- إنضم
- 8 يناير 2011
- المشاركات
- 88
- مستوى التفاعل
- 0
- النقاط
- 0
معاكم من جديد في تجربة ثانية
كنت بحط عن الميزوثيرابي بس لقيت في استفسارات
أكثر عن الليزر فالمرة الياية بإذن الله بحطلكم اياه.
انزين الحين عن الليزر بحاول يكون في شوية
تسلسل منطقي في الكلام بتكلم عن
فكرته الرئيسية وعن مميزاته وعيوبه
وكيف تتفادين العيوب وشنو تسوين لأحسن نتيجة
وشلون تتطمنين للمكان اللي تسوين عنده ليزر
وبذكر لكم تجربتي آخر شي
يالله بسم الله نبتدي:eh_s(9):
أولاً فكرة الليزر:
الليزر يحرق بصيلة الشعر عشان يخفف الشعر وما يطلع
بالصورة اللي نشوفها
أنا في البداية كنت أظن انه يقتل البصيله يعني الشعر بيروح
نهائياً لكن اللي عرفته بعدين ان بعد الليزر ممكن يطلع شعر
بسيييييييييط
لكن يكون نااااااااااعم كلش وما تلاحظينه أبد
يبيلج كشافات عشان تشوفينه وناااعم وبالملمس ما يبين
الـمـمـيـزاااات
1- راااااحة من الشعر والشيرة والحلاقة .
2- نعوومة بكل معنى كلمة نعومة.
3- بيااض وخصوصاً في المناطق الحساسة لأن
اللون الأسود الي تسببه بصيلات الشعر يرووح.
4- مافي منه أضرار على المدى البعيد صارلهم
من زمان يشتغلون بأشعة الليزر في كل شي مو بس
إزالة حتى عمليات فلحد يقول يجيب سرطان
او أي شي غيره لا قدّر الله.
الــــعـــيـــوب
1- لما تسوون ليزر قبل لا الشعر يطيح
يطلع نفس نقط سودة كأن الشعر تحت الجلد
والحل انج عقب الليزر بيومين لو جلدك مو متحسس
تروحين تسوين حمام مغربي فيطيح كل الشعر
ووقت التشيك آب تركزلج فعلاً على الشعر اللي ما طاح
واذا ما تبين تسوين حمام مغربي بالصالون تسبحي عدل وفركي
روحج وكل الشعر يطيح.
2- بعض الأجهزة تسبب بقع للي بشرتهم سمرا وهالبقع ما تروح
يبيلها علاج ثاني بروحه عشان جذي لازم تختارون خبيرة الليزر
بعناية وتكون وحده فاهمه وجهازها زين
3-وهاذي نقطة مهمة البعض عبالهم الحروق العادية البسيطة
اللي تصير بالليزر هاذي اهيا البقع واللي ما بتروح وهذا غلط
بالعكس الحروق العادية والسطحية لا بد منها أحياناً في بعض المناطق واللي يكون الشعر فيها نااعم حيل فتحتاج الخبيرة تزيد
تركيز الليزر عشان ييب نتيجة وفلوسج ما تروح هدر
وكل اللي عليج تحطين بعد الجلسة كريم إليكام على الأماكن اللي
تحرج بس واسبوع والأثار كلها تروح وتصير المنطقه فاتحه
أما اللي ما تبي هاذي الحروق بالمرة ممكن تطلب من الخبيرة
تقللها الدرجة عشان ما تحترق بهالأماكن بس جذي
راح تحتاج كورسات أكثر من الليزر وراح تدفع أكثر والنتيجة
ما بتكون حلوة
يعني باختصار مو كل وحده تحرقج تكون غلط ومو فاهمه
لا في بعضهم يحرقونج الحرق اللي ما تتحملينه ويكون قوي يشوه
وفي وحده لا يكون الحرق بسيط جداً ويروح مع الكريم
وملاااحظة هااامة: الناس اللي بشرتهم حساسه بس اللي ممكن
يصيبهم حرق
4- من العيوب بعد ارتفاع التكلفة المادية .
5- الشعور بالألم في المناطق الحساسة ويروح الألم
بمجرد انك تحطين كريم إيملا قبل ساعه من موعد الجلسة
في المنطقة اللي تبينها.
الحين نتكلم عن شلون تتطمنين للمكان اللي بتروحينه
وشنو تسوين عشان تحصلين أفضل نتيجة.
