كل اللي يعرفونج يلتمون عليج (( الناس يحبونج بمعنى الكلمه )) عطوني السررر

[قطوه ورديه]

البنات كفوا وفوا

انا اقولج السر>>>
الابتساااااااااااااااااااااامه تدرين انا نوعيتي احب ابتسم واااااااااااااااااايد مثلا اذا معاي وحدة بالمحاضرة وكلمتني عن شغله احب وانا اكلمها ابتسم بويها واسولف معاها >>>
مثلا ماقالوا البنوتات الكلااااااااااااام الحلوووووو<<حياتي - عمري - حبيبتي
المسجات الحلوة ادزينه لهم بين فترة وفترة
اشياء وااااااااااااااااااايد >>>
وان شاء الله يلتمون عندج بنات المدرسه كلهم ياااااااااااااااااااارب

هلا والله عدوانيه
حبيبتي كل اللي ذكرتي قاعده اسويه
حاليا قاعده ادرب على الابتسامه لوووووول
والمسجات الحلوه قاعده ادزها
ومشكوره على الدعوه فديتج

 

[راجعة بقوة]

مرحبا انا بقولج مثل عن امى اللة يرحمهااشلون الكل كان يحبها كبير وصغير رياييل وحريم وانا عن نفسى ودىاصير نفسها بس ماقدرت
اول شى كانت ظحوك وغشمرية حتى لو تضغط الى جدامها محد يزعل منها لانهم يعرفون انة غشمرة
ثانى شى ماشاللة كان لها خلق صج تواصل القريب والبعيد وماتحب تقعد بروحها
ثالث شى تساعد الناس من قلب فلوس خدمة اى شى ماتعرف ترد احد


وشكرا تقبلى مرورى
ادعو بالرحمة لوالدتى

 

[*تسواهن*]

الله يكتب لنا محبته يارب


لا اله الا الله

 

[وردة بيتنا]

خوش موضوع يزاكم الله خير

اختي ( راجعة بقوة ) الله يرحم الوالدة و يجمعج بها في جنات الفردوس



عشان الانسان يكون محبوب . لازم يحس باللي جدامه

يكون عنده مشاعر

يبتسم

ما يحش

يونس و غشمرة

عنده سوالف حلوة

 

[جبنة بيضة]

انا اكتشفت السر اول شي يبي لسته انزين كتبي كل الاشياء الي انت شاكرة فيها حق الله سبحانه و تعالى و قولي الحمدالله راح تشوفين نفسج مستانسة بعدين روحي الدوام و انتي مستانسة و قعدي تغشمري و ضحكي مع كل الناس و سلمي

و لا تحشين في احد

 

[**ام غلا**]

بدون غرور وين مآ أكون ؟ أكون محط الآنتبآه وآلتودد

مع أنّي مآ ألتزق بـ أحد ولآ شي

يعني مآ أطيح على أي بنت وأتقرب لهآ

وسآعآت آلسآني سليط وصريحة وأندفع

يعني مآفيني طبع يحبب آلنآس فيني !

حتى أمّي لمّآ تشوف هـ آلمحبة تنصدم تقول وآنآ أمج شـ يحبون فيج ؟ وتضحك ههههههههههههه

بس بـ قولج سر آنآ بشوشة ونكتية ونصوووووح وصديقتي مآتخلّى عنهآ أبدآ

عشآن جذي أقولج آلمحبة من آلله مآفيه خطوآت عشآن تكونين محبوبة

صيري على طبيعتج وبـ يحبونج آن شآلله !

كلامج ميه ميه

انصحج اول شي خليج طبعيه جدا واثقه من نفسج جدا وحبي نفسج وكل شي بشجصيتج لانا كل انسان عنده كريزما خاصه فيه ودشي مع الناس وسولفي وضحكي ترا النا ي طيبين وحمون الانسان البسيط الحبوب مثلج ياحبوبه:dddds:

 

[بنت.المطيري]

القبول من الله سبحان الله

ادعيه وبس

وكوني انتي ..ولاتاذين احد بحش ولاتنقلين حجي

وخلج قدوة للناس (لاتجذبين .. لاتحشين.. لاتقولين عبارات متشائمة)
مثلا وع ماحب هالمكان ماحب هالبنت ماحب هالماده ماحب الدراسه...بس تتحلطمين مع الوقت الناس تنفر

تفائلي

 

[AnnaLina]

be urself 7abebi o la tet9an3ain

 

[FANTAST!K]

البنات كفو ووفو

فديتج اهم شي رضى الله عشان الناس ترضى عنج

 

[fditne]

ذكرتيني بأيام الدراسه شخباااااري

خلج دبلوماسيه مع الكل ..لأن الناس ماتحب احد ينتقدها بكلمه او نظره وخصوصا اللي بعمرج توه يكون شخصيته فاي كلمه تجرحه وتأثر فيه..

