كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[fri2010]

ان شاء الله يارب

نوم العوافي

 

[المؤرخة 2011]

مشكورة بنات حواء على الموضوع

 

[بنات حواء2]

ههههههههههههه
اي متني شنو الكويت كلها متان ههههههههههه عادي تضيعين
الحين الضعاف اهما اللي نخزهم :>

و الله يهديهم هالموظفات و الله كريم


و بنجرب سالفة تقدير الذات :>

بطاطس ليش هلحباط توني قمت البس ميديوم حرام عليج
خههههههههه
عاد يقولج المدرسه تمتن
الله يهديهم و يهدي الجميع يارب

 

[بنات حواء2]

ام زنوووب حبيبتي احلى واسطه دشي عالمراقب وحني فوق راسه انا سويت جذي
قالووولي المدرسه فل ماكو فايده وحياتج قعدت احن فوق راسه عاد تعرفين حنتي انتي لووووول
مفروض اتعين بطليلطه بس الحنه خلته يحطني بالعدان
وبعدي تعينوا ابلتين يعني لا يقصون عليج ويقولونلج فل
يلا تعالي مدرستنا خل نيننهن خخخ

انا بالحنه مافي مني ثلاث بس انا و الثانيه انتي
ههههههههههههههه
الله يسهل يارب و لا تنسي تدعينلي يارب الله يسهل

 

[بنات حواء2]

زعلانه لان اهلي يقولون امبين عليج ما راح تحبين الوظيفه وتقعدين اتحسفين وتقولين ردوني الابتدائي وليش تبين تشترين وسايل وادوات مكتوب وخرايط والمدرسه موفره ليش تقطين فلوسج عليهم

ليش كل هلتشائم
ليش جذي
مالج شغل بكلام احد لا اهلج و لا الناس
ولايهمج اي كلام
حبيبتي خليج واثقه بنفسج وقولي انا بكل مكان مميزه
لا تتشائمين و لا تعطين مجال حق اي احد يحبطج بالعكس اهلج لازم يشجعونج مو يكسرون مياديفج
وبنسبه للشرا مايصير لازم تشترين و الا اشلون بتتميزين و اهم شي شغلج باللابتوب و البوربوينت
والله يسهل عليج و تحبين وضيفتج و تتميزين
وفائلوا بالخير تجدوه

 

[بنات حواء2]

بنات ابي افكار لتزيين دفتر التحضير من برا

ابي افكار واقعية مو صور من قوقل لانها حلوة حق دفاتر او اشياء ثانية

اما دفتر التحضير يبيله شي تكانه و رسمي شوي

عطونا افكار :>

بطاطس شوفي الموضوع من اوله اول صفحات في وايد افكار و انتي و شطارتج

 

[fri2010]

اقول لهم المفروض منكم تشجعوني

يقولون مافيها شي هذا اخذ وعطى ووجهه نظر

وبعدين تشترين وانتي ما تدرين اي مرحله بتدرسين

ويقولون لو نقول حق الناس ان بنتنا قاعده تشتري اغراض المدرسه بيضحكون عليج!!!

 

[بنات حواء2]

المؤرخه حياج الله يالغاليه

 

[بنات حواء2]

اقول لهم المفروض منكم تشجعوني

يقولون مافيها شي هذا اخذ وعطى ووجهه نظر

وبعدين تشترين وانتي ما تدرين اي مرحله بتدرسين

ويقولون لو نقول حق الناس ان بنتنا قاعده تشتري اغراض المدرسه بيضحكون عليج!!!