1- لما تروحين وانتي ما عندج فكرة سابقه هالمكان زين ولا لا
تفلسفي عليهم وسئليهم شنو نوع جهازكم؟
قويته بين كم وكم؟
يبقع اللي بشرته سمرا ولا لا؟
هل فيه تقنية التبريد؟
والتبريد بالغازولاماي؟
وبجذي تعرف انج فاهمه مو مقصة حق احد
وبالنسبة لي احسن جهاز جربته اللي التبريد فيه بالغاز
طبعاً هالأسئلة انا ما كنت اعرفها بس اول ما رحت
المركز اللي اسوي فيها اهيا قالت لي هالأشياء
وطمنتني عن الجهاز وانا ما كان عندي معلومات سابقه.
2- مثل ما قلت عقب جلسة الليزر سووا حمام مغربي
عشان كل الشعر يطيح أسرع وتحصلين نعومة أكثر
3- لازم الاستمرااااااااااار لا تقطعون موعد الجلسات
ومع الاستمرار النتايج روعه .
4- اذا انتي عروس انصح تبدين كورس الليزر ومعاه
بعض كريمات التبييض نفس اللي حطيتهم اللي في موضوعي
مال السواد لكن تستخدمين بس الكريم الأول بروحه.
5- لما تحلقين الشعر بكل جسمج لا تحلقينه عالزيرو
يعني خليه تقريباً بطول 1 ملليمتر لأن هاذي افضل نتيجة
أنا مثلا شعر يدي اسود وطويل والشعرة ضعيفه
فكانت ما تخليني أحلقه كانت تقولي ابيه مثل ما اهو
عشان اقدر احرق الشعره وبعض المناطق تقولي لا
حلقيهم عالزيرو وبعضهم لا خلي فيهم شوية طول
وطبعاً كل وحده وطبيعة جسمها فلازم تستفسرين
عدل من خبيرتج وتفحص جسمج قبل الجلسة.
6- أبداً لا تسمعون حق أي خبيرة تقولكم سوو ليزر حق ويهكم كله
دام ما عندكم شي مثل تكون الهرمونات الذكورية عالية
فمخلية الشعر يطلع نفس الرياييل
حدكم تسوون الشوارب وتحت الشفه
ليش؟:bbbiu:
لأن الشعر بعدها بمدة راح يطلع طويل ونفس الرياييل
وما راح تنحل المشكلة بالعكس راح تطول أكثر الجلسات بهالمكان
وبتخرب البشرة
* تـــجــربتي *
تجربتي مع الليزر كانت في كذا مكان
واخر شي اللي استقريت عليه هو بوحمرة كلينك
عند إدنا الفلبينية
الصراحة شغلها عدل وفااااااهمه
حتى تقولي واهي تسويلي ما علي المنطقة هاذي ممكن
تحرقج بس عشان تلقين نتيجة اذا تبين اخففلج اوكي
وما تمشيني الا اذا كل شي اوكي ومافي شي يعورني
او شي ناقص بعد ما سوته ودقيقه بشغله تطق كل مكان
وهذا لأني كنت مأكده عليها وعرفتها من البدايه
اني راح اقطع الجلسات وراح أسافر
وفعلا سافرت وشهرين ما طلع شي الا بسيط
وطبعاً كل وحده لا استجابتها يعني مو شرط جسمي يكون
نفسكم
المهم لما طلع الشعر كان حيل خفيف وأماكن وايد ما طلع فيها
المنطقة الحساسة طلع فيها الشعر بس ناااااااعم حيل
وغلطتي اني كنت احلقه عشان الصلاة
عبالي لما احلقه أحسن لكن بعدين قالتلي ان المفروض
أشيل شيرة مرة وحده وبس وما احلقه عشان الشعرة
مال ترجع تصير يابسه واني المفروض ما احلق الا بس
قبل جلسة الليزر
طبعاً النتيجة للحين روووووووعه دام مستمرة عالجلسات
طبعاً أنا من ثاني جلسه وشعر ايدي خف واااااايد
تقريباً مافي الا من كم شعرة وريولي بعد الشعر فيها خف
منطقة الإبط الشعر فيها نص اللي كان موجود اول
ووايد أنعم المنطقة الحساسة وااايد ناعم لكن ما زال يطلع الشعر
امممم بعد شنو
اي تذكرت لما تسوون كم جلسة راح تعرف شنو استجابتكم
وعلى اساسها راح تقولكم توقعاتها هل راح تحتاجون كورس ثاني
ولا لا
لكن غالباً المنطقة الحساسة تحتاج كورس ثاني
لأن هاذي آخر منطقة يروح منها الشعر
:cxxxp: أووووه بجذي أكون خلصت
يمكن يكون في شي نسيته فأي استفسار انا حاضرة
هالله هالله بالردود والدعوات السنعه:eh_s(22):
