كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[ذكريات عشاق]

بالعكس الاجازات اشرحوها لنا بالتفصيل لدرجه ملينا من كثر ما يكرر الجمله

 

[ماكو نك]

السلام عليكم ,, معلماات حبيت افيدكم بهالفكره مادري اذا مكانها صح او لاء بس حبيت اساعدكم

ويمكن البعض يحتاجه



ادراج من ايكيا تينن



وسعرها حددددددددده رخيص 12 دينار

وهذا لون ثاني



لاني صراحه وايد عجبوني وشريت الابيض لمكتبي ,,


وانشالله اذا شفت اي شي يتعلق بالمعلمات ووسوالف مكتب او افكار راح اسدحهــــــــــم هووون ..

 

[ذكريات عشاق]

مششششششكوووووورة

 

[تحت .. المطر]

أم زنوب

لا إله إلا الله تباااااااارك الرحمن .. ماشاء الله


الله يجزاااااااااااااج جنة الفردوس ، وكل اللي تتمنينه ويفرج همج ويسعدج دنيا وآخره اميييييييين يالرب العالمين:yaaaaaarb:


بصراااحة ابدااااااااااااااااااااااااع في ابداااااااااااااااااع


تقبلي مروري .. وللأمام دائما :eh_s(7):
​

 

[بنات حواء2]

بنات انا راح ادرس ثانوي تربيه اسلاميه

شرايكم بنظام الحصه ماابيه يكون إلقاء ومحاضره بيكون ممل

والثانوي كبار مايناسبهم وسائل وألعاب ومسابقات

ساعدوني شنو يطري على بالكم من أفكار

هلا و الله حبيبتي
لا انتي ممكن تتبعين وياهم اكثر من طريقه
و طرق التدريس وايد حبيبتي انتي لازم تدشين مشاهدات عشان تعرفين او تقرين تحاضير
عمومن مرحلة الثانويه ممكن تتبعين وياهم نفس طرق المتوسط و لاكن باسلوب اكبر
ممكن تعتمدين طريقة العروض من صوتيات او مرئيات مثل الايات القرآنيه تخلينهم يسمعونها بصوت قارئ
او فيديوات فيما يتناسب مع درسج
ممكن مجسمات و تشرحين عليها
البطاقات
الالغاز
القصص
كلها مناسبه و تجذب الانتباه
و انصحج راجعي فهرس الموضوع او تابعي الموضوع من اول صفحاته راح تلقين افكار وايد مفيده لتخصصج
و بتوفيق حبيبتي

 

[بنات حواء2]

جنون
الاجازات اي تهنه كل شوي كلام
مادري عمومن لا تحاتين لمن نداوم و نعيش الواقع راح نعرف الي لنه و الي علينه
و على طاري الاجازه الدراسيه كل شوي لهم حجي و قانون
ناس يقولون سنتين
و ناس ثلاث
و ناس خمس
ماعرفنه الحين اي وحده فيهم الصح
بس انا برايي على حسب واسطتج اذا قويه
مو مطلوب منج خدمه حتى يوم
و اذا مو قويه سنتين
و اذا علماشي 3 سنين
و اذا ماعندج قعدي 5 سنين و يمكن يخلونج و يمكن لا
ههههههههههههههههههههه
هذا من الي شفته من عمايل الواسطات
ههههههههههههههههههه
و الله يوفقنه انشالله


ذكريات
حلو انج استفدتي من الاجازات ياريت تلخصين لنه الي فهمتي هني و لا عليج امر عشان يكون مرجع لنه
و يعطيج الف عافيه


ماكو نك
الادراج تهبل بصراحه و مقاسها نايس و سعرها حلو بس تصدقين ماحصلت منها بايكيا يمكن يددد توهم
و تسلم ايدج حبيبتي
و حياج الله منوره الموضوع

تحت المطر
حبيبتي يسلمو علكلام الحلو و لج بالمثل يالغاليه و والله هذا الي ارجوه من هلموضوع الدعوه بظهر الغيب
و ان يكون لي هلموضوع عمل خير للكل و يستفيد منه الكل
و يعطيج الف عافيه

 

[ذكريات عشاق]

هلا والله شلونكم
بخصوص الاجازات احنا وزعوا علينا مذكرة يمكن 15صفحه
الاجازات عندج عرضي 4 ايام وممكن توافق عليها الناظرة وممكن لا(يومين للكورس الاول ويومين للكورس الثاني)
واذا غبتي اكثر من 20 يوم بالشهر حتى لو ايام متفرقه هم تنحسبلج وتنخصم من معاشج خاصة اذا كانت بدون عذر
اذا سفر للعلاج بالخارج خاصه اذا كنتي مرافقه 6اشهر تنحسب بمعاش بس ال6اشهر الثانية بدون معاش
اذا غبتي اسبوع كامل بدون ماتبلغين احد يعتبر انقطاع عن العمل


وبعد لاننسى الاستئذانات بس كثرتها مو زينة لج


اتوقع هذي اهم الاشياء اذا تذكرت راح اكتب لكم

 

[fri2010]

انا اشوف ماله داعي تفرغ دراسي الا في حاله مناقشه الرساله

اما اذا بس محاضرات وامتحانات عادي

ويقولون الدراسات العليا وقتها العصر ومو كل يوم حتى

فالله اعلم

بنات يعني شنو عرضي

والاستئذانات بو ساعه تعتبر جزء من العرضي ؟

عندي مراجعتين شهر 10 و11 :/

 

