كل عروس تدخل تنظيف بشره ولا نظافه ولا ابره دخلو

[زهره الجلنار]

اب اب

 

[شذونه]

الله يوفقك

اشرربي عصيرر برتقال يومياااا اول متصحين من النوم اشربي كاسين وياليت يكون فرررش
وبتشوفين النضاره والحيويه

 

[بنت الاحلام]

يا قلبي شلون جفنشي ينزل قطره المطيريه مو راكب الاسم
يا قلبي

متاكده منه
مادري انا الحين وحده عطتني خلطات باجر توصلني وبجرهم وبقول لكم

تقول طبي

بالنسبه حق العصير انا اكلي صحي وفواكه وخضروات وعصير طبيعي كل يوم


بس هم وجهي شاحب

 

[بواسم]

الف مبروك العرس وان شاء الله تلاقين حل بس انتي اعتني باكلج هذا اهم شي

وريحي شوي لان النفسيه تاثر بعد . وبالتوفيج يارب

 

[معلمة شيسمونه]

يا قلبي شلون جفنشي ينزل قطره المطيريه مو راكب الاسم
يا قلبي

لووووووووووووووووووووووووووووووول

حبيبتي مو هذا قصدي

قصدي العضوه اللي تكلمت عن موضوع سيروم جفنشي اسمها قمر المطيري او شغله جذي

ههههههههههههه جفنشي ماله شغل فيها بس هي مدحت السروم هذا اسم البنت مو اسم سيروم جفنشي

واسفه اذا ما كنت كاتبه عدل كنت قاعده اكتب من الدوام ومن فوني فبسرعه بسرعه

 

[^غرام^]

اولا الف مبروووك والله يتمم على خير

انا والله مثل مشكلتج لا بشره ولا شعر والسبب النفسيه والحمدلله

بس نصيحه روحي صيدلية الغانم واخذي امبولات نضاره رفيجتي تمدحها وشكلي بشتريها

ونصيحه يابنات لاتاخذون امبولة النضاره من كونتننتال ترى مووووشي

 

[Ziona]

والله كلنا نفس الحاله
انا الحين قاعه اعالج لعل وعسى يفيد وياي

 

[قطوووة]

ررايي من راي خلطات مذهله
تقدرين تسؤين شغلج بالبيت بلا ابر عشان حتى شكلج يكؤن طبيعي اكثر

 

[بنت الاحلام]

بعد عمري بنات ابي اسم الامولات ببدا فيهم ما بقا وقت

 

[نوت مطير]

بنات منو خذت ابرة نظاره عند طيبه كلينك بليز تفيدنا

 

[بنت الاحلام]

اب اب بنات

 

[Mjnont '3lay]

بسم الله الرحمن الرحيم


شلونكم عروسات الله يوفق الجميع يارب ويثبتكم

ويرزق كل بنت ما تزوجت للحين بالزوج الصالح يارب

الحين مثل ما انتو شايفين ما بقا لي شي

والسؤال المهم

انا الحمد لله بشرتي بيضا ولحوه وصافيه بس مشكلتي
وجهي تعبان واصفر من المحاات والتعب

وارهاق واحس بشرتي مو مال احد يطالع فيها اصلا

مال :eh_s(4):


المهم كنت بسوي تنظيف بشره عند عبير لاني جربتها قبل روعه ونظفت بشرتي عدل

بس ما تدوم

وفي بنات قالوا لي سوي عند حنان دشتي نظاره تدوم 10 ايام
وفي بنات قالوا خرطي

وانا حاجزه كويت كونيتيال يم بعض يعني

وهم بصالون كويت كونيتينال عندهم تفخ ب 30

حق يومين والحين محتاره يا بنات

اسوي تنظيف بشره ولا تفخ يومين

ولا نظاره عند حنان

او مكان تنظظيف بشره

او اروح عياده واطق ابره نظاره مع اني اخاف من الابره وشفت تجارب فاشله شكثر عنها وانها خرطي ولا في اي فايده


