كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[james546613]

جزاك الله خير على الجهد المتعوب علية في ميزان اعمالك

 

[واثقة الخطوة]

جزآج آلجنة على مجهودج آلطيبة
ومنهآ لاآعلى

 

[LUXURY]

السلام عليكم

انا كنت مره كاتبه رد اشطوله الظاهر ان ماطلع

عاد الحين باحطلكم الصور

بنوته اشلووووووونج ولهانه عليج واااااااااااااااااايد وااااااااااااااااااااااااااايد
اشلون زنوبه؟؟ ماكو مشروع بيبي بالطريج؟؟

هذيل اشوية افكار سويتهم للميداني مع اني كنت حامل وتعبااااااانه بس قلت ابي احلل الدرجه هههههه

طبعا انا مدرسة متوسط وهذيل الافكار تنفع للمتوسط والثنوي وتخصصي انجلش

باحطلكم الافكار ويارب تعجبكم

اول شئ انا نظامي كان ان الwarming up بداية الحصه عباره عن العاب ماتاخذ 5 دقايق يصحصحون فيها البنات تالي ادخل بالدرس

وهذيل بعض الالعاب اللي سويتهم

هذا النرد لونته مثل ما انتو شايفين وكل جهه كاتبه عليه نوع سؤال
set book, function, structure, vocabulary, translation, bingo
اخر وحده كانت تاخذ هديه بدون سؤال
اللعبه ان البنت تمسك النرد وتحذفه شوي شوي بالهوا يلف ويطيح على جهه
الكلمه اللي تطلعلها فوق اهي نوع السؤال اللي اسالها اياه
وكنت اييب هدايا من بو 100فلس

اللعبه الثانيه

سله عاديه حطيت فيها علاليق لزقتهم بالصمغ الحراري والعلاق قصيته بالجلابتين
وبكل علاق احط كروت ملونه وباشكال ورود وفراشات وداخل كل كرت سؤال
وحاطه بالكروت خيوط علشان يتعلقون
وبنص السله احط كاكاو اللي تجاوب صح تاخذ كاكاوه


سويت العاب ثانيه خفيفه تكون سريعه اذا مستعيله قبله بيوم

اطبع على ورقه عاديه صور واقص الصوره 6 او 8 قطع والزق وراهم مغناطيس واقولهم رتبو الصوره

او اطبع حروف كلمات ماخذينها الاسبوع اللي قبله واقصص الحروف ووراهم مغناطيس واقولهم يالله رتبوهم

طبعا كله بالبيت اسويه سهل وسريع
وكنت طابعه ايام الاسبوع كلها على كروت ومغلفتهم حراري
انا عندي جهاز التغليف الحراري اتوقع تلقونه بجرير وشاريه النايلون واغلف بروحي مايبيله شئ
والمغناطيس اللي يلزق من ورا من المكتبه

وكنت طابعه كرت حق التاريخ لاني ما اطول
وكرت كاتبه فيه unit: \ lesson:

وبرنامجي الاذاعي صدف قبل الامتحانات
فسويته عن الاختبارات التجهزلها ووزعت بروشورات واحد عن خطوات التجهز للامتحانات وثاني فيه ادعيه ووزعت على الابلات ملوت الحصه الاولى علشان يعلقونهم بالصفوف
ومنهم طبعت بروشورين مقاس A2 وعلقتهم عند مدخل المدرسه
وسويت مسابقه عن طلعو الكلمه المختلفه من القائمه

وهذي صور

هذا غير البوربوينت

ويابنات ذكرو الله تره شغلي كللللللله تعبي والبروشورات والتصاميم بالفوتوشوب انا مسويته وتعبانه عليه

واتمنى اني ضفت شئ يفيدكم مثل ما استفدت

وي بس تعبت هههههههههه

 

[بنات حواء2]

ميس الوردحياجالله و اكييد راح تستفيدين من هلموضوع بالميداني

 

[بنات حواء2]

مشكوووورين حبايبي وربي يعافيكم و يخبيكم ذخر لنه
luxury هلا والله حبيبتي و الله انا بعد مشتاقه لكم ياحلات تجمعنه قبل
والله قبل جم يوم ذاكرتكم قاعده اقول انا كلش مافيني خير بس والله مومني ضيق الوقت
قضية البيبي اليديد اشوي باجلها بس الكورس الياي اتخرج و انشاله الي كاتبه ربي بصير و لو اني مشتهيه ياهل يديد زنوب كبرت و طلعتلي قرووون اسمله عليها و لسانها شطووله
بس افكارج وااااو عجبتني فكرت النرد وايد افكارج وااااايد حلوه و يعطيج الف عافيه على الرد و لاتقلطعين و بمركم بتيمعكم هليومين

