وايد بنات حابين يشوفون فكرت دفتر التحضير و الاوراق من داخل
طبعن ردي هذا ماراح يغنيج عن جهود و مواضيع البنات في خصوص التحضير و محتوياته و ترتيبه لاكن اعتبري نبذه و القاء نظره على ارض الواقع بنسبه حق التحضير
هذا دفتر او ملف تحضيري الي هو عباره عن ملف باوراق شفافه
طبعن انا غلفته بورق تغليف جاهز من المكتبه و لاكن كان مأذيني لانه يحتوي على نسبه كبيره من الترتر و مبهذلني فجلته بجلاد شفاف و افتكيت من هلمشكله طبعن انا مصورته لكم من الخلف و من جدام برواز ذهبي لزقته و داخله ورقه ورديه فاتحه فيها اسمي و بياناتي
مثل ما انتو شايفين الملف متين و وايد في شغل هذا لاني كنت حاطه مرحليتن بملف واحد فلا تستغربون طبعن الافضل ان يكون كل مرحله بملف اخف و احسن و ارتب بس احنه ميداني و كان مطلوب منه جذي
و صورت لكم صفحاتي الاساسيه مثل الاهداف لاحظوا الورقه مالت الاهداف وايد حلوه و مفيده و كذلك المنهج و هكذا لاحظوا استخدمت الوان صفره تعكس ورود حلوه منها وفيها لو تلاحظون في درجتين بلورقه درجه فاتحه و هي الورود و غامجه و هي الخلفيه نفسها و ريحت الاوراق عطر يينن خذيتهم من مكتبة العدان و في منها الوان بس فضلت هلون لانه حلو مع التغليف و اعتمدت هلاوراق حق المنهج و توصيفه و الاخداف و الى اخره من اوراق اساسيه
و هني بما ان مادتي علوم اسره و مستهلك في عدة فصول اعتمدت طريقه حلوه و هي بين كل فصل و فصل احط ورقه حلوه تفصل بين الوحدات يعني الفصول كل وحده و عن شنو تتكلم و بصور وايد حلوه لاحظو الصور الي تحت بنفس الاسلوب لاكن يختلف عنوان الوحده و مضمونها
وهني مجموعة اوراق مالت الجدول الزمني احنه نحطه يم التحضير على الصفحه المقابله في الجنب اليمين لاحظي طريقته وسوري اذا الاوراق مو واضحه و لاحظي الصور ممكن تضيفين اي صوره في بالج و حلو ان يكون دفتر التحضير ملون و مشوق و حتى الاوراق ممكن تاخذين اي فور ملون و تطبعين عليهم حلوه هطريقه احب دفتر تحضيري ملون بالصور و الاوراق و غيره يكسر الرتين و الملل
وهني شوفوا طريقتي لمن يصير عندي اوراق عمل بالحصه هني درسي عن الادخار فسويت لهم رساله و حطيت نموذج عنها تحت هنشاط و مثل ماتشوفون حطيت صوره تعبر لمن تشوفينها من بعيد تعرفين انها عباره عن رساله قبل لاتقرينها اهم شي اني حاطه اسم بنتي زينب هههههههههههههههه دليل ان القلب و العقل وياها حبيبتي زنوبه الدبدوبه
و هني كان عندي درس عن المطويات الي يسونها المطاعم مايمنع اني اضيف صور للتحضير بصراحه احب دفتري مال التحضير يصير مليان صور و الوان و اهم شي يكون معبر
وشوفا هني التحضير نفسه حتى لو كانت الورقه بيضه عادي احط شوية صور تعبر عن الدرس ملونه و بنفس الوقت حلوه و تعطي فكره عن مضمون الدرس و حلوه الصور الملونه خاصه لو كانت ارت كليب على الارضيه البيضه
لاحظوا هني الدرس ايضا كان عن الادخار و حطيت برواز فيه نقود حلو و كاسر ملل اللون الابيض الساده
يتبع ...............
