بعد عمري مشكورين و ماقصرتوا على مشاركاتكم و افكاركم و الله يوفقنه يارب اجمعين و انشالله سعينى هذا و تعبنا هذا مايضيع لا بدنيا و لا الآخره
أتذكر بصف أولى إبتدائي ..
كانت أبلتنا العربي واسمها (فتوح..) الله يذكرها بكل خير ..
كانت تطبق فكرة : توزع علينا دفاتر إهيا مسطرتهم .. بألوان وستيكرز أو المسطرة اللي فيها رسومات ..
وتغلف الدفتر بغلاف فسفوري .. يعني جلاد مميز ..
وبطابع مكتوب اسمنا عليه .. بالآلة الكاتبة القديمة .. (تسلم إيدها .. وربي يرعاها دنيا وآخره..)
وطبعا هذا دفترنا الخاص .. تاخذه وتصلحه وترده لنا .. والحين الدفتر معاي .. عمره فوق ال 15 سنه .. لأن الأبلة مميزة والدفتر مميز
~ أحسها فكرة حلوه .. وبجذيه تخلي دفاتر صف معين موحدة .. مو كل واحد شكل .. إذا تحب وتفضل ~
وأتذكر أبلة (هدى) مالت رياضيات ..
كانت تسوينا كـ فرق .. وتقسم اللوح 3 أقسام .. وتحط مسألة .. (زائد وناقص) ههه !
واللي يحل قبل .. الفريق تعطيه (كيت كات!) ..
بس يكفي المنافسة ..
طبعاً هالشي تخصص له وقت ببداية الحصة أو نهايتها ..
شوي يغير جو الحصة .. ويلطف الجو .. ويحببنا بالحصة ...
المنافسة حلوة ..
حياتي نورتي الموضوع بفكارج بصراحه حلوى و يكفي ان من طيب اصلج ذاكره ابلاتج و تدعين لهم الله يكثر من امثالج كل الافكار حلوه بس ال(كيت كات!) ماينفع ديروا بالكم ترا الموجه ان درت انج موزعه ككاو و لا حلاو تعطيج نقد ديري بالج من هشغله حبيت انبهكم لانه وحده كانت مسويه درس نموذجي و اخر شي وزعت ككاو كتبت لها الموجه نقد ان الككاو يسبب سكر و امراض
تخيلو شي بسيط حسافه و الله و الدرس حلو بس صار النقد علككاو
فديروا بالكم من هشغله و مشكوره يالغاليه نورتي الموضوع و اثريتيه
درة اهل الطاولات الموضوع منور بوجودج يالغاليه احب اشوف موجوده و افتقدج اذا مالقيتج
ذكريات عشاق انا ودي اقولج مشكوره و يعطيج الف و مليون عافيه بصراحه اول مره احس اني استفيد بهطريقه و الي حابته فيج اني اشوف نفسي فيج و الله و قسم بالله احس طريقت تفكيرج مثلي و على فكره انا مثلج كنت دايمن اخذ اعلى درجه بلبرزنتيشن فالله يوفقنه يارب
حلو الصوت خالصين منه بس همن جيكي عليه طوووول فترة شرحج انا ليش كنت مختبر و كبير احس الصوت يتشتت فيه مو مثل الصف اما انتي اكيد بتكونين بصف فالمساحه راح تساعدج
بنسبه حق وضوح الصوره انا بعلمج افا عليج احنه خوات و قلت لج اي شي يخطر علبال لايردج الا لسانج
شوفي الصوره اذا كانت مو واضحه لا تعابلين فيها نهائيا لانج مهمن حاولتي ماراح تضبط دوري غيرها و حتى لو حاولتي بصير تغيير بلالوان و نصيحه في هذي الحاله بدليها بغيرها لانها بالحالتين راح تحرجج او بكون عليها اشكال
شوفي انا بعد حبيت افيدكم بفكره حلوه
لمن تكون عندج نقاط بدرس و متوهقه فيهم عندي طريقه وايد حلوه كنت اسويها مفيده و حلوه لنفرض ان عند نقاط عن مميزات النطاق الزراعي بالخليج العربي شتسوين
اول شي
تدورين اي صوره تتعلق بزراعه بس على شرط تكون ارت كليب لانها بتساعدج بالتحديد و القص مثل هذول
تختارين الي تناسبج و الي تشوفينها مناسبه حق النقاط او الموضوع
و تقصينها و تحددينها بالمقص و تشوفين جم نقطه لنفرض انهم 5 نقاط ( مميزات) تطبعين نفس الصوره 5 مرات و تقصصينهم و يفضل انج تسوينها كبيره مقاس اي فور عشان يبين شكلها حلو و تحطين وراها بطاقه بخط الايد تكتبين عليها النقطه و مغناطيس مال السبوره من ورى الصوره و تحطين لهم اي تسميه بتحضير مثل بطاقات النباتات و تخلين الطالبات يطلعون و ينقون و حده منهم و يقرونها و تناقشينهم في النقطه و تشرحينها
بنفس الوقت الطريقه حلوه و توفر عليج حفظ النقاط خاصه اذا كان الدرس واايد فيه نقاط
بنسبه لصور الآرت كليب هذي وايد حلو انج تضيفينها افضل من الصور الطبيعيه لانج تقدرين تحددينها بالمقص
بينما الطبيعيه شوي صعبه الا اذا كانت الصوره منظفه مثل هذي
بنسبه لصور الارت كليب انصحج بموقع الاوفيس مثله
و هذا الرابط مالهم
http://office.microsoft.com/ar-sa/?CTT=97
تكتبين بمحرك البحث الصوره الي تبحثين عنها و كل شي راح يطلعلج يتعلق بالكلمه مثلن اذا كتبتي هاتف راح يطلعلج صور الهاتف وصوت الهاتف وصور متحركه بعد بس عيب الصور المتحركه انها مو ذاك الوضوح المطلوب بس همن تمشي الحال لا بأس فيها