 

[مطيريه ماركه]

رد : كل ماتحتاجينه من معلومات و فناتق لدفتر التحضير و افكار للوسائل التعليميه مع ام ز


آم زنوب لج وحشــــــة

مبرووووووووووووك آلتخرج يآقلبي

آنآ ودي على جلآد جلد وين آقدر آحصله ؟؟

آبي آروح مكآن وآنآ متأكدة آحصله فيه مو آروح بين يمكن ومو ممكن

 

[الأرنوبة]

مشكوووورة حبيبتي افكارج راقية و حلوة :ggdw:

 

[بنات حواء2]

هلا و الله مطيريه و الله لج وحشه
انا بعدي ما تخرجت
باقيلي هلكورس اربع مواد و اخرج ادعيلي بس
اذا لقيت الجلاد الي تبينه برسلج على الخاص
و لا تقاطعين يالغاليه

الارنوبه حياج الله يالغاليه

العفو حبايبي و الله يهينيكم بهلموضوع
:blueSmCLR::blueSmCLR::blueSmCLR:


و الياي احلى

 

[بنات حواء2]

 

[بنات حواء2]

هذا الرابط عباره عن مجموعه من التحاضير جمعتها لكم من مجهودي و هي خاصه بماده علوم اسره و مستهلك


http://www.q8yat.net/showthread.php?t=784372

 

[بنات حواء2]

السلام عليكم اخواتى ورحمه الله تعالى وبركاتة
لاحظت ان الطالبات فى حيرة وحاجة لافكار جديدة لتزين الفصول الدراسية
اليوم جبتلكم مجموعة من الافكار المنوعة لتزين الفصل بطرق سهلة وبسيطة

وهى عمل لوحات لتزين الفصل بطريقة سهلة او اعداد لوحة شرف لوضع اسماء
المتفوقات او اسماء الطالبات فى الفصل

كل التحتاجية بالاضافة للوحة الاساسية

ورق مقوى ملون

وغراء من اى نوع بس يكون سريع الجفاف
جليتر
والوان

تحددى الشكل المراد تنفيذة وتقومى برسمة على الورق الملون
ومن ثم لصقة على اللوحة بعد تلوينة بالالوان المختلفة

اعداد ازهار ثم لصقها وعمل الاغصان

عمل نخلة وتزينها على اشكال ثمار فاكهة

ارجو المتابعة

 

[بنات حواء2]

شكل طيارة ورقية

لوحة على شكل كوخ

و اشكال اخرا

 

[بنات حواء2]

و اكيد راح يكون شكلها حلو و جذاب بصف و يكسر الروتين

 

[بنات حواء2]

 

[بنات حواء2]

في فكره حلوه دايما ألجأ لها
لمن يكون في نقاط بدرس و موهقه فيهم
مثل طرق الوقايه من حوادث الغاز
اطبع صور سلندر غاز و احدده بالمقص و احط وراه مغناطيس
و الزقهم على الصبوره شكلهم حلو عليها
و يقومون يقرونها مثل البطاقا ت فانصحكم فيها حلوه

 

[قطوووة]

رد : كل ماتحتاجينه من معلومات و فناتق لدفتر التحضير و افكار للوسائل التعليميه مع ام ز

موفقين :yaaaaaarb:

 

[بنات حواء2]

و الياي احلى
انشاء الله

 

[بنات حواء2]

حياج الله قطووووووووه

 

[4eEver]

رد : كل ماتحتاجينه من معلومات و فناتق لدفتر التحضير و افكار للوسائل التعليميه مع ام ز

ماشاءالله عليـج
اللـه لا يضيـع لج تعــب !

انا ميدآني هالكورس وحدي ضآيعه
بس لما شفت موضوعج وااايد ارتحت .

راح يكون لي مثل الملجأ للأفكآر والفناتك _03ba:
جزآج الله خـير ياقلبي .. وقاااج اللله

 

[عاالية]

رد : كل ماتحتاجينه من معلومات و فناتق لدفتر التحضير و افكار للوسائل التعليميه مع ام ز

يامااااااااااااااااااااااااااااااااااال العااااااااااااااااااااااااااااااااااااافيه
صج مميزة بكل حياتج
لااله الا الله