فالنسيا تسلمين على الموضوع التوعوي.
انا الحمدلله ما عندي شلل دماغ بس انا اخصائيه علاج طبيعي واشتغل مع هالحالات واعتبرهم عيالي ويسعدني اني اكون معاكم بهالتجمع واذا تبون شي انا حاضره
عزوز أثر عليه بالعضلات كلها .. والجسم كله عضلات
بالنطق والبلع والرئة والمشي والقعدة و .. الخ
الحمدالله على كل حال .. عيوني المركبة عزوز
سولفي لنا عن ولدج عزوز الله يخليه لج جم عمره وشنو حالته ... وشنو صار معاج بالفترة
شنو تبين تعرفين عن عزوز فالنسيا .. أنا حاضر
هو الثالث من بين إخوانه الأربعه.. حركته يوم كنت حامل فيه وايد طبيعة.. وكانت أحسن حركة من بين عيالي كلهم
وكنت كل ما اروح أراجع يقولون لي كل شيء زين .. محد خوني على شي
والإلتهابات اللي ممكن تأثر على الجنين ما حاشني منها شي
وتحاليلي تمام .. يعني بشكل عام حملتي طبيعية
بس انا عيالي كلهم يلتف الحبل عليهم ووقت الولادة أعطي فرصة حق الدكتورة تفتحه لأني عارفة طبيعة ولادتي
وفي موضوع أنا شاركت فيه و تكلمت عن الطريقه شلون كانت ولادتي ..
وبصراحة أنا ما سمعت كلام أمي كنت أظن فيها وسواس
لأن من أول ما يابوه الغرفه لاحظته كان حلجة مفتوح وما يقدر يرضع عدل يرضع شوي ويترك وانا كنت اقول مريض ومنتشل ومسدود خشمه.. وقالت لي بعد ان اظافره مزورقين ، ما هقيت انه مريض بعد حياتي
مشكوووره حبيبتي ع المعلومات والموضوع الي جدا مهم لنا
انا بنتي عندها شلل دماغي شديييييد مشلوله كلها شلل رباعي والحمدلله والشكر
وحالتها مستقره وتاخذعلاج طبيعي وصار عندها خلع بالورك وصارت تتعذب من العلاج الطبيعي ووقفته وصرت انا اسوي لها بالبيت
وماتاكل وفتحولها فتحه فوق السره وتاكل بانبوب
والحمدلله ماعندها تشنجات
الله يجزاج خير يالغاليه
اختي اسووم حبيت احطلج السؤال والاجابة عليه من جواب المختصين
السؤال:
ارجو افادتي ابني لديه خلع في الورك وهو يتلقى علاج طبيعي بعد عملية تطويل العصب في الارجل وهو مصاب بضمور بخلايا المخ هل العلاج الطبيعي يوثر على الخلع من حيث زيادة الاصابة
> الجواب:
لا يؤثر
بنتي عندها سيلان باللعاب وتيبس بالعضلات
وحركات اهتزازيه بالاطراف الله يشفيها
ما قصرتي يا الغاليه تفاعلج معانا شي يخجل بصراحة
ولدي نقص أكسجين أثناء الولادة .. السستر كانت تدفع والدكتورة كانت تحاول تفتح الحبل
ومو منتبهه حقها فتأخرت فيه .. ولا عوضوه بالأكسجين ولا حطوه بالشيشة..
فقدر الله عليه المرض .. الحمدالله
أتوقع إنه الشلل الدماغي الحركي بالدرجة المتوسطة عنده لأنه مع العلاج الطبيعي وايد يتغير
بفضل الله
عسى الله يشفي لج كل غالي ... موضوعج حيل فادني
بالنسبة سيلان اللعاب .... احسن علاج لها : الليمون
اعصري لها ليمونه وخليها تشرب العصير ... ترا الليمون يشد عضلات الفك(وهااذي المعلومة طبية 100 ب100 وانا مجربتها مع بنتي ..... واحسن شئ فيها انه طبيعية))
وبالنسبة لتيبس العضلات ... قبل لا تنام ادهني جسمها وحطي لها زيت الزيتون او دهن جونسن اللي بالصنوبر (اللي علبته اخضر) لانه فيه فيتامين دي .... وهذا الفيتامين زين حق العضلات .... وحاولي تعرضينها للشمس بس مو الشمس القوية ...... (عن تجربه خااصة)
هو يفهمني فالنسيا يعرف الاشخاص ويستغرب وما يحب الدكاترة (يعرفهم يعني )
والطب التطوري تقول الدكتورة انه عمرة العقلي 7 شهور
والله اني بجيت بجي يومها ... قيمته على أساس الأسئلة بس
أنا توقعت بصراحة التقيم مو بهالطريقه .. بس حطت له جرس وشافته ينتبه له والا لأ !!!
هذا تقيم بذمتكم ؟؟ ويوم شافتني تأثرت قالت ( انتي تدرين ان هذا كلامي صح وإلا لأ .. العلم عند الله ؟؟؟ )
مافي طريقه سنعه ينقلون عن طريقها الكلام ؟؟
بس تقيمي أنا يعرف ويبجي ويغار إذا أنا وإلا أبوه لاعبنه أخوه اللي أصغر منه .. بس إخوانه الكبار ما يغار منهم
وبعدين أخوه من قام يحبي قام يحاول يسوي نفسه ..
يعني بشكل عام زين والحمدالله