كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[بنات حواء2]

 

[بنات حواء2]

 

[LUXURY]

ماشاء الله يهبلووووووووووووووووووووووووووون ايننوووووووووووووون
تسلم ايدج حبيبتي واي فديتج
اكيد عادي تاخذين الافكار انا حطيتهم علشان افيدكم
ان شاء الله كل مايخطر على بالي شئ حطيته
والدفتر ماسويته امس بس اسويه اصوره

 

[درة أهل الطولات]

شلون اذا بغير الكلام اللي على الصورة

 

[المـــــها]

رووووووووووووعه
يعطيج العاااافيه حبيبتي​

 

[fri2010]

لكسجوري الادراج من جيان وفي اشياء عندهم احلى من جذي بعد

شكلي بشتري هالاشياء من فلوس العيادي ههههههههههههه <<<اكيد بتقولين للحين تاخذين

وانا بقوول يييييس وهذي طبعا اخر عيديه :/ لوووووووول

بنت حواء الافكار وايد حلوه وتينن بس لما كلمت بطاطا تقول بنات الثانويه كبار ما يهتمون بهذي الامور

يحبون الاشياء الحركيه والعروض اكثر

والا والله الاشياء وايد وايد روعه

 

[ذكريات عشاق]

ماشاءالله ام زنوب ححلوين تسسلم الايادي

فراي صح هالشغلات ماتهم بنات الثانوية بحكم انهم كبار ويبون شي غير
بس لو نيي لتزيين الصبورة بتطلع وايد حلوة وتفتح النفس

 

[fri2010]

صح كلامج ذكريات

واعجبتني فكره لاكسجوري ان تحط بطاقه فيها التاريخ فراغات فاضيه وتحط وتمسح الارقام

جذي بتكون مناسبه حق البنات اكثر

 

[ذكريات عشاق]

اي اي ححلوة هالفكرة
انا راح اسوي هالحركات اللي تخلي الصبورة حلوة ومرتبة وتفتح النفس
ووايد تلقين هالشغلات جاهزة بالمكتبات

 

[مريم ص]

قوه بنات
ماشالله عليج او زنوب
شغلج حلو وايد

و انا قاعده اشوف البطاقات و بناتي قاعدين عندي ولا يقولون ان ابلاتهم يستخدمون هذي البطاقات
بالروضه و الابتدائي

ممكن اخذ الاشكال استخدمهم بمسميات ثانية لبنات الثانوية
للقيم التربوية مثلا

 

[ذكريات عشاق]

صاجه مريم ص
ممكن انه نستخدم هالبطاقات بشكل ثاني يناسب الفىة العمرية للمرحلة الثانوية وبشغلات تخدم الدرس كذلك

 

[المؤرخة 2011]

السلام عليكم

اعجبتني هالفكره حق غلاف تحضير الاجتماعيات

ايشرايكم؟

 

[المؤرخة 2011]

حلوه الفكره حق ابلات الاقتصاد المنزلي

 

[ذكريات عشاق]

يعطيج العافية المؤرخه حححلوين

 

[بنات حواء2]

Luxury
حبيبتي تسلمين علكلام الحلو و على الافكار الحلوه مو غريبه عليج هذا خبري فيج من ايام مافروحه في بطنج اسمله عليها
ههههههههههههه
و بالعافيه عليج الصور و اي شي تبين لا يردج الا لسانج و انا بعد هلاسبوع بذن الله سبحانه راح اسوي ملفين و اصورهم لكم تستاهلون يالغاليين

درة اهل الطولات
حبيبتي اخذي الصوره و حطيها بالبوربوينت و ضغطي عليها كليك يسار اختاري من الاختيارات كلمة تجميع بعدين فك التجميع و شيلي الكلام او غيري انا دايمن اسوي جذي و تضبط بصور و البراويز المركبه و اي صوره ارت كليب اذا ماضبط وياج مالج الا الفوتوشوب
اوتدورين الصور بنت فاضيه

المها
الله يعافيج حبيبتي منوره يالغاليه

 

[بنات حواء2]

fri2010
صح الكلام الي تقولينه بس مايمنع انج تهتمين بالسبوره لانه الاهتمام فيها حلو لنفسيت الكل و اذا احد دخل عليج و شاف السبوره مو مرتبه بينتقدج فديري بالج من هشي ترى السبوره شي و الوسايل شي ثاني
بس انتي اختاري التصاميم المناسبه لا تختارين الرسومات اختاري الشغلات الي تعبر عن مادتج احترام لمرحلتهم العمريه او البراويز الكلاسيك و الشرايط و الورود الناعمه بالعكس انا ماشوف فيها شي بتخلي سبورتج حلوه لج ولهم و عليج بالعافيه حبيبتي



