كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[fri2010]

لكسجووري لووول تدرين بالعيد قالولي دورج هالسنه وزعي عيادي :/

قلت لهم شنو !!! انا من وين لي!!

ردو علي انتو مو توظفتي بالتربيه @@

وااااي قلت لهم خلاص ما ابي عياديكم ولا هالكلام

جني صج داومت واستلمت راتبي !!

والله يقولون عادي عادي غشمره!!!

اما عن النومه امس نمت عقب صلاه الفير وتوني قعدت !!!

ما راح تتعدل الا لما ادوام



بنت حوا من وين اشتري الفواصل؟ ودي اشتري اشيائي بروحي عشان محد ينتقدني كل شوي

بس ما احب اطلع بروحي شسوي!!

وانا نفسج ما احب وجبه الريوق كلش ولا احب الريوق الجماعي

بس مثل ما قلتي مرات يطق ببالي ابي اشرب قهوه عصير اكل كاكاو فأشلون اوضح لهم هالشي؟؟

 

[بنات حواء2]

امبي كتبت رد و نزل و الحين انمسح
هههههههه
حده خواره
حبيبتي فراي
شوفي الفهرش الي انا مسويته راح تلقين فيه عن طريقتي في اعداد الفواصل و تزيين السبوره
شوفي طريقتي بسيطه و سهله وشوفي الاغراض و من الحين بلشي فيهم


بعد شوي بمر مكتبةالعجيري و بتشرى و برجع اصور و اجهز شغلي و براويه لكم

 

[بنات حواء2]

فراي انا بقولهم اني نباتيه و افك عمري من القيل و القال
ههههههههههههه
شرايج بالفكره
\؟؟؟؟؟؟؟؟؟؟؟؟؟؟

 

[fri2010]

ام زنوووب الافكار اللي سويتها وايد حلوه بس يحتاج وحده مبدعه وماهره عشان جذي ادور على الجاهز احسن

اما سالفه النباتيه والله فكره بس شنو يتريقون لحم ودياي اهما!!؟

اللي اعرفه فطاير سندويجات <<< لوول والا انا غلطانه؟

 

[درة أهل الطولات]

بنات نبي افكار

للعربي

يعني ابي تصميم بطاقات


الفريق الاول
الفريق الثاني
الفريق الثالث


شلون احطهم على تفس الصور اللي على شكل تفاحة وهالسوالف

 

[بنات حواء2]

ام زنوووب الافكار اللي سويتها وايد حلوه بس يحتاج وحده مبدعه وماهره عشان جذي ادور على الجاهز احسن

اما سالفه النباتيه والله فكره بس شنو يتريقون لحم ودياي اهما!!؟

اللي اعرفه فطاير سندويجات <<< لوول والا انا غلطانه؟

اهلين فراي
تعالي اليوم ذكرتج بالمكتبه في مكتبة العجيري فواصل جاهزه بس تحطين عليهم المغناطيس ب 1و شوي
انا خذيت منهم و بحطلكم الصور
بعدين ترى الطريقه وايد سهله لا تستصعبينها مايبيلها شي و الله

ههههههههههههههههههههههههه
حلوه اللحم و الدياي
و الله ما ادري صح النباتيه ماتنفع بيقولون ليش احنه شناكل مجابيس الصبح
هههههههههه
بس يعني البيض و المرتديلا و هشغلات ماتناسبنه
هههههههههههههه
امبي مت ضحك حسبي الله على بليسج
يبا انا بقولهم ماراح اشارك وياكم لاني امشي على نظام غذائي و انا نباتيه و بس


درة اهل الطولات هلا و الله حبيبتي ماطلبتي شي شوفي الي تبينه و انا حاضر اسويهم لج و انزلهم هني
بس اختاري الصور الي تبينهم و انا اسويلج عليهم
تقدرين تكتبين على اي صوره الي تبينه عن طريق الفوتوشوب او اي برنامج صور
ترى حتى البينت تقدرين تكتبين عصوره بس الافضل الفوتوشوب

 

[fri2010]

