كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[بنات حواء2]

لا و الله مشكوره كلشي واضح اصلن خلج عن الرسميه مو لنه جذي احسن بوايد
هههههههههههههههههههههههههههههههههههههههههههههههههههههههههه
حبيبتي و الله ماقصرتي اليوم بقعد و بتعبث و بسوي الشغلات الي قلتي عنهم و بقولج شنو بيصير وياي
اهم شي ان الموضوع صار مفيد للمعلمات من كل ناحيه بصراحه
قواكم الله بدونكم ما نمى الموضوع و تميز
و يسلموووووووووووو

 

[Q8Buying]

إي .. بفضل بادئة الموضوع .. حمدلله ..
وما قصروا البنات ..

بعرف شنو صار معاج .. وشنو المشاكل اللي واجهتيها ..

وتعليقاً على: مو حابه البرنامج ..

لأن تحسينه معقد .. واهوا فيه أفكار واااااااايدة ومعقد نوعاً ما
بس احنا نستفيد منه من الجانب اللي نحتاجه ..
نبدي بالبسيط ..

يعني ما شاء الله أكو واجهات مواقع يسوونها فيه .. وأكو غلاف كتب .. وإلى آخره ..
يبيله معرفة أساسيات .. ودعمها بأفكارج وخيالج عاد ..
واختيار الصور الانسب .. للقص .. وإلى آخره ..

وآنا بإذن الله .. إذا الله قدرني .. أكمل معروفي إن شاء الله
وأحط شروحات ثانية ..

 

[درة أهل الطولات]

مشكورة على الشرررح

 

[jen2n]

فديتج بنت حواء ما تقصرين والله

اما عن رؤوس الاقلام

اول شي عن معنى كلمه فلسفه وسبب التسميه

نشاه الفلسفه

علاقه الفلسفه بالعلم والدين

نظرية المعرفه

الاخلاق والمجتمع الحديث

المنطق

هذي اهم الاشياء اللي درستها

وهم بعد ابي اشياء عن التاريخ وهم مرحله الثانويه لان سمعت وايد بنات يعينون على المساند

وطبعا على قولتهم هناك فرق بين الاجتماعيات والتاريخ

 

[Q8Buying]

جنان! اقتبست لج بعض المقالات من الإنترنت ..

يمكن بعضها مار عليج وقريتيه .. أو عندج دراية فيه ..
فمو مشكلة .. التكرار لا بأس فيه ..

المقالات على ضوءها .. ممكن تفكرين بطرق تدريس لج ..

مثل:
توظيف التقنيات الحديثة في طرق تدريس الفلسفة ..
http://oubellil.jeeran.com/philosophie/archive/2009/4/855594.html

واكتشفت إن هالمدونة فيها أكثر من موضوع متعلق بالفلسفة ..
مثل: روابط مفيدة للفلسفة (للمعلمين والمتعلمين)
http://oubellil.jeeran.com/philosophie/archive/2009/5/875599.html

خمسة كتب في طرق تدريس المواد الفلسفية رائع وتعليم الفلسفة للأطفال مقال وفيديو.و.. تجربة تدريس الفلسفة للأطفال في الصين
http://wessam.allgoo.us/t4873-topic


فيديو لبعض طرق تدريس الفلسفة للأطفال لتحقيق بعض أهداف تدريس مادة الفلسفة
http://wessam.allgoo.us/t11870-topic


مدونة تعليم الفلسفة:
http://philoedu.wordpress.com/

أعتقد إن هذي المدونة مفيدة .. ومليئة بالمقالات المرجوة !


جنان .. أترك لج المجال لتقييم المواقع والمقالات ..
إن شاء الله تستفيدين منها في عمليتج التعليمية !
وإذا شفتي فيها افتقار .. هذا بسبب إني ما لي ومال الفلسفة هههه ..
بس حبيت أساعد ..

 

[Q8Buying]

تكملة ..

أهداف تدريس الفلسفة لمرحلة الثانوية
http://shasamf2.roo7.biz/t361-topic

أتوقع يوجد أهداف خاصة بوزارة التربية ... ممكن تحطينها بادئة دفتر التحضير مالج ..

وعندي نقطة ..
أنا أعتبر اللقاء الأول اللي يجمع المعلمة بطالباتها .. مهم ..
ويأثر على بقية الكورس ..

يعني بأول الكورس ..
عرفيهم بطبيعة المادة .. الهدف منها .. طرق دراستها ..توزيع الدرجات .. أسلوبج في التدريس ..
قوليلهم أسمح بالأسئلة .. أعطيكم امتحان قصير نهاية الأسبوع .. أو نهاية الحصة (بدرس اليوم) ..

ولا تخلينها مادة تلقين !
حاولي تربطينها بالحياة .. أو شرحي وجه الاستفادة من الدرس .. والهدف منه ..

وحاولي تدعمين المواضيع والدروس بصور .. أو أشياء محسوسة ملموسة ..
وحاولي مثلاً .. تحببينهم بالفلسفة بشكل عام ..
يعني شوفي لهم قصص عن الفلسفة .. صور علماء أو فلاسفة .. ونكت أو كاركتيرات عن الفلسفة ..
ومثلاً قولي للبنات .. اللي عندها مشاركة عن الفلسفة .. بره المنهج .. تشاركنا ! ..
بجذيه يبحثون عن الفلسفة .. ويحبونها يمكن ..