ذكريات الله يسلمج يالغاليه اوافقج الراي السبوره مهم تزيينها لاتستهينون فيه على بو ان ثانوي بالعكس اهمه يبون يشوفون هشي بس مثل ماقلت لفراي ابتعدي عن الرسومات شوفي التصميم الي سويته لكم ناعم و معبر عن الماده


مريم ص
ياهلا و يامرحبا افتقدتج هليومين بلموضوع بصراحه احب رايج
حلوه فكرتج حق القيم التربويه وايد تشوق
اذا تبين اي شي و اي تصميم قوليلي و لا يردج الا لسانج و انشالله بحاول اسويلج شي حلو كثر ما اقدر تستاهلين يالغاليه

المؤرخه
الصور تهبل و ناعمه انا احب الافكار السمبل
عجبتني الصوره هذي تسوينها مثل كتبيات تخدم الدرس
و بنفس الوقت تدوم و ماتخترب

تسلم ايدج حبيبتي و يعطيج الف عافيه علافكار الحلوه الي مثلج

 

[fri2010]

تدرين بنت حوا من سمعت بسالفه وحده من الابلات اللي معانا ان قطت وحده من الطالبات

هديه الابله على مكتبها قمت افكر بالفئه العمريه ما ادري شنهي الاشياء اللي تجذب اهتمامهم صج سن يحير

وكل ما اقول حق امي والا خواتي عن الافكار يضحكون علي ويقولون هذي مو سوالف بنات الثانويه :/

والحين بطلب شي ولا عليكم امر ويمكن انطق لووول بس ياليت مره ثانيه تعيدون علي قائمه بالاشياء اللي احتاجها بالتدريس

عشان خلاص الحين عرفت منو المكان اللي اشتري منه مو ناقص الا ازهب فلوسي واروح اشتري

فابي قائمه عشان ما انسى شي

 

[LUXURY]

فراي

وااااااااااي ما آخذ عيادي كانو ناطريني اوزع بس معاشي مخلص سويت روحي ضايعه بالطوشه
علييييييييج بالف عافيه
ان شاء الله العيد الياي
لزوم امرهم عيل اييبلي ادراج
امبييييييييييييه بناتي مبدعين بالنوم ماينامون كله قاعدين واتعب كله مواصله
اخرتي باروح مواصله عاد انا صايمه بينشف ريجي :\
وزين عجبتج فكرة كرت التاريخ لان صج السبوره عاليه مانوصللها :\

الحين انسخلج ردي مال الاغراض

فراي الحين انتي شنو شريتي وشنو ماشريتي؟؟
اكيد خذيتيلج ملابس صح؟؟
ما انصحج بلبس الكعب لان مع الوقفه والمشي والمناوبه ظهرج وريولج يعورونج
عندج آلدو جواتيهم وانتي بكرامه مريحه

اول يوم باشرت العمل ماخذيت شئ وانتي لاتاخذين لان ماعندج مكتب وموعارفه الوضع وماعندج مكان تحطين أغراضج
انا اول يوم يبت مكتب وعفستهم لووووووول حصلتلي وحده لوت بوزها وتحلطمت بس من اولها قويت شخصيتي مع اني قبل مو جذي
قامت تقط نغزات وتقول امبييييييه واي تغير مكاني ماني عارفه اقعد ولهت على مكاني قلتلها خير فلانه تبين مكانج؟؟ نبادل يعني؟؟ والا شنو بالضبط؟؟ قالت لا لا مو قصدي خلاص اتعود بعدين
وهذي يننتني من بد القسم حطت علي غيره وحش ووووو بس بالنهايه كل الابلات عرفوني وحبوني ووقفو معاي ضدها مع ان من وراي الحجي صار واخرتها يتني اخر الكورس اعتذرت وسلمت علي
امبيه دشيت من سالفه لسالفه خخخخخخخ

اوكي الحين نيي باللي تحتاجينه بالمكتب:
تحتاجين حامل اقلام (انا افضل مقلمه وتشيلينها معاج حصصج لان في ابلات لقافه ياخذون منج الشي وما يردونه)
خرامه - دباسه- الاقلام الحمره اخذي كرتون اقلام حمره بيك (اللي بيضيع واللي بيتسلفونه واللي بيخلص راح تحتاجين كرتون) - انواع مختلفه من المغناطيس - مساحة لوح لاتعتمدين عالصفوف بعضهم مافيهم والا مساحتهم هريانه - اوراق ملاحظات اللي تلزق (حق اذا بتكتبين سؤال فوق فقره بالدرس والا بتحطين ملاحظه بدفتر بنت وماتبين توصخين دفترها) - اقلام high lighter - اقلام لوح - اقلام رصاص - كوريكتر - مقص - صمغ - مساحه - برايه - مسطره شوي طويله تحتاجينها
ومثل ماقالت منال (معطر جو - معقم - مناديل ديتول - كلينيكس - علج اكسترا- بلاستر(ماتدرين سبحان الله شيصير) - بندول - ساعه (في بايكيا تصير تنحط على زاوية المكتب ونازله لي بره الحين احطلج صورتها بدينار و900 وفيها الارم تكون بدرجج ويمج وتضمنين محد يتليقف وياخذها ويمد ايده)

