كل شي يخص التوظيف بجامعة الكويت ;)

[Beyond Life]

مساء الورد

الحين شهادة كامبردج غير ال icdl
لان عندي كامبردج واذا ما تنفع شكلي بقدم على الثانيه

 

[الجادل الطرقا]

مساء الخير

بنات جيكوا على إعلان الجامعة بردي على هالموضوع الرد#12

http://q8yat.net/showthread.php?t=517438

وبالتوفيق للجميع

 

[نيولوفر]

؟؟؟؟؟؟؟؟؟؟

 

[C'est La Vie]

انزين ليش الجامعيين مطلوب منهم icdl؟
خصوصا طلبة علوم ادارية اصلا احنا ناخذ مواد كمبيوتر احس ماله داعي ناخذ شهادة بعد
ولا مو معترفين بمواد الكمبيوتر اللي خذيناها؟؟ :eh_s(14):
عيزت ادق عليهم اليوم محد يرد

 

[dla3_princess]

حدددددددددددج بتااخذين اجر على هالمووضووع و عسى ربي يوووووفقج

يااااااااااااااااارب

سؤاال انا موظفه بالجامعه بكليه علوم اداريه

و شهر 12 اكمل سنه ان شاء الله

بسالج اشلوون اشترك بصندوق الخدمه الاجتماعيه مادري الضمان الاجتماعي ؟؟

هل يصير للكويتيين ؟ لأن جنه قاالوللي ان مو حق الكويتيييين ..

و سؤاال 2 لوول اسفه حبيبتي بس مادري منو اسأل

هل هالشهر بينزلوون معاشااتنا مبجر عشان العيد ولا اشاااعه مقرضه ؟ لووول

اخررررررر سؤااااااااال

اذا تأخيراتي زادو للأسف الشهر اللي طاف يعني عديت 105 دقايق المسمووحه ( ادري بدعت)

هل يخصمون مني هالشهر ؟؟ وجم ؟؟


و جزاااااااااااااااج الله كل خييير ياااااااااااااااارب

 

[remoo_007]

بعد قلبي ماااااااااااااااقصرتي عساه الله يرزقج الجنه قولي اميييييييييييييييييييييين وعسا الله يوفقج دنيا واخره وعسا الله يوفقج بدراستج وتطلعين الاولى اميييييييييييييييييييييييييييييييين لج اجري واجر رفيجاتي المتاعيس الابلات في التربيه

استشاره انا ابله روضه وصراااحه بس خلاص مووو قادره اتحمل ارف الروضه وتهزء من الاداره غير مشروعج يا ابله درسج ابداعج و و و و و و مانخلص والله حسبي الله عليهم

المهم


يصير اقدم وانا على راس عملي ؟؟؟ ولا يصير نقل داخلي؟ ولا شسالفه حدي عليميه


بلييييييييييييييييييييييييييييز لاااااا تنسوني حدي حدي لايعه جبدي من الروضه

 

[maysoon]

up up

 

[A7lam]

جزاج الله الف خير ..مجهود تشكرين عليه ..
اذا ممكن اسأل وانشالله القى الجواب عندج .. عن وظيفة باحث مبتدئ الي طالبينها الجامعة باعلانهم ..هل يشترط يكون الي متقدم خريج جديد
وجم راتبهم اذا عندج فكرة ...
والف شكر وتقدير :**
على فكرة الروابط الي حاطتها بأول صفحة ما يشتغلون

 

[dla3_princess]

للووولا وينج حبيبتي



ناااطرينج

 

[*ريمي*]

يعطيج الف عااااااااااافيه حبيبتي صرااااحه ماقصرتي

 

[لـ LoOola ـولا]

سوووووووووووووووووري حبيباتي قاعده اتأخر وايد
ان شاء الله بروح الحج وهالايام كله مشغوله وموقاعده اقعد دقايق عشان اشبك
وهم عندي امتحانات هالفتره والدوام من صوب وحوستي من صوب
السموووحه .. ادعوووولي


دعواتكم تبرد القلب تونس

انا انصدمت والله لمن شفت حاطين عن الاعلان
لان ماوصلنا تعميم !! كل يوم اجيك ايميل الجامعه وملخص اخبار الجامعه بالجرايد ==> بالدوام يدزون للموظفين ملخص الاخبار بكل الجرايد كل يوم !!
وموحاطين عن هالاعلان
الظاهر متعمدين لانهم مايبون اعداد كبيره !!
ولا العاده بكل الجرايد يعلنون
بس يدون ان الشاهد الناس اشويه اللي يشوفونها

عالعموم بالنسبه للسايت اللي حاطته مو قاعد يشتغل الحين لان قاعد يغيرون موقع الجامعه الحين يشتغلون عليه
وثاني شي كامبردج غير عن الآي سي دي ال
ماعترفوا فيها بعد ... قاعد يدور عليها حجي عشان يوظفون عليها ويقبلونها
بس بعد ماياخذونها
وبس اللي تخصصهم حاسب آلي او برمجه اهما اللي معفيين من الICDL
وعادي يصير تودون لمن يهمه الامر اذا بعدكم ماخلصتوا الامتحانات
بس وقت التعيين راح ينطرونكم تخلصون عشان يتم التعيين

اما عن التقديم
عادي يصير تقدمون وانتو بجهاتكم مستمرين بالشغل
عاد لمن ينادونكم يقابلونكم واذا يبونكم صج اهما نفسهم راح يدزون كتاب لجهة العمل اللي انتوا فيها ويطلبون نقل خدمات
يعني انتوا ماعليكم الا تقدمون وبس

ادري اجوبتي متأخره بس اعذروني والله حدي مشغوله واصلا ماشمينا خبر عن هالاعلان !!!