اهاااا عيل خل امر العجيري

والله ام زنوب حتى لو قلدت بيطلع مو حلو اعرف نفسي مافي عندي مهاره كلش

وتصدقين توني مريت المرقاب ونسيت اقول عن الفواصل بس حاطه ابالي اشتري سبوره وبس لووول

عاد انا متبتبه يعني ما ينفع اقول لهم نباتيه ههههههههههه

ماكو الا سالفه نظام غذائي لووول

 

[بنات حواء2]

فراي اي خوش قولي ريجيم

 

[بنات حواء2]

حبايبي
على طلب اختنه درت اخل الطولات
سويت كذا تصميم على شكل بطايق لتقسيمت المجموعات اتمنى يعجبونكم
لاكن حطيت اسمي و اسم المنتدى عليهم عشان انتو عارفين البوق الي قاعد يصير
كل الي عليكم تسوونه تاخذون الصوره لاي برنامج للصور و تحطون مربع ابيض و بتحديد ابيض على المربع الي مكتوب فيه اسمي و المنتدى و بجذي تصير الصوره نضيفه

وسويت لكل تصميم 4 فرق او مجموعات

هذي مجموعه ثانيه

 

[بنات حواء2]

مجموعه ثانيه

 

[بنات حواء2]

مجموعه ثانيه

 

[بنات حواء2]

و سلامتكم

 

[fri2010]

ويييه ريجيم وين اكل الريجيم بيقولون لوووووول

ماشاء الله ابداع واااايد حلو شغلج تسلم ايدج

 

[مريم ص]

قوه بنات انا اليوم جابلت شغل سجلاتي بديت اسوي الاوراق الاساسية لقسمي و ذكرتج ام زنوب باهداف مادة علوم الاسرة و المستهلك اليديدة بحطها لج يمكن ما مرت عليج من قبل

الأهداف العامة لمادة علوم الأسرة و المستهلك​

​

-1- تزويد الطالبة بالمعلومات والخبرات المتعلقة بشؤون الحياة المنزلية التي تساعدها على أداء رسالتها في الحياة لتكون عضواً صالحاً بين أفراد أسرتها ومجتمعها.

-2- تنمية الاستعدادات العملية لدى الطالبة وتدريبها على ممارسة العمل اليدوي واحترامه وفتح الباب أمامها مستقبلاً للاعتماد على نفسها في مواجهة ظروف الحياة.

-3- تكوين مجموعة من المبادئ والقيم التي توجه سلوك الطالبة الشخصي والاجتماعي وتنمي الإحساس بالمسؤولية لعضوية المجتمع مثل التعاون والنظام والاقتصاد وحسن التصرف .

-4- تنمية الذوق الفني عند الطالبات وتشجيعهن على تعليم دراسات مهنية واقتصادية لرفع مستواهن وتمكنهن من قضاء أوقات الفراغ بما يعود عليهن بالنفع والفائدة.

-5- تشجيع الطالبة على التعاون في العمل اليدوي الجماعي كما تساعد على إصلاح الكثير من العيوب النفسية كحب الذات والخجل وضعف الثقة بالنفس .

-6- تعويد الطالبات على العادات الصحية السليمة مثل النظام والدقة والنظافة والحنان والحب والمثابرة.

-7- إكساب الطالبة الخبرة والعادات الطيبة والاتجاهات السليمة كحسن التصرف ووضع الميزانية المنزلية والاقتصاد في الوقت والجهد والنفقات .

-8- تعويد الطالبة على التخطيط والتنظيم لكل عملية ، والقضاء على الارتجال والسطحية .

-9- الوقوف على ا الطرق الفعالة في الإدارة المنزلية، وتعويد الطالبة على الاستفادة من الدراسة العملية لإدارة المنزل التي توضح الأساليب المتمشية مع التطور الحديث، والتي يمكن أن تخفف الكثير من الأعباء.

-10-تنمية الروح الاقتصادية والجمالية لدى الطالبة بالإرشاد لكيفية اختيار الأنسجة والملابس، والتعريف بالطرق العلمية للعناية بها وصيانتها وعلاقة ذلك بالمظهر العام.

11--تعريف الطالبة بأنواع الأثاث اللازم للمكان طبقاً لاحتياجات الأسرة ومستوى الدخل والبيئة .

