كل شي عن إزالة الشعر بالليزر(تجربتي+نصائح وحقائق عن الليزر)

[القلب النازف]

رد : كل شي عن إزالة الشعر بالليزر(تجربتي+نصائح وحقائق عن الليزر)

العفووو حبيبتي

اهوا صج الشعر كل ما كان ثقيل ييب نتيجة أسرع

بس وااايد عالجلسة جذي ياخذون ليش ما اخذتي باكدج كامل يتراولي ارخص:eh_s(10):


انا البطن واسفل الظهر والبكيني وريلي وإيدي والإبط والشواراب كله تقريبا 1500 وقت العرض مالهم

كان خمس جلسات ووراهم خمسة تشيك آب تعيدلج على الجلسة الأولى

يعني جنج مسويه 10 جلسات


عاد انتبهوا يا بنات الباكدج بأي مكان يطلع عليج أرخص من انه يكون بروحه

يعني امي كانت بتسوي البكيني عند بوحمرة

قالولها الخمس جلسات مع خمسة تشيك آب بـ250

ما ادري الحين جم يسوونه

بس طبعاً لو اهي بتسوي جسم كامل يطلع واايد ارخص


واعتقد بكل مكان نفس الشي الباكدج يكون دايماً أرخص​

 

[joorey]

يعطيج ألف عافية على مجهودج الرائع

بنات خوفتوني كنت ناوية اسوي ويهي مع جسمي بالاضافة الى ظهري :eh_s(10):

 

[مذهــلــه]

حبيبتي أنا سويت شوارب واندر آرمز وبكيني وايديني وحاطة ابالي بسوي ريولي كاملة

بس سؤالي صوب بطني وظهري في شعر طويل بس ناعم

تنصحيني اسويه والا لا؟؟ امي تقولي لا وأنا محتارة خايفة يخشن انتي اشرايج؟؟

لاني سويت مرة وحده ايدي الجزء اللي فوق وهو اساسا كان ناعم ... فبعد شهر حسيت صار اسود واطول

 

[نوال علي]

ما انصحج تسوين ظهر وبطن الا اذا متاذيه منه انت وكيفج بس ما ادري بنسبه لي ما افكر بهل مناطق لانه شعري وبري بهل اماكن بس بنات انتوا مثلي انا سويت ليزر صح لاحظت شعر خف بس ماراح في اماكن راحت وفي اماكن جابت لي احباط مو راضي يروح الشعر منها اليوم سويت الجلسه 10 وللحين الشعرموجود بس طبعا اقل وموجود بعض اماكن زهقت وبعدين بنات ما تدرون ليزر المفروض يقضى على شعر كم سنه او مجرد شهر يعني ودي يجي اليوم اللي اوقف فيه جلسات زهقت من عوار واهي تسوي ليزر رعب اليوم اللي اروح اسوي فيه ليزر

 

[ولهااااانه]

يعطيج العافيه

 

[كويتية وكيفي]

القلب الناازق يعطيج العافيه ع هالموضع
بس انا اللي قالته لي الاخصائية ان لاتسوين حمامات مغربيه بعد الجلسه أو سونااااا وقالت ما يصير تستخدمين كريمات تبيض عشان ما يصير معاااج تصبغات .. وبصراحة اسمرت الاندر أرم عندي لاني كنت قبل استخدم كريمات تبيض وثطعتها مع الجلساات .. شنو كريمات التبيض اللي تستخدمينها ...
:eh_s(17):
:eh_s(17):
:eh_s(17):

 

[نآعِمْ آلعُود]

رد : كل شي عن إزالة الشعر بالليزر(تجربتي+نصائح وحقائق عن الليزر)


مشكووورة حبيبتي و مآ قصرتي

الله يجزآج خير و يرزقج على قد نيتج ، صج صج فدتيني

أنآ آلحين بآديه ليزر في رويآل حيآة

و أول 3 إن شاء الله رآح تكون ثآني جلسة

تهقين من لي عرسي رآح يمدي أخلص جلسآت

و للعلم أنآ عرسي شهر 10

و بين كل جبسة و جلسة جم آلمدة تكون ؟ شهر ؟ أو أكثر ؟

:eh_s(7):