وطبعا يبيلج دفتر تحضير وصور معبره عن بعض الدروس مرات يطب عليج احد الصور تعتبر وسيله تعليميه او كره ارذيه او خريطه اللي يريحج

واذا ذكرت شئ بارجع اضيفه
اذا بتطبعين اوراق عمل الاوراق من القسم المفروض يشترونه من الميزانيه والتصوير من السكرتاريه


بنوته
ياااااااااااحياتي من طيب اصلج والله اخجلتيني
تدريني مادري اشيايني مااااااااااااالي خلق اسوي دفتري يمكن علشان النومه
البارحه نومت اليهال ونامو اسم الله عليهم عال12 منور قامت من ساعه تحوس بس ساكته وانا حاقرتها
ان شاء الله تتعدل نومتي للدوام

 

[LUXURY]

اي ذكرت
واذا انتي راعية جاي او قهوه نصيحه لاتييبين كوب!! ييبيلج الاكواب الورق من الجمعيه والقفاش البلاستيك وحطيهم بدرجج وييبي قهوتج معاج وجايج وشكرج المغلف حطيه بالدرج ومرات نشتري بسكوت والا كاكاو تختلف الاذواق كل وحده تحط بدرجهها
اذا القسم قطو قطيه للأكل دشي معاهم بس هذا لاختلاف اذواق انواع القهوه حطي شغلج عندج
لاتتنيحسين اذا احد يبي عطيه بس مو تحطينه بره ويخلص ثاني يوم وانتي شاريته من حسابج بره القطيه :\

 

[بنات حواء2]

فراي حبيبتي المرحله العمريه لازم نراعيها بطريقه صحيحه بحيث ماستصغرهم بس مانحرمهم من عنصرالتشويق بالحصه عشان مرحله عمريه بالعكس التشوي و تزيين الصبوره مهم اعتني فيها مافيها اي شي بالعكس تنحسبلج ايجابيه مثل اضافة فواصل عصبوره مافيها شي و ماله علاقه بالمرحله العمريه نهائيا انا اعرف ابلات بالثانويه مسوين فواصل و حركات صدقيني مافيها اي شي بالعكس تفتح النفسيه عسبوره حق الشرح
و اذا عندج اي سؤال لايردج الا لسانج
بنسبه للاغراض ماقصرت لوكسري بس انصحج انج تأجلينهم لي بعد ماتروحين مدرستج و تشوفين شنو المطلوب بالضبط




لوكسري
عاد تدرين امس قاعده افكر فيج اقول شلون بداوم و نومها جذي منعفس نصيحه عدلي نومج لا تتعبين وسوي الطريقه الي قتلج عليها سهري انتي و عيالج و لا تنامون العصر من يصير الساعه 9 او 10 بليل قطوا نفسكم بتنامون من التعب سيده و بتقومون مبجر و الله يعينج النوم لي نعفس صعب يتعدل انا عدلت نومي و نوم بنتي برمضان لاني حاسبه حساب الدوامات
الحين الساعه 9 او 10 كلنه علفراش
هههههههههههههههههههههههههه
و الصبح الساعه 8 او 7 قاعدين
اليوم قعدت الساعه 10 بنام لين اقول بس
ههههههههههههههههههههههههههه

تعالي صج بسألج بنسبه حق قطيت الاكل انا طبعي ما اكل و احافظ على جسمي ما ابي امتن لاني من اكل اي شي بسرعه امتن محسوبتج معقده من المتن ههههههههههههههه
فانا ما احب اكل اي شي احب اتريق سلطه او توست الي جاهزين من امريكانا او دايت كير و بعض المرات ما اتريق خير شر الا نسكفي اشلون ادفع وياهم و لا لا لانه بصراحه اذا بدفع وياهم ماراح اكل الا القهوه و الشاي و هسوالف و لا اكلي بييبه وياي
فشسوي شتنصحوني
انا اقول دامي بييب اكلي وياي يوم الي اشتهي اتريق قليش ادفع وياهم ايبب قهوتي و قلاصاتي وياي و السلام
شرايكم ؟؟؟