العفو يا (بنات حواء2) .. وأنتم مشكورين أكثر! .. انتوا علمتونه نفيد .. ونشارككم اللإفادة والإستفادة ..
فكنتوا سباقين .. مشكورة ..
راح أشرح بالطريقة بطريقة غير رسمية .. يعني بأسلوبي وطريقتي الدفشه هههه ! .. إن شاء الله تكون قريبة من فهمكم ..
ويمكن أشرح أشياء فاهمينها! .. ميخالف لا بأس بالتكرار
أول شيء .. فيه أدوات بالفوتوشوب نجهل طريقة استعمالها .. مع إنها تسهل علينا جهود ! ..
راح أشرح فكرة الفوتشوب بمفهومي! (عشان جذيه أفضل الفوتوشوب عن برنامج الرسم أو آخره!)
الفوتوشوب ... فكرته (طبقات) أو Layers ! ..
شوفي هذا العمل اللي تشتغلين عليه:
وبتحليله لطبقات:
شوفي مثلاً .. الخلفية طبقة بروح يمكن التحكم فيها ومسحها ونشخبط عليها ونحذف وكيفنا ! ..
والبقية نفس الشيء .. يعني عندنا 3 طبقات هنيه !
ويمكن التحكم في ترتيب الطبقات ! ... يعني تسحبين طبقة تحطينها وراء .. وإلخ ! ..
التحكم بالطبقات هالصوب :
أو
تلاحظين إن الخط كذلك طبقة بروح !
يمكن التحكم في الحجم .. وتحرير الخط بأي وقت ! .. بعكس برنامج الرسم ..
تكتبين شي ... ما تقدرين تعدلين عليه بحرية !!! .....
فيعني .. أرجو الاستفادة من سالفة الطبقات ! .. لأنها وايد مفيدة .. وتعطيج فرص للأخطاء وتعديل الأخطاء ..
يعني تقدرين مثلاً تكررين طبقة .. وتجربين عليها اللي تبين .. واذا ما عجبج .. تحطين Undo .. أو تحذفين الطبقة ..
أو تراجعين الـ History ...
تسحبين اخر العمليات اللي ما تبينها .. إلى سلة المهملات .. ويصير (تراجع) ..
راح تلاحظون إن تقدرون تسوون تراجع حق عمليات وايدة! مو نفس برنامج الرسم ..
حق عمليات قليلة .. فيخترب تصميمكم .. بسرعه !
ألحين بعد هالمقدمة اللي إن شاء الله تكون مفيدة ولو شوية ..
ومو كلام معيود
نشرح طرق القص !
في أكثر من طريقة للقص في الفوتوشوب ..
في طريقة : بالأداة .. وصورتها :
وفي طريقة: بالأوامر .. نشرحها بوقت آخر ! ..
إنيي حق طريقة الأداة ..
يمكن بعضكم ما يعرف يطلع هالقائمة ! ..
تطلعونها عن طريق: الضغط على أداة القص من شريط الأدوات .. مدة ..
وتطلع لكم القائمة .. تختارون منها !
الفرق بينهم:
الأولى: تحديد حر !
الثانية: تحديد شكل المسطرة .. يعني تسوين مجموعة نقاط .. واهوا يوصل بينهم خط!..
يعني مثلا تبين مستطيل .. تسوين اربع نقاط ! .. وعلى الطريقة اللي تعرفونها .. وإذا خلصتوا التحديد .. تضغطون دبل كلك (ضغطتين ورا بعض) ! ..
الثالثة: تحديد مغناطيسي! .. سحري هههه .. يعني شلون .. إذا كان العنصر معزول عن الخلفية .. راح يصير أسهل عليكم هالتحديد..
يعني مجرد تحددين نقطة على طرف العنصر .. وتحركين الماوس حوالين العنصر .. واهوا راح يتخذ شكل على العنصر.. بس أحيانا ما يصير تحديد سنع يعجبج
!
وإذا خلصتي تحديد .. ضغطي دبل كلك (ضغطتين ورا بعض ..)
انا اداتي المفضلة: اللي بالنص!! ..( الثانية )
طبعا بعد التحديد .. سوي Copy ! وحطيه Paste .. بالمكان اللي تبين ..
أو حطي مثلاً: من القائمة Select .. بعدين الأمر Inverse ..
عشان يعكس التحديد .. وبعدين مسحي هالمنطقة ..
سامحوني! مو كمبيوتري .. وحبيت أحط رد سريع ..
لي عودة بتطبيق! .. وملاحظات أخرى ..
قولوا لي .. استفدتوا ؟ أو في طرق غامضه ؟
