كل رفيجاتي سمعتهم مو زينه بالجامعة شسوي ؟؟

[مدام ناصر]

ابعدي عنهم واهم من نفسهم راح يتركونج
ومثل ماقالوا البنات من البيت للمحاضرة ومن المحاضرة للبيت عشان مايكون فيه مجال

 

[العين الكحيله]

لا تماشين معااهم اهم شي السمعه

 

[ورد ابيض]

تهربي منهم
اذا دقو عليج اعتذريلهم انج مشغوله
واذا بالجامعه نفس الشي سوي روحج مشغوله
وتدريجيا بيوخرون عنج

 

[شهرزاد000]

وخري عنهم نصيحه,,,
ترا اهم عااادي عندهم لو سمعتهم بالارض..
والله يضرووونج..
وترا رفجتهم مصااااااالح...صدي عنهم مره واهم يفهمونها...وغيري خطج..

 

[$الـــحـــلاوه$]

البنات المحترمات واجد
وخري عن هذول اهم شي للبنت سمعتها ياحلوه

 

[كويتية و لكن]

حبيبتي نصيحة ابتعدي عنهم احسنلك لانك بتنضرين كلش ولا السمعة وانتي بنت اي كلمة تضرك الحين وبعدين ولايمكن تمسح كلمة كانت بالسمعة
والرسول صلي الله عليه وسلم قال= الحدة خير من جليس السوء

 

[sweet dashttya]

مشكورين بنات والله ريحتوني انا كنت وايد قاعدة احاتي لان والله العظيم لما امشي

ينادوني بصووووت عالي الكل يسمع واتوقع كل الشباب يعرفون اسمي الحين بس

راح احاول اوخر عنهم ​

 

[brooad]

نصييييييييييحه لا تمشين وياهم... و تعذري بأي شي عشان ما تقعدين أو تمشين معاهم

 

[cat-girlq8]

انتي مو مجبوره تصادقين هالاشكال ...
حاولي انج ماتماشينهم وانج تكونين رسميه زياده عن اللزوم اذا شافج جذي فجو عنج
شلج بعوار الراس والبنت سمعه
علي اقل شي الناس انقدت عليها

 

[نايفة الوصوف]

شوفي ترى البنت من اسلوبها في المحاضره والبريكات تبين اذا شفتي وحده تطيح الميانه مع الدكتور وتقعد تضحك هذي لا ترافقينها واذا شفتي وحده بالبريكات بس تفتر وصوتها وضحكها يلعلع بالجامعه بعد خليها رافقي وحده ما تكلم مع الدكتور الا بشي له داعي وباسلوب محترم مو تتكلم معه بمصاخه وتضحك بسبب ومن غير سبب احرصي على انش ترافقين وحده تمشي بالبريكات بادب وما ينسمع لها صوت بالاماكن اللي فيها شباب

 

[انثى بمزاجي]

دشي بروحج وطلعي بروحج ما لج شغل باحد انا جذي اسوي

 

[miss_ano0oma]

وخري عنهم...حتى لو كنتي حيل معاهم وكلش كلش خلي بينكم بس مجرد سلام...
وتعرفي ع بنات يديد

 

[فيونكة_وردية]

اكييد تعرفين بنات سمعتهم طيبه حتى لو مو محتكه فيهم حييل حاولي تتقربين منهم وتكسبينهم وشوي شوي سحبي روحج منهم الله يعين

 

[شانييل]

ما شاء الله رارج ممتاز وشجاع
صح زين تسويين
والتهرب افي أسهل منه
اول شي:
1- غيري رقمج, ولاتقوليم مالي قولي خط أبوي أو أخوي,ليما أفتح لي خط, جهازي إنكسؤر إنباق الي يصير
2- روحي محاضراتج وياريت ماتكون نفس محاضراتهم, وتعالي مبجر وقعدي جدام, إذا إهمة جدام تعالي متأخر وقعدي ورا أو جدام وين ما أهمة مو موجودين.
3- بس محاضراتج نضميها تكون الصبح حدج الظهر وردي البيت
4- لبسج لازم يكون تكانه وياريت عباية أفضل,
5- مكياج مو لازم بس نو ميكب ممكن.
6- دوري خوش بنات وسأليهم عن المواد, وشوي شوي راح تلاقين لج صديقات, وزميلات مو شرط تدورين عليهم بسرعة لأ شوي شوي.وترى بنات الحلال وايد.
7- سمعتج إن شاء الله ما إنظرت لكن ديري بالج, وخري عن الشباب الي يعرفونهم علشان لما يشوفونج أخاف يقولون حق ربعهم هذي رفيجة فلانه يعني بعدي عنهم لاتصادفينهم علشان سمعتج.

 

[%عـجـمـيـه صـريـحـه%]

لج خيارين يا إنج تظلين معاهم والكلام الي نقال عليهم راح يشملج

او انج تتركينهم ودوري على رفيجه تحبج في الله وتتمنى لج الخير....

 

[sweet dashttya]

ان شاء الله راح اسوي نفس الكلام الي قلتولي عليه مشكورين بنات على النصيحة

وان شاء الله تكون من ميزان حسناتكم ​

 

[dark cherry]

وخري عنهم كثر ما تقدرين وكله سوي روحج مشغوله او تعبانه او او بتردين البيت يعني من هالسوالف اخذي معاج لابتوبج عشان بوقت الفراغ الصغير تقعدين بالكفتيريا وحضري محاظراتج ويعني لانه انا مريت بهالشي غيرت رقمي واتنحش منهم لوول لانهم موزيينين وبصراحه شبهه وانا على نياتي فديري بالج كثر ما تقدرين ولا تقولين شي عن نفسج

 

[SeLf^CoNfiDeNce]

الله يعينج
والله انا كرهت شي اسمه رفيجات
منتدى كويتيات اهوا الي مونسني و و الكيبورد اهوا اساس التواصل الي بينا
الله لا يبعدني عن هالمنتدى و ربي لا يبلينا برفيجه شر يا رب
يا رب توفق الجمييييييييييييع

 

[pure feminine]

أهم شي عند البنت سمعتها


وانتي مشالله عليج باين عليج فيج خير , اول شي تسوينه ابتعدي عنهم ومسحي ارقااامهم ونسيهم نهائيا


وادعي ربج انج تلقين صديقاات صالحات وفيهم خير

قال عليه الصلاة والسلام ( مثل الجليس الصالح كصاحب المسك إما أن يحذيك منه وإما أن تبتاع منه وإما أن تجد منه ريحا طيبة ومثل الجليس السوء كنافخ الكير إما أن يحرق ثيابك وإما أن تجد منه ريحا خبيثة )

أحذري حبيبتي من الصداقات الناس مالها الا الظااهر

 

[جوك احلى جو]

مايبيله قطعيهم شوي شوي مو بسرعه عشان ماتكون قطاعتكم علي شيانه لاتكلمينهم وايد بالتلفون وكذا مره تعذريلهم