يحبون الشخص اللي يرفع لهم ويمدحهم ويهتم فيهم وإذا شفتي وحده متضايقه من صديقاتج حاولي تاخذينها على صوب وتكلمينها لانها من تفضفضلج بتكون حطت ثقتها فيج ومن تثق فيج بتحترم رايج وبتحبج..

خلج شاطره لأن الكسلانه الكل ينفر منها ويتطنز عليها..

اشتركي بنشاط انتي تبدعين فيه عشان تبهرين مدرساتج وصديقاتج وتصيرين قدوه لهم..

انا كنت احب الرياضه واشترك معاهم "كرة طائره" تحسين بثقه لان نتبارى مع مدراس المنطقه ولازم نفوز عشان نرفع اسم مدرستنا فتلاحظين المدرسات والاداره يشجعونج ويهتمون فيج وخصوصاً لمن يكرمونج تصيرين محط انظار المدرسه كلها..

اتمنى اني قدرتج اعطيج من خبرتي

واتمنى انج تكونين بابيولر "شعبيه" بالعامي

ههههههههههههههههه

وسلامتج

 

[شـهد]

موضوع حلو اب

 

[قطوه ورديه]

فديتكم وحده وحده

فديتني مشكوره على الدعوه

الله يسمع منج واصير شعبيه

شهد مشكوره على الرفع

 

[still_waiting]

خوووش مووضوع ومحتاجين له ::::::::::::::::

 

[still_waiting]

شوفي انا سبحان الله مرات اكون اجتماعية بالمدرسة ومرات انطواائيه
السبب نفسيتي اذا كنت مستانسه = اجتماعية
متضايقه = انطوائيه
مرت علي ايام كله انطوائيه وعبووسه حتى رفيجاتي ملاحظين علي شفيج متغيريه وصايره حزينه ومالج خلق والصراحه ما اعرف شالسبب
خخخخخخ
بعدين عرفت انا مرات اضيق نفسي بنفسي لما اقول شغلات سلبيه مثل اليوم خايس
او مالي خلق او اف او يوووة من اليوم وجذي هالشغلات ترى تخرب على الواحد وحتى يومج يصير مو حلو
عاد انا قلت خلاص ابجرب باجر اول شغلات ايجابيه وبديت اقول انا اليوم متفائله اليوم وناااااااسه وقلتها وانا مستانسه
صج هالكلام يفيد يدخل بعقلج الا واعي وتصيرين سعيده وصج بهاليوم صراحه كان من احلى الايام صرت اجتماعيه ونكوتيه ههههه
سبحان الله وانا طبعي استحي
ودمتم سالميييييين

 

[قطوه ورديه]

ستيل ويتنق حبيبتي والله
يصح المفروض نتفائل
ومشكوره على مشاركتج معاي

 

[y7lok_7loho]

ادعى يارب حبب عبادك فينى او حبب خلق الله فينى والابتسامة طريق حق كل شى

 

[a7la sho sho]

قطوه شوفي انا وحده كنت ماعرف اسولف بس اضحك يشكرون ولا يمدحون ولا يذمون اضحك

شوي شوي بديت اعود نفسي اني اتحجى واسولف وارد بطريقه حلوه

مرات اروح اخلص شغلي ماعرف شي

وتلقيني اسأل وحدي تايه بس يخدمون ولا يتوسطون لي بعد

تدرين ليش

لاني اكلمهم باسلوب حلو ومحترم واهم شي الابتسامه

بتمرين بمواقف وبسوالف اوووووه بس كل مره بتعلمين

لين شوي شوي تلقين الكل يبي يتعرف عليج ولا الكل يبي صداقتج

وهم لا ننسى الاخلاق لانه العشره تبين انتي شنوو

واذا انتي انسانه ونعم فيج الكل يبي قربج

اذكر ايام الثانويه كل ماتعرف علي بنت يديده تقولي كله اسمعهم يدحونج ويقولون انج ماتحبين تحشين ولاتقولين اسرار البنات ولا المشاكل

اقولهم اي انا اذا عندي شي خير اسويه ماعندي خلاص ليش اسوي المشاكل والسوالف

تخيلي انهم مايعرفون غير اسبوع يفتحولي قلوبهم

وبنات ماعرفهم يووني ويقولون ويقطون على حجي شحلاته استانس مع اني ماعرفهم لوووووووووووووووول



يعني ركزي عالنقاط هذي

>>> شفيهاااا

الاسلوب الحلو والمحترم اللى يفرض عليهم انهم يحترمونج

الابتسامه والويه البشوش

الاخلاق اللى الكل يمدحج فيها ويخليهم يثقون فيج

وبس

 

[قطوه ورديه]

احلى شوشو مشكوره على مشاركتج الحلوه