 

[بسمة احساس]

رد : كل شي عن إزالة الشعر بالليزر(تجربتي+نصائح وحقائق عن الليزر)

يزاج الله خير عالموضوع :eh_s(15):



انا شلت ويهي كله مع الاسف والحين حدي متوهقه فيه :eh_s(16):

 

[..~Goolz]

رد : كل شي عن إزالة الشعر بالليزر(تجربتي+نصائح وحقائق عن الليزر)

شكرا لج:eh_s(7):

 

[خاطر مذبوح]

رد: رد : كل شي عن إزالة الشعر بالليزر(تجربتي+نصائح وحقائق عن الليزر)

طمطومة حمرا الله يعافيج وان شاء الله قريب أحطه


*************************************

أبلة فوفة والله الحين ما ادري شلون السعر أخاف اقولج شي يطلع مو صح

وبعدين سعر الكورس مو موحد على حسب المناطق اللي بتسوينها تحسبهم وبعدين تقولج الكورس راح يكون بكذا..

اتصلي فيهم أحسن هذا عنوانهم وأرقام المركز دقي ويحولونج على عيادة الليزر


ميدان حولي -شارع سالم المبارك - امتداد الدائري الرابع


قبل محطة البنزين ومطافي السالمية



تليفونهم:


25666668


25656381


25626162


وموقعهم


www.bouhamraclinic.com​

*******************************

خاطر مذبوح

العفو حبيبتي

شوفي المنطقه اللي تقصيدنها

أحياناً يكون فيج من البداية خطوط لونها أبيض

نفس اللي تصير ببطن الحوامل نتيجة لأن المنطقة ممكن تكون

متنت وضعفتي عقبها

ولما تسوين ليزر يصير لونها غامج

انا جذي صار فيني بس راح مع الوقت ما طول يعني شهر

ومافي أثر لأي شي

في وايد كريمات حق هالخطوط وفي

كريمات تفتيح ممكن تستخدمينهم

ومابي أنصحج بشي معين

لأن ما ادري وضعج مثلي ولا أكثر

أخاف ما ييب نتيجة معاج

فروحي دكتورة جلدية أحسن

بس اللي متأكده منه لا توقفين جلساات

لأنه حده عجييييييييييييب

بس مثل ما قلت لا تسوين ويهج او ظهرج من فوق


باقي المناطق رووووعه

:eh_s(7):​

​

حبيبتي مشكورة
بس لا ما كان عندي هالخطوط البيضا تقصدين السترج مارك ؟
ما كان فيني و الخطوط اللي طلعت لي واضح خطوط حرق
و صارلي اكثر من شهر للحينها موجودة والظاهر بقع خلاص
:bbbiu:
شكلها حزتها كانت معليه على الحراره مرة ثانيه دايما ابي انبهها تقصر عليه

 

[eng^^zozo]

رد : كل شي عن إزالة الشعر بالليزر(تجربتي+نصائح وحقائق عن الليزر)

ماشاء الله زين ..


الله يتمم عليج هالنعومه ياااارب و يحفظج بحفظه يااارب


مشكوره يا قلبي على ذكر التجربه

 

[حور العيون]

رد : كل شي عن إزالة الشعر بالليزر(تجربتي+نصائح وحقائق عن الليزر)

انا ناويه ان شاء الله


بس ابعرف متى ابدي قبل عرسي

 

[q8_84]

مشكووووووووووره موضوعج روعه وكامل ماقصرتي

انا اختي تسوي عند فيصل التخصصي عند دكتوره فلبينيه وقالت لها تسويلها الذراع بس الزنزد ماتسويهم تقول شعرهم صج كثير بس الشعره ناعمه والليزر ماراح يفيدها بالعكس راح يزيده عليها
مادري شرايج كلامها صج ولا مالها خلق تسوي؟؟؟

 

[فستان أحمر]