أمثلة .. كذلك أترك لج تقييمها .. لاني ماعرف بالفلسفة ..
لكن آنا لو كنت طالبة أتعلم الفلسفة .. أحب آخذها على هذا الشكل !

- اضحك مع الفلاسفة <-- إذا بحثتي في قوقل جذيه .. بتطلع لج نتايج وايد ..

- تكلمي عن علماء الفلسفة وحطي لهم مجموعة صور لهم ..

- بحثي بصور قوقل عن : philosophy cartoon
عاد إنتي أحسني الاختيار .. لأن بعض الفلسفة مخالفة للدين الإسلامي ..

يمكن هذي كلها خارج المنهج !
لكن سميها (استراحات) تحبب الطالبة بالمادة ..

 

[jen2n]

مشكوره حبيبتي كويت باينغ على المساعده وان شاء الله راح اقراها على رواق لووول

ايه اكيد بتبع الاشياء اللي قلتيها لان وايد ناس ماخذه فكره غلط عن الفلسفه وانها ضد الاسلام وجذي

ومشكوره مره ثانيه يا قلبي

 

[ذكريات عشاق]

مسساء الخير بنات شلونكم اسمجولي لهيت هالومين بالفحوصات وماقدرت اشبكك واايد

وترى يا بنات الفوتوشوب وايد احلى من اي برنامج ثاني وفي موقع بالنت اسمه جواهر لتعليم الفوتوشوب
http://www.jewelsuae.com/psd/psd-main.htm

راح تتعلمون وايد شغلات منه وحلوة بعد اوا صح الفتوشوب معقد بس والله احلى بالشغل والصور

 

[ذكريات عشاق]

صور للفلسفة نتحتاجينهم جنان بالشرح وتزيين دفتر التحضير

بنات الموضوع هذا الكل راح يستفيد منه وماشالله الصفحات وايد فقياريت تسوون نفس طريقتي انا وام زنوب حيث انه اذا شفتي صورة او شغله اعجبتج اخذيها وحفظيها عندج بالجهاز او على فلاش بحيث لما تحتاجينها تلقينها موجودة عندج وماتقعدين تحوسين بين صفحات الموضوع

http://ar.wikipedia.org/wiki/%D9%81%D9%84%D8%B3%D9%81%D8%A9

 

[ذكريات عشاق]

 

[ذكريات عشاق]

 

[jen2n]

مشكورة حبيبتي ذكريات الله يعطيج العافيه اعجبتني الصوره اللي فيها كلمه الفلسفه واااااايد بس المشكله الحين يقولون عادي اني ادرس المساند بس احس ما تشعبت فيه وايد في المواد مع اني ماخذه اقوى المواد اللي اهي الدوله الامويه والدوله العباسيه المفروض تكون اختياريه بس خذيتها لووول وطبعن خذيت تاريخ الكويت

 

[ذكريات عشاق]

الله يعافيج حبيبتي عليج بالعافية
شوفي انا رفيجتي تخصصها فلسفة والمساند تاريخ
والحين ادرس ثانوية
عطوها صف عاشر واللي اهوا الوطن العربي
وعطوها سنة رابعه واتوقع فلسفه

اي الصور انا كل مالقيت شي بحطه لكم وانتوا احفظوهم عندكم

 

[jen2n]

الله يعافيج تسلمين حبيبتي ،،، بس جنا الوطن العربي اكثر من شي صاير على اجتماعيات وتاريخ وجغرافيا ،،،اذكر لما كنت بالثانويه يعطونا علم اجتماع وعلم اقتصاد هالمادتين للحين موجودين والا شالوها ؟

 

[ذكريات عشاق]

الله يعافيج تسلمين حبيبتي ،،، بس جنا الوطن العربي اكثر من شي صاير على اجتماعيات وتاريخ وجغرافيا ،،،اذكر لما كنت بالثانويه يعطونا علم اجتماع وعلم اقتصاد هالمادتين للحين موجودين والا شالوها ؟

اي صح الوطن العربي يشمل جميع الجوانب جغرافيا وسكان واقتصاد وحروب

والمناهج اللي الحين بالثانوية للادبي

علم النفس
التاريخ الاسلامي واوربا
الفلسفة
الجغرافيا


وعلم الاجتماع لغو مافي جنه وحتى علم الاقتصاد

 

[jen2n]

بصراحه انا مو عاجبني ادرس المساند لاني مو متعمقه فيه عدل

 

[ذكريات عشاق]

لا بس اكيد بيعطونج فلسفه مممليووووووون بالمية

 

[jen2n]

ان شاء الله جان زين

 

[درة أهل الطولات]

ان شاء الله يعطونج اللي تبينه​

 

[بنات حواء2]

بصراحه الله يحرمني منكم و لا من ردودكم اغيب يوم و ارجع اشوف الموضوع متروس شغلات مفيده قواكم الله و يعطيكم الف عافيه جميعن
انا الحين مفكره اسوي وسايل عاه للخامات و الماركات
ناويه اصور بالخطوات و احط لكم عشان تستفيدون من الافكار بس قاعده ايمع الافكار عشان اركبها