شكووووووووووو
عادي كلنه قاعدين نجهز و مو مجبروني تقولون حق الناس كلام الناس لايزدي و لا ييب
انا كل ما اطلع و اشوف شي اخذه حق المدرسه عادي سواء ملابس و لا وسايل و لا بطايق عادي احسن مايصير الشي كله فوقه فوقه و تدودهين سأليني بالميداني اول 3 اسابيع كل شي فوقه فوقه و اله ماعندي وقت امشط شعري و لا اجابل ريلي و بنتي من كثر الضغط و 24 ساعه بسوق والله مليت جد جد ملل و تعب فجهزي كل شي مبجر و قعدي في بيتج انا هسنه طبقت هشي حتى على ملابس العيد و القرقيعان كل سنه حده حده و مدودها لا هسنه برواقه و من قبل رمضان بشهر خلصت نفسي و زنوبه و القرقيعان خلصته من 4 يوم من رمضان و و الله اني الحين مرتاحه نفسين و مااحاتي مثل قبل
واي لا تشوفيني السنه الي طافت و الي قبلها لي اخر يوم برمضان انا افتر بالسوقه و ماكو شي حلو اما الحين مخلصه و مفتكه

 

[fri2010]

لا بالنسبه للملابس الحمدالله سافرت شريت وايد اشياء حتى حق العيد اخذت

بس لاني مو تربويه ولا ماخذه ميداني

من جذي يقولون لي ليش تشترين الحين

عقب الدورة اشتري

اقولهم بيكون زحمه

يقولون ميخالف

كل هذا عادي بس

بس اللي ضايقني لما يقولون مو مصدقه تصيرين مدرسه

قاعده تزهبين الدوا قبل الفلعه

ان ما غيرتي رايج وقلتي ما ابي هذي الوظيفه تعالي جابلينا!
ونفسيتي قاعده تتعب بزود واحس ان حماسي خلاص قل

 

[بنات حواء2]

ماعندج سالفه اخذي بهلحجي و خلي
هشي محد يعرفه الا ربج اذا كنتي بتملين و لا لا
لا تصيين حساسه من كل كلمه ياما ياما بتشوفين الهوايل بتدريس

 

[بطاطا]

fri
الله يعافيج حبوووووووووبة

ام زنووووب
انا قاريته كله من البداية لي هالصفحة لا تخافين علي ام قليييييب ههههههههه

 

[بطاطا]

بطاطس ليش هلحباط توني قمت البس ميديوم حرام عليج
خههههههههه
عاد يقولج المدرسه تمتن
الله يهديهم و يهدي الجميع يارب

و الله تمتن
و انا متنت :>



لا تتحبطين عادي تمتنين و تضعفين بالعطلة و تمتنين بالدوام

 

[بنات حواء2]

بييييه عفيسه هذي امتن و اضعف يعني مافي استقرار بسايز كلش
هههههههههههههه
حلوه ام قليب عليج بالعافيه حبيبتي الي استفدتيه

 

[ورده جورية]

يعطيييييييييييييييييييييج العاافية صج صج صج مووووضوووعج قمه واايد استفدت منه :******* مشكوووورة

 

[بطاطا]

بييييه عفيسه هذي امتن و اضعف يعني مافي استقرار بسايز كلش
هههههههههههههه
حلوه ام قليب عليج بالعافيه حبيبتي الي استفدتيه

هههههههههههه

اي شفتي شلون

الله يعافيج حبوووبة

 

[fri2010]

حلوه الفكره

 

[fri2010]

دفتر تحضير حق ابلات الرسم

 

[بنات حواء2]

ورده جوريه الله يعافيج يالغاليه نورتي الموضوع
بطاطس منوره الموضوع يالغاليه حياج الله
فري مبدعه بصور الافكار حلوه وااايد غريبه عجبتني فكرت القفشه
بس احب انصحكم بخصوص دفتر التحضير حرصي ان مايكون عليه شغلات ملزقه او شي جذي وايد او زري لانه بيكون وياج على طول فحرصي ان يكون عملي و بنفس الوقت ذرب
مو خبه لانه كل شوي بيطيح شي وبيصير شكله مو حلو

 

[بنات حواء2]

فري ثينكيو عتوقيع جيكي عليه حدي مستانسه فيه و انشالله بصمم لكم توقيع يديد و قولولي رايكم فيه و حلالن بلالن عليكم جميعن