القلب الناازق يعطيج العافيه ع هالموضع
بس انا اللي قالته لي الاخصائية ان لاتسوين حمامات مغربيه بعد الجلسه أو سونااااا وقالت ما يصير تستخدمين كريمات تبيض عشان ما يصير معاااج تصبغات .. وبصراحة اسمرت الاندر أرم عندي لاني كنت قبل استخدم كريمات تبيض وثطعتها مع الجلساات .. شنو كريمات التبيض اللي تستخدمينها ...
:eh_s(17):
:eh_s(17):
:eh_s(17):

صح كلامها حتن أنا قالتلي ماايصير حمامات مغربية بعدين ترد البصيلة ولا كانج سويتي شئ

اوكي حبيبتي انا اسوي فيسي اهو الشعر طويل وكثير بس ناعم سويت جلسة اشرايج اكمل؟ ​

 

[الحسن الرقيق]

رد : كل شي عن إزالة الشعر بالليزر(تجربتي+نصائح وحقائق عن الليزر)

انا كنت مفكره اشيل ويهي لاني انا اذا حفيت بخيط او شمع ينفر ويهي وتظل الحبووووب وما تروح .. بس خرعتيني ؟؟ شسوي ؟؟
انزين بسألج سمعت انه الليزر بس حق الشعر الخشن الثقيل؟

 

[عجمية ماتهاب]

رد : كل شي عن إزالة الشعر بالليزر(تجربتي+نصائح وحقائق عن الليزر)

مشكورة ياقلبي
صراحه واجد استفدت

 

[NeDaWi]

رد : كل شي عن إزالة الشعر بالليزر(تجربتي+نصائح وحقائق عن الليزر)

نسوي الحمام المغربي قبل ولا بعد جلسة الليزر او الشيك اب؟؟؟؟؟؟؟؟؟؟؟؟

 

[القلب النازف]

رد : كل شي عن إزالة الشعر بالليزر(تجربتي+نصائح وحقائق عن الليزر)

( أول شي شكراً لكل من دخل وشارك بر أو شكر أو اي شي في الموضوع)

والحين بجاوب بالترتيب على استفساراتكم كلكم:






*************************************************************************************



( مذهلة )


حبيبتي اولاً أحسن شي الخبيرة اللي تشوف جسمج عالطبيعه اهي اللي تحددلج

بس على وصفج اذا كان ناااعم حيل يعني ما يبين بالملمس

سويله تشقير أنا المناطق اللي جذي مثل ظهري من فوق أشقرها




************************************************************************************




نوال علي


هلا حبيبتي الظهر والبطن صح كلامح مو المفرووض يسوونه اذا كان ناااعم بس في بنات

طبيعة جسمهم يكون الشعر فيه ثقيل وفي شعر عندهم مثل الرياييل فالخبيرة تحدد أفضل

بالنسبة اللي الشعر اللي يطلع كل جسم يختلف عن الثاني وكل منطقه تختلف استجابتها عن المنطقة الثانيه


انا الأماكن اللي تكون جذي عندي كل مرة تعلي درجة الليزر فيها


الطبيعي ان المفروض عقب 12 جسلة ومعاهم 12 تشيك آب يروح كل الشعر بجسمج

في ناس يحتاجون أكثر وفي ناس أٌقل


على حسب طبيعة جسمج

بالنسبة للشعر اللي ما يطلع عقب الشهر اللي تطقين فيه لا تحاتين ما راح يطلع بعدين

انا قطعت تقريباً من الجلسة الأولى لمدة 3 شهور ونص

والأماكن اللي راح منها الشعر ما طلع بعد

اما عن مدة الليزر شكثر والله بعد يختلف على جسمج

في ناس 3 سنوات طلع شوي بأماكان متفرقة

وفي ناس خمس سنين

وفي ناس 10 سنين ومو طالع الا شوووي


أنا بس أبسألج انتي تاخذين فيتامينات للشعر؟!!!