[ذكريات عشاق]

العرضي اتوقع اي مثل الاستئذان

 

[LUXURY]

هلووووووووو

ادري حدددددددي مغبببببببره بس شسوي امبيه طول اليوم دايخه ما انام الا 3 ساعات مرات اقل واداوم وارد ما انام العصر اجابل اليهال
اليوم رحت افرفر عالمكتبات ابي الخرامه اللي تخرم على اشكال بس تكون شوي كبيره عيزت احوووووس مالقيتها
لقيت بتروفاليو تصير متوسطه يعني اذا سكرتو صبع السبابه مع الابهام بتسوون دائره يطلعلكم حجمها
انا كنت ابي اكبر
المهم رفيجتي قالتلي عن مكتبه حق ابلات الانجليزي بالمثنى اسمها teachers sellers
موجوده بالدور الثاني
توننننننس بس برايي انها تناسب اغلب شئ حق ابلات الابتدائي والتاسيس اما المراحل الاكبر مو وايد لكن يظل الشغل من ابداع الابله

جداول الزقهم اول صفحه من دفاتر البنات اكتب فيهم تواريخ التصليح علشان لما احد يدش علي يشوف الدفاتر مايقولون مو متابعه الطالبات

هذيل بوردر بس عرضه تقريبا متر ورق مقوى في منه اشكااااااال والواااااااان تقدرون تحطون وراه مغناطيس تسوونه فواصل للسبوره

طوابع باسوي منهم كارنيهات للبنات واللي بالنص اوراق ملونه واللي عاليمين فواصل كتب باشجعهم عالقراءه عشتو

اوراق ملاحظات وطوابع عاليمين

طباعات على عبارات بدال لا اكتبها بخط ايدي بس باروح اشتريلها حبر مالقيت احمر

اشراااااايكم

 

[اشكرك ربي]

الله يعطيج الف الف عافيه خوش موضوع ومفيد حبيبتي

 

[بنات حواء2]

ذكريات
ثينكيو بعد عمري علمعلومات و حلوه فكرت المذكره احنه ماوزعوا علينه
المفروض الاجازات تتوزع باوراق مطبوعه احسن

فراي العرضي حق اي شي طارء يحصلج

لوكسري
يه يه شنو هسنع هذا ماشاء الله تبارك الرحمن
صدق من يقول من طول الغيبات جاب الغنايم
حبيبتي انتي انا حاسه فيج و حاسه بتعبج
الله يعينج من داومتي اسبوع و لا عدلتي نومج حرام عليج عدليه عشان ترتاحين
بس اغراضج مو صج تهبل
اتمنى من كل قلبي انج تدرسين بنتي لانه جد جد ماشالله عليج مبدعه
الانجليزي ماده ممتعه و تهبل بس كله بيد المعلم
و ماشالله عليج هقوتي طالباتج يموتون بحصتج لانه جد فناتقج تهبل
الطوابع مو صج
الحبر الاحمر تلقينه بمكتبة العجيري بوكس صغير يتصكر و يتبطل
الله يوفقج يارب و يقدرج على هلمهنه و يعطيج الف الف عافيه و تسلم ايدج جد شغلج نايس ماشاء الله تبارك الرحمن مبدعه


اشكرك ربي
حبيبتي حياج الله منوره الموضوع يالغاليه

 

[fri2010]

بنات ابي حل
آليوم التوجيه قالو لنا ممنوع التحضير علي الطالب وممنوع تحضير علي ورقه
وحطو خط احنا تخصصنا تاريخ يعني معلومات وايد
الحلول اللي قالوها التوجيه ما أقنعتني

فشنو الحل؟

 

[بنات حواء2]

فراي
اذا ممنوع التحضير
فمو ممنوع القرائه
قولي لهم اقروا هدرس
مافيها شي
شفيها التحضير مافي شي بالعكس مفيد

 

[المـــــها]

luxury
ما شاء الله شغلج يفتح النفس
موفقه يا عمري

 

[fri2010]

بنت حوا فهمت الحين ليش ما يبون نقول حق البنات نحضر

بس انا ما ربطت السالفه الا توني


قالو لنا لا نقول لهم حضرو

علي شان نستخدم طريقه التدريس المجموعات والتعلم التعاوني

 

[بنات حواء2]

شوفي
اهمه مايبونهم يحضرون
لانه بعض المرات التحضير نفسه يضيع الطالب
فاهمه
و بعض المرات يطلبون منج تصحيح معلومات بلكتاب او حذف جزء من الكتاب
فحرام الطالب يحضر شي اصلن مو وياهم
لانه اغلب الدكاتره بالكليه ماكانوا يخلونه نحضر يقولون هشي يضيع معلوماتكم
فصدقيني في هدف احنه مانشوفه اهمه يشوفونه و بتأكيد لصالح الطلبه
لاتحاتين حبيبتي

 

[بنات حواء2]

المها حياج الله حبيبتي وين هلغيبه
اي و الله صج اغراض لوكسري تهبل ماشالله

 

[فله]

يعطيج العافيه

 

[بنات حواء2]

فله
ربي يعافيج يالغاليه