وبنات عفيه الله يرضى عليكم اقروا مشاركاتي عالاقل عشان تعرفون رد اسألتكم
لان الاسئله واااايد قاعد تتكرر
هم حاااضر من عيوني راح اجاوب على كل سؤال ينسئل بس خففو عليي التكرار ===> ما الومكم :eh_s(6):


وبالنسبه للراتب متكلمه عنه بالموضوع الرئيسي
كل الدبلوم او البكالوريوس نفس الراتب
عالدرجات
يعني يمكن فنيين المختبرات يكون غير !! .. بعد مو متأكده




وبالنسبه لاسئلتج يا دلع _03BA:

اول شي الله يتمم عليج ياقلبي وان شاء الله تكونين مرتاحه
وثاني شي قبل لا اجاوبج خل اشيشج على دوراتالجامعه :eh_s(6):
ترا يحقلج دورتين بالسنه على حساب الجامعه طبعا
ولمن تروحين الدوره معفيه من البصمه
والدورات كله دوامهم من 8-12 ومدتهم اربع ايام
ومن موقع ادارة التدريب والتطوير الاداري تقدرين تعرفين جدول الدورات
واذا عديتي اللمت المسحوح لج بالتأخيرات اعتقد اول شي لفت نظر ،، مايخصمون على طول اذا كانت اول مره
هذي حتى انا مو متأكده منها :eh_s(6): عندنا وعندج خير هع هع
بس اذا دقايق بسيطه يتقاضون مايدققون الا اذا كنتي تكررين تأخيراتج كل شهر

والله يسلمج صندوق الضمان الاجتماعي بالخالديه
وحق كل موظف بالجامعه واصلا الاولويه للكويتيين
قولي حق مراسلكم اذا راح الخالديه خل اييب لج استمارة تسجيل بصندوق الضمان من عندهم
تعبين الاستماره وتوقعين عليها ومسئولج المباشر يوقع وتودينها مره ثانيه لهم وبس
انا الحين ماخذه اجازة حج وما اداوم الا آخر جم يوم من شهر 12 ولا جان اطرشلج الاستماره من عندي لان انا بالخالديه


وعن الرواتب ... من الحكومه قرار لكل الجهات ينزل الراتب مبجر من بكيفهم يخلونه نفسه او يجدمونه
يعني ان شاء الله اي راح ينزل ابجر من كل مره
بس ماعتقد وايد لان احنا رواتبنا تنزل مبجر وقبل العيد طبيعيها

واسمحووووووووووووووووووولي عالتأخير
دعوااااتكم لي

http://afaq.kuniv.edu/upload/image/857/31.jpg

 

[remoo_007]

تسلمييييييييييين يا الغاليه

 

[Q8_QT]

ماقصرتي حبوبة عالمعلومات وتقبل الله طاعتج مقدما

 

[تعبتوني]

تقبل الله طاعتج لولا وتردين بالسلامه

بس تكفين ردي على رسالتي اللي على الخاص ضروري

 

[^^ROSE^^]

بنات سؤالي داش عرض شوي
بس رفيجتي مخلصه نظم معلومات ومتفوقه وتبي تصير معيدة وتكمل ماستر بنفس الوقت يصير؟
هي معدلها اقل من 3 ونص بشوي ومتخرجة الكورس الثاني
شلون تقدم و شنو الاجراءات وين تروح؟ هل تنطر الاعلان بعد ولا تقدم بأي وقت؟ وشنو شروطهم؟
ومشكورين مقدما

 

[batta130]

انا قيل لي ان في وظيفة فني مختبر ممكن اشتغلها لكن حابه اعرف كم راتب غير الكويتين
الف شكر على ردك

 

[dla3_princess]

جزااااااااااااج الله كل خييير يارب العاليمن

مووووووووفقه و الله يتقبل حجتج ياااااااااااااارب و يووفقج و يسهل كل اممووورج

 

[قلب عشتار]

الله يسهل عليك حبوبه بحجتك
ويسهل علينا بنقلتنا حج مقبول مقدما

 

[$ فراولة $]

مساء الورد

الحين شهادة كامبردج غير ال icdl
لان عندي كامبردج واذا ما تنفع شكلي بقدم على الثانيه

من ضمن الشهادات المطلوبه للحاسب الالي هي ( cid it ) وهي اختصار لشهادة كامبردج
وكامبردج معترف فيها حالها حال الـ icdl
ولزيادة التأكيد .... هذا رابط جريدة افاق الجامعية تؤكد اعتماد شهادة كامبردج في جامعة الكويت
http://afaq.kuniv.edu/*******s/current/details.php?data_id=1307

 

[أم كادي]

هاي قلبي بس بسالج وظيفة المترجم كراف والا لا ؟