لأن ممكن اذا تاخذينهم بعضهم يحفزون شعر الجسم انه يزيد ويطلع





**********************************************************



كويتية وكيفي



شوفي حبيبتي أنا الأخصائية قالتلي أول يوم اتسبح بماي بس اذا ابي بدون تفرك أو صابون وشامبو

وعقب الجلسة باسبوع أسوي حمام مغربي اذا أبي عشان اي شعر احترق تحت الجلد ينزل

بس انا ممكن اسويه عقب 3 او اربع لأن جسمي الحمدلله ما يتحسس

واذا عندي اماكن محترقة ما ا اقرب صوبها الا عقب ما الحرق يخف وأحط عليها كريم إليكام عشان يروح بسرعه

هوا وآثاراة


بالنسبة حق التبييض

أنا عقب الليزر بالإبط والمنطقه الحساسة ومن بعض الحروق صارت المنطقة غامجة شوي وهي اصلاً

غامجة شوي من قبل بس ظهرت أكثر لما الشعر راح

يوم قلتلها قالت لي عادي نكتب لج على كريمات تبييض بس انا قلتلها اوكي

وعقبها امي ظبطتني من دكتورة ثانية وفعلاً قاعده استخدم هالكريمات

وتلقينهم بموضوعي وهذا الرابط

http://www.q8yat.com/showthread.php?t=797573

واذا جسمج حساس استخدمي بس الكريم الأول فيولا بدون الثاني



وبالنهاية أقولج شوفي خبيرتج يمكن الجهاز اللي عندهم اذا استخدمتي معاه شي يسوي تصبغات

ما ادري بس اللي اعرفه ان في اجهزة الليزر فيها يسوي تصبغات للسمر

وفي أجهزة لا تكون آمنة للسمر

**************************************************************************

ناعم العود

هلا حبيبتي اول شي مبرووووك


بالنسبة لليزر برويال حياة امي تقول واااااايد زين بعد


بالنسبة للمدة بين كل جلسة والثانية أقل شي شهر

وهذا يكون على طبيعة جسمج بس ما اقدر اقولج شكثر لأنه على حسب جسمج

ومن هني لشعر عشرة يمديج تخلصين

وبتلقين أماكن راح منها الشعر نهائي

وفي أماكن لا راح يحتاجلها بعد حتى بعد العرس

لأن غالباً البكيني يطول على ما يروح

بس مو معناه النتيجة مو زينة لا

انتي بتلقين اي شعر راح يطلع راح يكون لونه فاتح عن اول وخفيف ونااااااااااااعم

وما راح يطلع وايد نفس أول


واذا تبين تعرفين اسألي الخبيرة اللي تسويلج وهي تقولج توقعاتها على حسب استجابة جسمج

وراح تقولج وين يحتاج جسمج جلسات ثانية ووين لا


*********************************************


بسومه حبيبتي الله يعينج ان شاء الله يروح

اهوا الليزر راح يخليه اسود وقاسي وعقبها بيبرجع ينعمه بس يبيلج عاد تستمرين وتدفعين هههههههه



****************************************

خاطر مذبوح


ايه كنت اقصد السترتج مارك

وبما انها طلعت بقع بسيطة

روحي دكتورة جلدية

وخليه تكتبلج على كريم مبيض ومقشر وأكثرهم يكون فيهم نسبة كورتيزون

فحاولي تاخذي اللي يكون فيهم نسبة آمنة وان شاء الله البقع تروح بس تستمرين

لأن دايماً علاج الجلد والشعر يطوول ويبيله استمرار



********************************************

حور العيون

ابدي من الحين عشان تحصلين احسن نتيجة

اقل شي سوي 3 او اربع جلسات قبل العرس

بس لو تخلصين كورس كامل افضل

كثر ما قدرتي ابدي مبجر



ومبرووووووك



***********************************************

q8_84


حبيبتي لا كلامها صج وتراها زينة

لأن هذا شغلهم وأكيد يدورون فلوس بس هي كانت أمينة معاج وقالت الصج

خليها تشقرهم احسن دام انه ناعم جذي

لأنها اذا شالتهم بالشيره

راح يحبب مكانهم ويزيد

والحبوب هاذي تطول فوق الشهر



************************************************



فستان أحمر


ما ادري حبيبتي يمكن بس انا اسوي عند بو حمرة ورفيجتي سوت عند المنار

والحمدلله مرة وحده بس نسوي حمام مغربي لأن مسموحلج عقب كل جلسة مرة شيرة ومرة حمام مغربي

