كل الي لها تجربة مع الكلوميد تدخل

[sanfora88]

السلام عليكم

بنوتاات حبيت انه كل وحده تعرض لنا تجربتها مع الكلوميد !!

وهل كانت له ايجابيات ؟ يعني هل تم الحمل ؟

وشنو أعراضه الجانبية ؟

لأن أنا الدكتور واصفلي اياه ومحتاارة آخذه ولا لأ بصراااااااحه كل ما دروت بالنت تطلع لي تجارب فاشلة مع الكلوميد ويخرعوني جنه الكلوميد مرض مو علاج !!!!!!!!!!!!

ومشكورررررررييييييين مقدما

 

[fraise]

حبيبتي انا كان فيني ضعف بالبويضه واخذت الكلوميد كورسين ومع الكورس الثاني عطتني الدكتورة ابره والحمدلله على طول حملت ونصيحة من اختج سمعي كلام دكتورتج اهي افهم واحسن من حجي القيل والقال

 

[تفااحة]

موشرط في ناس عندهم التبويض ضعيف وياخذونه وسبحان اللة يحملون وفي ناس تاخذة وماتحمل مثلي خذيتة لمدة 5شهور وماحملت والحين وقفتة ... ولازم يكون بمتابعة الدكتورة واللة يرزقج ويرزقنا يارب

 

[ملسونه وعنيده]

انا جربته ولا حملت لكن الكلوميد حلو ومفيد وايد وخااااصه انج استعملتيه بوصفه دكتور

صدقيني جربيه وتوكلي علي الله لان الكلوميد يساعد علي تنشيط البويضه الضعيفه واحتمال كبير يكون الحمل توأم

عسى ربي يرزقج ويرزق كل محروم يارب العالمين

ويرزقني ولا يحرمني الذريه الصالحه يارب ياكريم

 

[m e m e]

انا جربته و عطاني بويضه حجمهه وايد ممتاز جربته مرتين و ماحملت علييه

اعرف وايد ناس احملوا علييه

الله يوفقج

 

[تختوخه22]

الله يرزقج الذريه الصالحه

 

[sanfora88]

مشكورييييييييييييييييييين على مروركم الكريـــــــــــــــــــــــــــــــــــــــــــــــم ويعطيكم العافية :tek:

 

[دمثة]

انا استخدمته وما حملت

 

[*دانة الخليج*]

على حسب اذا ضغف بسيط يساعد على الحمل بس اذا ضعف قوي تحتاجين معاه ابره
بس سمعت انه يساعد على زياده الوزن والله اعلم

 

[حـوريه]

انا مليت من شي اسمه كلوميد ....... في البدايه كنت اخذه تحت اشراف دكتورتي .... وكانت تعطيني ابر معاه

وبعدين قعدت اخذه بروحي من غير استشاره .......... يمكن استمريت عليه 6 شهور

والحمد لله ما حملت

 

[shjoonaa]

انا استخدمته ثلاث اشهر وما حملت

 

[lolyas]

انا استخدمته شهرين و في الشهر الثاني عطتني معاه ابرة و الحين ناطرة النتيجة و الله كريم

 

[غيـ الناس ـر]

انا استخدمته شهرين ... المره الاولى ريلي سافر وما صار نصيب .. والمره الثانيه ما الله كتب ..

وكان حجم البويضه معاه ممتاز وزين للتلقيح .. بس ترى طبيعي يعني في حريم ما فيهم شي ومبايضهم زينه وما يحملون فمو شرط لما تاخذين كلوميد من اول مره تحملين ..


بس ترى ينفخ زاد وزني واايد منه

 

[miss.lala]

لي 3 شهور اخذه
مرتين مع ابره
ويارب مافي شي بعيد عن الله
يرزقنا كلنا يارب