شرايكم عفيه كل وحده تقول تجربتها

ولها مني دعوه

ويا ريت الكل يتفاعل مع الموضوع لانه مهم وكل عروس محتاجه

اهم شي الوجه

>> قدام الناس

هلا حبيبتي انا بقولج وشي ما منه تعب ابببببببببد اولا مبروك حبيبتي والله يتمم عليج ويبعد عنج وعن ريلج الحساد ثاني شي شوفي ياقلبي بلا وسوسه اووك لا تصيرين من البنات المسوسين واللي فيهم هوس الابر والتنظيفات ومدري شنو امشي على كلامي وانا اطلع ما افهم لو ماشفتي النتيجه بعد اسبوع بالضبط من نظاره وجمال وتفتيح اول شي كل يوم اكلي فواكه بجميع انواعها وكثري منها نصييييحه وكثري من السلطات سوي كل انواع السطات اللي تحبينها خلي عشاج دايم سلطات واذا تبين شي دسم سوي سلطة دجاج سلطة تونه ومع الصوص يطلع شي عجيييب صدقيني منها فيها تغذيه ومنها تشبعج << خلصنا من التغذيه الداخليه
نجي للتغذيه الخارجيه استخدمي كل يوم الصبح اول ماتقومين تونك صباحي واشتري معاه تونك قبل النوم واستعملي ميلك هم صباحي مع كريم الصبح مع مرطب و حمايه بسسسسسسس غير هذا لا تحطين ولا شي ونفس الشي اخذي لج كريمات قبل النوم مرطب او حق نظاره اللي يعجبج وانا افضل نيفيا رووعه منتجاته وانتي وكيفج << خلصنا من الكريمات
ونسيت اقولج صابونتج اللي تغسلين فيها اخذي ببايا او نعناع عاااااااااالم ثاني من الانتعاش والروووعه بس اخذي صابونه المبيضه اللي عليها علامة c
المهم خلصنا من الاكل والكريمات ..
تروحين تشترين لج سنفره او مقشر وانا افضل انج تاخذين نفس نوع الصابونه يعني ان كانت صابونتج ببايا تختارين مقشر او سنفره ببايا احسن شي لا تحطين شي ثاني وتستخدمينها كل اسبوع مره وحده بس .. وتشترين التونك اللي على خيار حق الوجه انا اقول اخذي ببايا عشان يمشي مع الصابون والسنفره وكل يوم قبل لا تحطين كريماتج بليل اخذي قطنه ومسحي من التونك عدل على وجهج وشوفي الوصخ والدنيا اللي بتطلع بعدين نطري دقايق وغسلي بماي بارد وحطي كريماتج اللي حق بليل ونامي وانصحج بالنوم مبجر لانه السهر هو سبب الارهاق ودايم غسلي وجهج بماي الورد وخلي الماي اللي تشرينه كله ماي ورد يعني الماي العادي ضيفي عليه قفشه ماي ورد وشربي منه كل يوم وبجذي وربي بشرتج ولا اروع بلا خلطات بلا عوار قلب وتعب وربي يتمم عليج باذن الله ويوفقج حبيبتي :eh_s(17):

 

[..~Goolz]

انا ابي بعد

 

[شكو 77]

الله يتمم عليج ويباركلج بحياتج يا رب ويوفقج

بالنسبة للبشرة الشاحبة الي نعاني منها أنا عن نفسي ما ارتحت

الا بعد كم شغلة سويتهم غير التغذية والسنفرات وهالدوخة هذي كلها

رحت حق المركز الفرنسي واشتريت غسول طبي من كلينيك طبعا اشتريت رقم 1
ورقم 2

وطبعا ما انصحج برقم 2 كلش لانه يحرق البشرة ويخرب الدنيا ويدمرها دمار شامل !!!

انصحج باستعمال رقم 1 بس اشتريه لانه غسول طبي وشحلاته اغسل وجهي فيه

كل يوم اول ما اقعد من النوم وقبل لا انا م

وفي شغلة ثانية بعد اشتريتها من الصيدلية

عبارة عن فيتامين سي بكرتون تحطينة كل يوم على وجهج

والصيدلي راح يعلمج بالطريقة هو قرش صغيرة تدهنين وجهج فيها واسمها

castalia

بس هالشغلتين الي ردت روح بشرتي من استخدمتهم

طولت عليج بس شدني العنوان ودخلت

موفقة يا رب ...

 

[فدوووو]

اب لعيونك

 

[بنت الاحلام]

مشكوره يا قلبي فديتج بشوف فيتامين سي الي قلتي عنه والغسول

 

[Ro0ora]

حبيبتي انا اختي مجربة جلسة النظارة اللي عند حنان دشتي مو الابر لأ الجلسة تهببببببببل ..

وعندج عيادة دار الفؤاد اللي بحولي .. رفيجتي تمدحهم بسوالف البشرة من الناحيتين وهي تسوي عندهم ليزر للبشرة وناوية تسوي الجلسة .. انتي روحي وشوفي

وانا بعد شكلي ناوية اسوي عندهم بإذن الله .. باجر ببدأ : أسنان - وليزر .. ادعيلي

 

[كــيــوت!!]

اب اب ​

 

[بنت جده كول]

بنات ياحلوين جربوا ماسكات نزيه للوجه

 

[بنت جده كول]

الي تبغى اسم الماسكات تبع نزيه تقول عشان انزل لها الاسماء