-12-تنمية ميل الطالبة إلى القراءة ومداومة البحث العلمي للاستزادة من المعلومات المختلفة .

-13-تربية الشعور الديني في نفوس الطالبات وإلزامهن بآداب الإسلام وتعاليمه .​

 

[درة أهل الطولات]

يا حيــــــــــــــــاااااااااااااااااااااااااااااااااااااااااااااااتي مشكورة

 

[LUXURY]

هلوووووووووو

حوا وفراي
عادي قولولهم محنا داشين بالحطه مو غصب :\
بطنكم والا بطنهم خوش والله

حوا الكروت تهبل جني باسوي مثلهم حق صفوفي اسويهم 3 افرقه واحط الكروت عاللوح وكل فريق يجاوب سؤال احط يم الكرت نجمه ونشوف اخر الاسبوع جم نجمه حصلو

 

[بنات حواء2]

فراي
الله يسلمج خو مو الا بس جذي ريجيم بالحجي ههههههههههههههههههه

مريم ص
بعد عمري حبيبتي مشكوره و ماقصرتي
و عساج علقوه
انا سويت عليهم كوبي و حطيتهم بالوورد
انا بعد جهزت اوراقي كلهم
و سويت جدول متابعه حق دفاتر البنات
و سويت جدول حق الحالات الخاصه احطها بعد كل صف
و جهزت اوراقي الي اول شي بالتحضير بحط عن تاريخ التعليم في الكويت عجبتني الفكره

بقيت استفسر منج على شغله و لا عليج امر
الورقه الي يكون فيها اسامي الطالبات لازم اتقيد فيها و لا اقدر اسوي جدول خاص فيني باساميهم ؟؟
لاني حابه اطبع اساميهم بالوورد و اسوي جدول خاص فيني و ترتيبه حلو شرايج؟؟ و لا اتقيد بالورقه مالتهم

درة اهل الطولات
عليج بالف عافيه

 

[بنات حواء2]

Luxury
ياهلا و يامسهلا
انتي وينج انا قلت نومج معفوس فوق حدر وشكلهم بناتج ميننينج بنوم
امس افتقدتج
هههههههههههههههههههههه
اي و الله صاجه بطني مو بطنهم
هههههههههههههههه

فكرتج حلوه تينن و مشجعه حق الطالبات
تقسمينهم افرقه و تيمعين لهم نجوم و كل اسبوعين تسوين لهم جوائز
خوش فكرررررررره

 

[LUXURY]

وي سكتي امس حدي متعسره نومي غلللللللللط
الحين صارلي يومين اذا صليت الفير اصحى
وصاجه بناتي ميننيني بس شسوي هاليومين احس اشوه من قبل
يعني عالاقل ينامون قبل ال12 بشوي ولا ينامون الصبح
بعد شوي باقعدهم اغسلهم واريقهم واجابلهم
كيييييييييييييييييفهم يقعدون ويلعبون لي بليل علشان ينامون مبجر
انا نمت يمكن 3 ساعات ووراي دوام بانام مبجر ان شاء الله

 

[بنات حواء2]

واي حبيبتي كسرتي خاطري
ييبيهم عندي اعدل نومهم
هههههههههههههههههه
و الله ترى انا معروفه بالعايله الي عيالهم يأذونهم يدقون علي شلحل
هههههههههههههههههههه
حتى اهل ريلي تخيلي ياخذون رايي بالموضوع
تعودوا علي
واي زنوب تحن تبي يهال و كاسره خاطري
تدرين الحين كبرت اسمله عليها و تقولي ابي بيبي يديد
عشتوا طولها شبر و تفهم تبي بيبي يديد
عشان تطلعله قرون من اول شهر بينطق منها

انزين ماقلتيلي بنوتج لصغيره وين بتخلينها لي داومتي ؟؟؟
انا زنوب بسجلها حظانه باجر ابوها الصبح بياخذها و بوديها يسجلها و بيفرها بين الحضانات و بينقي
اشوا شال عني الهم لاني كنت احاتي لمن اداوم الدوره منو بيمسكها
اشوا خذا اجازه و بيجابلها هلاسبوع
الله يخليهم لي بوزنوب و زنوب