينه يتغير بينكم بس مو الحين مثل ماقتلج اذا بدا يتحسن لأنه الحين اذا بجيتي وقعدتي تعاتبين بتزيدين الطين بله ..
الحين خلج كله نفسيه حلوه ولاتبجييييييين لاتبجين جدامه ولاتحنين وتضغطين عليه انت فيك وفيك لاااااااا خلي نفسج جنه مومتغير عليج عشان لايشوف نفسه ولاتقولين اهلك فيهم وفيهم وامك حاطه علي وماتحبني دربااااالج اتيبين طاري اهله بكلمه موزينه لأنه انتي اللي بتخسرين بالآخر فا خلي الكره بملعبج خليه بنفسه يشوف انه انتي ما اذيتيه بشي وانه اهله قاعدين يلحسون مخه عليج وانه اهم سبب مشاكلكم ..
وادعي حبيبتي حييييييييلج بالدعاء صدقيني مايرد القضاء إلا الدعاااء ولاتنسين اية البقره
والله يهدي ام زوجج يااااااارب لانه امبين زوجج اي شي تقوله امه يصدقه وينفذه فا عشان جذي الله يهديها ويصلحها وماتخرب بيت ولدها .. وكله قولي ( اللهم اكفنيهم بما شئت ) واقري المعوذات اول ماتقومين واول ماتنامين وخلي لسانج كله رطب بذكر الله .. واستغفري على طول .. وبأذن الله ريلج بيرجعلج احسن من اول وربج بيهدي بينكم .. انتي بس توكلي على الله محد يقدر يعدل حالج غيره[/b]

 

[*Crafty-girl*]

وقد ماتقدرين لاتسولفين عند احد عن ريلج انه يحبج وانه انتو عايشين بسعاده

اي احد يبطل موضوع معاج عن ريلج حاولي تغيرين الموضوع سيددددده

وعلاقتج مع اهل ريلج حاولي تخلينها سطحييييييه حيييييييل وسمعي مني وطلعي مني وخلج كله مبتسمه بويهم لانه الحقران يقطع المصران وماراح يصيدون عليج ولا غلطه .. وطلعاتج مع ريلج وحياتج معاه حاولي لاتخلين شي يوصل حق اهله

واذا تقدرين اطلعين بشقه بروحج يستحسن بس اذا ريلج مايبي خلاص لاضغطين عليه بس خلج سطحيه معاهم

 

[فيفي الحلوة]

رد : كل اللي تزوجو عن حب هذا حالهم؟؟؟؟

اعتقد اللي صارفيكم عين وصابتكم من خواته واهله ومن كثر ما يحنون عليكم صار ما يشتهيج ولا يتقبلج حاولي تحصنين نفسج انتي وولدج وزوجح

 

[باربية الكوووويت]

الله يعيييينج

 

[ام محمد الشمري]

الله يهديكم

 

[سمسمة كويتية]

حبيبتى مالج إلا الرقيه الشرعيه وقراءة سوره البقرة وشوفى حالج شلون يتغير ويرجع مثل أول وأحسن وبعدين حاولى لا تحتكين بأهل زوجج حيل تحاشيهم والله يفرجها عليج يا رب وأدعيلى

معاها 100%

 

[ShaGRa NoiSya]

عييين ماصلت على النبي حبيبتي

ومبين ام ريلج حسودة قطيعه بس انا اقوولج وريهم العين الحمرة لاتعطينهم ويه

ولي خزوج حمواتج وعلقوا عليييج قولي لهم لاني سنعه واعرف السنع اكشخ ق ريلي عشان ما يطالع غيري وانتوا كشخوا وسنعوا عمركم بدال لا تقعدون تخزوني وتفصلوني

يا مال العمى كل هذا حسسسسد وغيرة زين واهما متزوجاات عيل لو كانوا عوانس وااي جان نتفووج

بس سحبي ريلج صوبج وقطعييه عنهم يعني ماله داعي 24 ساعه يجابلهم يووم واحد بالاسبوع يكفي يروح حق امه ويباشرها ويداريها وعلميه مايسمع كلام امه واذا شيشوه عليج شيشيييه عليهم شنو انتي يخترب بيتج واهما يقعدون يتشمتون واخرتها يطلعونج شييينه وماتعرفين قدر ولدهم

واااي جني اشتطيييت ياختج عروووس ومتعقده من ام الريل هههههههههههههههه

 

[q8 83]