والنتايج أصلاً وايد زينة والحمدلله ثاني جلسة والاستجابة روعه عندي او عندها

بالعكس اول جلسة ما سويت حمام مغربي كان الشعر اللي داخل ومحترق ظل تحت الجلد وما طلع

وملمسه خشن شوي

لكن عقب الحمام المغربي عقب الجلسة الثانية باسبووع راح وصج نعومة ونظافة غير

أحسن من شكل ريولي وكلها نقط سوده


فما ادري يمكن اهيا تشوف جسمج ممكن يستثار مع التفرك فخليج على نصيحتها

بس انا هذا اللي سويته

والنتيجة زينة


بالنسبه لفيسج

رايي تشوفين النتيجة اول شلون لأنه اذا طلع الشعر طويل وخشن عن اول

راح تضطرين تستمرين عليه بس الجلسات راح تطوول حيييييييييييييل في ناس صارلهم سنتين واربع سنين

يسوون جلسات بفيسهم

لأنج اذا رديتي على الحف عقب ما تصير الشعرة قاسية وثقيلة راح يعورج حيل ولما ينبت عقبها

راح يفشلج شكله جدام الناس ويمكن يشوك لما احد يبوسج

فشوفي شنو النتيجة لو ظل ناعم انصح توقفين وشقريه احسن وانا لو مكانج بسوي جذي


**********************************************



الحسن الرقيق

والله جذي انتي بشرتج حساسه حيل فروحي راجعي طبيب ممكن يعطيج كريم تحطينه قبل او بعد الحف

يوخر هالحبوب وما يخليها تطلع

الليزر افضل نتايجه مع الشعره الثقيله بس حتى الشعر الناعم ييب فيه نتيجة

بس الشعر اللي نفس الوبر اللي هو بيبي هير اللي يصير بأعلى الظهر او الزند أحيانا او الويه هذا

ما ينصحون تسوينه ليزر لأنه راح يصير كثير وثقيل واسود وعلى ما يرجع يخف بتاخذين وقت وايد


**************************************************
NeDaWi


شوفي حبيبتي في عيادات تسوي الشيك آب عقب الجلسة باسبوعين

فهني سوي الحمام المغربي عقب اسبوع من الجلسة فلما تروحين الشيك اب يكون الشعر طاح

واللي ما احترق تعيدلك عليه

اما اذا الشيك آب عقب خمس أيام

فجسمج ممكن يتحسس اذا سويتي حمام مغربي بين الجلسة والشيك فأحسن تسوينه عقب الشيك آب

بأسبوع



*****************************************************


وأخيراً أعتذر عن التأخير


بس صج ما توقعت كل هالأسئلة وكل هالردود على الموضوع


مع كل الحب في أمان الله:eh_s(7):
****************************************************


​

 

[nenna92]

رد : كل شي عن إزالة الشعر بالليزر(تجربتي+نصائح وحقائق عن الليزر)

القلب النااااااازف مشكوووووووووووووووووووووووووره واااااااااااايد

حاجزه موعد ليزر هلأسبوع اووو اول مره اوو كنت بهون اوو اكنت بكنسله خفت ههههههه

والله شجعتيييينييي وااااااااااااااااايد

الله يوفقج دنيا اوو اخره
اوو يحقق كل شي ابخاطرج
:eh_s(9)::eh_s(9)::eh_s(9):

صراااحه حبيييت موااضيعج كملي لاا يووقف
:eh_s(9)::eh_s(9):

 

[اخت مزه]

رد: رد : كل شي عن إزالة الشعر بالليزر(تجربتي+نصائح وحقائق عن الليزر)

بقيت اسال حبوبة شلون يشلون المنطقة الحساسة يعني اتفصخ جدام الدكتورة واللة فشلة وانا ودي اشيلها
باليزر بس استحي

انا بعد زيك :eh_s(22):

ومشكوره حبيبتي عالموضوع الروعه جا بوقته يعطيك العافيه

واستفدت منه :eh_s(15): بس سؤال الى متى الجلسات

والشعر متى يبدا يخف ؟ وتسلمين حبوبه :eh_s(8):