كل اللي يحجزون من booking.com

[شمعة الكويت]

السلام عليكم


بنات انا حجزت حق نيويورك من السايت

الحين بأكد الحجز ، دزيت ايميل مسج حق الفندق و موقع بوكينيق

في شي بعد لازم اسويه ؟؟

ومشكووورين

 

[caramela 85]

حبيبتي انتي ما ادزين شي اهما الموقع نفسه يدزونلج تأكيد وتفاصيل عن حجزج على ايميلج اللي حاطته انتي بس

 

[شمعة الكويت]

لان لما حجزت حاطين اول ما تحجزين contact with the hotel

فما ادري !!

دزولي موقع booking على ايميلي الاسم والبيانات يعني خلاص تأكد الحجز ولا بعد ؟؟

ومشكوورة حياتي

 

[Tantoshah]

انا ماحب المواقع اخاف منها روحي حق وكلاء بالكويت مو مكاتب سفريات ارخص من السفريات واحسن

 

[mikaniya]

حبيبتى احسن شى انج تسوين الحجز من موقع عربي اسعاره نفس اسعار بوكينج لانهما شركاء مع بعض الموقع اسمه فندق دوت كوم
www.fendeq.com الموقع امان 100% مثل بوكينج لانهم شركاء زى ما قلت والاهم انه بالعربي يعنى ما راح تتوهجين ولا شى

 

[شمعة الكويت]

انا الحين حجزت

بس بعرف الحين تأكد الحجز ولا لا ؟

ومشكووورين على المرور

 

[ميسوره]

انا حاليا بأمريكا وكل حجوزات الفنادق من موقع بوكينغ
حجزت لواشنطن واورلاندو وميامي
الموقع مضمون انشاءالله انا جربته وعقب ما تحجزين يدزولج ايميل
فيه تاريخ الحجز ورقم الحجز وبياناتج بس لا تنسين اطلعينهم نسخ
وبالتوفيق

 

[ام مهودي]

حبوبه انتي تحجزين واهما يأكدون الحجز على ايميلج وبس

 

[نكهةالبرتقال]

يدزولج عالايميل ، و سويه برنت و اخذي الحجز معاج

بس بصراحة أنا ما انصح الحجز عن طريق هالمواقع

تدرين ، مرة حجزت حق النمسا و طلع فندق زفت و كاتبين يم البحيرة و اهو بعيد عنها و خذوا علينا نص الفلوس بالبوقة

 

[Om Ghalia]

أختي لما تحجزين البوكنج.كوم. يدزولك ايميل بس سويله برينت وخذي وياج..

 

[Balloons Q8]

بالتوفيق

 

[*caramel macchiato*]

احنا دايما نحجز حق امريكا من ثلاث مواقع

expedia

hotwire

orbitz

بس هذا الموقع ماجربناه....بس رفيجتي احجزت منه فنادق امريكا ....بس فنادقنا اطلعت ارخص من فنادقهم مع ان فنادقنا احلى بواااااايد....
موفقة

 

[fĂňţąşŧĭĊ«3]

نفس ماقالو البنات انتى تحجزين واهما يرسلولج بالميل التاكيد وسى برنت وخ\يها معاج

 

[شمعة الكويت]

مشكووووووووووووورين بنات ويعطيكم العافيه

انا دشيت xpedia قبل ما احجز وطلع booking ارخص ونفس الفندق !!!

 

[ميسوره]

ترى نفس السعر تقريبا وبعدين اكسبيديا مع الرسوم
بوكينج السعر مو مع الرسوم بس لما تحجزين يحجزون مبلغ فوق مبلغ الفندق
ولا يفج الحجز الا بعد اسبوعين

الفندق الي حجزته لواشنطن احجزو على مبلغ ولما سويت الشيك اوت دفعت لهم كاش
وقالولي ان خلال 24 ساعه راح يفج الحجز وترد الفلوس بحسابج والله ماردت الا عقب
اسبوعين بالضبط ولما ندق على بنك الوطني يقولون ما يرد الا بعد اسبوعين وقلت للفندق
انهم يدزون فاكس للبنك وعطيتهم الرقم على اساس انهم استلمو كاش

فحطي بالج ان الفندق يحجز مبلغ وفوقه التامين

واكسبيديا حجزت منهم التذاكر الداخليه على خطوط اسمها الجت بلو امدحوها لي البنات
والحمدالله زينه

 

[شمعة الكويت]

ميسورة شلون اسعارهم ؟؟

حق التذاكر الداخلية

لان انا دشيت على طيران امريكا حق نيويورك وطلع وايد وايد اغلى حتى عندنا بالكويت ارخص بوايد على نفس الطيران



ومشكووورة حياتي

 

[ميسوره]

ما ادري عن التذاكر
انا سويت سيرج على اكسبيديا وناسبني اسعار الجت بلو وحجزت منه
ما امدحولي اليونايتد داخلي مع ان انا جربتها من الكويت لي واشنطن مريحه وحلوه

 

[ام _خلودي]

حبيبتى بمجرد ماتحجزين بالحالى

الموقع يدزلج ايميل فيه تفاصيل هذا يعتبر تاكيد

لاتحاتين الموقع حده ممتاز

 

[هنـــد]

شوف اذا حجزتي خلاص اهما يدزون لج رساله على ايميلج يعني تأكد الحجز

بعدين تروحين للفندق وتدفعين وانتهى الموقع

واسعارهم مع الضرائب وكل شي لا تحاتين

 

[mamlo7a]

ترى نفس السعر تقريبا وبعدين اكسبيديا مع الرسوم
بوكينج السعر مو مع الرسوم بس لما تحجزين يحجزون مبلغ فوق مبلغ الفندق
ولا يفج الحجز الا بعد اسبوعين

الفندق الي حجزته لواشنطن احجزو على مبلغ ولما سويت الشيك اوت دفعت لهم كاش
وقالولي ان خلال 24 ساعه راح يفج الحجز وترد الفلوس بحسابج والله ماردت الا عقب
اسبوعين بالضبط ولما ندق على بنك الوطني يقولون ما يرد الا بعد اسبوعين وقلت للفندق
انهم يدزون فاكس للبنك وعطيتهم الرقم على اساس انهم استلمو كاش

فحطي بالج ان الفندق يحجز مبلغ وفوقه التامين

واكسبيديا حجزت منهم التذاكر الداخليه على خطوط اسمها الجت بلو امدحوها لي البنات
والحمدالله زينه

مشكلة اكسبيديا ان ما في احد يرد عليج كل شغلهم كمبيوتر و ياخذون الفلوس على طول كاش يعني ما يحجزون عليها لا يسحبونها انا مره حجزت منهم فندق و اسحبو الفلوس عساس انه اوكي بعدين عقب يوم او يومين دزو لي ايميل ان الفندق تحت التصليح و ما يسكن احد و عطوني اسامي فنادق ثانيه احجزها انزين و المبلغ اللي دفعته ظل عندهم فتره طويله غصب ردوه و اضريت اني احجز ابمبلغ ثاني و من موقع ثاني
اما بوكنج ما ياخذون شي بس مجرد يشيكون على بيانات فيزتج اذا صحيحه و اذا بغيتي تسئلين و الا تستفسرين تلقين احد يرد عليج على طول