عليج بسورة البقرة اقريها او شغليها كا يوم في بيتكم و شوفي شلون الله بغير حالج ان شالله

 

[sharshora80]

رد : كل اللي تزوجو عن حب هذا حالهم؟؟؟؟

والله والله
اهل ريلج مثل اهل ريلي بالكلام وحركات
بس انتي لا تهتمين
لدرجه ان يوم يمعتهم احنا الحريم نتعشا عاد ريلي يدق على البيت وخالتي تشوف رقمه لازم هي اللي ترد وانا عادي عندي والله ولدها وكيفها بس لا زم تقوله تعال تعشا وهي تدري ان ما راح ايي فيقولها لاما ابي انا انطر شرشوره هي اللي تعشيني ترى والله جذاب تلاقينه متعشي بس جذي يبي يضحك بس خالتي وحمواتي وااااااااااااااي يقعدون لج تحقيق اشدعوا ما يبي يتعشا يوم واحد عندنا وهو قبل ما ياكل الا من ايد امي
يااااااااااااااربي انا اشعلي قولوله
ولا مره على خدامه الا تبي ريلي يسويلها الاقامه باسمه وهو مايبي قامة تتهاوش معاي ليش ريلج ما يبي يسوي الاقامه باسمه الحمد لله وشكر خو ولدج ليش ما تكلمينه


خياتي انتي ما خذه ولدهم على حب يعني اختياره هو مو اختيارهم يعني لو تحطي الشمس بايد وقمر بايد بعد ما راح يحبونج
وامه راح تحس انج ما خذه ولدها منه وهو يحبج اكثر منها
خلج احليوه معاها ولا تحطينراسج براسها لان عندها بنات وشكلهم مو هينين
عليج من ريلج ولا تحنين عليه اهلك واهلك انسيهم بالمره

ترى والله هم يسوون فيج جذي بس والله الله وريهم برياييلهم

 

[trakmia]

اول شي طلعي من بيت حمولتج قعدي بسكن مستقل
ثاني شي داومي عالرقيه وسورة البقرة
ثالث شي قعدب مع ريلج وسولفي وياه قوليله ليش متغير علي حبيبي - قلبي آنا مقصرة عليك بشي عطيه اسلوب التدلع عشان لايقلبها هوشه
الله يبعد العين وعيال السوء عنكم ويهديلج ريلج

 

[BiiShOoO]

:sfg:

انتي كوبي حالتي

على قولة امي التشيش يأثر بالريال اكثر من السحر
تصوري..
ونفسيتهم تتعب اذا دروا انا طالعين ولا شاريلي شي
وكله عبالهم ماخذه منهم ولدهم ولاعبه عليه ويخاف مني
لين صار عنده ردة فعل عكسية صار بيتعدى الادب وياي عساس اانا ريال ومو مقصه
الا مرة قالها اشكرة تخيلي انا اعرف ريلي ما يعرف يقول هالحجي الا حجي حريم
يقول انتي شنو تبين تسوقيني ‍‍‍‍‍‍؟ انا مستغرب ليش اسمع كلامج بكل شي !!

شتقولين غير لا تعليق
المشكله ريلي يبين من كلامة كلامهم يفضحهم
انتي تدرين شتسوين
امشي عالمثل امش سيدا يحتار عدوك فيك
اهم سيفون الله وكيلج
واهوا ثقلي عليه بيركض وراج المتعارف عليه
لا تحنين عليه شفيك متغير وشفيك متغير تحسسينة ميته علية وتفسرين كل حركة بجسمة
ولا تبنين لهم انه اهوا جذي بيتشمتون فيج ترى
وتجنبي المشاكل عشان لا تعطينهم مرادهم ولا تعطينهم الفرصه يشيشونة عليج اكثر
ودايمن رددي العفو قبل النوم والاستغفار عجيييب
وشغلي البقرة وهاذي اذا مو عين او نفس
وعلى قوله ام شووق هالناس شيقولون اي عرفت تختار واحنا بس يقصون علينا نفس الحجي قالوه عني !! عسى عينهم البط
ما يدرون انه على نياتكم ترزقون وقسمة ونصيب
واهم خل يستانسون الحين خو الحين بعينهم ولدهم ريال اذا هامل بيته
لا تخافين حبيبتي مردته لج
انا اتبع اسلوب الحقران بكل شي حتى بالفراش لين أيي ينزل نفسه
حسبي الله عليهم ما يرتاحون الا لين يهدمون بيوت خليهم عندهم بنات وتشوفين ..

معاها :sfg: